茶餐廳2.0 (已結業)

年三十晚團年，反傳统，食西餐全隊十人南瓜蟹肉湯美味三文魚沙律新鲜，菜尤其清新猪仔骨 颇辣，喜辣的至愛牛扒和洋扒鬆化，肉味十足意粉質感很好，醬汁美味甜品脆糖布甸蛋太豐富了

茶餐廳2.0難得放假，當然係帶媽媽好好食個LUNCH啦。岩岩又新開左間新餐廳當然要試下石窩日式雞扒湯烏冬配迷你雞蛋仔雪糕好正啊！熱辣的石窩，加上大大件幾好食內有外脆內軟的同時又保留到雞扒嘅鮮嫩肉質內有外脆內軟的雞扒及有咬口的烏冬，仲有嫩綠蔬菜。跟餐：迷你雞蛋仔雪糕，溫度好岩，雞蛋仔中間嘅口感好煙韌雪糕好好味雞蛋仔脆卜卜，雪糕凍冰冰，即清新味覺所以我最愛這個感覺,食落好幸福奶油脆豬食完仲係好肚餓，最後叫左個奶油脆豬食，好好味，夠熱又夠脆

想欣賞獅子山唔一定要去行山嘅，呢間位於黃大仙嘅茶餐廳2.0，喺戶外雅座就可以望到整座獅子山。巴基斯坦羊腩飯 $88羊腩夠腍，咖哩味又香又濃，伴飯一流 巴馬臣芝士珍珠帶子天使麵$62呢個天使麵要大讚呀！麵質軟硬適中，白汁份量唔會太多，各方面都恰到好處。雪糕鮮果雞蛋仔$58 烘得夠脆，粒粒都有軟心，唔係空殼。西多士$29 西多士炸得乾爽，唔會油淋淋，花生醬夾心加上牛油糖漿， 絕對係無法抗拒的滋味。獅王舞影$30，雪糕紅豆冰 $30(正價飲品減10蚊)

係有裝潢既茶餐廳【酥皮濃湯】加左$10是日例湯再加$15升級一上黎有好香牛油味，將d酥皮拌入湯內，口感天綿密，湯汁天稠密，仲有香濃既酥皮味。【馬來西亞咖哩牛腩】$78咖哩好香濃但都幾辣下，牛腩都夠軟淋，可以揀飯/意粉/薄餅，雖然薄餅好好食又好夾，但係吾夠飽。【乾炒牛河】$68先讚下呢到既牛肉先，大大塊又多，成碟野勁有鍋條，河粉條條分明又有味道，加埋韮黃芽菜口感好好。【芒果派對】$30【特濃朱古力奶昔】$35

是日出發去港島參與活動前來了吃左個晚餐咁岩係附近買完嘢，經過呢度比佢坐室外既環境吸引住，可以坐室外之餘，原來可以望到獅子山😱😱😱😍--晚餐選擇好多元化，中式、西式， 小菜、蠟味飯、意粉、牛扒，甚至石燒系列都有款式花多眼亂～～～-最後最後，十五十六左一輪，決定點石燒美國安格斯肉眼扒，足十安士😍不過就選擇左碟上，方便又唔驚食得狼狽牛扒石燒得嫩滑，牛味出眾唔錯！大大塊既扒餐又有質素👍🏻👍🏻-再點多個香港地道既代表：黯然銷魂飯叉燒煎蛋配上秘製既豉油，夠哂港式風味麻甩得黎我鍾意❤️ $58望住獅子山，食黯然銷魂飯，呢份味道只能夠香港先有～-見到酥皮湯，加配只係加$15又有咩理由唔叫埋🤭🤭外脆內軟，紅湯白湯任君選擇高汁高汁！-呢間茶餐廳，叫得茶餐廳2.0，果然係進化版茶餐廳要豪食要平食都可以，而且係抵食🤡

見到之前嘅cafe轉營變左茶餐廳， 價錢好親民， 唔怪得有咁多街坊食啦， 8點同媽咪黎到， 都勁滿座，仲要頗頗入客。 最抵食莫過於呢個小菜套餐， 包兩個小菜、兩碗白飯、兩客例湯， 仲送一份清炒時蔬， 都只係$168起，超值呀！😎 例湯有南瓜忌廉湯或羅宋湯， 羅宋湯好足料，酸甜微辣，惹味！ 南瓜忌廉湯清清地，南瓜味唔算好突出。 沙拉骨 份量好多，一份差不多有6、7件， 沙拉醬均勻地沾上每一件排骨， 排骨少骨多肉，正！ 🌟推薦❗️金菇肥牛煲（+$30） 原個石頭鍋上陣，可以相機食先之餘，仲好保溫！👍🏻 肥牛份量好多， 肥瘦適中，肉香有嚼勁，食得出唔係便宜貨， 金菇、粉絲都好足，吸晒沙嗲汁嘅精華，好入味。 我地仲加左份慢煮牛腩（$78） 巴基斯坦咖喱香而微辣，幾惹味， 牛筋腩份量幾多， 不過唔係好夠腍， 同我心目中嘅慢煮有少少出入。 清炒時蔬 如果只係清炒或烚唔打芡會更加好， 因為打左芡嘅菜感覺無咁健康。😟

呢間野既食物唔算貴，而且份量都幾大2.0極品炒飯先係個例湯是這家餐廳的特式炒飯，用的材料包括左有鮮蝦和蛋白，非常香口整個飯都幾大份，可以分到約3-4碗飯，而且炒到岩岩好，唔會太dry干炒牛河要試一家餐廳廚師的技術必須要點一個干炒牛河試試！呢個干炒牛河香既牛肉味同醬油味肉片size算大！食落口感不錯法式焗田螺叫左呢個法式焗田螺，一客有6隻，店家仲好貼心比左個專門食田螺既工具我地食螺肉加埋薯蓉食個口感同味道都很讚！Asahi加埋杯啤配田螺勁chill

這家餐廳位於的不是比較旺的黃大仙地區但反而就像鬧市中的綠洲一樣，繁喧中的一點寧靜在室外地方還可以看到獅子山餐牌上的食物包羅萬有而且價錢唔算貴, 份量又幾大的我點了的有海味什菜煲呢個海味煲份量都幾大，有魷魚，香菇，蝦乾，青口，雜菜等等連湯都可以飲埋的！！好香既海鮮味道慢煮牛腩好細心的飯同餸係分開上，慢煮既牛腩會比較淋滑同入味，感覺都快要同咖哩汁融成一體味道不錯，撈飯食成個口感同味道都是很香的牛腩味道！完全不打渣

咁岩同老公去開黃大仙現崇山搵朋友，做完正經事之後就係附近搵野食見到一間看似cafe既餐廳，中西菜都有，好吸引！望真d，原來叫茶餐廳2.0，但一d都唔茶餐廳wor裝修好有cafe既格調，仲有戶外位店員話日頭坐係戶外位，仲可以睇到獅子山，獅子山精神，真係要為香港人打下氣！Tiffany blue既裝飾，空間感十足既坐位，坐得好舒服！新推出既冬天套餐，見到都暖笠笠老公叫左 巴基斯坦羊腩賣相好得！食落堅正宗咖哩夠辣，一向對咖哩挑剔既老公都讚好食羊腩足料，又煮得夠耐，好軟身，好好食加埋少少薯仔，咖哩撈飯，好開胃！另一款送飯一流既中菜煲- 荔芋油鴨煲上菜既時候仲係熱辣辣，店員好好心咁提醒要小心熱！順帶一提，少有地茶餐廳既男職員可以咁有禮貌，為服務加左少少分！夠哂粉既荔芋配白飯，超好食加埋足料既油鴨，好難得cafe既環境，但以茶餐廳既價錢食飽飽仲有驚喜特飲-莓莓仲夏，跟餐只係加$20大大杯，頸吸睛芒椰派對都唔執輸兩杯特飲放埋一齊，天下無敵！雖然味道對老公黎講係偏甜，對我黎講係可以接受，係冬天飲沙冰特別爽不過飲得太多凍野，都想飲返d熱野，對自己個胃好返d叫返個酥皮湯就可以滿足我任性既願望中餐加$10有

今天在黃大仙現崇山商場地下的一間茶餐廳享受下午茶，很特別，因為他的名字很時尚，好像有很多版本一樣2.0，非常有趣。餐廳分兩部份，可以坐在餐廳裏面，享受冷氣和環境，亦可選擇坐在戶外，最特別的是你可以在戶外享受獅子山的景色，心情令人非常心曠神怡、又舒服，一陣陣的風吹在臉上的感覺已經沒有很多餐廳能夠有這樣的景色及格局可以去享受， 真是一個傾計聚會的好地方。主食：南瓜海鮮焗飯$88*****南瓜融入海鮮飯裏，吃相非常配德國鹹豬手$168***小食：芝士焗西蘭花$48*****芝士融入西蘭花的味道真的令人回味無窮飲品：黑牛和白牛*****雪糕和飲品份量剛剛好，不錯不錯

黄大仙街坊覓食第二擊，由黃大仙港鐵站D1出口到達現崇山，來到茶餐廳2.0的新分店，這間親民茶記裝修有驚喜，剛好日落時分來到，餐廳外正正對住獅子山嶺，如果假期來嘆個午餐或下午茶欣賞日落獅山也不錯。室內雅座，室外茶座有電視靚位，高質推介的品牌式中西茶餐廳。Menu有齊中餐、串燒石燒A4和牛、安格斯斧頭扒、濃湯泡飯、濃香巴基斯坦咖喱、小菜炒粉麵及雞蛋仔pizza.海鮮龍蝦湯泡飯用上石燒碗裝盛的泡飯，上檯滾得熱辣辣，是寒冬的推介佳物，新鮮龍蝦熬製的上湯，鮮香甜美，飯粒軟熟加上附送的飯焦，又軟又香脆增加口感，層次豐富。鮮蝦份量充足，鮮味與飽肚感令人滿足。升級套餐羅床湯特飲加$20乳酸梳打賓治，酸甜美味，開胃消滯。足料羅宋湯酸中帶甜，椰菜薯仔紅蘿蔔牛腩粒材料齊全。薯蓉焗田螺跟餐+$25推介必加的一款小食，大大粒原隻田螺，配上焗得香滑的薯蓉， 非一般茶餐廳能夠有的原汁原味質素，建議將田螺釣出後再約殼內的肉汁倒出，連同有牛油香味的薯蓉一齊食，正到不得了。餐廳定位中高，性價比高得合理，價錢已包免加一，是黄大仙區不錯的選擇。👅美味: ⭐️⭐️⭐️⭐️/5✨環境: ⭐️⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️

獅子山下的悠閒午餐，户外的座位非常舒服，特別係呢D天氣，在呢間餐廳食野加休閒地傾下計，真係一流。下午茶餐時間，我同朋友都未食LUNCH, 所以就一於食個大既TEA先，見到有德國咸豬手好吸引，所以就點左一份~哇好大份呀~~~在獅子山下食呢個咁正既豬手，真係別有一番風味。豬手好香脆，而且啖啖肉，真係好正，另仲有配埋意粉，真係大件又抵食~!另外食店有好多焗飯選擇，呢個芝士粟米吞拿魚飯，好香芝士味。而且賣相真係非常之好，食落個味道都好，不會太咸，汁既濃度剛好。而且仲有餐飲~歎番杯香濃熱咖啡~!最後雖然好飽，但係都要叫一個甜品~~~OH~~是雪糕雞蛋仔，新鮮整起好好食，非常香的蛋味~~超愛呢個港式小食整體呢個餐廳好特別，既有戶外座位，又可以欣賞到獅子山的靚景，仲有咁多食物款式，下次可以再來~

約朋友食飯聚腳，例牌都係openrice咗先。見到呢間門面幾吸引就揀咗去。少去黃大仙，當然靠google map搵路啦，又估唔到都近地鐵站，行到去見到個門面又真係幾靚喎！有露天茶坐，又有得叫酒飲，啱晒需要呼吸嘅朋友。不過今日稍涼，都係坐入去了。可能因為係星期一，少人出街食飯，所以同朋友可以靜靜地、慢慢地傾住食。餐牌有好多吸引嘅菜式，朋友爽快地揀咗推廣價$168嘅石燒A4日本和牛片+特濃朱古力奶昔，我就揀咗鮮鮑魚石窩雞煲+酥皮忌廉湯+黑牛。先黎用英式點心架裝住遍佈雪花嘅和牛，格外有氣派。朋友職業病起，手機先食影到product相咁。影得嚟，塊石都凍晒啦，咁多塊和牛，擔心一塊石唔夠用，幸得侍應哥哥溫馨提示：凍咗可以再換。石燒和牛可以自己控制火候，成熟度可以隨個人喜好，可以整埋飯焦/炒飯，玩味濃。和牛重點: 少血水、油脂感平衡、厚薄適中易控制。我嘅石窩雞煲同樣係石燒類，可以自己控制火候。我刻意唔搞勻，可以食到邊位有焦香，中間有嫰滑，好在廚師已整到啱啱熟，如果唔係就中間生了。另外雞煲調味適中, 主要靠薑蔥蒜爆香出味, 又唔覺外加味精, 送飯一流。餐廳用鮮鮑好夠誠意，但係個人覺得有點過韌。酥皮忌

可能我真係好少食肉眼扒（$188），見到有舊好大舊肥肉, 大約成塊扒嘅三份一至 四分一咁大，服務員話係正常， 所以唔中食肥膏嘅人就唔好叫肉眼扒了， 要揀西冷， 肉質麻麻， 可能係價錢關係。 仲有叫松露帶子意大利飯（味道正常， 帶子係迷你帶子仔， 味道大家可以想像到） ，卡邦拿卡意粉（比較亁身如果多汁D會更好），豬手個皮唔夠脆， 肉就偏咸少少。 不過都算正正常常。 如果住附近嘅人諗唔到食咩都可以去下， 不過就唔建議大家食牛扒類了。

今日放假行經現崇山醫肚，樓下位置有間新開的茶餐廳，試下質素先煙三文魚蟹籽雜菜沙律份量破大，配上日式胡麻醬蟹籽包裏住三文魚，放進口裡泊泊聲爆開飲杯莓莓仲夏清新下心靈，莓莓帶點微酸又幾好飲我就鐘情焦糖咖啡，焦糖味唔太甜，咖啡夠香濃，可以為我心靈支持，因為真係無諗到茶餐廳都可以飲到咁高質的咖啡澳洲西冷扒配意粉，意粉ge著法我幾喜歡，因為佢唔係白烚意粉，而係做番茄汁，有營養價值，值得加分今次配蒜蓉汁，西冷唔會煎得過火，入口有很香的牛味坐位幾闊落茶餐廳價錢，高級餐廳質素，超值