茶餐廳2.0 (已結業)

放工同男朋友留在荃灣區搵食，因為落雨所以就去咗愉景新城，之前好似冇見過呢間餐廳，應該是新開的，我哋最鍾意試新野!!環境是名副其實茶餐廳格局，但勝在地方夠大坐得舒適，打開餐牌選擇都好多，有晚餐有小菜套餐有常餐有咖喱有鐵板餐! 男朋友揀咗晚餐A-菠蘿海鮮炒飯($58)，海鮮炒飯嘅海鮮包括魷魚蜆肉同大蝦，呢個飯食落一啲都唔油，味道唔會太濃，菠蘿甜甜地很醒胃，食到最後隻碟都唔會有好多油，其實喺茶餐廳食炒野，最怕就係多油，呢一個咁少油係會加分嘅。時不時聽到沙沙聲係鐵板嘅聲音，受唔住引誘叫咗個海陸空雜扒餐($88)，跟餐要加$10有埋湯同飲品，呢個鐵板餐有大蝦火腿煙肉雞扒豬扒，非常豐富，豬扒雞扒口感不錯，大蝦新鮮爽口夠大隻!