茶記研究所

营业中

休息中

今天有啲小感冒，所以請咗病假喺屋企休息，下午食咗藥就直接瞓到夜晚，起身後肚子就咕咕叫，真係餓到唔掂，所以就出咗去附近睇下有咩好嘢食補償一下體力。喺油塘區搵到咗呢間冰室，成個樣睇落就好似新式嘅茶餐廳，裝修比較高級同埋比較光猛。呢間冰室嘅環境真係幾舒服，燈光柔和，座位又夠闊落。晚上的時間人流係幾多嘅，所以我都大概等咗一陣先有位坐。我叫咗一份美國安格斯肉眼鐵板餐同一杯凍檸茶，所有鐵板餐都有配一碗羅宋湯，真係啱晒我呢種食欲唔係咁好又鍾意飲湯水嘅人。呢份鐵板餐嘅肉眼🥩煎到啱啱好，有啲焦香嘅味道，肉嘅質感亦唔會太乾，內嫩鮮甜，再加上黑椒汁，味道濃郁又有啲微辣。煎蛋煎到個蛋黃仲係流心，配埋炸到金黃香脆嘅薯條。仲有啲蔬菜，食完唔會覺得太膩。至於羅宋湯，酸酸甜甜，仲有好多蔬菜，飲完暖胃又精神咗好多。凍檸茶🍋就唔使多講啦，應有嘅味道都有，算係好飲嘅，檸檬同茶嘅分量啱啱好，希望可以補充到Vitamin C，俾我早啲康復。呢份餐我係食到滿滿意嘅，又唔會覺得太飽，肚子就覺得啱啱好！！哈哈鍾意食扒嘅朋友，絕對值得推薦過嚟試一試！呢度嘅扒配埋嗰啲黑椒汁真係好味。服務員嘅態度亦都好好，好有禮貌。

環境：今年才新開的，清潔衛生，面積不大，大多是2人小枱，全場只有4張4人卡座，適合1-4位顧客光顧服务：8點前，早餐时段，樓面只有一位待應返工，这情況不是偶然的，我眼看已經2次（我只光顧2次），有的顧客不肯自助落單，有的要求杯熱水，有要顧收錢，又要顧外攞，看她有點吃力，待應都能保持笑容和有禮，但亦會影響顧客的心情食物份量足，食品質素佳，廚房水準穩定和速度快，奶茶香滑，茶味有層次，特別一提，熱咖啡（美式），需要額外多付＄18的。

喺社交平台上見到有人討論呢間新嘅餐廳，有人話好食有人話唔好食，像我呢啲敢死隊，反正今 晚有空又冇嘢做，決定嚟試一試睇下到底味道如何。我嚟評價一下成個環境，燈光好足好亮，成間茶室用透明玻璃嚟設計，從外面可以一眼睇晒入面 嘅內觀，我覺得真係可以稱得上係Cafe級別嘅裝修。和舊式茶餐廳好唔同，令人感覺好舒服。最重要係唔會畀人鬧 。😂😂服務態度方面都唔似其他人講嘅員工好新唔知做緊咩，手忙腳亂嘅，可能已經過咗一陣啦，佢哋 都已經上手。感覺全部都做到好熟練!所以有時候都要俾人哋改變嘅機會。我叫咗一份雞扒鐵板餐，88蚊，有配一碗羅宋湯同一粒包配牛油。雞扒煎到啱啱好，皮脆肉嫩，單 睇樣已經覺得好多汁，主要係搭配洋蔥汁，洋蔥汁淋喺雞扒上面真係好搭，唔會覺得奇怪。羅宋 湯有少少酸酸地，都好開胃。仲有一粒太陽蛋，我睇到佢真係好想整破佢再淋喺雞扒上面，哈哈! 炸薯條都好脆，唔會冷冰冰同軟綿綿嘅感覺，整體我覺得可以俾到90分!值得推薦 !!😋凍檸檬蜜糖咖啡嘅味道真係幾特別，檸檬嘅清香同蜜糖嘅甜味中和咗咖啡嘅苦澀，飲落去有種清 新嘅感覺，隨之而嚟嘅係咖啡嘅濃郁苦澀，味道層次分明。真係一個幾有創意嘅飲品。老實講，我

今晚嚟到位於油塘的「茶記研究所」，一間出名嘅茶餐廳，👾👾人氣極高。一入到店就見到各式各樣嘅茶餐廳美食，令人食指大動。📷真係好期待今晚嘅晚餐！🤖 同男朋友一齊去，我哋都係啲好地道好貼地嘅情侶，平時食飯唔一定下下都要食好貴，最緊要係好食，所以茶餐廳都係我哋經常知佢嘅飯堂之一，呢一間新開嘅茶餐廳都係第一次去，但係我哋食完之後都覺得係值得再次返頭的！！今次最想推介嘅就係茶記研究所嘅大滿足雜扒鐵板餐!!!超值得！$98一個嘅套餐就可以盡享多款經典茶餐廳菜品！跟住就係大滿足雜扒鐵板，豐富嘅雜扒滿足你所有對美食嘅想像，每一口都是咁滿足感，正！🤡 我自己勁鍾意食呢一度嘅豬扒，豬扒非常之吸引，而且呢度嘅豬扒做得好厚身，同埋肥瘦適中，完全係有豬腩嘅香味，亦都保持到豬肉本身嘅口感，真係非常之高質，估唔到一個雜扒餐入邊嘅豬扒係咁好食，推介大家都可以試吓另外都好想 介紹一下嘅就係呢一度嘅餐飲，我自己係第一次叫呢一杯凍檸檬蜜糖咖啡，真係呢餐飯其中一大亮點，醣分剛剛好，清新檸檬與蜜糖交織出來的甜味，真係一試難忘，估唔到檸檬蜜糖再加咖啡係咁夾，下次可以返屋企自己都試吓整！ 鍾意飲咖啡嘅都不妨一試，係有驚喜嘅! 唔伏嘅

外地嚟嘅朋友話要試下我哋local嘅食物喎，我就諗起有朋友推介呢間喺油塘新開張嘅新式茶餐廳，入面賣嘅都係香港經典美食。我哋就抱住試試嘅心態去試啦～一到，我朋友就問我係咪點佢，佢話同佢喺港劇睇到嘅茶餐廳唔一樣😹😹 店鋪裝潢非常溫馨亮白，位置都唔少，可以容納好多客人但係又唔會擠迫。仲有可愛嘅插畫都畫住港式料理，好得意😍 Menu都好豐富，多種選擇，仲有英文翻譯添～👌🏻🌟大滿足雜扒鐵板餐🌟鐵板熱辣辣，淋上黑椒汁落去滋滋聲都幾療癒😹 底層仲有薯條同蔬菜墊住，我朋友睇到都嚇咗一跳，配料十足仲好大份！配餐仲有例湯同麵包，麵包擦上牛油再淋少少黑椒汁真係正👍🏻🌟豬扒鐵板餐🌟豬扒都煎得好美味，淋上洋蔥汁成個味道都提升晒。仲有底下蓋住薯條同蔬菜，配埋一齊食就冇咁膩。仲有羅宋湯都好好飲，酸甜滋味熱辣辣飲落去成個胃都暖晒。真係懷舊嘅一餐😋🌟凍檸檬蜜糖咖啡🌟外地朋友話第一次試呢個特色飲品～佢以為係咩黑暗料理😹 檸檬加咖啡完美中和咗咖啡嘅苦味，配埋少少蜜糖甜滋滋，唔會太苦亦唔會太甜。我朋友飲咗一啖就搶住飲晒😹食物老實講就係普通港餐嘅水準，食嘅係回憶，都幾適合帶外地朋友嚟試，值得一試！

-茶記研究所係我最近成日去食嘅茶餐廳，餐廳嘅內外佈置都好氣派，睇起嚟好高尚。佢嘅大滿足雜扒鐵板餐真係超值，而且份量都唔細，只需要98蚊就可以每次食到飽。每次點餐後都不需要等很久就會上餐，效率很高👍。大滿足雜扒鐵板係配黑椒汁嘅，跟餐會有一碗羅宋湯同一粒餐包。我真係搵唔到咁平嘅雜扒鐵板餐喇。羅宋湯嘅味道有啲甜甜酸酸地，非常開胃，餐廳仲準備咗一個細盒嘅牛油， 所以餐包可以配埋牛油食。大滿足雜扒鐵板餐入面包括雞扒同豬扒，如果你係食肉獸，真係好啱呢份鐵板餐。入面仲有一條香腸同一堆炸薯條，仲有啲蔬菜墊喺下面，同埋一粒煎蛋喺上面。係咪覺得有好多嘢喺一個鐵板入面，所以我先至話超值！感覺廚師會先用洋蔥墊住啲扒再慢慢煎，因為可以嗅到少少嘅洋蔥味，同埋整個火候調得啱啱好，所以啲扒都唔會焦。雞扒同豬扒加埋黑椒汁，透過鐵板剩餘嘅熱力煎熟，所以好好味，啲肉質鮮嫩，一切開個橫面，直接將裡面嘅香氣都釋放出嚟😍。我仲點咗一杯凍檸茶嚟解渴，味道唔會太甜，啱啱好。正好中和咗啲扒嘅濃郁味道，亦幫助解膩。我真係好需要一杯凍飲，尤其係喺熱辣辣嘅鐵板餐之後。大家可以嚟試下，我覺得都好好食！！尤其係對大滿足雜扒鐵板情有獨鍾！！👍 👍

我同男朋友平時最多嘅問題就係：今日食咩？😹 今次我就在網上search吓最近有咩新開嘅餐廳可以試，結果見到呢間新開嘅餐廳標榜係新式茶餐廳喎~ 都幾吸引下，又喺我哋屋企附近啫，就決定去試吓~可能係午餐高峰時段，我哋一去到舖頭就見到好多食客排緊隊，我哋就問店員大概需要排幾耐，佢話大概10-15分鐘，我哋諗住又唔會太耐，就排隊等位囉。外面裝修得好新派，一啲都睇唔出係茶餐廳，好多人都係睇咗餐牌先知~-✨葱油麒麟髀煎蛋飯一見到呢個我男朋友就即刻決定要嗌，茶室經典招牌之一喺呢度都可以食到，正！雞髀煎得黃金香脆，入面嘅雞肉仲會噴汁，好惹味~ 蔥油嘅香味都好誘人，一口雞肉一口蔥，食得讚唔絕口！🤤-✨白咖喱豬扒飯呢個又幾特別下，濃郁嘅咖喱味配上煎得焦香嘅豬扒，豬扒嘅肉質非常鮮嫩，一口咬落去仲有汁水噴出嚟，最重要係冇我討厭嘅腥味。再加埋米飯煮得軟硬適中，吸收咗咖喱汁，好好味~ 👍🏻-✨凍朱古力咖啡我哋加錢升級咗我哋嘅飲品。濃濃嘅朱古力味同埋帶有苦味嘅咖啡融合喺一齊簡直就係絕配！飲落去我成個人都醒神晒！🤩-✨凍檸檬蜜糖咖啡男朋友嗌嘅呢杯超級爽口！店家放咗幾片檸檬喺飲品入面，酸酸地，再加埋蜂蜜甜甜嘅味道一齊中

見到呢個豬扒嘅鐵板餐好抵食，所以就叫咗你試吓， $100都唔使，非常之抵食，餐飲方面我就叫 咗一個平時好鍾意飲嘅凍檸茶，呢度嘅檸檬都幾有水準，酸酸甜甜，份外開胃，茶底亦都 正常發 揮，幾唔錯豬扒鐵板餐又點可以冇湯餐包配孖住一碗羅宋湯作為前菜呢， 我自己都幾鍾意呢一份羅宋湯喎 真心，因為呢個羅宋湯嘅感覺好真材實料，有好多唔同嘅蔬菜，唔會係得味精嘅味道最後當然要 介紹返呢一個豬扒鐵板啦，首先鐵板真心熱辣辣， 好鍾意嗰一種腍啲執上去有吱吱 聲嘅感覺，好好聽，而且呢一度嘅豬扒好高質素，好腍，唔會好硬，而且好入味，好好食我對呢一間茶餐廳幾滿意，一間茶餐廳可以做到乾淨企理衛生，價錢合理，都已經係一個好有交 代嘅餐廳啦，希望呢間餐廳會越做越好啦!!

今日心情好諗住食個靚下午茶，嚟到嘅時候見到個盒有半盒飯兩片午餐肉三粒蛋，外賣叫咗$62。望佢餐廳睇落幾乾淨，諗住都唔差啦，估唔到佢啲嘢咁精緻，係咪學緊啲西餐份量少

最近心情有些低落，每當遇到不開心的時候， 就好想食嘢，比自己沖下電，休息一下，喺香港真係太大壓力啦，所以都唔想每一次次消費太多，於是茶餐廳就變咗係我自己經常去嘅餐廳種類之一，今次我自己就揀咗去呢一間茶記研究所，一家實力派的茶餐廳。餐廳位於油塘，裝潢、擺設和餐具簡約舒適，距離交通站點也很方便👍🏻，整體感覺非常不錯😝。@凍檸檬蜜糖咖啡冰凍的檸檬蜜糖咖啡清新怡人，帶來一股清涼的滋味， 入口嘅時候檸檬同埋蜜糖嘅味道已經充斥着成個口腔，跟住就會有咖啡嘅濃郁獨特味道，整體嘅感覺好特別，好新奇，好飲嘅!!@凍檸茶凍檸茶清涼解渴，微微的檸檬香氣，恰到好處， 茶餐廳嘅一貫正常發揮!。@美國安格斯肉眼鐵板餐$118這份鐵板餐配上湯餐包和黑椒汁，美國安格斯肉眼肉質鮮嫩多汁，經 香煎後，散發出濃郁的肉香， 係一個好好食嘅肉眼扒，而且份量真係好充足，我本身都算係一個大食嘅人，但係都覺得食完係好足夠嘅，而且牛肉唔會好多筋， 係有口感得來，但係好腍!! 好好食!!@雞扒鐵板餐$88這份鐵板餐配上洋蔥汁，雞扒肉質鮮嫩，滋味濃厚，搭配上香氣四溢的洋蔥汁， 雞扒亦都係完全滲入晒洋蔥汁嘅味道，好吸!!品嚐完這頓晚餐後，心情

喺網上見到人哋介紹【茶記研究所】，話佢係新式茶餐廳，裝潢非常現代化，好時尚，用餐比較舒服解壓，但菜單仲係傳統嘅港式西式茶餐廳。睇完評價真係覺得好唔錯，所以就揾咗一個晚上同好姐妹一齊去試吓佢哋嘅晚餐。啱啱嚟到呢度就見到排隊嘅人潮，好多人嚟呢度食晚餐，我哋同姐妹等咗差唔多20分鐘先排到我哋，睇嚟真係好多人嚟呢度用餐，令我哋開始越嚟越期待入面嘅餐點。成個餐廳睇落非常現代化，唔會油老式茶餐廳嗰種復古風。睇咗餐單，晚餐嘅選擇非常多，晚餐扒餐都有配蔬菜、炸薯條同煎蛋，睇落好值得食。而且價錢方面都唔算貴，好抵食好公道。好姐妹點咗一個【美國安格斯肉眼鐵板餐】價錢係＄118，牛肉睇落好新鮮，好有嚼勁，配埋薯條蔬菜同煎蛋食非常豐盛，各式各樣嘅配菜配埋食一啲都唔會膩。而且牛肉煮得恰到好處，唔會生，又唔會太熟，肉唔會柴。搭配佢點嘅【凍檸檬蜜糖咖啡】，牛排味更加鮮，檸檬配咖啡本來會覺得奇怪，但係好姐妹話口味好新鮮獨特。我自己就點咗一個【大滿足雜扒鐵板餐】，咁大塊肉，仲可以食到兩種肉扒，只要$98真係好抵食！！！而且兩種肉嘅肉質都非常鮮嫩多汁，唔會柴，又唔會膩，最重要係份量足，唔會食唔飽！！晚餐仲有配【餐湯餐包】

嗰日老婆同舊同學聚會🎈 剩低我同我女二人世界👫 我就將晚餐嘅決定權交畀阿女。佢話佢想試吓同學介紹佢新開張嘅茶餐廳🤩，茶記研究所 🏠 喺油塘大本型。我就同我女一齊嚟到呢間餐廳🍴.一到嗰度見到好多客人喺度用餐🍴我哋仲要等多陣🕰️ 就喺嗰度睇吓餐單🗒️ 等陣就可以直接落單📩冇幾耐，服務員就好友善☺️咁招呼我哋去我哋嘅座位🪑我哋揀好想食嘅嘢就即刻落單啦😋冇幾耐，食物就上菜啦🥩.我食嘅係大滿足雜扒鐵板餐，配埋餐湯羅宋湯同餐包🔥足足有兩三塊大大嘅扒🥩，加埋煎蛋、薯條同蔬菜喺一個鐵板上🥘，真係好震撼🫨唔同嘅扒有唔同嘅口感同味道，仲有洋蔥汁🧅可以一齊攪拌，味道更上一層樓。⬆️⬆️⬆️.而我女就食雞扒鐵板餐，配埋羅宋湯同餐包😋雞扒鮮嫩多汁，亦都有煎蛋🍳同薯條，而我女係配咗黑椒汁，佢食得好滿足🩷。食完主食之後，我哋再慢慢享用濃郁嘅羅宋湯同餐包，真係好飽滿❤️‍🔥.我哋仲叫咗凍檸檬蜜糖咖啡同凍檸茶。兩杯飲品都令我哋好提神😎，味道香甜好飲☺️整體嚟講，呢度嘅食物質素都好高，環境又舒適，裝飾有住新型茶餐廳嘅感覺，係一間值得推薦畀大家嘅餐廳🍴

嗰日啱啱好同大佬一齊放假，就約咗一齊去油塘大本型食lunch。好彩嗰日係weekdays，所以仲未算多人。諗諗自從搬咗屋之後，好耐都冇見過大佬，所以今次見面一定要暢談一下。我哋約咗喺LG2樓見面，見到大佬依然瀟灑嘅打扮，好似返咗去細個嗰陣。我哋一邊行一邊傾緊要去邊度食，就見到咗一間新開張嘅新式茶餐廳。睇咗睇menu，我哋彼此都有想食嘅嘢，就決定索性喺呢度食lunch啦。一入到餐廳，服務員就好親切咁招呼我哋，帶我哋去我哋嘅座位。環境整體嚟講非常之新穎，枱同椅都係新嘅。不止咁，餐廳入面仲帶有舊式茶餐廳嘅味道，幾有創意嘅。大佬話呢餐佢請，叫我唔好客氣，咁我就唔客氣啦。我叫咗蔥油麒麟髀煎蛋飯，餐飲升級凍朱古力咖啡。嗰個雞髀都要大過我嘅拳頭，搓破太陽蛋，畀蛋黃汁流入飯度攪拌，已經顆粒分明嘅白飯充分吸收咗蛋黃汁。雞髀香脆唔油，切一小塊食落去之後肉汁流出嚟，十分juicy，配飯食好好味，整體嚟講都好美味。朱古力咖啡，甜甜嘅朱古力混合咗濃郁嘅咖啡味，令我好回味。大佬叫咗白咖哩豬扒飯，餐飲升級凍檸檬蜜糖咖啡。香噴噴嘅豬扒香味撲鼻，外皮好酥脆，肉質好多汁亦好彈，混合咗白咖哩汁，增加咗豬扒嘅層次感。米飯粒粒

今日我同男朋友一齊嚟呢間茶餐廳食早餐❤️佢實在好貼心 ，早早就揀咗呢度，新開嘅餐廳，對於我呢啲鍾意試新嘢嘅人嚟講，梗係一定要去試吓啦！！而且呢一間茶餐廳非常之近屋企，所以如果好食嘅話，應該會喺未來嘅飯堂之一I呢度嘅早餐都算好豐富!！本身我自己就係一個好鍾意食早餐嘅人，總會覺得食完早餐先至會有一個Good morning!!一去到嘅時候，乜嘢都唔諗，一定要首先叫返一杯熱Latte，基本上係必須呀！！，係一個朝頭早可以嘆返一杯咖啡，簡直係一個享受，而且呢一度嘅咖啡亦都係算係好唔錯，牛奶嘅香味好充足，而且咖啡亦都好濃郁，可以話係一杯好好飲嘅茶餐廳咖啡！!我今次就試咗呢一個香煎豬扒配餐肉食肉獸餐！我個人認為，呢一度嘅豬扒煎得恰到好處，唔會好乾身！而且呢度嘅豬扒真係一咬落去嘅時候，就feel到有啲肉汁標咗出嚟，完全估唔到係食緊茶餐廳嘅豬扒，同埋呢一個豬扒肥瘦適中，有少少油脂嘅香味，整體嚟講我自己係好滿意嘅!！至於餐肉就正常發揮，比較厚切，所以入口嘅時候口感非常充足，值得一讚！另外仲有其他配料配茄汁豆、多士、煎蛋，好耐冇食過茄汁豆啦，係童年嘅回憶!！多士亦都係幾唔錯，好香口，而且牛油味道十足!!整體

『茶記研究所』所供應嘅午餐美食定食十分驚艷。今日就同老公再嚟油塘體驗我哋嘅港式午餐set。平日好少有機會可以同老公一齊食到lunch，因為各有各工作忙，但今日大家都放假休息，所以就可以一齊食lunch囉。呢度嘅白咖喱豬扒飯處理得恰到好處，肉質彈牙又多汁，配合上一層濃厚嘅白咖喱汁，吸收咗豬扒嘅風味，每一口都帶出滿滿嘅滿足感，豬扒與咖喱完美配合。白咖哩比起其他咖哩冇咁辣，但係個口感會比較厚身，同埋多咗一份奶香味，豬扒係炸到好香口，呢個可以話係比100分，同埋個咖哩汁係真心送飯一流嘅神器！再加上剛剛好嘅冷凍檸檬蜜糖咖啡，咖啡香與檸檬酸的完美搭配，更能喚醒人的精神，香醇可口，咖啡味道濃郁而不膩口，口感滑潤，令人回味無窮！呢到嘅食物種類同埋飲品都好新穎，如果下次同班friend過嚟一齊試，佢哋都一定會好鍾意。其實食茶餐廳都唔一定係麻甩嘅，都可以好有class：）