茶木‧台式休閒餐廳 (已結業)

話說女朋友好鐘意小丸子 所以特登黎茶木同佢同埋兩個朋友試下呢啲特色食物 我地叫左兩個小丸子餐我地分別點左呢4杯特色野飲 最正路都係花輪同學果杯 玫瑰奶茶 一開頭飲都叫有啲玫瑰味 但慢慢奶茶味就蓋過左啲玫瑰味 同杯普通奶茶無乜分別小丸果杯似係普通西瓜汁 最難飲係野口果杯 完全飲唔落口食物方面 呢個白汁蜆飯算係最正路 但都唔算好好味 仲略嫌有啲乾身 不過已經係全晚最好食既菜式第二道係呢個小丸子鰻魚飯 啲番茄肉燥完全同啲鰻魚味唔夾 小丸子個頭完全似係張爛紙貼落啲飯上面 勁無誠意 好難食之後係呢道小玉魔法 本身對龍蝦都有啲期待 點知真係好失望 我一拎起個龍蝦殼 心諗係咪小玉變走左啲龍蝦 搵極都搵唔到啲肉 原來得一舊係個碗底 仲要無味 啲配菜又係無味 啲魚又難食 垃圾最後係呢係熱香餅 我地問佢藍色係乜醬 佢竟然都唔知係乜 然後好無禮貌咁行開左 啲熱香餅又唔熱 老麥果啲好食好多總括黎講對呢間野好失望 一定唔會再食

想和小丸子共進午餐無難度，茶木有三間分店做緊櫻桃小丸子主題餐廳，世貿中心有一間，環境不錯，感覺開揚舒適。小丸子is everywhere。立體figure想點影點打咭都得！仲有props準備埋俾你。大大個海景任睇！小丸子專屬menu。小丸子餅食產品都好可愛，想將佢地帶回家。野口竹炭仙草奶茶($38)好多仙草，超大杯，竹炭味幾特別。小丸子櫻桃西瓜柳丁汁($38)係沙冰，生果味濃郁。黑松露培根蛤蜊燉飯煱 ($89)，蜆肉排到成朵花咁，十分用心。蜆肉份量也有不少，個sauce好creamy，risotto 軟硬度適中，加了洋蔥和冬菇，口感唔錯。小玉南瓜海鮮魔法 ($138)是海鮮拼盤，有木魚炸墨魚丸、炸魚塊，南瓜盅有已剝殼的龍蝦肉、青口、蜆肉、鮮魷、菇，材料豐富，南瓜汁好creamy。仲有用白、青、紅蘿蔔做出小丸子、爺爺、花輪、永澤頭形，非常有心思。小丸子熱香餅($68)好可愛，配藍金橘醬、草莓香蕉、穀物碎和cream，多種食法，自由組合，幾得意。

今日同個女仔朋友去開銅鑼灣, 四圍都係人, 又唔想食譚仔南記, 有人提意去食台灣野~ 我突然醒起係世貿中心間茶本, 改咗做小丸子主題餐廳, 朋友又咁啱好仲意小丸子架~ 今晚再去先~ GOOD FIT~ 星期六晚上8點半~ 去到茶木, 都幾FULL~ 9成入座, 好好彩我地WALK IN 都有2人位~ 實在係太好了~ 坐底睇下個小丸子餐牌又唔貴喎~ 叫咗小玉南瓜海鮮魔法$138 (南瓜忌廉汁好香濃, 海鮮非常十分新鮮, 份量好大, 好扺食)小丸子蕃茄肉燥鰻魚飯$128, (肉燥+蕃茄出奇地夾的口, 好開胃, 鰻魚好香, 份量好大, 好扺食) 甜品叫咗小丸子熱香餅$68 (熱香餅牛油味好香, 鬆軟,份量好大, 好扺食) 仲叫咗野口竹炭仙草奶茶$38 +花輪玫瑰咖啡拿鐡$38, 正~ 兩杯野都好好飲~ 想叫多杯~ 不過太飽了~ 下次吧~ 值得推介~ GOOD~

我是小丸子的粉絲，一知道小丸子Ｘ茶木就馬上約朋友來打卡呃ｌｉｋｅ，餐廳有好大個小丸子，好可愛～旁邊有好多道具任你影相。小丸子蕃茄肉燥鰻魚飯好多汁，小丸子甜甜地，有少少巧克力味道，鰻魚香脆沒有骨。配飯一流。四杯飲品的杯十分可愛是小丸子同學造型，黑炭奶茶的顏色與野口同學的黑暗形象很配。我的西瓜柳丁汁是新鮮果汁，不是藥水味，值得一試。黑松露蜆肉意大利飯有好多蜆，沒有蜆殼會更好，意大利飯痂住Ｄ蜆殼好麻煩。意大利飯香噴噴，白汁不太膩，味道剛剛好。小玉南瓜海解魔法有大大隻龍蝦殼，蝦肉脫殼混在南瓜內，炸魚塊肉質滑溜，炸粉皮不厚。白色的是肉丸，海鮮是青口，魷魚。小丸子熱香餅以沙灘造型，茶木的多士麵包明明很好味，沒想到這個熱香餅味道令人失望，熱香餅中間太麵粉，但外邊很香脆。

一向去開茶木，都鍾意佢哋食牛肉麵、雞排肉燥飯同個多士盒。難得去開近有小丸子主題的茶木附近，當然要試一下跟小丸子有關的菜式喇！話曬期間限定，正所「蘇州過後無艇搭」，千金難「吃」心頭好🤣🤣🤣今次都係第一次嚟世貿呢間分店，一到餐廳，所有童年回憶湧現，所有佈置都配合返小丸子卡通嘅主題，除咗牆身周圍貼滿了小丸子入面嘅角色，仲有大大個模型可以畀大家拍照，好多影相位😊仲有一個surprise位係呢間舖有海景睇嫁😆今次嗌咗五樣嘢😋2個main course、1個dessert同2杯嘢飲。首先介紹返番茄肉燥鰻魚飯，一直同女友都好鍾意食同蕃茄相關的main course、肉燥飯同鰻魚。但將三樣都鍾意嘅食物夾埋一齊，真係上完全未試過。個醬仲要係意式、日式同台式 crossover 。🤣個飯一上枱就見到大大個好可愛嘅小丸子嘜頭，周邊就淋咗好多好香濃嘅番茄肉燥醬同蒲燒鰻魚，肉燥同蕃味調配得啱啱好，肉燥味巨蕃味重，肉燥隱約帶了茄味，酸酸甜甜的，好醒胃。肉燥嘅肥肉份量分部平均，瘦肉嘅肉質都算嫩，唔嚡口。揭開小丸子面紗，下面就係小丸子頭型嘅白飯，醬汁配料重要，但一個碟頭飯，個飯嘅軟硬度同有無煮爛係好重要，尼度個飯煮得

上次去完旺角分店後，友人話要去埋銅鑼灣分店所以今日去試埋因為不同分店有不同限定菜式一到現場，友人一如以往不停影相打卡，這店以藍色同海洋作主題，這間比旺角多小丸子公仔，友人更歡喜之後終於肯回來點餐，我地order左小玉南瓜海鮮魔法，小丸子熱香餅，怕唔飽肚加左個黑松露培根蛤蜊燉飯煱，而飲品方面叫返上次兩杯，分別是花輪玫瑰咖啡拿鐵和爺爺抹茶歐蕾，因為想交換試今次到我飲抹茶，我覺得好好飲，而友人話咖啡有玫瑰花香，但淡了點，不過整體也不差黑松露培根蛤蜊燉飯煱，好香，好濃，基本上蛤蜊（蜆）多過飯嚟個小玉南瓜海鮮魔法有個龍蝦殻在南瓜上，起初以為得個殻裝飾，食落內裡真有龍蝦肉，南瓜內還有魷魚同蜆，配上淡咖哩，香而不辣，非常可口另外伴碟墨魚丸同咖哩魚柳都勁好食墨丸爽，魚柳滑小丸子塊面燶燶地變左黑面小丸子，但味道仍然好好，塊餅勁重牛油味配合忌廉同藍色海水糖漿有不同層次，增加口感總結，小丸子餐單都唔係得個樣，又好睇，又好食

平常都喜愛台式珍珠奶茶、牛肉麵等台灣美食，茶木是我比較常到的一間。今日到銅鑼灣睇戲，開場前要先吃午飯，知道茶木現在做緊小丸子期間限定，當然要去一試啦。去到見店裡都佈置了很多小丸子裝飾，世貿店主題應該是海洋吧，裝飾以藍色為主，小丸子還換上海洋公主裝，十分可愛呢！我地首先選了飲品，野口竹炭仙草奶茶：切合野口形象，因為加了竹炭粉而整杯都黑沉沉的，其實竹炭係無什麼味道的，但仙草清香，奶茶有茶香已經非常👍。小丸子西瓜柳丁汁：真材實料好多西瓜肉加埋橙汁，清涼解渴。食物方面點了，小玉南瓜海鮮魔法：南瓜小小一整個裝滿了蜆、青口，八爪魚，魚等...非常豐富，南瓜汁creamy 濃厚，有意粉或飯就更好了😋黑松露培根蛤蜊燉飯鍋：其實類似意大利飯，好濃松露味，飯很軟滑，忌廉同培根係最好的搭檔，再加上新鮮蛤蜊，又鮮甜又香又惹味，差點要同朋友爭食呢😂甜品點了小丸子熱香餅：裝飾擺碟好似好灘呀，小丸子去游水呀😂😂，熱香餅即叫即製，熱辣辣加埋cream同藍色的橘子醬，味道非常搭，作為飯後甜點真係非常滿足。最後走時仲同小丸子合照，作為小丸子粉絲一定唔好錯過呀💜

之前睇Facebook知道有三間茶木分店都會拎小丸子來做主題，我呢個超級fans梗係會來朝聖啦！今次捉咗個friend嚟銅鑼灣世貿嘅呢間分店，一入門口已經見到勁多小丸子嘅佈置同打卡位，正！梗係瘋狂影吓相先啦！原來唔單止裝修同擺設，睇一睇佢個餐牌，發現有好多限定嘅小丸子菜式，例如有小丸子牛肉麵，小丸子蕃茄肉燥鰻魚飯，全部都有小丸子嘅造型係菜式上面。其中有兩款菜式更加係世貿分店嘅限定，分別就係小丸子熱香餅同小玉南瓜海鮮魔法。全部都好吸引！小丸子蕃茄肉燥鰻魚飯 - 個肉燥汁分量十足，又夠濃味，鍾意多汁嘅朋友一定啱晒！配埋熱辣辣嘅照燒鰻魚，好好味呀！小玉南瓜海鮮魔法 - 呢個係限定菜式之一，估唔到係呢度都可以食到龍蝦！龍蝦尾已經拆肉，混咗喺南瓜盅入面，配搭埋其他海鮮，鮮味十足 ！飲品方面我哋揀咗「花輪同學玫瑰咖啡拿鐵」同埋 「爺爺抹茶歐蕾」！個杯造型好吸引，同埋其實係外賣杯嚟，所以可以拎走㗎！最後甜品我哋重點埋小丸子熱香餅，初頭見佢上碟嗰陣有啲擔心，因為見佢個cream點解係淺藍色嘅～?但原來佢嗰cream係好重奶油味,同熱香餅好夾，最後我哋食到一滴也不留～!以主題餐廳黎講，呢次茶木可以話係1

今日同朋友一齊食, 因為朋友有個5歳囝囝, 就一於帶佢食茶木先, 現時以小丸子做主題, 小丸子成為個大公仔, 仲同佢合照添!本MENU 做得非常之精美, 有小丸子不同角色穿梭在MENU之中, 好想擁有一本呢~先飲杯台式飲品, 花輪玫瑰咖啡拿鐵、野口竹炭仙草奶茶, 玫瑰咖啡拿鐵因為牛奶的比例較高，口感十分柔順, 香甜的奶茶加上清爽的仙草凍，喝一口真的甜入心小玉南瓜海鮮魔法, 賣相一流, 由龍蝦、蜆及墨魚丸製成的海鮮拼盤配上鮮甜的南瓜盅, 龍蝦墨魚丸好Q彈, 蜆鮮味無比，肉質嫩滑 小丸子熱香餅, PRESENTAION 好得 , 以海灘伴碟造型登場的小丸子熱香餅，熱香餅烘印上小丸子的嘜頭，熱騰騰, 入口即化的細膩口感, 大滿足

作為小丸子迷的我，當知道小丸子與茶木開設主題cafe, 就第一時間要嘗嘗。一走進店內，就見店內佈滿小丸子的佈置。這家店以海洋為主題，所以小丸子和她的朋友們都換上不同的服飾。不論大人或小孩，都爭着與小丸子拍照。餐廳以小丸子探險記為主題，所以小丸子身穿公主裝。平常淘氣的小丸子，換上公主裝同樣可愛。我們旁邊的牆身，就有小丸子和小玉的裝飾。小玉邊喝珍珠奶茶，背後有一個大貝殻。這次小丸子以仙子的造型亮相。餐牌很有心思，分別是小丸子探險記的故事 及 小丸子頭像，很多人都會拿餐牌拼在自己的頭上拍照，十分可愛。餐牌的故事講述小丸子到不同地方歷險的經歷，當中不同的同學更扮演不同的角色，想不同不單是店面佈置，連餐牌都經過精心設計，可見是用心之作。餐廳佈置十分有心思，很多主題餐廳的食物質素都沒有保證，而這家餐廳的食物保持一貫茶木的水平。先來花輪玫瑰咖啡拿鐵 和 爺爺抹茶歐蕾。造形賣相十分吸引，茶木一向有賣台式飲品，咖啡拿鐵咖啡味濃香，而抹茶歐蕾抹茶味香，但又不會有抹茶的苦澀味，而且份量足。小玉南瓜海鮮魔法，南瓜汁十分搭配海鮮，海鮮份量足，堆滿整個南瓜。小丸子蕃茄肉燥鰻魚飯蕃茄肉燥十分開胃，配上白飯一流。而鰻

時光飛逝，歲月如梭⋯⋯瞬間人都準備奔三了，伴我長大嘅小丸子，雖然作者已經與世長辭，但真係要多謝佢多年陪伴。相信呢個漫畫日後會繼續陪伴我地小朋友繼續長大嘅，多謝茶木出左小丸子嘅主題餐廳。雖然一直想去但好怕要排隊等好耐嘅我，終於求到老闆同我去喇。旺角瓊華中心、銅鑼灣世貿中心同九龍灣 MegaBox 三間分店, 都改造成主題餐廳, 各自都有唔同嘅場景。我地今次就揀左世貿分店嘅, 佢嘅主題就係海洋世界。講明主題餐廳，由餐廳外邊去到裡面都有一堆打卡位就唔少得，場裡面仲有一個大型小丸子公仔影相添。幸好我地去嘅日子係星期一所以人唔會好多，即時已經可以入座。入到餐廳已經被一堆裝飾搞到少女心爆炸，先係影左一堆相黎打卡留意到連成本餐牌都跟足theme，每間分店都有唔同嘅限定菜式，一場黎到就緊係唔會錯過世貿限定啦。小玉南瓜海鮮魔法 $138 - 用左小南瓜做南瓜忌廉汁，海鮮有龍蝦青口蜆，仲有幾粒扮章魚燒嘅魚強龍蝦全隻用左黎炸，呢個價錢有龍蝦其實都幾驚喜。但蔬菜果部分我地食左一半先發現原來都係小丸子造型黎架小丸子蕃茄肉燥鰻魚飯 $128 - 可愛造型就唔使多講啦，但估唔到d花花伴碟一樣食得蕃茄同肉燥估佢唔到又

今晚下班後和好友相約在茶木食一餐充滿兒時回憶的小丸子晚餐💗點了一杯爺爺抺茶歐蕾 只看杯子見到爺爺的樣就已經覺得治癒而喝入口是甜甜的綠茶味道 會想起小丸子和爺爺之間的溫暖畫面心都融化了☺花輪玫瑰珈琲拿鐵：可愛的花輪同學杯子，拿鐵加上玫瑰飲落有微微玫瑰味！飲品不太甜。喜歡💕還有 當然也點了小丸子的好朋友小玉南瓜海鮮魔法陣 如果喜歡南瓜的朋友一定要試試這個☺南瓜味非常香濃☺也很Creamy！而南瓜裡裝了海鮮 海鮮的味道都變得鮮甜了：）不過建議趁熱食時味道會更好☺💕小丸子蕃茄肉燥鰻魚飯：大量肉燥加上酸酸甜甜的蕃茄。味道合襯，佩搭新鮮！鰻魚肉質肥美厚身配上鰻魚燒汁，味道很夾！！加上小丸子cute 牌大頭賣相很吸引而甜品點了以小丸子為主的熱香餅每塊細細圓圓的熱香餅配上小丸子樣真的好可愛也沒有違和感☺💕除了可以點藍色的奶蓋漿還可以點旁邊的忌廉 塔配胚芽，香蕉，士多啤梨。

入到來才知道原來這裏做了小丸子題材但因為心想吃台灣麵所以都是叫了自己本身吃想吃的食物叫了小冰，喜歡這個冰紅茶不會太甜而且這個水果茶有話梅😜重點今天放工想吃這種酥炸的食物排骨炸起來很熱而且不會太鹹👍🏻剛剛好這個面反而令我有點驚喜因為上次來的時候沒有那麼多芫荽我是一個非常喜歡吃芫荽的人喜歡這裏不是太多人可以慢慢一邊看喜愛的Running Man一邊好好享受我的晚餐🥣這裏的侍應看到你食完之後也不會趕着你離開

今次同朋友去咗茶木試新出嘅櫻桃小丸子餐點，呢個主題淨係銅鑼灣世貿中心限定，大家如果想試嘅話可能要特登出銅鑼灣啦~首先係嘢飲方面，分別叫咗花輪玫瑰咖啡拿鐵同爺爺抹茶歐蕾，杯面設計可愛，分別有爺爺同花輪嘅樣，味道亦都唔錯。之後我哋仲叫咗個小丸子蕃茄肉燥鰻魚飯，比想像中好食，番茄同肉燥好夾！另外小丸子個樣係可以食嘅，係少少甜甜地嘅。之後我哋仲叫咗個小玉南瓜海鮮魔法，賣相好吸引，海鮮分別有魷魚青口等等，另外仲有小丸子，配埋南瓜汁，成個感覺好滿足！最後我哋亦都order 左個甜品， 叫咗小丸子熱香餅，熱香餅好重奶味，配埋提供嘅醬汁、cream、餅乾碎同生果，成個感覺好豐富，值得一試！

銅鑼灣世貿的茶木店是海洋小丸子主題，平時多吃普通板的茶木，朋友喜歡小丸子，就跟他去潮聖，餐廳有很多小丸子佈置，又一路播小丸子歌，好有氣氛。銅鑼灣世貿店好多人排隊，幸運地安排到坐窗口位置，可以看到夜景和聖誕燈飾。小玉南瓜海鮮魔法，南瓜內有不同海鮮，龍蝦肉、蜆、青口、魷魚，配上濃濃南瓜汁，龍蝦只有殼，肉起了放在南瓜內。旁邊有墨魚丸、撒上木魚、就像章魚小丸子的味道，如果可配意粉或飯會好些，份量偏少。小丸子番茄肉燥鰻魚飯，肉燥香，蓋過了蕃茄味道，鰻魚有燒汁，賣相幾好。花輪玫瑰咖啡拿鐵、爺爺抹茶歐蕾 $38，杯圖案吸引，但稀了點比較淡味。小丸子熱香餅，是營造海灘的氣氛，藍藍的海有波子汽水的味道，小丸子pancake 細細塊但好結實好飽肚，配胚牙碎碎。