影片
更多
2018-12-04
35 浏览
一向去開茶木，都鍾意佢哋食牛肉麵、雞排肉燥飯同個多士盒。難得去開近有小丸子主題的茶木附近，當然要試一下跟小丸子有關的菜式喇！話曬期間限定，正所「蘇州過後無艇搭」，千金難「吃」心頭好🤣🤣🤣今次都係第一次嚟世貿呢間分店，一到餐廳，所有童年回憶湧現，所有佈置都配合返小丸子卡通嘅主題，除咗牆身周圍貼滿了小丸子入面嘅角色，仲有大大個模型可以畀大家拍照，好多影相位😊仲有一個surprise位係呢間舖有海景睇嫁😆今次嗌咗五樣嘢😋2個main course、1個dessert同2杯嘢飲。首先介紹返番茄肉燥鰻魚飯，一直同女友都好鍾意食同蕃茄相關的main course、肉燥飯同鰻魚。但將三樣都鍾意嘅食物夾埋一齊，真係上完全未試過。個醬仲要係意式、日式同台式 crossover 。🤣個飯一上枱就見到大大個好可愛嘅小丸子嘜頭，周邊就淋咗好多好香濃嘅番茄肉燥醬同蒲燒鰻魚，肉燥同蕃味調配得啱啱好，肉燥味巨蕃味重，肉燥隱約帶了茄味，酸酸甜甜的，好醒胃。肉燥嘅肥肉份量分部平均，瘦肉嘅肉質都算嫩，唔嚡口。揭開小丸子面紗，下面就係小丸子頭型嘅白飯，醬汁配料重要，但一個碟頭飯，個飯嘅軟硬度同有無煮爛係好重要，尼度個飯煮得
今次都係第一次嚟世貿呢間分店，一到餐廳，所有童年回憶湧現，所有佈置都配合返小丸子卡通嘅主題，除咗牆身周圍貼滿了小丸子入面嘅角色，仲有大大個模型可以畀大家拍照，好多影相位😊仲有一個surprise位係呢間舖有海景睇嫁😆
今次嗌咗五樣嘢😋2個main course、1個dessert同2杯嘢飲。
首先介紹返番茄肉燥鰻魚飯，一直同女友都好鍾意食同蕃茄相關的main course、肉燥飯同鰻魚。但將三樣都鍾意嘅食物夾埋一齊，真係上完全未試過。個醬仲要係意式、日式同台式 crossover 。🤣
個飯一上枱就見到大大個好可愛嘅小丸子嘜頭，周邊就淋咗好多好香濃嘅番茄肉燥醬同蒲燒鰻魚，肉燥同蕃味調配得啱啱好，肉燥味巨蕃味重，肉燥隱約帶了茄味，酸酸甜甜的，好醒胃。肉燥嘅肥肉份量分部平均，瘦肉嘅肉質都算嫩，唔嚡口。揭開小丸子面紗，下面就係小丸子頭型嘅白飯，醬汁配料重要，但一個碟頭飯，個飯嘅軟硬度同有無煮爛係好重要，尼度個飯煮得好好，個醬撈飯食一流🤤🤤
跟住試埋個鰻魚，鰻魚嘅size有手掌咁大度，先試咗塊原味蒲燒鰻魚，鰻魚肉質彈牙，軟硬度同厚薄程度適中，無骨刺。再試件點咗肉燥嘅蒲燒鰻魚，鰻魚味道並不失色，冇掩蓋之餘又多咗微微嘅魚香茄子汁味道。
第二個菜就係小玉南瓜海鮮魔法，女友愛南瓜，但我麻麻😣但入面個甜甜哋嘅南瓜汁我就好鍾意喇！口感似一上菜嘅時候女友見到龍蝦殼就心心眼，點知原來係個殼，啲肉就收埋咗係個盅😆因為我懶唔鍾意拆殼🤣尼個迷你南瓜盅入面主要係海鮮，入面龍蝦肉、藍青口、魚塊、菇仔等，隔離有4粒炸花枝丸同4色蘿蔔等配菜，相當豐富。
鍾意茶木除咗係佢主菜好食之餘，仲可以食埋個甜品，所以嗌咗個小丸子熱香餅。擺盤整到好似一幅海灘畫咁，熱香餅上面印咗小丸子嘜頭！粉藍色嘅奶醬似大海，餅乾似沙灘。仲有士多啤梨、香蕉、奇異果、胚芽做配料，夠曬健康😊熱香餅厚實有咬感，有小小似食軟身鬆餅嘅口感。個人建議食法，先醬熱香餅蘸奶醬再蘸餅餅，口感特別得嚟又有點咸味甜味交集嘅味道。生味同熱香餅一齊放入口都好好食嫁😉
花輪玫瑰咖啡拿鐵&爺爺抹茶歐蕾
兩款飲品略甜，但係好飲的😋latte有淡淡嘅玫瑰味，奶味比咖啡味重。抹茶歐蕾就啱曬我同女友嘅對抹茶控🤗
张贴
