茶木‧台式休閒餐廳 (德福廣場1期)

营业中

休息中

打工仔除咗每個月煩幾時出糧之外，每日仲要煩食啲咩菠蘿肉扒肉操飯 配黑糖冬瓜茶今日大概12點就去到茶木，完全唔使等位就可以入席，實在是太好了！今日叫咗菠蘿肉扒配肉操飯，另外餐飲就叫咗黑糖冬瓜茶。個菠蘿肉扒賣相唔係幾吸引，個醬黃色一pat咁。。。聞落去都有啲奇怪。。。不過食落都係普通菠蘿味嘅醬汁，係有少少似太熟嘅菠蘿搞出黎嘅醬汁而且個肉排亦都有啲硬，唔算太好食不過值得一讚嘅係杯冬瓜茶甜度啱啱好，而且我最鍾意嘅係佢個豬耳配菜，酸酸辣辣咁好開胃

同朋友係ikea食左下午茶就去行街，係德福行行下發現原來已經9點😳但大家都唔太肚餓，又想搵個地方坐低慢慢傾下計，於是決定去茶木食個甜品當晚餐😂去到茶木發現冇得攞飛，要係前口排隊。可能時間太晏，出面冇人排，所以等左陣就可以入。可能我地人多，店員安排我地坐門口位，啲椅有得挨幾舒服。我地叫左個黑麻油雞亦麵同埋紅豆抹茶層層疊黑糖磚塊，一共$160.70。個麵底係刀削麵，味道唔錯，好入味。甜品就要等15-20分鐘先上，但係個麵包更左啲，個抹茶雪糕似係台式果種抹茶，假甜冇回甘，同日本抹茶味唔同，整體嚟講價錢偏貴，食物質素同價錢唔成正比，性價比唔高，冇咩事唔會再嚟食。用銀聯卡俾有95折！

星期日約左幾個朋友一齊去九龍灣行街，我地本身6點個陣已經食左d嘢，行到9點幾個陣又想食d嘢之後就諗起德福有間茶木，可以叫d嘢食坐低繼續傾下計～之前食過幾次茶木都係叫滷肉飯豬排飯食，未試過佢好出名既甜品～所以就叫左個「紅豆抹茶層層疊黑糖磚塊」，抹茶雪糕個抹茶味唔係好出，有種假抹茶的感覺；成個甜品我最鍾意食既就係個吐司，好脆～佢配既生果有士多啤梨同藍莓都幾新鮮～但就住呢個價錢黎講，味道又唔係好出色我就覺得唔值呢個價。

可以如何休閒呢？火都黎！隔離檯班州民鬼殺咁嘈，食飽瀨死唔走！兩個大媽一個阿伯高談闊論，您地當自己係塊田度吹水呀？除埋鞋赤住腳擘大喉嚨講野，好很騷擾！再加兩個細路係檯櫈爬上爬落，極度影響食慾及情緒！落單原來係齋講號碼，依個做法都簡單易明好多既，最好覆多次確認無報錯號碼。埋單到檯面講檯號？都幾奇怪，有張單揸手更好喎。寶島三小碟，椒鹽豆腐磚冷冷入口，意然好好味！薄薄外脆，繼而白滑豆腐肉，皮香口包著豆香嫩肉。甜蜜糖心蛋，我最鍾意食雞蛋，每日最少一隻蛋落肚架。夕陽般的橙黃色極具吸引力，付味蛋白清香可口，不過咸不混濁，搭上濃郁甘甜雞蛋黃，黏黏彈彈味道出眾，拍案叫好！最後來幾條醬油蘿蔔漬清清味蕾。麻辣豬耳朵青瓜粒，油膩感極重，麻痺感薄弱，火辣感全無。豬耳皮膠彈，軟骨脆卜卜聲音十分悅耳，青瓜無用鹽醃味道太淡了。雜菌炒 A 菜，暖暖溫柔的炒油麥菜，沒什麼火氣，沒什麼鑊氣。爽爽菜莖菜葉，輕輕的調味混上靚菇，味道可口。香煎餃子，裡面空盪盪乾爭爭，沒有肉汁，悶悶的演繹，白紙捲肉碎，淡而無味。蚵嗲肉碎泡飯，蠔 BB 細細粒瘦猛猛，不夠肥嘟嘟，不夠飽滿，沒有爆汁感覺。蠔甜不腥，湯汁普通，沒有添食的衝動，其求消滅掉

今日同朋友兩個人午飯，我朋友12:00到 我就約12:10到，我地好快點左餐，食物都好快到，食物 我諗間間差不多 唔需要特別comment. 我地好快吃哂，waiter 都好快執左台，坐低連吃連埋執台，12:30左右已攪掟，佢地就同我地講外面好多人等位催我地埋單，我諗呢間唔係茶記嗎 雖然有個茶字，我地就無理 諗住住多一陣 跟住唔到十分鐘 又再話 唔好意思麻煩你地埋左張單，因為出面有人等，依家第一日出來開餐廳咩，我入來 你無限時呀，埋單都唔平架 一人一碗麵，兩舊幾水，無收加一咩？係咪有病！

星期六下晝兩三點，去左德福廣場行街，呢個時間最啱食下午茶，所以就入咗茶木。呢個時間去茶木，唔使等位，直接就入得啦。兩個人嗌左一個酥炸雞扒面同埋士多啤梨蜜糖吐司。酥炸雞扒面 - 酥炸雞扒好好食，唔會面粉，雞扒好嫩滑，好香口，碗面個湯底幾好飲，再加上一啲芫荽，非常香。士多啤梨蜜糖吐司 - 我一直都最鍾意呢個吐司，亦都係因為呢個吐司秹茶木食嘢，但由於呢個時間食呢舊嘢，實在太濟，所以今次有啲失望，食唔到嗰種好滿足嘅感覺。由於唔知係咪因為佢見下午茶唔係人多，店內只有兩個員工，舉隻手都冇人理，落單有啲麻煩。

之前去旺角茶木要等好耐，九龍灣好小小。 我最開心就系呢度可以飲花茶，雖然唔可以好似台灣甘無限添飲，但可以一試已經好滿足。芒果窩夫好大份，兩個女仔食都有d吃力，不過勝在夠脆好好食。仲試左花枝餅，原來鹹食都唔會輸得過甜品。

這天來到茶木，沒有午市套餐，那就點了一份煮法較為西式的「松子青醬大蝦手作麵」。這個麵要$90，不包括飲料。麵彈牙、大蝦雖不夠爽/彈牙，但尚算有少許鮮味，配菜有雜菌和松子。青醬，醬汁很特別，一點也不辣，似是香草和欖油製成，味道不錯，略帶一點點油，但尚可接受。這天人流不算多，不用搭枱。侍應一眼關七，有主動給予水和餐具，又主動落單/收碟，服務算是不錯。衛生方面卻有待改善，原因是那杯水的水杯沒有洗淨，我只要拿起水杯，還沒有放到咀邊，已看見杯上印有明顯的唇膏印

第二次食茶木，今次是下午茶依然叫了我最愛的士多啤梨蜜糖吐司反而今次比第一次好味，因為今次落單時加多了三個字〈少蜜糖〉，所以能省的還是省下，效果會更啱你口味，配上一杯玫瑰茶完美的配搭

相約係九龍灣返工既朋友食lunch睇lunch menu 呢間都幾多選擇，決定呢間。68蚊lunch set 包指定前菜三樣，主菜同餐飲。叫左“三杯雞“做主菜同肉“噪“飯。 上菜都幾靚仔，但份量偏細，男士會唔夠飽。 主菜味道則ok，但唔夠熱，d雞件又少冇乜肉(可能個廚師唔鍾意我,我見隔離枱ol叫炸魚係好大份)肉噪飯麻麻，好像快餐店貨色。如果有下次一定唔會食雞!p.s.:落單之問過待d雞係咪炸，佢話唔係，點知都係炸

當天約了妹妹食 lunch, 兩兄妹食 lunch 吹吹水 , 就是這麼簡單 ~聚餐地點就在 九龍灣 - 德福廣場一期 的 茶木-台式休閒餐廳 ~ 炸豬扒肉燥飯 : 肉燥的絞肉肥瘦均勻 , 燉煮好的肉燥入口軟綿 , 味道香濃 , 肉燥香口而不肥膩 , 稀杰度是能夠恰巧地鋪在飯面 , 吃起來也很對味 , ( 我所說的 "對味" 就是根據我在 台灣 當地所吃過的肉燥來作比較 ) , 肉燥配上軟硬適中的白飯來吃就是一大享受 ~半隻鹵水蛋 , 呈淺啡色 , 蛋黃呈橙黃色 , 雞蛋滷得入味可口 ~豬扒炸得金黃色 , 炸粉不算厚 , 外層酥脆 , 內裏肉質鮮香嫩滑 , 調味得宜 , 不錯吃的 ~本篇完 ~

今日上完朋友九龍灣OFFICE 傾野，5點幾鐘就話食飯，會唔會早佐小小，如果朋友捉佐我去德褔食茶木，兩個麻甩佬食茶木係有小小古怪，不過無所謂啦，反正呢D 時間應該唔多人，應該唔會有太多奇異目光瓜去到不出所料，唔使等直入，所以呢D 鐘數食飯確係有D 好處，仲要個場無乜人，個感覺都幾休閒，唔會好似平時咁嘈。我點佐個醬燒豬軟骨面，朋友就點佐個櫻花蝦培根芥奶油手作面大概唔會超過十分鐘就上菜了先黎個豬軟骨面，份量唔自好大，適中啦，2大舊豬軟骨，位置幾靚，無硬野，成舊都好軟滑，面應該係刀捎面差唔多野，口感都幾好幾彈牙有咬口。湯底又夠濃朋友個櫻花蝦培根芥奶油手作面。一黎到我以為係意粉，望清楚先見到有點不規則，朋友話係手作面，試佐小小，幾得意，口感都幾豐富，不過我不太好冬菇D 味，但朋友就話味道同櫻花蝦幾夾，幾好食啦。呢個鐘數黎食飯，又可以慢慢食，環境又夠靜，可能真係要考盧下轉下自己生活習慣

茶木味道仍然keep到但我最鍾意食嘅甜品變到好少份有少少令人失望首先我哋叫咗個1. 台式雞扒肉操飯 -雞扒炸得 唔係太脆2. 士多啤梨麵包雪糕窩夫-味道一樣 但細份咗四分之一 3. 飲品-棉花糖紫薯拿鐵 幾好 比較甜

兩個人去食咗一個套餐同一個火鍋。初初以為火鍋會包嘢飲同麵，可惜最後只係有一啲啲薯粉，但配料較多而且特別。另一個叫咗咕嚕肉，入邊有好多水果而且酸酸甜甜幾開胃，加左＄30有埋嘢飲同甜品，但甜品味道麻麻。

假日來吃lunch，因為貪有杯台式飲品，同埋唔洗等位，在九龍灣中午好味食肆都要排隊的。三個小前菜，水準正常啦肉燥飯竟然無，勉強轉做都，麵好厚物同粗幾有嚼勁，湯是牛肉麵那湯就好死鹹。肉燥就得肥肉令我好失望個三杯豬肉，好鬼死鞋口，完全唔得，食落似鎮江骨個汁，都唔係台灣三杯，即醬油，油同酒。紅豆意米水，薑米唔夠重同偏甜，但係我愛食豆，同埋紅豆同意米幫助去水腫，我一向食的鹹同濃味，飲返杯幾好。真係越做越差啦！下次唔好貪唔洗排隊啦，人龍同味道是直接掛鉤