茶木‧台式休閒餐廳 (德福廣場1期)

营业中

休息中

每次跟朋友逛街想不到要吃甚麼的時候就會去茶木雖然算不上很出色，但食物味道和餐廳環境也是很不錯的紅燒牛肉麵原本沒有抱很高的期望，想不到牛肉麵出乎意料的很好吃牛肉不會太稔，紅蘿蔔🥕很大顆，湯底鮮甜，重點是牛肉麵口感很棒黑糖草莓芋圓仙草有點小失望雖然材料蠻多的，有芋圓、仙草、珍珠、薏米、紅豆、草莓🍓可是味道有點怪怪的（像中藥味）芋圓口感一般，而且冰的份量太多了Toast Box茶木最有名的toast box這個是芒果味的，一如既往的很好吃！！！滿滿的cream和ice cream磚塊很香很脆，每次吃完這個都會覺得很滿足

忽然發現 茶木有輕悠下午茶時光最近心血來潮 想吃什麼就發現該食品有地方供應下午茶餐不知道是香港經濟認真麻麻還是本小妹好食神下午茶時間輕悠餐套一杯珍珠奶茶一杯熱真珍珠台灣口味奶茶一試便知龍與鳳老實說普通的台灣式餐廳-做個紅燒牛肉麵，都沒有茶木一樣水準-就算台北牛肉專門店一個辣椒醬：也少有茶木那種感覺雖則要加一加後60幾變成了70大元不過如果對吃有點要求不如正正經經給予合理的價錢去食茶木台北牛肉麵有大大舊紅蘿蔔⋯⋯湯超濃烈而且這裡侍應告知：不是間間茶木有下午悠閒時光添

今日約咗朋友去九龍灣， 正揀緊去邊度食飯，見到 好耐冇去嘅Teawood，又有位就入去了我叫左个 lunch set，有 鹵水蛋半隻、素鴨 一件、雪菜毛豆為前菜，一般味道，不過不失主菜是一碗紅燒牛肉手作麵、塔塔醬奶油海鱸魚， 牛肉夠霖，麵條彈牙，湯味道濃沃，鱸魚炸得不錯，不油膩，魚肉嫩，醬汁带酸，開胃，不錯，加埋杯熱薑茶我朋友的主菜係鳳梨糖醋里肌加紅燒牛肉手作麵， 糖醋一般係酸甜味，都做得唔錯，里肌幾霖，加杯熱柚子蜜，感覺圓滿，以$70一份，加上坐得舒適，值得去lunch，提醒雖然不是放题但也限時90分水準穩定之選！

早放工係Megabox見到茶木轉左小丸子森林精靈做主題，環境好靚，又唔洗排隊就入去食左個下午茶。原來除左小丸子主題食品，仍有提供平時食開的食物。下午茶做到6點，叫左個紅燒牛肉麵加熱水果茶，份量充足，牛肉蘿蔔好淋，水果茶酸酸的，加上舒適的環境，很滿足

叫咗地瓜燉牛坑腩，阿嫲元貝金菇蔥油麵，酥炸豬扒肉燥飯，芒果冰沙，巧克力火山，落咗哩五款！地瓜燉牛坑腩 --> (讚！) 內有牛根同牛坑腩，入哂味，牛根燉到冧哂！掂！阿嫲元貝金菇蔥油麵 --> (彈！) 食唔到蔥油味同元貝，金菇亦處理得過火。酥炸豬扒肉燥飯 --> (有彈有讚！) 酥炸豬扒炸到外酥脆內軟夠入味夠 juicy，肉燥太咸，而且台灣流行魯肉飯，轉為魯肉飯更理想！芒果沙冰 --> (勁讚！) 沙冰已經係賣飛佛，哩杯芒果沙冰味夠濃，有香芒味，份量夠，掂！巧克力火山 --> (讚！) 相比起芒果沙冰，味道淡咗dd，而且有奶味，我自己唔受得奶，但味道都唔錯。

😍小丸子X 茶木😍～～～～～～～～～～～～～～～～～～小丸子迷點可以錯過小丸子X 茶木主題餐廳，銅鑼灣、旺角、九龍灣都有限定小丸子食品，要集齊全部就要去哂咁多間。👧小丸子蕃茄肉燥鰻魚飯（$128）肉燥加左蕃茄變左肉醬飯，呢個配搭好難唔好食，酸酸甜甜好開胃，淋去蒲燒鰻魚，鰻魚嘅香味冇被掩蓋。👧小丸子吐司禮物盒（$82）吐司同平時差不多，香脆可口，上面配上曲奇味嘅雪糕，櫻桃及士多啤梨梗係唔少得啦。👧Bilibala 小食拼盤（$78）小食拼盤包括台式香腸、流心芝士雞翼、花枝丸、酥炸蝦、西瓜同火龍果。流心芝士雞翼有驚喜，食落去芝士流晒出嚟，仲加左少少菇，花枝丸淋上甜醬，酥炸蝦炸得剛剛好，唔會太油。～～～～～～～～～～～～～～～～～～

好耐無黎，感覺少左人，夜晚7點都唔洗點等位（閒日）。兩個人凈係叫左蚵仔肉碎泡飯（$77）、黑麻醬手撕雞四色冷麵（$72）同熱既桂圓紅棗茶（$41）。蠔仔泡飯就食開既，雖然個賣相同menu張相都差幾遠（之前食好似仲靚啲，宜家完全係hea左😂），不過味道係ok既，蠔仔夠大粒同夠份量，d菇都幾鮮。見手撕雞冷麵係期間限定、加上打完風又熱返當然要試下，就真係幾岩相機食既擺碟幾靚下，特別係四色冷麵夠colourful，味道正常（可能因為佢四色、好似覺得自己食緊d健康野咁），但手撕雞偏少😂成碟都感覺偏少，但食完都係會飽既。熱桂圓夠味，ok。

突然想食台灣野，茶木就成為首選。大概有半年冇去茶木，似乎餐牌有所更新，但特色飲品同甜品仍佔餐牌一半以上既位置。小食紅油抄手同地瓜墩牛坑腩率先上枱，紅油抄手配以切粒既青瓜上碟，令其辣味得以中和一下；牛坑腩及地瓜份量唔多，且較為油膩。接住有崧子櫻花蝦面上場，份量適中，味道較淡，唯獨當有崧子伴面時，味道得以稍為提升。我同朋友分別點左蝶豆花Oero 麻糬特飲和綠茶紅豆麻糬特飲，兩杯既賣相吸引，跟餐牌頗為一致。麻糬唔夠鬆軟，但整杯飲品味道香濃。

係咪個個都知道我工作唔開心所以個個都來約我食飯😜今日又到伴娘約我食飯啊佢可以早黎就揀咗茶木，我未到佢已經先order咗個冷麵話share😆然後我就嗌咗個午餐，滷肉飯配豬軟骨幾欣賞佢個包餐嘅飲品係紅豆薏米水好好飲又唔係好甜，啲紅豆又煲到軟綿綿👍🏻👍🏻相反伴娘嗌嘅西瓜橙個樣真係好靚飲落又普通如果可以全西瓜汁就好😎講番啲食個冷麵正喎👍🏻👍🏻雖然買相同份量同張相爭左少少不過都係值得推介當然我個豬軟骨呢，我呢個食肉獸梗覺得好味啦，其實我係好鍾意食茶木架😆😆

最近發現茶木真係開到梗有一間係左近的感覺，行街行到攰攰地，又見到佢~好，下午茶就你了~入座的時候就被告知用餐時間只有90分鐘。。。嗯，吃個Tea就應該還好，如果係吃晚餐，好似有點點趕喔。今次下午茶的重點--士多啤利蜜糖磚塊，其實即係厚多士層層疊加雪糕&士多啤利。外貌計絕對係呃like必備，食感計都非常豐富沒得輸，多士邊邊烘到好脆，內裡切成易入口的細細小方塊，一啖咬落去，有種爆蜜糖的感覺，當然唔中意甜的人可能會覺得吃多幾塊就膩了，但剛入口真係會有驚艷然後幸福的感覺，所以呢個產品都係比較適合三四個人開心share。然後再叫了一個芒果黑糖芋圓仙草~其實就係一個台式大雜燴甜品，有幾款唔同口味的芋圓、仙草、珍珠、紅豆、薏米，再加上芒果，拌勻之後口感非常豐富，同時味道不算太甜，可以解一解蜜糖磚塊的甜膩感。最後朋友再加一杯嘢飲，埋單200幾蚊3個人，按吃甜品來計唔算平，但就吃到好飽，按飽足感來講等同吃飯。。。

今日難得有半日假期，去同朋友聚聚，順便吃個下午茶！ 我地選擇咗九龍灣德福一間台式休閒餐廳- Teawood 茶木！可能是下午茶時間，一去到不用等位，直接安排入座！ 餐廳環境寬敞，有很多坐位！ 我們選擇了兩個下午茶餐：紅油抄手、溏心蛋雞翼、Rose Latte、水果茶！Rose Latte（玫瑰拿鐵咖啡): 拉花很有心思，但中不足的是杯咖啡來到巳有倒瀉！紅油抄手： 味道不夠辣，反而個汁有少少甜，感覺奇怪但食落也不錯！ 而且有青瓜配菜，很開胃！溏心蛋雞翼： 不過不失吧！水果茶：有很多生果在茶裡面，味道很有層次！轉眼間，傾傾計又五點幾，這裡的確是一個傾計的好地方！

星期一約好兩個同事一齊返九龍灣總公司開會，由於公司未來有一大方向改革，須要我地主任級同事返回總公司，聽聽公司計劃，下午兩點準時開會，期間會議十分流暢，歷時一小時的會議就這樣完了，同事間沒有異議，正式完會。咁早收工無所事事，我建議同兩個要好的同事，找地方吹下水，於是我地係德福商場行下逛下，同事提議去茶木到整個下茶，嘆個下午茶邊食邊吹水。我叫左個黑糖芋圓水果仙草，配黑糖珍珠奶茶，$45有齊一個甜品再加一杯台式飲料，我覺係十超值，一上檯賣相十分吸引，顏色鮮艷，而且份量幾足料，食落味道也不俗，士多啤梨幾新鮮，芋圓有紫有黃，口感QQ，仙草味濃的，黑糖珍珠有咬口唔太甜，紅豆、薏米、蘆葦、珍珠，整碗口感好豐富，另外有杯黑糖珍珠奶茶，飲料可以的，十分抵食。相反我同事叫左黑森林櫻桃蛋糕，蛋糕件頭細，味道是可以的，只配普通飲料熱檸水，都要五十幾蚊!綜合來講，黑糖芋圓水果仙草，配黑糖珍珠奶茶價錢抵份量多，性價比高，值得推介俾大家!

同朋友食完晚飯之後，我地起九龍灣行咗陣街，行行下見到有d鋪頭開始準備收鋪，先發現完來已經行到9點幾。我地仲想傾多陣計，於是決定起德福廣場搵間餐廳食甜品。行經茶木，見冇人排隊，於是決定食茶木嘅蜜糖磚。依間茶木係冇㩒飛嘅機，所以我地要自己搵staff帶位。Staff見到我地就主動同我地講佢地last order係10：15，問我地有冇問題，我地ok咗之後起門外面等咗大概5分鐘，staff就準備好座位俾我地。抹茶紅豆層層疊黑糖磚塊($82)朋友好鐘意抹茶，所以就叫咗抹茶味嘅蜜糖磚。一嚟到個樣係一如以往咁，好適合打卡。而味道方面，雪糕好重綠茶味，溶嘅速度唔算好快，可以慢慢食。不過朋友就話依種唔係抹茶，只係普通綠茶雪糕，我就對抹茶冇咩研究，好食就得la。紅豆蓉對我嚟講有d過甜，好易就膩。咁甜嘅紅豆再加埋黑糖醬，可以話係甜到漏。多士粒好脆，好好食。我就建議就咁點雪糕食就夠。最後提提大家，起茶木用銀聯信用卡埋單會有九五折，其他信用卡冇嫁，如果有銀聯嘅話記住用，難得銀聯有優惠😂

今日放假約左朋友去睇商場既exhibition,所以黎到九龍灣,未睇之前緊係要去醫下肚喇😋😋近近地,又好耐無食,茶木,決定是你了😘我同朋友2個都唔係食好多,所以今日叫左一個小食一個甜品士多啤梨磚🍓🍞,幾年前係熱點打卡既,今日心血來潮再去會會佢～我自做鍾意夾開個雪糕先,等佢溶左唔會整到個多士濕晒,多士照舊糖漿面🍯另外叫左個三寶小食,有溏心蛋,豬耳同魚豆腐,溏心蛋好食🍳豬耳辣得好過癮,魚豆腐都幾彈牙幾得意😁

德福食飯多選擇，原本諗住食壽司或日式料理，點知勁多人。拿完飛轉個圈行吓，又俾我見到間茶木，啱啱冇人等位，就佢啦。話咁快就入坐了。見到第一張晚餐牌已經有心水，亦冇再去望其他了。叫左兩個餸，加 $30 變套餐，有飯有沙律或蛋糕，仲有飲品，明顯引人啫。落完單D食物陸續送上....... 隔離枱 原來姐姐落錯枱號，好彩D枱夠密，影響不大可以自行解決。飲品先行，有玫瑰花茶同柚子密茶，玫瑰同柚子都偏少，只能說是點敍或吊味。鳳梨鮮果甜酸肉咕嚕肉的變奏版，都幾大碟，味道唔錯，有集團酒樓的水準。上完主菜先返轉頭上沙律，我地都差D唔記得左。咁就中西合璧一齊 fusion 吓喇！食到七七八八，先上另一道菜式，沙茶大蔥牛小排。其實反而似金不換炒牛仔骨，味道太濃了，一定要送飯食。食到飽飽，原來仲有件甜品，小茶木戲院。唔知係因為飽定太甜，兩個人 share 都食剩一半。甜品櫃冇乜剩，莫非咁快沽清？服務一般啦，見隔離左右都好難先揾到人落單、收碟、加水、拿碗仔.......一來唔夠人，二來手腳慢，亦有漏單錯單，要改善吓。