茶寮 京都仁王門

营业中

休息中

個陣時圍板嘅時候，已經超期待，無計啦，依家無得去旅行，一見京都 pancake 就😍 心心眼，但點知失望😔😔😔😔😟😟😟原味班戟 $82中間有cream, 另有轉糖漿另上；pancake 唔係平時食開 happy pancake 個種會搖搖下， 但蛋味好突出，都幾香。焦糖燉蛋班戟 $88上枱嘅時候都有好香嘅焦糖味，pancake 裡面有餡料嘅，甜甜地；伴碟嘅士多啤梨仔都算新鮮，但唔算甜。Espresso Soda (跟 pancake + $34）Caramel latte (跟 pancake + $38）其實跟餐飲品比起正價只係平 $4 🙄🙄 杯飲品大概係中size , 唔太值…. 日本京都餐廳，但就無日本嘅服務態度，可能新開張啦，服務態度真係有好大嘅進步空間。星期六夜晚，好多人等位，侍應小姐對客人態度冷淡，等咗 35 分鐘；入座後，見到幾次兩個 waitress 係度傾偈好開心，但客人點餐、問嘢嘅時候就唔識答又唔helpful。整體嚟講都係失望嘅 😞

一早知到仁王門黎香港，有好多Foodie影相出黎好靚，就想試下九格御膳。12點入坐，就立即問今日有冇御膳，侍應話有，就order餐點：1）汁煮牛、唐揚雞定食。2）九格御膳。等左15分鐘，第一份定食嚟左，先唔講味道，只係賣相都跟足商品說明條例，牛肉得3片，仲少過吉x家下午茶個牛丼，唐揚雞不過不失有4舊。但個飯只係暖，冇味素只有少少紫菜，sad。等左20分鐘都未有第二份餐點，就想食住等啦，然後就聽到有女待應隔離枱話冇熱食，心知不妙。等多5分鐘，侍應通知原來全店熱食都冇哂，連我份御膳都上唔到，只係得返飲品同pancake，就直接拎左張單做cancel order。咁點解當初又同人講話有呢？好失望

同朋友行完donki就係附近搵間甜品坐得傾下計，經過見到呢間啲pancake好吸引就入去一試。等咗一陣位就有得入去啦，見到menu有好多款pancake選擇，由於剛剛食完午餐無耐，所以我哋3個人最後揀咗2款pancake食-「焙茶pancake」同「朱古力pancake」。因為即叫即整又係下午茶時間，附近食客大多都係叫pancake，所以都等咗一段時間先有得食。焙茶係我想試嘅味道😋一開始就俾佢個黑芝麻雪糕吸引咗🤤佢個黑芝麻雪糕好香，我哋都覺得佢好好食而且同pancake上面嘅焙茶粉都好夾，上面啲黑豆甜甜地成個set唔會好甜好漏朱古力味呢個pancake嘅味道好穩陣多數朱古力配香蕉都唔會中伏而呢個pancake都唔例外加上佢上面啲朱古力碎都唔會好甜啱哂我哋口味呢間餐廳傾計食tea都唔錯，下次會再黎試下其他味道。👍🏻

Happy Friday 要輕鬆一下，所以特地由上環往荃灣試新店。香港現在都甚多日本Pancake 店，但這間是從京都過來的，算是關西版的Pancake!我點了焦糖Pancake 和抹茶鍊奶沙冰，不是套餐，Pancake $88.00, 飲品$52.00Pancake 有焦糖面內有guts 醬，味道可以亦很飽肚但又唔會令人想encore 再食！飲品充滿綠茶粉和小量紅豆，綠茶粉下是cream, 食完cream 攪勻整杯可能有鍊奶都幾甜！

發現我屋企去荃灣西站只要15分鐘，所以即刻約朋友試食來自京都的新鬆餅店，期間限定的蘋果鬆餅和焦糖燉蛋鬆餅都好吸引，仲有各種和風定食可以醫肚和打卡呢！如果要數香港人最掛住的旅遊目的地，日本京都唔係第一位都應該係第二位。這間「茶寮 京都王仁門」由來自京都的菓子老店京榮堂創立，首次以茶寮形式呈現地道和風滋味，供應日式招牌班戟、傳統仁王門御膳及定食、特色忌廉烏冬和吐司等，帶食客味遊日本。茶寮位於荃灣西站海之戀商場地下，直頭連住地鐵站，方便到暈低。未入門口先被玻璃櫃的拿破崙蛋糕和戚風蛋糕吸引，造型咁靚好想食喎！戚風蛋糕仲有兩個呎吋，除了現場買也可以預先在網上訂好再來取貨，方便同朋友慶祝生日或聚會。日式定食的部分全部都有肉，蔬食之選我搵到一個黑松露滑蛋牛角包配薯菜。招牌鬆餅採用獨特的日式製法，精選優質食材如日本麵粉和新鮮雞蛋，每一份都係人手即叫即製 (所以要等20-25分鐘喔)。七款常規口味各有特色，每一款都好特別好吸引，真係有少少花多眼亂。一睇個酥皮就知鬆脆的拿破崙蛋糕共有四個口味，無論水果或者秋季栗子都好想試。飲品主打奶昔和沙冰，另外仲有豆乳特飲，杯杯新奇，外面唔多地方飲得到。黑松露滑蛋牛角包

朋友話想來試吓，見到京御膳，真係好吸睛，點都要叫來試吓。還有，這裡既班戟和奶昔都幾出色。🤩 仁王門御膳 $138 靚就真係幾靚嘅，但味道個人就覺得真係麻麻。 因為八成都係酸嘅，而且仲係好酸，唔係幾好食囉！好似改咗 menu 啦！配搭唔同咗，應該會好 d 吧！🤩 宇治抹茶班戟 $102 👍 真係好味，班戟有蛋香，推介🤩 抹茶煉乳奶昔 $52👍 真係好味，推介🤩 焙茶班戟 $108👍 班戟有蛋香，香濃芝麻味雪糕🤩 焙茶黑芝麻奶昔 $52👍 好香芝麻味，但係沙冰底，夏天一流如果，抹茶和焙茶，我個人比較喜歡抹茶。還有，個人覺得甜品似乎比鹹食優勝一點 ！

又一家過江龍pancake店🥞這家是來自京都，menu裡除了有主打的梳乎厘pancake，還有定食，烏冬和吐司🍞又豐富又吸引😍//✨半熟蛋蟹肉吐司麵包愛好者的目光馬上投放在這款吐司🤩丹麥吐司很酥脆，還有牛油香；中間夾上了滿滿的蟹肉，溏心蛋蛋汁也流出來了😝每一啖麵很滿足!! 伴碟的薯條就較一般，不熱也不脆～✨宇治抹茶班戟Pancake的選擇也不少，但最吸睛一定是這款🍵附上了日本直送蕨餅、特濃抹茶醬和抹茶雪糕😃兩片pancake不算厚身，有蛋香，可惜口感結實，空氣感不足，所以完全沒有動L的效果，有點失望呢🙁幸好伴碟的各樣都不錯，抹茶味挺甘又濃👍🏼✨焙茶黑芝麻奶昔除了有咖啡和花茶，豆乳特飲和冰沙類也很吸引! 這杯頂層是焙茶粉蓋著忌廉，下面是黑芝麻冰沙；焙茶粉和黑芝麻的味就未有融合，喝下去就只有芝麻味，但味道不濃也偏甜😗

荃灣海之戀 茶寮京都仁王門 之前圍版等了一段時間終於等佢開咗啦。在星期六一點等左不用30分鐘就可入去，食物方面選擇不太多，但睇落幾精緻而價錢都可接受。原味班戟口感不夠鬆軟但幾香，糖漿配忌簾幾好味😋飲品甜度不可減少有點失望，幸好味道芝麻味幾濃，不過抺茶就偏淡，上面有小葳餅好味❤️。甜度偏甜咗少少，飲了大半放棄沒有再飲。忌簾都幾滑，如芝麻入面再加焙茶會更好。待應都幾快手而且有禮貌，坐得都舒服。整體每人$100左右可接受，坐90分鐘都夠時間。

見到餐廳新開張，又見到餐牌都幾吸引，就趁放lunch特意過黎試，點知中晒伏。做完野，中午食完呢餐，真係有種洩晒氣ge感覺😪—————————————————————我地2個人叫左2個定食，1杯飲品，埋單$278，質素真係完全唔值呢個價。一個餐揀2樣配菜 $98我地揀左唐揚、煮牛肉、照燒雞排、鯖魚（仲要再加$15）。一上菜d野食好似縮晒水，勁細份😥，仲要入口d餸係唔熱的。得個烏冬係熱，但都唔太好食，因為個湯冇咩味。麵豉湯又太稀。4樣配菜，得個唐揚雞係唯一好味少少。其他都真係唔掂…🤢 因為第一次黎，所以想試埋d飲品，叫左杯$42的抹茶蜜糖豆乳，又係好失望。😓佢將抹茶同豆乳分開上的，我倒左d抹茶落去，完全冇變色。飲一啖試下都完全飲唔到抹茶味🤔，豆乳味太濃，又太甜，蓋過晒d抹茶味。我同一個女侍應講「呢杯野我飲唔出抹茶味」個女侍應就咁「哦」就走左去，行左去同個水吧細細聲唔知講咩，我仲諗緊佢係咪處理緊我個問題，但係冇。呢下作為客人，對個服務態度係有d失望。😥我就同另一個服務態度比較好的男侍應講「可唔可以再比多少少抹茶我？因為真係冇抹茶味」最後加多左d抹茶，都仲係冇抹茶味。感覺就好似用$42買左杯豆

見呢間新開嘅餐廳食物賣相吸引，今晚特登嚟試吓。因為不是太肚餓，所以兩個人叫咗兩個pancake，一個係雜果，一個係期間限定嘅林檎。過咗半個鐘頭，雜果黎左但係餅底偏薄，賣相一般，不過蛋味都濃嘅。食完等左好耐都唔見另一個pancake，追問waitress 是否漏單，佢問完 好誠實話個pancake整完，師傅唔滿意，所以重新整過，等5至10分鐘就可以。點知等左15分鐘都未有，再追，話要多5分鐘。因為等左接近1小時，我話如果整唔到，不如埋單算啦，唔要啦。waitress 真係直接改左張單，俾我地。 唉，超失望，如果一早知整唔到，不如叫我地改單算罷。令人失望既pancake及餐廳

朋友仔移民去英國，所以臨離開香港前相約食個甜品，大家坐低傾下計，下次再見面都唔知係幾時！我哋選了位於海之戀商場的茶寮 京都仁王門，order了一個朱古力pancakes，一杯焙茶黑芝麻沙冰。焙茶黑芝麻奶昔沙冰 - 面頭有一層厚厚的Cream，個Cream有陣奶香味，都幾唔錯，仲有少量好有𡁻口的麻糬，而黑芝麻沙冰味道也很突出，整杯飲品不算太甜，幾適合我口味！朱古力pancakes - pancakes質地比較厚實，應該係焗嘅時間多咗啲，所以口感上似係食緊蛋糕，至於拌碟的朱古力雪糕都唔差，但建議朱古力醬可以再比多d，又或者可以朱古力醬另上，由客人選擇落幾多。整體而言，飲品方面比Pancakes出色，但也不失為一個與朋友仔見面傾計的好地方！

當知道荃灣會開間新既日本京都人氣甜品店已經好想試。今次專程去荃灣試一試。今次Order叫左兩個班戟同埋抹茶煉乳奶昔。《宇治抹茶班戟》同《焙茶班戟》每碟都有兩塊班戟而且係面層撒上抹茶粉或焙茶粉，仲配有日本直送抹茶/焙茶蕨餅、特調抹茶/焙茶醬、忌廉同抹茶/芝麻雪糕。因為有幾種配料，咁可以配搭到幾種唔同既食法。我比較喜歡將班戟＋雪糕再加少少特調抹茶/焙茶醬，咁樣可以食到更加濃既抹茶/焙茶味。至於《抹茶煉乳奶昔》，我覺得抹茶比較淡所以加入班戟剩下嘅特調抹茶醬，即刻有濃濃嘅抹茶味。

是次行過路過有人排咁就試試吉烈廣島蠔蛋沙律吐司🍞：蠔味是鮮美（細隻左d).蛋沙律冇咩蛋味.吐司係用牛油包做既可惜唔夠香咬落唔得軟棉.焙茶班戟：口感只屬普通.未至於可以入口就溶食泡泡感芝麻雪糕.味道不過甜👍🏻服務員：表現基本.企係客人旁位都冇睇下水杯有冇水.叫佢都叫做那那林.環境：佢係半開放式.會近有商場.變相被人昅住食

呢間新開日本餐廳，IG成日見到有人介紹。有幾次經過都有8成入座率，所以都對佢有信心可以一試。今日行完donki就過嚟試吓甜品。味道選擇算多，四個人每人叫一隻味，可以試多啲朱古力🍫好多朱古力碎加朱古力醬，好重手🤨可惜個朱古力雪糕太甜，冇咩朱古力味🙊香蕉好新鮮😃souffle pancake一般般，可能打發嘅時間唔夠😪唔夠空氣feel，好快塌。綠茶🍵一上到枱就聞到好濃綠茶味好豐富有蕨餅、紅豆，綠茶雪糕😋雪糕好食，綠茶蕨餅仲好食🤘🏻林檎雖然賣相一流，但四個之中最差呢個🙊培茶味好香勁多培茶粉，好夾。培茶味蕨餅好香好正，配埋黑芝麻雪糕一流。呢間座位好坐，店員有善👍🏻行街行到攰食下甜品吹下水係個好選擇。

見新開，又係過江龍諗住午餐去住試下，叫左3個正餐，2份甜品，見到個賣相覺得好ok，點知食落唔ok🤢9格餐🔸麻麻地，唔係個個岩食，其中有2味唔知咩黎，酸到喊😵，個人認為唔值百幾蚊意粉餐🔸ok，可以接受，唔算難食檸檬烏冬餐🔸呢個係伏黎🤮，似白開水溝烏冬; 個湯無味，諗住篤少少檸檬有啲檸檬味可能好的，點知仲衰。。。變凍O水加烏冬🤮啲味完全唔夾唯一可以讚係3個餐既炸蠔都好食，食個時仲熱辣辣，但唔會有油膩感。其餘2個甜品不錯，可以Encore就算再去食都只係會返去食甜品，正餐就不了🤭價錢唔平同唔係特別好食