茶寮 京都仁王門

营业中

休息中

每次到日本除了魚生壽司之外最喜愛的就是日本咖喱，日本每個地方的咖喱都有着自己本身的特色和配方，所以總係有點不同。今日到海之戀的「茶寮京都仁王門」吃了一個咖喱飯，有點兒去了旅行的感覺。「28辛京都風咖喱吉列豬扒蛋包定食」是採用京都28種香料製作而成的咖喱，辛香味十足唔會太辣，吉列豬扒炸得非常酥脆仍保留肉汁，我好喜歡那個滑蛋，有蛋香配上咖喱汁和白米飯真是一流，套餐還有麵豉湯及日本茶。「宇治抹茶班戟」班戟材料由日本直送，班戟上面鋪滿抹茶粉鮮艷奪目，煙靭的蕨餅、濃厚的抹茶雪糕還有紅豆蓉，口感豐富。「真夏之芒果疏乎厘班戟」日式班戟鬆軟富蛋香，香滑忌廉加上香甜芒果，不錯的甜品。「黑糖黃豆粉豆乳奶昔」味道濃厚、冰沙透心涼，加上幼滑的忌廉，可以一試，套餐加配還有優惠喔。

今次又跟朋友去荃灣搵食啦，到底有咩荃灣西美食推薦？發覺最近搵食地圖都係同荃灣甜品有關，今次去到近荃灣西鐵站嘅海之戀商場食肆「茶寮京都仁王門」，試咗一份主食、一份小食和一份甜品！而堂食滿＄300已享有9折。黑松露沾醬薯條 HKD 42頭盤先嚟薯條，搬盤唔錯，薯條睇落夠脆，炸得金黃，而黑松露就另外以細盤裝住。薯條無雪味，口感香脆可口，係會食唔停！！不過個醬唔夠香，有啲淡，如果有啲黑松露碎就正。特級吉列豬排 HKD 118（凡惠顧任何揚物、燒物或人氣料理〔除特盛鰻重〕，均可以＄28加配季節前菜x2、飯團／稻庭烏冬、麵豉湯、時令水果及冷日本茶）麵豉湯、時令水果及冷日本茶可免費添加1次！呢個餐揀咗配烏冬，個湯幾濃味，少咸，唔會煮得太軟，烏冬都吸收到湯嘅味道，唔錯。前菜、水果正正常常，日本茶茶味清新，忍唔住再添飲一杯，幾解渴。豬排份量都唔少，無多餘油份，炸得乾身，不過豬排口感少少乾，肉汁一般；比較少出現炸粉同豬排分開嘅情況，就算咬開都唔會散哂！不過豬排味唔差，可以一戰！朱古力班戟 HKD 108今次飯局最期待嘅甜品，本身想叫 Tiramisu，但係𠴱陣無得嗌Sad。不過呢個班戟一啲都無令人失望，大

係荃灣海之戀行街，見到有新開既日本餐廳，裝修同餐牌上嘅食物都好似唔錯，就想試吓，但因為都幾多人想食，要排隊，等大約半個鐘左右好～嘢食到啦，喺等位嘅時間見到有人嗌鰻魚飯定食😋就已經好吸引成條鰻魚上，好好味😋啖啖肉，一個字不過價錢就比較貴！另外佢啲配菜：居然有魚仔🐟有沙律🥗有生果仲有麵豉湯，另外佢杯綠茶先係精粹，好有返咗日本嘅感覺🤩仲叫咗個炸生蠔咖喱蛋包飯🍛,咁咖喱有少少spicy可以接受嘅，炸生蠔都好脆，d蛋好滑呀😋有一點想稱讚嘅！就係我個女食都唔夠🍚咁就問侍應一個飯幾多錢？個侍應居然話唔夠飯我可以比一碗你呀個🍚仲好精緻添呢個小食芝麻雞翼，炸出嚟都好脆，入邊都好入味，一個字最後叫埋個甜品，雜果疏乎厘pancake！呢個甜品有少少失望，個pancake入邊唔夠鬆軟，另外個賣相普通咗少少🤏佢收得咁貴expect佢賣相應該好好，味道應該一流，但係做唔到，期待佢嘅改進

點左吉列廣島蠔蛋包定食，飯吾夠熟，廣島蠔有吾新鮮，有啲唔好既味，但未至於臭。叫咗杯原味特濃豆乳，冰粒佔咗大半杯，味道OK。宇治抹茶pancake，不過不失。其他一般般。

剛係門外排隊拿了 3 位的 B013 號籌，等候約 20 分鐘終有兩枱客人離座，而 B 號亦叫到 B012，店員清潔完畢後，沒有即時叫客人入座，再過了 10 分鐘仍然未叫，我隨即問一位男店員，佢竟然以一個嬉皮笑臉而又莫不關心的態度回覆我們會叫，在本人多番查問之下，男店員仍然站在門外對我們不予理會，很想知道管理層是如何聘請和培訓員工，可以讓這樣一位態度奇差的員工來招呼客人，還沒有嘗過 貴店的美食和甜品就先讓人倒肚口！最後我們一行 3 人沒有光顧就此離開 …… 很感謝這位男店員，讓我們把吃甜品的錢省掉，因為他請了我們吃了一肚子的氣！亦希望管理層可以對所有前線員工多進行培訓及對此位輕佻的男店員給予處分！

#lunch #荃灣西事隔好耐再嚟海之戀食lunch，依家開多左好多鋪啦ʕ •ᴥ•ʔ 見到呢間茶寮好似幾靚就入咗嚟，坐低開app睇下食咩先發現oh no全部都係負評◉‿◉個個都話伏！但都入咗嚟就試一試啦ε-(´∀｀; )鹽燒花魚定食🐟-$88咖喱極上漢堡趴蛋包定食🍛 -$98金時豆乳 🍠🥛-$18其實又唔係真係咁差喎！個花魚幾好食，金時豆乳都好滿意ʕ •ᴥ•ʔ不過pancake真係麻麻！好粉好厚實，要靠糖漿搭救(´･_･`)嚟食定食都ok嘅，甜品就要諗諗啦！#荃灣 #荃灣西 #海之戀 #pancake #班戟 #foodie #hkfoodie #hkfood

話說食完海底撈行過見到佢有焙茶梳乎厘 焙茶控當然會想試下。 見佢相好吸引就入左去食啦😵‍💫 因爲自己都係做飲食行業，梳乎厘等30分鐘 可接受 因為出面都係甘上下。 一坐低 職員會放低二杯水。 甘岩望到。原來佢地係一早針好曬一盤水！！無遮無蔽🫠。 當然你更加唔知道針好曬既水，放左係個到食塵食左幾耐啦。 好啦重頭戲黎啦。 梳乎厘本身影相郁一郁過佢 佢成座山甘唔郁 都心知不妙 🤦🏼‍♀️。一吉落去。🫣⋯⋯ 無估錯佢一定唔係空氣感既梳乎厘，奶.蛋香係有 但食落口個質感真係錯_曬 實到根本唔係個回事 我只可以話係雞蛋蛋糕🌝 焙茶醬完全唔濃🫠勁稀。 似甜奶多d🤭 反而芝麻雪糕就好鬼濃芝麻味喎😂 真心既 成碟 真係稍為好小小就係個幾粒蕨餅👎🏻。 pancake 做到咁 真係好難會有回頭客👎🏻！ 唔會再去食👎🏻 都希望唔好有人再中伏。都係食完再上OpenRice 原來係咁多差評。

見到張相質素唔錯，而有不少人等位，諗住試吓啦。點知中伏⋯⋯賣相一般，主要係鬆餅個質地好硬…鬆餅肉鬆餅之間沒有果醬或其他調味。價錢又貴質素又普通去麥當勞食熱香餅早餐仲好

本身都好少寫評價但呢間餐廳實在太垃圾，一肚氣唔寫唔得，避免其他人中伏。首先個餐牌，午市去食叫個吉列豬扒成$108原來咩都唔跟，如果要加飯同湯果d要加$28蚊先有，心諗邊個食lunch淨係食塊豬扒，錦樣設計有少少似局你入去坐低再開天殺價。加完錢仲要淨係跟杯綠茶，其他飲品要加正價一半或70%先有，真係肉酸到… 如果係度要叫一個正常嘅set計埋加一，分分鐘要成$200蚊人頭。心諗如果你交到錦上下質素，你收呢個價我ok！點知上菜，所謂豚肉生薑燒，質素仲差過兩餸飯，睇得出只係將d肉片浸熟再淋d芡汁上去，塊肉片仲要又硬又柴。另外個吉列豬扒亦已經乾晒水，食到成口渣。個炸皮又係硬到好似石頭錦，完全唔鬆脆。加錢既飯團都係經典，壓到死實實表面己經結成一片，望到都唔開胃。麵豉湯一般貨色，其中一個餐仲要比漏，同佢講先補返。入黎本身諗著食佢主打既梳乎厘，點知停左，入座之前又唔講聲，淨返d班戟可以叫。其實疏乎厘主要材料就係蛋，唔明點解停，可能班戟易整或者整定可以慳人手掛出菜快掛。咬完佢件所謂班戟完全冇懸念，可以判定呢一間店係賣係緊垃圾。唔講以為自己食緊光酥餅。我好懷疑佢哋唔單止係唔識煮野食，根本就冇心做食物。叫完

原本打算試下佢最出名既梳乎厘，可惜店員告知餐廳唔做梳乎厘，改用鬆餅代替，暫時都冇收到公司通知會幾時有返梳乎厘，一場黎到就試下佢既鬆餅，可以話係麥當勞仲好食過佢，而且份量好少，塊鬆餅好細件賣過百蚊真係好唔抵食，其他主食亦唔出色，原本佢送錯餐送左吉烈豬排，我清潔完餐具用筷子夾起件豬扒嗰時，個職員話上錯餐問我食左未，我話未咁佢就話換過俾我，收走出錯嗰份拎左入廚房唔夠一分鐘，再捧住碟吉烈吉排出返黎送餐俾另一枱，我唔知係咪我嗰碟，大家自己諗下啦！

之前睇過一篇報道「日本人氣甜品店登陸香港，首間茶寮進駐荃灣」介紹🍵宇治抹茶梳乎厘班戟就好想去試，抹茶控對今餐滿心期待😍而家堂食只係去到6點，所以5點就已經截單，我地4點40分左右去到，前面仲有幾個人等緊，好彩職員手腳好快，一有人走就即時執枱清潔+安排入座，我地等咗唔洗10分鐘就入得喇😊可惜入座後發現冇梳乎厘班戟食😫 不過話明係抹茶控，有抹茶味嘅野我都喜歡，冇所謂啦😆 今次就試吓日式鬆餅先啦🥞‼️注：日式鬆餅推出期間，梳乎厘班戟將會暫停發售‼️✨宇治抹茶日式鬆餅 $108鬆餅面層鋪上一層抹茶粉令鬆餅食落更濃抹茶味。旁邊有兩粒QQ韌韌嘅抹茶蕨餅，味道同咬口都值得讚賞👍🏻 另外仲配一球抹茶雪糕、抹茶醬同埋紅豆蓉。鬆餅配抹茶醬係好食嘅，可惜鬆餅質感偏硬，影響口感😥✨雜果日式鬆餅 $118新鮮水果配埋雜莓醬，面層鋪上厚厚忌廉。香蕉夠熟所以甜，金奇異果同士多啤梨都唔酸，水果每款都唔錯。忌廉幼滑，配鬆餅食一流，再加埋雜莓醬，酸酸甜甜開胃又好味，但同樣係因為鬆餅質感而扣咗分😔✨完熟清甜蜜瓜日式鬆餅 $118清甜蜜瓜加啫喱，鬆餅面層旁邊亦配有忌廉。忌廉質感滑溜，配鬆餅食令味道提升不少，而鬆餅質感都係一樣，真

無意中在網上發現了這一間餐廳，介紹的標題是:日本人氣「京都仁王門」登陸香港 首間茶寮進駐荃灣！限定日式班戟/料理定食/吐司，覺得非常吸引，所以很快就決定去這間餐廳試一下日本人氣的甜品以及定食。餐廳位置在海之戀商場地下的食街，到達時看到原來餐廳並非那麼大，也並非太日式裝修，也沒有景觀，屬於半開放式，看似也沒有網上介紹的那麼吸引，已經有少許失望，可能是午膳時間，所以餐廳人客都很多。一場來到，當然也要試一下，午餐時間當然是要先吃定食，之後再吃甜品。看到門口介紹這個「人王門御膳」，所以就點了一客。人王門御膳 ($158)上枱是用一個分開九格的盤子，每格入邊有不同的食物，分別是上)牛肉煮 | 吉列炸蠔| 日式燒茄子(中)燒鯖魚 | 唐揚配柚子胡椒醬 |北寄貝沙律(下)人王門御膳日式照燒雞 |京都玉子燒 | 醬醃糖心蛋~牛肉煮:只有二小塊，睇落好乾，且不太熱，味道一般。~吉列炸蠔:有兩隻，雖然不是剛剛炸起，但仍保持一般熱度及還是JUICY，味道OK。~日式燒茄子: 呢個真係太普通啦，都唔似係燒，而且咁少，會唔會孤寒啲啊?~燒鯖魚:在這一盤御膳內份量算是大的， 起碼隻碟係最大， 哈哈，入口沒有魚腥味

☞ Pancake控一出街見到有pancake就要去試，但成日好驚中伏。因為好驚俾成舊水食空氣，又無蛋香味。呢間原來係日本過江龍，所以抱住應該無伏嘅心態去試。🍴焙茶Pancake（$108）❖ 佢係原味pancake嚟，面頭有啲焙茶粉，配上黑芝麻雪糕、黃豆粉蕨餅同黑蜜。❖ Pancake唔係好重蛋香味，配埋黑蜜食個焙茶味都唔係好突出。不過好在Pancake比較厚實，口感實在，唔係嗰啲食完得一陣風嘅口感，我自己都幾鍾意～❖ 相反芝麻雪糕超濃郁，鍾意芝麻嘅大家一定要試吓🍴焙茶黑芝麻奶昔（$52）❖其實佢只係一杯普通嘅黑芝麻奶昔，只係面頭多咗啲焙茶粉。溝埋嚟飲其實唔係好飲得出焙茶味，你當佢係一杯普通嘅芝麻奶昔就ok，不過佢比較稀，唔係稠身嘅奶昔，呢個就因人而異啦～我自己就覺得有啲貴，不過芝麻控可以一試～

茶寮 京都王仁門價錢💲: $98/ $98/ $108好味程度😋: 2.7/5服務🍴: 3.7/5環境🗾: 3.7/5性價比🥢: 3.5/5回頭率😚: 2.5/5-食pancake的地方越來越多，如果食到一個夠fluffy鬆軟識震震下的pancake真係會開心一日😍見荃灣開左呢間主打食pancake同和食的餐廳，決定lunch要去試一試佢。-✅仁王門定食(牛肉煮+吉列廣島蠔)。牛肉煮就係普通的牛肉飯上面個D，不過佢好夠味，洋蔥又好甜，要來配飯食唔錯🥳 吉列🦪有4隻，夠脆夠飽滿，不過外皮比較厚😆 每個套餐都有碗味素飯同麵豉湯(唔係是但溝水個啲)，再加埋一球超好食的柚子蕃薯蓉，綿滑清新好好味😛-✅仁王門定食(日式唐揚+照燒雞腿)。唐揚正常，4大舊，入面的雞肉都嫩🤩 照燒雞腿好味D，因為雞腿肉仲滑，加埋照燒汁甜甜地。如果4個餸排順序中意，我會係雞腿肉>炸蠔>牛肉煮>唐揚炸雞😌-❌焙茶班戟。大件事🥶首先上面個2粒黑豆令賣相差左好多😂 pancake完全唔空氣感，入面係好實，完全震唔到🥺 雖然有啲蛋香，但個質地錯晒🤢 焙茶醬都唔係好濃焙茶味，好稀🥴 旁邊的芝麻雪糕濃就濃芝

早餐又未食，午餐又未食，竟然第一餐就食班cake！之前一早已經想來呢間餐廳食班cake 㗎喇，便今日放假，第一餐就pancake 老公就正常午餐！▫️定食$98叫完5分鐘左右就現，全部都應該係預先預備好，係烏冬先係即煮！所以其他食品好似雞同埋牛都比較凍，一啲都唔熱嘅感覺，連暖都無😩😩😩感覺扣晒分！一叫完就同我地講話要等20分鐘，OK冇問題20分鐘都唔係太久。點知當我老公食晒野我Hea咗好耐，加埋都等咗成30分鐘之後，就問侍應有未，佢就話仲要多6分鐘，打緊個野莓醬！咁食好嘢都係要等下嘅，所以我哋好耐心咁樣喺度Hea多陣！足足等咗40分鐘，千呼萬喚始出來嘅pancake終於出現！▫️野莓pancake $92有空氣感，唔會實的的，而且都算綿密，而且蛋香唔錯！野莓醬都恰到好處，酸甜酸甜咁唔會令食pancake 感到好heavy !唯一美中不足的是，個cream唔夠多！不過單論pancake來講，呢間唔貴！下次可以再食，不過真係只可甜點！