茶咖里

营业中

休息中

其實這家店已經說過很多次不過每次都係食全日早餐系列價錢算合理份量嘢10分大份奶茶就見到佢是在水吧不停拉而現在改了用手機落單也10分方便及智能化，唔洗怕叫唔到人落單而午飯時間這兒人山人海，要興趣的這要早些來排隊

A really nice cafe x cha Chan teng to enjoy a morning breakfast at! You’re able to satisfy both cravings for local HK style food and a nice milky latte without having to go to two different places! Their cha siu is really nicely seasoned and is tender enough, and I’m always a sucker for scrambled eggs on toast 🥰 Will come back and try their cha siu egg with rice!

抵食良心小店！今日係附近做野，過黎食個lunch，呢個地方都幾隱閉，比較難搵。我地坐出面，秋天涼涼地，即使係中午十二點正，都唔會太熱，坐得幾舒適。我叫左一份常餐，有叉燒出前一丁，炒蛋火腿同多士，加一杯熱咖啡。咖啡好香滑，多士唔夠牛油，炒蛋火腿正正常常。出前一丁都係平時茶餐廳個種，唔算太特別。整體黎講食物中規中矩，同一般茶餐廳既不同之處係，呢到帶有文青既味道，用QR CODE落單，而且食物有好多選擇，除左茶餐之外，仲有all day breakfast、滑蛋飯等等，仲可以揀多汁/少汁，全熟/半熟，服務一流！

平時都黎開呢度歎番個下午茶，芝士牛油果魚柳菠蘿包配黑松露醬薯角係我嘅摯愛，好大份好抵食，菠蘿包夠鬆軟，魚柳夠香滑夾埋個牛油果同番茄，口感好特別味道好夾，薯角佢炸得啱啱好唔會太軟，基本單吃呢個就已經夠噻飽。叉燒炒滑蛋飯都唔錯，蛋好香滑，配番個港式奶茶，正到無得彈！

「叉燒炒滑蛋飯🐖🍳 ($48)」呢個組合無唔好食嘅理由😎但其實要做得出色都幾難！🤣💕蛋幾滑幾大份 叉燒肥瘦適中 但唔夠厚切 成個飯甜甜地😌btw拉花咖啡☕️(原價$38；跟餐+$8) 🐰小編試過 幾抵飲幾正(可以睇返之前個post‼️)-「BBQ Pork and Egg Rice🐖🍳($48) 」is always a wise choice for lunch as egg and honey-grilled pork are always delicious😎.However, it is difficult to master this dish! 💕🤣The scrambled eggs are perfectly cooked with a large portion. The grilled pork is sweet and juicy but it is not tender and large in piece. Btw I suggest ordering the coffee with latte arts☕️($38；+$8 for set) due to its

中西合璧既餐廳，有分indoor / outdoor ，Indoor要等得耐，趕時間或返工午飯時間唔建議食🙈。Outdoor有啲大排檔feel，用果啲摺檯好似細個屋企果啲咁，但食西餐感覺怪怪的。點左All day breakfast 同咖啡，幾好味嘅，蛋夠滑。Menu係掃QR CODE睇，幾特別，圖文並茂夠方便。

📍星期天我們都喜歡來到西營盤一帶一試不同特色的美食小店!今天我們就來到西營盤爹核里的茶咖里。這條爹核里真的不容易找， 它其實在行人路段中間的一條後巷，直對著街市。餐廳不算大， 只有十多個座位。 我們大概早上11點到，也不用等位。📖 餐廳的食物款式很多，中西合璧，以懷舊的冰室為主題。有多款茶餐廳美食供應外亦有All day breakfast、Benedicts! 🍴常餐($44)，叉燒通粉、火腿炒蛋厚多士。🍜這裡的叉燒通粉的叉燒不夠肥美，湯底賣相呈奶白色，喝下卻是無乜味的，通粉帶厚身沒煮過龍，但配上無味湯底及鞋口的叉燒就認真麻麻。🍞🍳🍖火腿炒蛋厚多士賣相不錯，但厚多士本身沒塗牛油，餐廳又沒提供牛油，結果咬下是又乾又無味的，唯有舀點炒蛋放上去一起吃吧。炒蛋雖不油滑，但也頗鬆軟，而火腿吃起來有點乾，但起碼是煎過的。☕️熱奶茶都係一般般，冇茶味，冇奶味。整體來講$44連飲品可以接受，但不用專誠來試。

Went to one of my favorite cafes to have breakfast this morning. But felt disappointed with the cup of cappuccino coz it's with a lot of bubbles on the top after a while. I used to order latte and latte was great. The pork chop was good, not hard. Toast was crispy.

點咗salad 同常餐。 由1:20pm入座到2:10pm都未上到菜。 問親都話10分鐘。 2:10pm 仲有一枱3人加1外賣未整好，之後先到我呢枱。 如果要返工或者趕時間真係唔推介食呢一間。

藏於小巷既鋪頭，朋友唔特登search既話，好難搵到。Lunch time好full，店外既位都坐滿人，遲少少來都要等位。即使坐出邊，有大風扇吹住，唔會好熱。採用QR code落單，好先進🤔，唔怪之得留意到伙記算少。手機落單好多野可以tailor made (eg 炒蛋 反蛋 太陽蛋 熟蛋...)，都幾方便。 不過上菜速度較慢，都等左15-20分鍾先有。太陽蛋叉燒飯 （少飯，本身滑蛋轉左太陽蛋）叉燒好食，肉質較嫩，但唔係肥，蜜汁味濃郁，夠野味。配埋太陽蛋既流心蛋黃，同白飯一齊食，正。有常餐，都有特選午餐，凍飲加4蚊，但無加一，咁既質素幾抵食。

今日係西營盤做完野，咁岩lunch time，諗住搵間冰室食，就搵到呢間😆呢間冰室唔大，入面大約20個位，出面室外都有20個位左右雖然大熱天時，但住室外都唔會話好難頂，因為佢有擺左幾把大風扇👍🏻呢度落單係scan QR code，十分方便😆-🥢滑牛肉通個湯底似豬骨湯，幾濃郁而且有好多粟米👍🏻感覺好似幾健康咁😂😂😂不過啲牛肉就差啲，有啲乾下次食瑞士雞翼可能好啲😂🥢火腿反蛋多士反蛋一隻爆左一隻無爆😂無爆個隻係煎得幾好👍🏻多士有啲唔似岩岩烘起，唔夠脆😕火腿無特別

西營盤早餐選擇不多，往往多是例牌一式一樣的menu，茶咖里的早餐menu十分多元化，中西都有。我叫了一個早晨是叉燒通粉拼炒蛋多士，叉燒半肥瘦剛好，通粉加了粟米，炒蛋可能加了牛奶去炒，特別幼滑。套餐有飲品，叫了凍檸茶，比街外大杯，味道都很好。一個餐的份量算多，我同小朋友一齊食都食唔哂。員工態度親切殷勤，我帶著小朋友更特別主動和細心。店舖裝修是香港本土懷舊風格，有很多代表性的物件，十分有趣。早餐價錢比其他茶餐廳稍為高，但地方舒服，所以我覺得值得。

呢間餐廳位置真係啲隱蔽，餐廳細細，有outdoor, 吹着大風扇，但今日大熱天時真係咪搞我啦唔使等位好快有得入座！ 佢個餐牌都有好多種類去揀，但今次有選擇困難症嘅我竟然冇發作，一見到就已經鎖定左個菠蘿包！ 天氣實在太熱所以叫咗個凍 cappuccino, 男朋友食煎蛋叉燒飯，佢之前黎食過， 覺得唔錯所以encore！男朋友個飯食到三份二， 我個菠蘿包先來、 證明認真製作我都唔介意等！ 賣相好靚伴碟雖然唔係薯條係一啲薯片， 但係都好有心思咁樣俾咗一包茄醬同埋芥辣， 原來薯片點茄汁同芥辣又幾好味個喎個包雖然叫牛油果醬， 但係佢裏面真係有一嚿嚿牛油果芝士魚柳菠蘿包牛油果幾樣好似冇乜關係嘅嘢放埋一齊又幾好味wor! 但係個包都幾大。所以食得有 D ler hea 真係唔知女孩子可以點食而又不失儀態 用 QR code 點餐好方便， 又可以揀多飯小飯， 多汁小汁，一目了然！有機會會再來試其他嘢！

見呢間餐廳個名特別，決定黎試下。呢間舖頭真係幾難搵。喺正街市對面條小巷入去就係。呢間舖頭係用QRcode點餐嘅一心諗住食個all day breakfast, 經過其他客人嘅座位，俾佢地好香嘅叉燒炒蛋吸引住。坐低就叫左個牛肉炒蛋飯顏色相當吸引，牛肉係唸嘅，炒蛋唔係滑蛋嘅炒蛋，係碎蛋質地嘅炒蛋，無多餘嘅蛋漿，唔會有生嘅感覺，但亦唔會炒到老左，係唔錯嘅，一碗嘅分量不算多，女仔係食得哂，男仔未必夠。當然亦叫左網友推介嘅牛油果魚柳包，好厚，要靠把刀支撐住先企到喺度，牛油果好大塊，魚柳係實肉嘅，魚味濃，芝士很多，菠蘿包底係熱嘅，成個包好夾。無諗過佢係俾薯片我而唔係薯條，好特別。有拉花一定唔會錯過嘅我梗係叫焦糖咖啡，佢唔係勁甜，有咖啡番嘅咖啡底，如果奶泡可以再滑啲就更好。朋友叫左法式咖啡，有驚喜，雖然沒有佢最愛嘅酸味、但係咖啡香味不停飄出黎，為左令享受更，個杯特登熱左架。整體來講，可以再食 下次要試埋benedict egg

-All day breakfast-Egg Benedict English Muffin $78(Salad, bacons, sausages, mushrooms, tomatoes beans, egg Benedict )Smoked Salmon Avocado Croissant $88(Salad, egg salad, avocado, salmon, corn, croissant )-Breakfast-(8-11:30)Pork chop scramble egg with toast $38