茶咖里

营业中

休息中

星期六，晴，西營盤探索西營盤之旅呢一區除咗有出名嘅高街、正街、第一街、第二街等等，仲有好多里弄呢啲里巷個名都好得意架，亞厘架巷、石棧里、奇靈里～～不能盡錄而呢間咁有特色嘅咖啡店就位於爹核里（David Lane）地鐵站B出口行幾分鐘就到啦咖啡店喺巷仔嘅盡頭撥開餐廳門口嘅兩棵大葉植物嘅葉就會見到顏色繽紛嘅舊式招牌裝飾一點左右去到，門口擺咗三四張枱，都已經坐滿，好彩入面吧枱仲有位餐廳入面其實幾迫，有兩個卡位同一張五六個位嘅吧枱坐吧枱都幾有特色，頭頂有傳統街市紅膠燈，而且可以望下師傅喺水吧沖奶茶、斟啤酒menu有啲殘，見到第一版係All Day Breakfast，就即管試下第一個配Latte同行朋友就點咗比較中式嘅鮮蝦仁炒滑蛋飯配港式奶茶大概等咗十分鐘，兩個餐就到齊啦以All Day Breakfast同menu上張相幾乎一樣份量對得住價錢有餘，性價比極高，一個女仔可能食唔晒炒蛋濕潤香滑，沙律菜下面埋藏好多蘑菇，煙肉香脆可口，香腸、車厘茄、茄汁豆呢啲就正正常常長多士係比較少見嘅，All DayBreakfast通常都係跟牛角酥或者普通多士搽咗牛油烘焗嘅長多士外皮酥脆，內層軟綿質素唔錯！La

最近去懷舊餐廳去到上咗癮，上網見到呢間茶咖里又特登去試下先。影相威力真係驚人，間舖室內得三張檯，雜誌都影到成幾百呎咁。天氣有啲熱，唔想坐出室內，就唯有坐bar檯，坐得唔太舒服。我地叫咗一個瑞士雞翼通粉加火腿炒蛋厚多士嘅常餐，仲有一個幾得意嘅芝士漢堡菠蘿包。我真係好怕瑞士雞翼煮到淋哂，真係好難食，浸落個通粉湯低度，無晒味，就好似食緊豬𦟌咁。個通粉湯底都okay，不過通粉又係淋哂。火腿炒蛋好正常。個多士要提醒先有牛油，唔知個多士係咪本身有味，蒜蓉？應該唔係。芝士漢堡菠蘿包都幾得意，菠蘿包甜甜地。內涵嘅芝士漢堡都無乜驚喜。漢堡無乜肉汁，有啲乾身。我對於佢旁邊加嘅薯片有啲失望，現成倒啲薯片就上得。其實呢碟我自己都整到。最後杯奶茶，茶底濃得滯，有啲苦。整體真係好一般般，如果無期望咁過黎或者會好啲。

餐廳位於爹核里，前身都係一間cafe，正喺街市對面一條橫巷入。小店分為室內外位置，室外係開幾張枱仔坐，都唔會太黑；裡面係冰室格局，兩張卡位，一邊高枱櫈。餐牌有西式嘅全日早餐、意粉、甜品，亦有一般茶餐廳供應嘅炒滑蛋飯、雜扒飯、小食。食物選擇唔多，富本土味，有啲新舊融合感覺。飲品方面有本地手工啤、咖啡或茶。整體消費唔高，午市、下午茶餐牌幾抵食添。鮮蝦仁炒滑蛋飯 $68以闊口嘅公雞碗盛飯，雞蛋、蝦仁分兩邊擺，淋上甜豉油，賣相幾吸引。蝦仁份量不少，而且真係幾爽。炒蛋就唔算好滑溜嗰種，但亦都唔老唔鞋，幾嫩有蛋香。配埋甜豉油，意猶未盡可惜我地當日食左野先黎，只能喺再訪時試下其他款式。炸厚切午餐肉粒 $32小食可配自家製沙律醬：黑松露、特濃芝士、蜜糖芥茉、麻辣我地配左蜜糖芥茉醬，午餐肉厚切粒狀，炸到香口，午餐肉係咩味大家都知，唔會有咩花神，簡單好食。你問我就再炸燶啲、乾啲更加正炸雞翼 $38一份六隻，撲粉酥炸，雞翼幾脆，唔厚粉，新鮮熱辣。配埋個麻辣沙律醬，好少好少辣度，但又幾得意，我幾鐘意呢款醬。凍檸茶 +$4餐茶都唔錯，茶、檸檸檬味都有。餐牌：

前身是 Mr S Y Punti，走港式懷舊路線，承接上一手嘅裝潢，都係類似嘅概念。之前聽聞有西區街坊係呢度搞過 event，所以好奇來看看新店。天氣好，可以坐係後巷半露天式，幾舒服。室內座位有限，兩張卡位，五、六個吧枱位，如果一定要涼冷氣就要等位喇。menu 有 all day breakfast 也有港式早餐（到12點）。有午餐下午茶晚餐，連糖水都有。我點咗瑞士雞翼通粉，配火腿炒蛋多士。雞翼幾好味，通粉湯底略淡（利申：本人口味本身偏淡）。炒蛋火腿多合格，奶茶都唔錯。係無乜驚喜但係服務環境都 ok 啦！

This new resto was recommend by one of my classmates as they stumbled across this place. The resto located right next to the toilet, which may not be a very good first impression. However, this contrasts the unexpected flavour of food. I ordered a benedict egg with a cup of cappuccino. ($78+6) with no service charge. As you can see the dish was quite full with bacon, mushroom, beans, and veges everywhere. Of course the main character benedict egg was good as when I cut open I can see the egg yol

西營盤mtr通車後，整體舖面好多轉變，而位於眾多美食店舖集中的西營盤街市附近，爹核里公廁後巷就開了一間中西合壁的特色茶餐廳。開舖才3星期，就已經儲了不少客人，而我都來了2次，今次來食同上次時間差不多，都是4,5點，而好明顯今次多了很多客。講番嘢食！佢有早餐，午餐，下午茶餐，晚餐，同常餐。另有中西式甜品同手工啤！(唉可惜佢地未申請到酒牌，所以我都冇得叫來飲，現階段佢地剩係會free俾d熟客飲😭我望住隔離台飲真係口水都流埋🤤)食物種類很多，包括三文治，飯，菠蘿包，厚多士等，仲有好多款all day breakfast and常餐揀！d西式嘢食價錢比起附近第三街平好多，真心好食又抵食呀！唯未食過呢度嘅晚餐 ，晚餐齋睇menu就係專做西餐多，下次有機會再來試下啦！p.s. 有室內室外座位，小妹我今次坐出面，都幾涼爽，由於附近有樹呀植物呀咁，不幸有只識飛嘅嘢自投羅網，飛左落我個碗度希望大家來食唔會發生d咁嘅事啦！

正街一條舊小巷，要撥開植物才可走進餐廳。有啲世外桃園嘅感覺。餐廳分室內同埋室外。室內有卡位上邊有好得意嘅舞獅 有好多隻色㗎 店內裝修好舒服仲放咗附近街道景點嘅畫幅畫裏面有曬附近幾條街嘅地標 本身諗住輕食點知原來咁大份黑醋汁沙律🌸 Fresh 黑椒炒菇 😅改磨菇會好味d（個人喜歡🍄）真係好大份，最後食淨左啲菇豆豆由於係‼️港西式餐廳‼️ 係有奶茶飲㗎好多時想食AllDay 又想飲奶茶 終於唔使分開兩間食啦食完晒~竟然埋黎問我地要唔要紅豆沙同綠豆沙話請我地食😙Thank You個人覺得個紅豆沙綠豆沙比較甜總之係休閑好去處

最鐘意支持小店這店開在在暗巷，開咗2星期，比較難發現。今次係唔覺意路過，起初要行入呢條巷真係有些猶疑，最後覺得冇嚟錯，值得一試。港式冰室復古裝修，嘢食係港式西式Crossover, 叫咗個芝士牛油果魚柳波蘿包配黑松露薯角，這配搭都夾到，發現原來好多年冇食過波蘿包囉溫泉蛋風乾火腿卡邦尼意粉，塊Ham好大飲品：洋金菊茶，有趣的是西式茶盛於中式公雞杯。杏霜香而夠味最後試埋個紅豆沙綠豆沙，甜度剛適合，唔會過甜