茜廊餐廳 (德福廣場1期)

营业中

休息中

食物還可以，但員工服務沒有水準，問都唔問就將個麵包藍攞走，見到還有未食完才放低，完全沒有表示就將前面隻餐碟眨下眼就幫我攞走咗，仲有嘢未食完，茶餐廳服務仲好過佢！

早餐時間快過，先問問侍應仲有無早餐供應，答案是有的，立即坐低嗌個次次都食既羅宋湯通粉配雞肉。羅宋湯通粉周街都有，但茜廊個湯底都整得算係出色，唔係普通既番茄味溝水，仲食到粒西芹同紅蘿蔔粒，帶一點微辣，好惹味。加上佢係貓耳形狀既通粉，索晒湯汁。雞肉塊微微煎過，又有啲黑椒碎，十分香口。炒蛋多士正常發揮，炒蛋唔會好水，五穀麵包感覺頗健康。熱檸水夠多檸檬，足足有五片，其他用檸檬汁既集團式茶記真係無得比，唯一缺點就係早餐都要加一。

我地坐低叫左2個餐，包餐包、餐湯同野飲餐湯都係紅湯白湯，紅湯偏辣，建議唔食得辣既叫返忌廉湯會好啲飲品方面，佢有杯特別少少既紅莓茶，酸酸甜甜好開胃，好好飲，值得叫1）三文魚意粉好好味，完全唔流，食到一滴汁都冇剩好多三文魚扒，菇等等配菜，好抵食2）特選西冷牛扒，四成熟熱辣辣上到黎，好有咬口，有肉質，如果想再林身d建議叫最低既三成熟，雖然佢唔係鐵版底，但上到菜點都會再熟d 有4種汁俾大家揀 實有一款岩大家口味

今朝睇完卓健想搵個地方坐低食早餐，見到茜廊有位就走入去，服務員指示我坐入面嘅檯。坐低跟住用QRcode落單隨便嗌咗個普通早餐，主要都係想飲杯咖啡提吓神，服務員就攞咗個鐵壺有滾水有餐具過嚟俾我，我記得我以前都講過壺熱水其實有啲危險，到今次我特別小心，但係摸一下原來個兜水只係小小暖，我用紙巾抹乾淨餐具，食咗個早餐。食完正在睇緊手機新聞時，突然間直望佢地個工作位發現佢哋將其他枱用完嘅鐵兜水循環再用，壺水唔係次次倒走，其實算環保行為，我就明點解我兜水只係暖暖地了。

女友喺九龍灣做facial，做完同佢行德福。3點左右搵下野食，見到呢間竟然有位（唔係講笑，德福一期好多茶記如敏華，後面泰國菜嗰間，都有好多人排隊）咁就入去食。入到去睇餐牌，而家入單都係用手機入（真心，個人唔多鍾意手機入單，覺得好似小左好多選擇，同埋有啲要求又做唔到。另外，遲下手機落單run順左，餐廳對人手要求就低左，到時又多人失業左。）下午茶時段，叫左雞牛串燒同炸雞脾配沙律。串燒可以選2串牛2串雞或4串雞，但係冇得叫4串牛，sosad，呢樣要扣分。雞脾大大隻，又炸得幾脆，肉唔老，好食茶餐加+12蚊可以配埋忌廉湯或羅宋湯連蒜蓉包，湯覺得小左啲，蒜蓉包熱又軟，唔錯。不過價錢就覺得好似比以前貴左啲，一個下午茶餐要50幾蚊，加埋湯同包，仲要加一，埋單要百幾蚊。唔知係咪心理作用，覺得以前平啲啲。

尋日收工去九龍灣德福廣場食下午茶，估唔到呢間餐廳下午茶時間都幾多人。脆脆吉列魚柳包配薯仔沙律吉列魚柳好大塊，豬仔包亦都加咗牛油焗到好香脆，質素可以媲美漢堡包專門店，不過欠缺咗少少醬汁；薯仔沙律裏面加咗青瓜同紅蘿蔔，都幾爽脆。厚切白豬仔餐肉蛋出前一丁午餐肉煎到好香，切得幾厚身，煎蛋就煎得有啲過熟，做唔到流心嘅效果，出前一丁煮得啱啱好，面身爽口。紅莓茶跟餐飲品可以選擇紅莓茶，入口酸酸甜甜幾開胃。餐廳環境幾乾淨企理衛生，不過估唔到茶餐廳都要收加一

已經訂過好多次，今次最唔開心。1. 凍飲冇比糖水 （之前其實試過幾次）2. 凍奶茶變咗凍咖啡3. 沒有比跟湯的餐飽4. 意粉冇乜汁，好乾曾曾希望下次有改善，如果有改善，性價比會好高。

九龍灣廣場係最大嘅商場又多嘢食不過今日實在太趕時間又匆忙 睇到唔使排隊就走咗入嚟呢間，其實呢間茜廊有好多間分店下午茶最好就係 公仔叮麵 餐蛋 配埋杯熱飲 絕配啊呢間餐廳 採用咗 手機點餐 但係 我就體驗咗 好似人手落單安全又穩陣 因為 今日手機點餐後我足足等咗20分鐘嘢食都未到， 最後我搵咗服務員了解清楚原來佢個手機點餐失靈 ，我的天啊喺我最趕時間嘅時候 竟然咁樣整蠱我， 我唯有再人手落單， 再等多五至八分鐘， 我就好快好快咁 一窩蜂 咁食 都品嘗唔到其實好唔好味🤣🤣

茜廊餐廳喺德福已經係歷史悠久，今日經過門口見到呢個promotion, 全部都係我想食嘅嘢，於是就走入去試下。餐廳環境唔錯，每枱都有壺熱水俾大家消毒餐具。就算只得兩個人，都安排四人枱俾我哋。首先要讚美一下個蒜蓉包，真係好香脆，非常高水準。輪到主菜，隻雞髀好大隻又好滑，意粉份量適中，個麵汁係好傳統嘅忌廉汁，呢個餐真係好值得推介。最後餐飲叫咗熱咖啡和熱奶茶，熱奶茶好大杯，不過竟然唔記得影相。兩個餐，埋單總共$216，因為味道同份量真係唔錯，所以我都好滿意。

九龍灣食Lunch，同事生日,想食好少少鋸下扒又要快上，趕返工，唯有選擇茜廊，響德福開左甘耐，食物保持水準，勝在地方夠大，多啲人去都可以，午市好多套餐，任君選擇仲可以再加配其他小食，5-10分鐘送上，門口見到依家可以電子拎定位吾駛等位仲方便😊呢度啲餐湯同蒜茸麵包好味道扒鐵板上黎到再淋汁可以追加鵝肝多士大滿足Lunch at Kowloon Bay Sidewalk CafeSteak and Lobster set lunchIce Lemon Tea

Sidewalk Cafe Telford provided quite a lot comfy seats.The lunch menu there are budgeted and come with delicious Luosong soup and bread.This resturant also provide QR code to scan and you choose your dishes. It is very good during this covid-19 period. Also the utensils comes with hot water, this arrangements are very good.

是日突然想食西餐LUNCH又買左飛0係德福睇戲就揀左黎茜郎呀點左兩個午餐~龍蝦汁大蝦蜆肉燴意粉(走芝士)個龍蝦汁有點淡望落個色水都有點淡大蝦正常蜆肉就大事不妙了食落有個怪怪味(唔知同雪蔵蜆肉有無關係)唯一可取既地方係真係好大份意粉食極都食唔完咁~芥苿三文魚珍珠帶子意粉呢個都係好大份D芝士0係面頭係大堆頭到一個點朋友話三文魚腥呀珍珠帶子就正常午餐跟左湯同蒜容包反而呢兩樣比想像中好個紅湯辣辣地好惹味下D雜菜仲煲到好淋個包包黎到係暖既而且幾鬆脆下

嘢食雖然夠熱，但完全唔好食，我叫咗個黑松露煙肉意大利粉，有一陣陣嘅酸臭味，真係唔知點解可以煮都咁難食。女友叫咗個羊架，完全同香口膠一樣，咬極都唔完。如一日唔改，唔洗再食。我見我身邊嘅人食完都唔想再食，真係唔明白係食材問，定係個廚師問題，90幾蚊個黑松露意粉同薩利亞幾拾蚊意大利粉完全比下去，唔該建議廚師自己食下到抵有咩問題，身邊個個食幾啖都冇再食，我想講我從來都唔係浪費食物的人，一定會食曬全部野，你係破例令到我食唔晒嘅餐廳。

今日同老公諗住食一餐好少少嘅 見佢餐牌都OK甘樣 就諗住試吓啦 心諗都唔會好差掛 點知一入到去就見啲服務員態度好差 個個都黑口黑面 坐低覺得環境坐得唔舒服 而我哋已經一入到去坐低咗已經叫咗嘢食 應該唔會太遲 點知遲咗成個半鐘 仲要我已經問咗幾次服務員係咪漏咗單 之後佢同我哋講話冇漏 結果我哋繼續等咗好耐 再去問佢 佢同我講話整緊需要時間 個個都係咁樣等 叫我哋俾啲耐性繼續等 結果最後佢求其俾咗一份都唔知係咪我哋嘅餐俾我哋 明明落單嗰時 叫咗兩份同一樣嘅牛扒餐 已經同個侍應講得好清楚要七成熟 點知佢俾咗兩份都係三成熟嘅我哋 我同老公見到咁樣都唔使再同佢講啦 都唔知陣間再同佢講會加啲料落去 食到一肚氣 。去到買單嗰時 佢冇比單我哋 咁我去收銀處買單 個收銀員 問我攞單 我同佢講話冇單 佢語氣好差咁樣同我講話 「邊張枱啊 下次同返服務員講吖嘛」我冇出聲賣咗張單 心諗唔會再有下次 。。。。。

口門接待當客人係狗，超無禮貌，唔值得幫襯。Very bad attitude. The man who is responsible for leading the customers to seat is treating the customers like dogs. How come there’s still a restaurant hiring such person in current circumstances. Not worth spending a single dollar!