茜廊餐廳 (德福廣場1期)

营业中

休息中

今日好開心：1. 看了Mario電影2. 和上世情人，去很久沒去過的餐廳 - 茜廊餐廳以前在九龍灣工作，和朋友打保齡球後，都會在這裏吃飯。環境沒有多變更，座位算是舒適，不會和別的枱太近。餐廳內侍應殷勤，也沒有催促食客離開 (因為我的小朋友食嘢比較慢和外面也有人等位）羅宋湯，足料炮製，味道很吸引，帶點辣。咖喱煮得非常入味，我很喜歡。意粉醬汁也很適合小朋友吃。我個小朋友竟然能夠全碟吃完。飲品方面，適合大人的奶茶咖啡少不了，小朋友喜愛的朱古力也是在午餐餐牌當中，免費提供。我覺得很窩心。😍😍😍

位於九龍灣的Sidewalk經常被稱為高級版的茶餐廳，雖然價格比其他茶餐廳稍高，但餐廳的質素也相對較高，而且食物的份量亦十分豐富。🍲 蒜蓉包忌廉湯蒜蓉包的外皮鬆軟，口感十分細緻，包裹着濃郁的蒜蓉香味。忌廉湯口感較為滑順，但整體味道較普通，沒有太多驚喜。不過，湯味道可以與蒜蓉包相輔相成，沾湯食好正。🍝 煙三文魚卡邦尼意粉煙三文魚少少咸香，加上卡邦尼醬汁，帶有少少奶香和芝士味，口感滑順，味道豐富，意粉質感尚算可以，唔算好軟嫩。🍛 香煎雞扒拼黑松露燴飯雞扒煎得恰到好處，表面酥脆，內裡肉汁豐富，搭配上黑松露燴飯更是一絕，飯粒鬆軟，黑松露香氣四溢，幾出色。🥩 特級西冷牛扒配薯菜牛扒肉質尚算嫩滑，口感正正常常，搭配上香煎薯菜夠哂飽，有比較底下就鐵板更好食。🥩 鐵板特級肉眼配薯菜依份肉眼煎得恰到好處，咬起來鮮嫩多汁，帶有淡淡的牛肉香味，中間都好粉嫩。總體來說，Sidewalk的菜式質素都的確比茶餐廳高，而且份量都算豐盛，性價比正常，都值得一試。

搵笨二人套餐$298小食拼盤兩件炸乾咗嘅雞翼，同埋接近深棕色嘅吉列蝦。。。主菜號稱特級西冷牛扒，舊肉出到嚟已經係死紅色唔使點汁都已經好咸。卡邦尼煙三文魚意粉？意粉一早撈定幹到成舊麵餅咁仲要係冇乜味。。。真係以後都唔會幫襯

#中產窮L 今日下午路經九龍灣，打算搵間餐廳簡簡單單食個下午茶醫下肚仔。點知中哂伏。叫左個自稱龍蝦湯雜菌意粉下午茶餐。無龍蝦湯味都一早預左，但碗野竟然連湯都無一滴，服左你。碗野有幾難食，就唔不想多說，大致係幾舊菇，不超過10舊，仲有同樣不超過10粒既好霉既完全唔新鮮蜆肉。如果大家要減肥唔想食太多野，可以不妨試下呢個龍蝦湯雜菌意粉，減肥餐。價錢方面，茶餐廳既格局，竟然收加一服服費。好野，認真掂，中產窮L今拜下風。

茜廊喺九龍灣已經好多年😂相信德福嘅街坊冇人唔識！今次就入去試吓佢嘅二人餐！💰超值二人餐 $298✨餐湯+蒜蓉包 | 4/5一陣陣嘅蒜蓉味，搭鬆軟脆口嘅包❤️熱辣辣好好食！✨雞翼拼吉列蝦 3/5吉列蝦鬆脆，雞翼入味，係乾咗少少🤏✨煙三文魚卡邦尼意粉 4/5食落好creamy❤️本身醬汁唔係太鹹，配搭煙三文魚啱啱好，好好食！✨特級西冷扒配薯菜 2/5味道醃得幾好，不過實在切得好辛苦之餘仲咬唔開🤣裏面係紅卜卜嘅，唔知係好多筋定肥膏，真係忍唔住叫待應加熱佢😂好彩待應都好好人真係幫我整熱左即刻食到✨番薯丸 3.5/5温度啱啱好！鬆脆！食落番薯溶唔會太甜，幾好食！

早餐時間，好多時都要等位。早餐多數都係偏西式的選擇，有三文治，羅宋湯通粉，煎蛋火腿多士等，雙併粉麵就算係比較中式的選擇。🐵今次就揀左🥐🥚英式早餐🥚🥐$54（包一般熱飲），有炒蛋，炒雜菌，沙律菜，火腿，豬柳，茄汁豆同多士。炒蛋唔算滑，茄汁豆好冧身，似翻蒸過咁，沙律菜亦有少少水味，但最吸引係塊多士，佢係五穀做的，所以咬落好有口感，仲有士多啤梨味果醬牛油🧈供應，算係唔錯！環境方面係算舒服，不過早餐時段就比較繁忙。

行德福見到呢間餐廳有意粉🍝咁啱想食意粉又餓餓地就直接入去啦環境都唔錯有啲書架打卡，都呃得下人🤣個意粉份量啱啱好但有啲三色椒嘅味道我就唔係好喜歡除咗有幾條hi咗嗰啲味其他都OK 嘅

茜廊 ［德福廣場］第一次去茜廊食早餐，如果唔急住返工，都算坐得舒服，可以慢慢嘆返個早餐，感覺都唔錯。英式煙三文魚早餐，個份量都幾足料，有煙三文魚 ，炒滑蛋，茄汁豆，磨菇和法包，50蚊鬆啲真心唔錯❤️雞扒出前一丁，太陽蛋加塊方包，早餐真係有出前一丁，個人都實在啲，加埋隻太陽蛋真係完美組合😋😋

茜廊 ［德福廣場］依間位於九龍灣既西餐廳，經過入咗去食下午茶，平均每份50蚊左右既tea，依個位置和環境算係抵食。食物質素和份量都唔錯。值得推介😊😊✌️蜂蜜合桃蛋糕合桃味香濃，軟滑程度完全係睇唔出，誰食誰知道😍😍😍✌️炸雞脾沙律炸脾香口，沙律ok😍😍✌️雞絲炒烏冬夠鍋氣，雞肉都好足料，正😍😍

今日老友請我食飯睇戲，心諗諗住食好少少啦去鋸個扒，大家都知道呢間餐廳開咗好耐歷史係81年已經開到而家啦，但係今次呢個用餐體驗真係令我好失望，我哋兩個都係同時嗌咗佢個限定推介西冷牛扒配薯菜，兩個人嘅西冷扒嘅大小都好唔同我嗰份比較細，但係有一樣嘢係我哋嗰塊牛扒都非常柔韌，有啲位置到好細粒都食唔到，仲有好多嘢都變咗嘅就係佢塊麵包，聽佢講以前係用椒鹽牛油搽落啲麵包到好咁好正未到一流，但係而家都冇咗呢樣嘢，希望下次會有所改善啦。

食物還可以，但員工服務沒有水準，問都唔問就將個麵包藍攞走，見到還有未食完才放低，完全沒有表示就將前面隻餐碟眨下眼就幫我攞走咗，仲有嘢未食完，茶餐廳服務仲好過佢！

早餐時間快過，先問問侍應仲有無早餐供應，答案是有的，立即坐低嗌個次次都食既羅宋湯通粉配雞肉。羅宋湯通粉周街都有，但茜廊個湯底都整得算係出色，唔係普通既番茄味溝水，仲食到粒西芹同紅蘿蔔粒，帶一點微辣，好惹味。加上佢係貓耳形狀既通粉，索晒湯汁。雞肉塊微微煎過，又有啲黑椒碎，十分香口。炒蛋多士正常發揮，炒蛋唔會好水，五穀麵包感覺頗健康。熱檸水夠多檸檬，足足有五片，其他用檸檬汁既集團式茶記真係無得比，唯一缺點就係早餐都要加一。

我地坐低叫左2個餐，包餐包、餐湯同野飲餐湯都係紅湯白湯，紅湯偏辣，建議唔食得辣既叫返忌廉湯會好啲飲品方面，佢有杯特別少少既紅莓茶，酸酸甜甜好開胃，好好飲，值得叫1）三文魚意粉好好味，完全唔流，食到一滴汁都冇剩好多三文魚扒，菇等等配菜，好抵食2）特選西冷牛扒，四成熟熱辣辣上到黎，好有咬口，有肉質，如果想再林身d建議叫最低既三成熟，雖然佢唔係鐵版底，但上到菜點都會再熟d 有4種汁俾大家揀 實有一款岩大家口味

今朝睇完卓健想搵個地方坐低食早餐，見到茜廊有位就走入去，服務員指示我坐入面嘅檯。坐低跟住用QRcode落單隨便嗌咗個普通早餐，主要都係想飲杯咖啡提吓神，服務員就攞咗個鐵壺有滾水有餐具過嚟俾我，我記得我以前都講過壺熱水其實有啲危險，到今次我特別小心，但係摸一下原來個兜水只係小小暖，我用紙巾抹乾淨餐具，食咗個早餐。食完正在睇緊手機新聞時，突然間直望佢地個工作位發現佢哋將其他枱用完嘅鐵兜水循環再用，壺水唔係次次倒走，其實算環保行為，我就明點解我兜水只係暖暖地了。

女友喺九龍灣做facial，做完同佢行德福。3點左右搵下野食，見到呢間竟然有位（唔係講笑，德福一期好多茶記如敏華，後面泰國菜嗰間，都有好多人排隊）咁就入去食。入到去睇餐牌，而家入單都係用手機入（真心，個人唔多鍾意手機入單，覺得好似小左好多選擇，同埋有啲要求又做唔到。另外，遲下手機落單run順左，餐廳對人手要求就低左，到時又多人失業左。）下午茶時段，叫左雞牛串燒同炸雞脾配沙律。串燒可以選2串牛2串雞或4串雞，但係冇得叫4串牛，sosad，呢樣要扣分。雞脾大大隻，又炸得幾脆，肉唔老，好食茶餐加+12蚊可以配埋忌廉湯或羅宋湯連蒜蓉包，湯覺得小左啲，蒜蓉包熱又軟，唔錯。不過價錢就覺得好似比以前貴左啲，一個下午茶餐要50幾蚊，加埋湯同包，仲要加一，埋單要百幾蚊。唔知係咪心理作用，覺得以前平啲啲。