茜廊餐廳 (德福廣場1期)

营业中

休息中

尋日收工去九龍灣德福廣場食下午茶，估唔到呢間餐廳下午茶時間都幾多人。脆脆吉列魚柳包配薯仔沙律吉列魚柳好大塊，豬仔包亦都加咗牛油焗到好香脆，質素可以媲美漢堡包專門店，不過欠缺咗少少醬汁；薯仔沙律裏面加咗青瓜同紅蘿蔔，都幾爽脆。厚切白豬仔餐肉蛋出前一丁午餐肉煎到好香，切得幾厚身，煎蛋就煎得有啲過熟，做唔到流心嘅效果，出前一丁煮得啱啱好，面身爽口。紅莓茶跟餐飲品可以選擇紅莓茶，入口酸酸甜甜幾開胃。餐廳環境幾乾淨企理衛生，不過估唔到茶餐廳都要收加一

已經訂過好多次，今次最唔開心。1. 凍飲冇比糖水 （之前其實試過幾次）2. 凍奶茶變咗凍咖啡3. 沒有比跟湯的餐飽4. 意粉冇乜汁，好乾曾曾希望下次有改善，如果有改善，性價比會好高。

九龍灣廣場係最大嘅商場又多嘢食不過今日實在太趕時間又匆忙 睇到唔使排隊就走咗入嚟呢間，其實呢間茜廊有好多間分店下午茶最好就係 公仔叮麵 餐蛋 配埋杯熱飲 絕配啊呢間餐廳 採用咗 手機點餐 但係 我就體驗咗 好似人手落單安全又穩陣 因為 今日手機點餐後我足足等咗20分鐘嘢食都未到， 最後我搵咗服務員了解清楚原來佢個手機點餐失靈 ，我的天啊喺我最趕時間嘅時候 竟然咁樣整蠱我， 我唯有再人手落單， 再等多五至八分鐘， 我就好快好快咁 一窩蜂 咁食 都品嘗唔到其實好唔好味🤣🤣

茜廊餐廳喺德福已經係歷史悠久，今日經過門口見到呢個promotion, 全部都係我想食嘅嘢，於是就走入去試下。餐廳環境唔錯，每枱都有壺熱水俾大家消毒餐具。就算只得兩個人，都安排四人枱俾我哋。首先要讚美一下個蒜蓉包，真係好香脆，非常高水準。輪到主菜，隻雞髀好大隻又好滑，意粉份量適中，個麵汁係好傳統嘅忌廉汁，呢個餐真係好值得推介。最後餐飲叫咗熱咖啡和熱奶茶，熱奶茶好大杯，不過竟然唔記得影相。兩個餐，埋單總共$216，因為味道同份量真係唔錯，所以我都好滿意。

九龍灣食Lunch，同事生日,想食好少少鋸下扒又要快上，趕返工，唯有選擇茜廊，響德福開左甘耐，食物保持水準，勝在地方夠大，多啲人去都可以，午市好多套餐，任君選擇仲可以再加配其他小食，5-10分鐘送上，門口見到依家可以電子拎定位吾駛等位仲方便😊呢度啲餐湯同蒜茸麵包好味道扒鐵板上黎到再淋汁可以追加鵝肝多士大滿足Lunch at Kowloon Bay Sidewalk CafeSteak and Lobster set lunchIce Lemon Tea

Sidewalk Cafe Telford provided quite a lot comfy seats.The lunch menu there are budgeted and come with delicious Luosong soup and bread.This resturant also provide QR code to scan and you choose your dishes. It is very good during this covid-19 period. Also the utensils comes with hot water, this arrangements are very good.

是日突然想食西餐LUNCH又買左飛0係德福睇戲就揀左黎茜郎呀點左兩個午餐~龍蝦汁大蝦蜆肉燴意粉(走芝士)個龍蝦汁有點淡望落個色水都有點淡大蝦正常蜆肉就大事不妙了食落有個怪怪味(唔知同雪蔵蜆肉有無關係)唯一可取既地方係真係好大份意粉食極都食唔完咁~芥苿三文魚珍珠帶子意粉呢個都係好大份D芝士0係面頭係大堆頭到一個點朋友話三文魚腥呀珍珠帶子就正常午餐跟左湯同蒜容包反而呢兩樣比想像中好個紅湯辣辣地好惹味下D雜菜仲煲到好淋個包包黎到係暖既而且幾鬆脆下

嘢食雖然夠熱，但完全唔好食，我叫咗個黑松露煙肉意大利粉，有一陣陣嘅酸臭味，真係唔知點解可以煮都咁難食。女友叫咗個羊架，完全同香口膠一樣，咬極都唔完。如一日唔改，唔洗再食。我見我身邊嘅人食完都唔想再食，真係唔明白係食材問，定係個廚師問題，90幾蚊個黑松露意粉同薩利亞幾拾蚊意大利粉完全比下去，唔該建議廚師自己食下到抵有咩問題，身邊個個食幾啖都冇再食，我想講我從來都唔係浪費食物的人，一定會食曬全部野，你係破例令到我食唔晒嘅餐廳。

今日同老公諗住食一餐好少少嘅 見佢餐牌都OK甘樣 就諗住試吓啦 心諗都唔會好差掛 點知一入到去就見啲服務員態度好差 個個都黑口黑面 坐低覺得環境坐得唔舒服 而我哋已經一入到去坐低咗已經叫咗嘢食 應該唔會太遲 點知遲咗成個半鐘 仲要我已經問咗幾次服務員係咪漏咗單 之後佢同我哋講話冇漏 結果我哋繼續等咗好耐 再去問佢 佢同我講話整緊需要時間 個個都係咁樣等 叫我哋俾啲耐性繼續等 結果最後佢求其俾咗一份都唔知係咪我哋嘅餐俾我哋 明明落單嗰時 叫咗兩份同一樣嘅牛扒餐 已經同個侍應講得好清楚要七成熟 點知佢俾咗兩份都係三成熟嘅我哋 我同老公見到咁樣都唔使再同佢講啦 都唔知陣間再同佢講會加啲料落去 食到一肚氣 。去到買單嗰時 佢冇比單我哋 咁我去收銀處買單 個收銀員 問我攞單 我同佢講話冇單 佢語氣好差咁樣同我講話 「邊張枱啊 下次同返服務員講吖嘛」我冇出聲賣咗張單 心諗唔會再有下次 。。。。。

口門接待當客人係狗，超無禮貌，唔值得幫襯。Very bad attitude. The man who is responsible for leading the customers to seat is treating the customers like dogs. How come there’s still a restaurant hiring such person in current circumstances. Not worth spending a single dollar!

Cold and soggy food😯下單了一個公司三文治和一客羅宋湯粉及牛角包。食物來到的時候，三文治和牛角包都一樣冷冰冰。 更甚的是牛角包竟是軟淋淋的。 羅宋湯貝殼粉達到一般茶餐廳水準。要了兩杯熱咖啡 值得讚賞的是附送的牛奶是熱的 但咖啡太苦澀了 加了糖也喝不下… 另外環境嘈吵， 價錢亦比一般茶餐廳貴，但我認為食物質素比不上茶餐廳的水平。Food was much more expensive than what you can get in an ordinary cha can teng, but the food quality was worse. We ordered a club sandwich. Presentation was okay but it was served cold… Ordered a croissant which came with the conchiglie in borscht soup. The croissant was soggy and cold. Coffee was a bit too bitter even with s

作為應該是德福廣場最有資歷的商店和餐廳, 茜廊是其中一家港式西餐的代表, 四十年的歷史比我更年長, 從一開張的高貴到現在的街坊食堂風, 也見證着我從讀書到投身社會的變化. 以前都在樂華邨生活, 能到這裏吃一餐午餐或晚餐, 已相當於現在去米芝連三星餐廳般隆重.港式西餐鐵板餐必不可少, 這裏的鐵板牛扒可選擇西冷和肉眼, 我個人點了肉眼, 肉質偏韌, 樂觀一點來說並沒有用過鬆肉粉, 肉汁和肉香還是有的. 烤羊架配飯的羊架也有點Overcooked, 幸好羶味和油香平衡, 忌廉松露飯有驚喜, 有咬口之餘松露香氣也有, 比扒類表現更出色. 至於添加的鵝肝, 只能說它的口感不是”鵝肝”而是”鵝乾”呢! (笑)

今日返工經過茜廊，之前都想去試吓好唔好食，佢門口有擺着一個優惠套餐$29有一碗湯粉及一杯飲品。因為見到都幾抵，所以就入去順便試吓！我叫咗個早餐係煎蛋漢堡扒火腿通粉及一杯凍檸茶！個煎蛋漢堡扒火腿通粉，其實都冇乜大特別，都係一般嘅煎蛋嘅質素，而且隻蛋都比較細！漢堡扒方面都OK, 都係冇乜大特別！火腿通粉方面，份量都夠嘅，不過個湯底就真係麻麻哋，好似用緊史雲生雞湯咁，比較淡同唔夠濃！凍檸茶都尚算可以，幾有茶味！希望佢哋可以改善一下！

好久沒有來這裡吃了，所以今日特意來到，看看食物質素有沒有退步。通常和同事都會選擇這裡的早少少吃午飯，貪佢平一點，我就選了一個黑松露雞肉燴特式飯，但同事今日居然看中了一個限定推廣的美國西冷牛扒配薯菜，咁就一於試下吧。我到這裡最期待的是這裡的豬仔包配自家制的蒜茸牛油，但今次來發現他們已經沒有自家制蒜茸牛油，雖然豬仔包是烘過的蒜茸豬仔包，但對我來說他們的蒜茸牛油才是精髓所在，很失望，很失望！餐湯要了忌廉湯。湯的味道一般，但都熱辣辣的，算不過不失吧！黑松露雞肉燴特式飯，飯份量不算太多，吃上去有陣陣黑松露味道，不會太濃味，飯的軟硬度都很好，雞肉都尚算嫰滑。但沒有太大驚喜。同事的西冷牛扒餐有配上沙律，沙律都幾新鮮爽脆，醬料都較得不錯！美國西冷牛扒配薯菜，上枱時侍應會幫客人淋汁上牛扒面頭，牛扒是鐵板上，熱騰騰，我都幾喜歡，但同事就喜歡用碟上多一點，因為不會令牛扒過熟，但我見同事切牛扒時，裡面還是有點紅紅的，我覺得都啱啱好，可能廚師已經預了在鐵板上的熟度，所以都在煎扒時留意煎扒時間，所以客人切起來都還是客人心目中的熟成度。這個算頗細心呢。牛扒味道不錯，不會太靱，但同事說牛扒味道可以，但腍度有點似用粉拿

單囉呢間嘢喺德福花園已經好多年，講緊十幾年前屬於一間呢相對高級嘅西餐廳，即係連上菜都要等齊人先上果一種。咁時至今日呢佢已經落返去到椰林閣咁嘅grading㗎喇，咁就變得平民化少少啦，不過我講真嘅價錢都唔係平過以前好多㗎咋。其實個抵食嘅餐呢就係呢個a加b嘅下午茶，咁除咗會有大堆頭嘅雜扒之外呢，b款亦都有好多唔同嘅食物畀你揀嘅，咁今次就揀咗呢個燒春雞咁味道都算唔錯啊，兩樣可以話係keep到個水準。不過要留意返呢餐湯餐包餐飲你都係畀一份嘅啫，如果有兩個位要夾份食嘅話呢，咁either就要加錢配返呀或者你哋要share飲，同埋呢佢加一呢都係會用返原價去加嘅，留意留意。