英記油渣麵

营业中

休息中

英記油渣麵 油渣麵 : $28大 $22細  芝士腸: $5/5  雞翼 : $14/4呢間野逢親飲完野都會去食佢永遠都好開到好夜鋪頭好光猛好大，成日都好多人食，陸陸續續都會有人入黎😄地方雖然有點不方便，但係真係好值得食豬油渣麵配蔥同菜莆真係絕配 d麵係短身好似狗仔粉甘 但好食過狗仔😍芝士腸同雞翼比較咸同油，佢個雞翼好重味，係好食嘅，要浸落湯食😆但係佢地個價錢真係抵到爛，而家好難搵到呢d地方有甘平嘅野食真係好食，所以性價比好高

難以想像一家餐廳完全無餐牌都可以做到客似雲來，仲要係愈夜愈精彩！英記油渣麵一向是大角咀出晒名嘅油渣麵，由舊舖做到新舖依然咁多人每次去到阿姐都只會問兩句：幾多位？大定細？呢兩句「名言」簡直係英記通關密碼，識唔識答就已經可以知道你係唔係熟客！首先講下油渣麵，油渣名副其實係炸完豬油嘅渣相傳幾十年前，啲人好窮無錢買肉，啲廚房佬又唔想浪費食物就會將肥豬肉炸晒啲油後，將啲渣加麵平價賣畀人所以正式嘅豬油渣係唔會肥，亦無咩油，只係仲有小小油香味加上冬菇、莞茜、蔥、菜莆同好似上海粗麵既麵條，就係一碗正嘅油渣麵而英記油渣麵：湯底：鮮甜，有冬菇味油渣：水準飄忽，第一次食嘅時候炸得好乾身，好有油香而唔肥，可惜今次唔知係咪太多人去，炸唔切油，個渣唔夠乾，仲有小小肥肉麵：喜歡粗麵嘅人都會鍾意，每條都係四四方方，比較硬身，如果鍾意腍身麵就可能要同阿姐講聲另外，可能一麵唔夠走天下，依家英記推出小食，當晚有炸芝士腸同雞翼，我只係試左芝士腸，普通嘢，但當多個餸都唔錯，而且好平$5有5條，同行人亦叫多一份油菜，價值$11如果行過大角咀，想簡簡單單食一餐，或者你有選擇困難症，可一戰！

睇廣告推介就見得多，今日終於去食。無餐牌，只有油渣面，時菜，雞翼，脆皮腸....我就點了大碗油渣面，雞翼....湯底幾清，其他一般，雞翼同媽媽煮的家常菜無分別。

聽人介紹過好多次，但由於地點唔近地鐵，一直無去，今次搵到食過既朋友m帶路，終於可以試試！店內姐姐非常快手，而且餐牌基本上都唔使睇，姐姐會問你要油渣大定細我地叫左細碗，真係好好食，特別係個湯，相當濃冬菇味！雞翼係亮點！好惹味！食完去行奧海城，非常方便！

幾年前搬離大角咀後就甚小過來前兩天放假難得踏足大角咀當然要去懷念一下🍜看著它從細鋪搬到大鋪 環境愈來愈舒適食物種類沒變 都是那幾款油渣麵 雞翼 芝士腸 必叫的多年來 味道依然......「小二！來多碗」

細個食到依家，由舊鋪到新鋪，都係咁好食!呢度款式唔多，勝左味道夠好，最重要係佢既辣椒油!每次坐低都係大渣，今次都唔例外大肥渣，淨蔥多蔥!每次食麵先飲湯! 個湯非常甜，可能用左好多冬菇同豬油渣去煮，飲完唔口渴，肯定無味精!!肥渣瘦渣都有食，但通常要肥，因為瘦渣有肉炸完較乾身，寧願肥少少都食肥渣，軟，林，香，無得頂!!麵身較粗，但都煮到入哂味，但又唔會話爛哂一夾就散，軟硬適中，very good食到一半又係時候加辣油，英記自家製辣油真係唔講得笑，一畢起已經辣香撲鼻!!我純粹要佢既辣香，兩三滴已經夠哂數!辣油炒得夠香，撈粉麵簡直一流。加左辣油，成個麵同湯味道層次提升幾倍，有返本身既香甜，又有埋香辣，非常過引!!題外話，呢度既辣油夠哂香，辣唔食得辣既一滴夠哂，因為真係好辣架

夜晚十二點幾朋友話要食宵夜，話要去英記食油渣麵，噤夜都仲有好多人食，坐滿人，叫咗個細油渣麵加煎雞翼，雞翼煎到金黃色，個皮脆脆地，都唔錯，不過最出色嘅梗係油渣麵啦，油渣炸過好鬼香口，東菇吸咗d湯嘅精華勁好食，最鍾意佢地d湯底好清，又唔油，加埋蔥花同冬菜，仲有落埋佢地好香嘅自家製辣椒油，真係食極都唔厭。

陪朋友黎試，其實自己唔太好豬油渣，但無其他野揀，唯有叫左碗細麵，另加雞翼，脆皮腸，通菜。估唔到湯底有d 冬菇幾好飲，個麵又幾有口感，唔食油渣都食得晒成碗。雞翼，脆皮腸，不過不失，如果有多d肉揀就好，食肉獸食唔飽。

附近打完波，好想食消夜，諗起油渣麵。真係好正！配上秘製辣椒油、菜莆蔥粒，好享受的一個美食！鐘意食油渣麵嘅人一定種過英記，歷史悠久，獨有風味！第一次食英記已經係十幾年前的事，很多回憶！！

屹立大角咀30年，全店只有4種食物，勁！油渣麵(細$22/大$28)：配料包括油渣條、冬菇、冬菜、葱。主角 油渣 基本上係整硬咗同煎過同變咗條狀嘅肥膏，口感小煙韌，味道唔錯(但好似有人食唔到肥豬肉👀)。麵條唔口感同size都似烏冬mix上海麵，軟硬適中。湯底清清地又唔會太淡😋煎雞翼($14/4隻)：住家feel，冇乜特别，食麵唔夠飽攞黎鄧腳😂煎芝士腸($1/條)油菜($16)利申 油渣麵經驗值=0。宵夜一流👍：7/10-星期一至六：1900-1500 (over night)

以前搵食艱難，物資短缺，一衣一飯得來不易，厨師物盡其用，不少美食應運而生。猶記童年時去官塘、深水埗「掃街」，油渣麵係必然之選，但唔知幾時開始，無牌小販同我嘅童年一樣隨年月消失。社會富裕，食物選擇多咗，下欄嘢難登大雅之堂，而且嫌棄豬油唔健康，更直接影響油渣貨源，所以英記係碩果僅存主打油渣麵嘅老字號。 舖位處於舊樓當中，好彩喺街口有指示牌引路，否則好易行錯。 大油渣麵$28舖頭裝修簡約，充滿街坊風味。麵食只有兩款選擇，就係大油渣麵定細油渣麵😆一上枱，我以為時光倒流，兒時嘅街邊油渣麵重現眼前。麵係方條粗上海麵；油渣鬈曲白裏見啡色肉條；原隻小花菇;冬菜葱花齊出現,咬一件豬油渣，爽口鹹香，麵條腍中有咬口，環顧枱面只有辣椒油一種調味料。油香少辣，一聞就知用豬油炮製，用嚟點豬油渣，夾到不得之了。所以獨沽一味油渣麵配孤獨辣椒油係有原因嘅。 炸雞翼兩隻$7舖內只有一個白板餐牌，得雞翼芝士腸同油菜，叫咗雞翼，平平無奇，難怪其他客入嚟自動自覺只食麵。英記只瑟縮於大角咀一隅，不求有功但求無過，但一道招牌油渣麵，引來四方饞咀客，食物睇落簡單，難在一

小時候經常在大角咀街邊食豬油渣粉, 今天適逢舊地重遊, 在英記回味一吓豬油渣麵的情懷。 舖頭内選擇不多, 當然豬油渣粉是鎮店之寶, 有大碗及細碗選擇, 配上足料新鮮厚身冬菇大量香蔥同冬菜, 豬油渣的情懷仍在, 略嫌不夠彈牙雞翼方面煎得香脆而且嫩 $7/2隻夠哂平, 非常美味這家餐廳的的價格非常合理, 會再來

呢碗麵湯底不得了！用油渣煮過嘅都會有種普通食油做唔到嘅香味麵條厚身夠彈牙配上足料新鮮冬菇 大量香蔥同冬菜食得辣嘅記得滴幾滴佢地獨家嘅辣油 成碗麵會更香

住左大角咀廿幾年都係食過第2次!對上食英記係佢搬左黎呢邊先食~約左朋友6:30旺角等, 行到過去都唔夠7點但見佢落左閘, 心諗唔係咁黑仔呀?但門口有幾個人等緊, 睇返openrice先知原來佢地開7點~等左一陣終於開門, 一坐低阿姐就問要大碗定細碗, 我地都唔知點好就要左每人一碗細$21既~阿姐又順個靚便問雞翼幾多隻...好似個個黎到一定要叫雞翼咁既口吻喎好啦...就試下啦, 叫左$14 / 4隻原來細碗真係好細, 都岩女仔食既如果唔係太餓~~比想像中無咁多油, 原本聽個名以為好油好肥膩!個雞翼真係OK得!!落完order唔夠5分鐘阿姐就拎出黎, 但估唔到佢都仲係熱架喎!不過多油左D, 但可接受!!!不得不提佢個辣椒油!!!辣到不得了!!!我試左一匙已經要飲半罐可樂臨走都見到差唔多坐滿晒人, 睇黎呢度好多食家!!

呢間店主打只係賣油渣麵，有細、大碗選擇。另有雞翼、菜等。油渣麵其實係懷舊食物，宜家呢個年代好少店有，主要由炸肥豬肉， 加蔥粒、冬菜、冬菇及辣椒油即成。呢到的油渣麵味道唔錯，粗身的麵非常彈牙，而肥豬肉不太肥，而湯底好有冬菇味，幾香甜，廿幾蚊一碗，又平又好食，仲好有懷舊FEEL，會再來！