英記油渣麵

营业中

休息中

在一個風和日麗，萬里無雲的週末下午，天清氣朗，帶著幾分的秋意，心情特別佳。在附近蹓躂一會兒之後，吃個麵才回家。因為天氣乾爽，這個時候最好來一碗濕濕的湯麵。小人記起久未來過的英記，毅然前往是也。雖說是豬油渣麵，湯底反而不濁頗清，味道一點也不濃烈。所謂的豬油渣不過是炸豬腩肉，瘦肉位既靭且鞋，脂位是爽的，但多吃無益。粗麵條煙靭滑溜，加些辣椒油更為和味。比起以前，這應該算是是一碗較為健康版的豬油渣湯麵吧。這一回，未能吃到從前的風味。

油渣麵是我最愛的食物之一，可惜除了大家食餐廳有在賣外，其他可吃到油渣麵的地方已買少見少，多害怕有天已不能再吃到呢！幸好發現了這間頗出名專食油渣麵的老店，這店更得到陳奕迅的高度推介，更加令我不得不試試啦！店舖在大角咀舊區，不容易找到。當天星期六接近下午三時去到，店內只有幾個食客，後來才發現原來三點便關門，難怪店員不多想理會我。食物選擇不多，只有油渣麵、菜、雞翼等數款。油渣麵分為大、小兩種份量。點了碗小的，價錢合理。湯底夠濃，麵質彈牙，冬菇多又入味，油渣大舊且香脆爽口，不會有油膩感，可惜油渣不多，不夠喉呢。

最初我以為是肥豬肉碎, 原來是一條條的肥豬肉條, 有D 夾雜瘦肉, 我食過果DD 瘦肉, 同一般豬肉無分別, 但一咬果D 肥肉條就....嘩, 真是肥糕黎, 自問食唔到.... 所以全部俾哂隔離果位, HAHA如果唔計D 肥肉條, 其實只是普通麵一碗, 湯底原來一D 都唔肥, 算少油, 麵是粗麵條, 都幾飽肚, 另有幾舊冬菇。芝士腸正常, 雞翼煎得幾香口。焯菜正常。

又打風~天鴿,帕卡, 而家又瑪娃 由驚至煩啦！都要宵夜照食嘅 ...又尋舊路....“英記油渣麵“ 29元 油渣不再全部用咗“炸五花腩肉“ 肉很..很..嚡麵條唔算太硬 但未入味 雖然湯底味冇大變 都已經“名不符實“通菜脆嫩 但腐乳太甜 17元 腸仔5元5條 底食 但炸到爆晒 醜樣辣椒油~自家製勁辣香 但有啲創喉放啲落麵 就有畫龍點睛嘅效果不過唔好放太多 要量力而為回味吓以前食嘅英記油渣麵 ~ 平民晨吉(4am)早餐 食飽就去碼頭開工油渣炸得夠脆唔油膩 黐住少少肉金黃色細隻冬菇清香味 濃沃嘅豬肉湯底麵條係嗦晒豬肉濃湯汁 淋淋哋 大大碗仲有大大個茶煲盛住茶 自助任飲不過眼見啲民工就飲四両唔飲茶

比賽前要補充熱量😌#真心戒唔到口 #油渣麵10號風球後的街道係只有一堆堆的雜物在路邊，只得人影兩三個。係太子沿路到大角咀體育館都無乜邊間舖頭有開門。突然間，眼前有間坐滿人既小店。心想一定唔會難食得去邊。一坐下來，係搵唔到餐牌。職員問左句：「大碗定細碗？」，答：「細碗。」，再問：「使唔使走餸。」，答：「唔使。」就黎一碗好精緻既油渣麵！無油浮面，湯清澈見底，無辣菜莆但有梅菜。旁邊仲有自制辣椒油，食到我流曬鼻涕，孖潤腸咁走，哈哈！好好味。湯底：好鮮甜，好似落左魚去煲既感覺麵底：好有咬口，唔梅、唔爛主角油渣：完全唔肥、唔油、炸得香口、實淨、啖啖肉配料：仲有炆得好淋既冬菇好滿足既風後晚餐，食飽飽就準備比賽了😌

仲記得英記仲喺舊舖位置時，好愛消遣後，去食返碗滿足吓，雖然細細間，好殘舊但好正，又有風味，又好味道突然想懷緬一下，去到先發現……原來已搬舖，現時間舖又大又新淨，不過個麵就比以前遜色，油渣唔香口，菇菇無乜味，麵質好粉咁風味及味道不再，有啲失落

講到第一次食英記，其實已經要追溯番十幾年前。果時英記仲係鋪仔，面門無咁令咁乾淨。嗰時收工一定要兜落去大角咀食返碗油渣面先捨得返屋企。果時既英記湯底甜，冬菇滑，油渣爽口，辣椒油香味四溢而且又平又大碗，簡直係我心目中嘅極品去開大角咀拎野比朋友 ，行過英記嘅新鋪先醒起佢轉左新鋪之後都未黎食過，咁就爸爸聲同老公衝入去食下一入到去見到新鋪店面大左好多，而且好乾淨。即刻咩都唔講先叫兩碗大嘅油渣面過一過口癮先一食，已經覺得不復當年首先湯底已經唔鮮甜，面煮得過耐，已經淋左，而且總覺得份量比起之前少左好多，豬油渣亦唔算爽口雞亦（25蚊4隻）好乾好鞋好硬，入面暖暖地，食到椒鹽味，但完全無特色可言，而芝士腸，完全無咩好評價，未就係超市買到既芝士腸熟左囉唯一仲keep到水準既，就係佢既辣椒油未到難食，但同當年比，真心差好遠當食個回憶啦

今天只賣一種油渣麵的店家又有多少呢?若果只賣一種食物，應該食物也有一定質素。英記－一間麵店只賣油渣麵， 這是我到來的理由。一來油渣麵的油渣有油香，炸後的肥豬肉香脆，有油香。二來若一間食店只賣有油渣麵的話質素理應不會差。辣椒油：聽說辣椒油是很有名，辣椒油味道夠辣，而且食落有蝦米等材料，有誠意。芝士腸：$5 5條，主要係因為咁嘅價錢先叫，係炸既，但並非即炸，過下口隱還可。油渣麵：麵像上海粗，但又並非，味道特別，麵條有質感。一入店中，店員已問要大還是要細，原來仲可以多油渣，不過店員收多我一蚊仲話啱數，我諗應該係加$1吧。而油渣方面，是重點，也有點小失望。油渣有部分有油香，部分過硬且欠缺油香。相比之一，我會選擇較有油香的太子油渣麵店。

要大定要細 - 英記油渣麵繼續大角咀，試了這間在這區內已三十多年的英記油渣麵。第一次來吃，尚未搵到位坐低，阿姐姐已問我要大定要細，心諗洗唔洗咁急呀？回一回神先估計佢應該問我地要大碗定細碗油渣麵。獨孤一味賣油渣麵，尚有煎雞翼、芝士腸及油菜作配菜，穩陣點叫了碗細的來試吓。上海麵軟硬適中，有o趙口岩口味﹔邪惡的油渣下得足，通常食得呢味野都唔好望咁耐，愈望愈生罪惡感，放入口最實際，油香的確令人難以抗拒，一個月一次不會超標吧？每麵都有幾片煮得十分入味的冬菇，湯底帶菇香，三十多年老字號，有原因的。

忘記了有幾多年無再來了，由十幾二十年前街邊小販檔到入鋪，之後再搬到依家呢個鋪位都已經4年了。一入到門口，人客不多，阿姐好快直接問：大碗、細碗、多渣、少渣？我通常會叫細碗多渣，$23，5條芝士腸，$5，不夠一分鐘就到，未起筷前就是要加辣椒油，呢度辣椒油自家做的，好夠香但都幾辣，仲可以買走的，油渣麵的麵沒有太淋，不過油渣過瘦過乾，冬菇算入味，好彩辣椒油救返碗麵。芝士腸微暖的，已經煎到爆開哂，甜甜地、脆脆地，不過不失。

每次捱通頂都要搭的士返屋企，因為住嘅位隔涉，但每次同司機講係英記油渣麵附近，佢哋都知道係邊，可見呢間野係的士界同宵夜街好有名氣。但住咗大角咀咁耐，一直唔明點解啲人咁鍾意食，食咗幾次，湯又唔係好特別，只係普通清湯，油渣又唔脆只係麵嘅配菜，小食又唔特別出色，及格水平。麵既份量又少，細份真係兩啖冇哂，性價比唔係高。唯一解釋係佢開到通宵，向出面冇咩選擇，深宵又想食少少野醫下肚再瞓，有碗暖暖地既麵落格佢係做得到。

第一次食英記油渣麵, 一坐低...店員阿姐就問, 要大定細我呆咗一秒, 要細...唔該其實我唔知大碗 - $29 vs 細碗 - $23分別有幾大不過怕食唔晒, 所以要細碗油渣 - 就係炸完豬油嘅渣, 唔太脆, 帶小小肥肉, 應該係炸得唔夠乾, 但幾香口配料 : 冬菇 (有4隻, 應該係隨心撈到幾多就幾多)、冬菜、葱...類近平日阿媽煮粉的配料湯底 : 清湯幾鮮甜...帶冬菇香味, 飲完唔會口乾, 食咗一半後我加了秘製辣椒油, 加了半茶匙, 都已有微微的刺激感*喺我食油渣麵的15分鐘期間, 已有3個人買秘製辣椒油, 都好多人欣賞麵條 : 我好鍾意食的粗麵, 不過腍咗少少....如果煙韌感啲會更好油渣麵外, 還有小食 - 雞翼 - $14/4隻 & 芝士腸 - $5/5條, 油菜 - $17/碟*芝士腸好抵食

夜幕降臨，但唔係太肚餓，就揀咗英記油渣麵來解決晚餐需求。雖然業主不停加租，但英記多年來都只係喺附近兩條街，lee兩個路口搬來搬去，合埋眼都搵到。晚市時段，高朋滿座。來幫襯開嘅都係熟客，冇正式嘅餐牌，侍應行埋來，開口直接問要大定細(油渣麵)，走唔走蔥，其他嘅睇牆上白板。辣椒油唔用蓋，其實眞係唔衛生😑😑😑 我仲見到有🕷️爬喺隔離牆上...油渣麵(大)賣相冇乜特別。老實講，豬油渣眞係唔得，好似食緊豬肉咁，一d都唔脆，同土瓜灣老三冇得比。麵，質感還可。油渣麵舖，好食嘅唔係油渣麵，而係香煎雞翼，都幾好笑😝 好彩只係叫咗一碗兩個人share～ 食完其實好唔夠喉，想即刻去土瓜灣食老三。

咁啱路過見到一大間舖淨係賣一樣野，所以入去試下。湯底香濃，但好重味精，食完好口喝油渣好肥好油又唔脆麵條淋身好食，加面唧菜脯夾埋一齊食都算好味。唔覺得特別好食，唔使專登過黎。

同朋友講左幾年食英記油渣麵都未食過一係就唔記得,一係就太遠放棄左今日tgif, 一於揸車去食!!佢地上菜速度同佐敦x牛有得比因為個個都係食佢個油渣麵架啦!我怕食唔曬所以叫左個細我發現真係好細!!! 下次都係叫返大, 唔係吃貨唔夠飽配料簡單 油渣 冬菇 冬菜 葱起初以為會好重口味, 但係落又唔係個回事味道比較淡, 冇我想像咁濃重點   加左辣油好好多麵質偏硬身 唔會冧 patpat炸鷄翼檯檯都叫, 炸到金黃色味道相比油渣麵就重口味d熱辣辣都幾好食既