芽莊越式料理 (海港城)

营业中

休息中

今日下午同老公去海運大廈地下一間越南餐廳lunch. 由於今日胃口一般,想食D湯粉類. 我哋ORDER 一碗熟牛肉粉(牛展), 一碗燒牛肉撈檬 及蒸粉卷. 估唔到個湯碗咁大, D材料都算足. 我都食唔晒碗熟牛肉粉,內裡牛展好好味,湯底又清甜. 另一碗燒牛肉撈檬都材料十足,好食. 不過碟蒸粉卷就一般. 我哋都食得好滿足. 價錢算OK, 加埋TIPS, 每位平均$70. 下次可以約朋友或同家人來試食晚餐先...

估唔到最佳海景位只得3枱, 其他只係望到一半到咋, 唔知啲最佳海景位係咪要預早一個星期訂既呢? 我地訂左7點半, 編比我地個位都係一般啫, 我地叫左酸梅蝦, 蝦多士, 炸蝦薯餅, 釀魷魚, 炒雜菜酸梅蝦 - 個醬汁好好味, 用黎點包食仲好, 一碟得4隻咋蝦多士 - 同普通多士差唔多, 只係多左舊蝦餅仔啫炸蝦薯餅 - 薯餅硬到咬爛牙呀!!! 差到痺釀魷魚 - 麻麻地, 好似釀雞翼咁囉, 只不過呢到係釀落魷魚啫 炒雜菜 - 雜菜真係乜都撈埋一碟, 麻麻地

19-9去海運行下baby樓層...到左食飯時間..原本想食阿里郎..但太多人...經過芽莊見有位..就問下個reception姐姐...個位姐姐好好人..見我地捱住架baby車....話好快會安排有位...入座後..我個bb女肚餓...我開奶...亦因為枝奶太熱..我就跑左toilet用水沖涷枝奶....點知返回餐廳門口..見到我老公抱住baby出左黎...我就問咩事...原來餐廳個經理(著便服)叫左我老公出去..就係因為我個baby喊緊........立刻對該餐廳好失望.....有咩理由會叫個客出去....又唔係咩高級餐廳...又唔係酒店..場內個個都勁嘈大大聲講野有如街市...又唔見個經理走去叫佢地收聲....食物質數一般細細size又求其...最cheap既係menu上既食物唔可以改...例如寫明係生牛河既就唔可以改生牛檬or米....完全係一般茶餐廳既做法...其實咪係方便佢地做野.....以為有個爤鬼海景就扮高格調....其實係一般越南快餐.....如果想一班朋友傾下計慢慢坐下既就唔好揀佢...趕時間同想食快餐既就首選.......一讚既係門口reception姐姐同埋店內

某天經過見環境OK於是試吓, book枱時經理已說因為週五所以個半鐘便要交枱, 我覺得也合理, 但那天其中一位朋友遲了點而因為要交枱所以我們先點了一些菜邊吃邊等, 但只吃了幾口, 侍應已不斷在附近徘徊像茶餐廳一樣想收碗碟, 和朋友沒說幾句話便又給打斷, 總之態度是想你快點吃完離開。但最火爆的是, 還說你的朋友不來要將我們的枱分開要回 (因為我們的枱是由2人枱合併的), 我便說還有1位朋友還未來但因答應個半鐘交枱我們也會過10分鐘便離開, 但那位女侍應仍不禮貌說這是4人枱不能由你2人佔用, 這時真是忍無可忍於是便叫經理來投訴, 可惜那經理態度也是敷衍地說因是週五所以人多所以這樣, 態度根本是 “係咁架啦將就下啦”。其實食物水準固然重要, 但環境及服務態度也是非常重要的, 如果這些待遇在茶餐廳就沒有人會說有問題, 但在這些自以為有質素的食店就不可接受了， 所以我想大家如想輕輕鬆鬆悠悠閒閒地吃一頓晚餐的話, 就不要光顧這間食店了。

當天約了舊朋友食宴, 這次是第一次到該店的.裝修好典雅, 地方整潔, 而裡面有望海的座位. 越式煎薄餅- 呢個o個樣有D似Omelette, 初時以為外層係蛋, 但侍應講話係米紙黎的, 煎得脆脆的, 裡面既料有蝦,豬肉同芽菜; 另外有一藍係生菜,薄荷葉之類既配料, 好似春卷既食法咁包住食, 味道ok啦, 用生菜包住食無咁'漏' 清浣蒸粉卷-我好鍾意食蒸粉卷的, 該店既整的不錯, 餡OK, 皮薄又滑, 好味道 炸蝦卷撈檬-呢個都好好味的, 個蝦卷好脆同香口 蝦多士-呢個我覺得d味唔知點咁, 係多士上面既餡咸咸地 越式碎米飯-d飯好特別,好似碎了咁, 細細粒的, 食時有'趙'頭, 幾得意 仲有兩個餸唔記得係咩名, 一個係有炸豆腐粒既疏菜, 另一個係炒雜菜之類既餸, 都幾好味.總括來說, 該店的食物不錯, 而且都有很多種類選擇, 但味精略為重了.本來想食甜品的, 但選擇不多, 只有兩款, 最後沒有叫了.不過可以一讚是該店的服務, 不錯的.會再去.

第二次光顧這間餐廳, ,今次坐的位置看到海景,所以很滿意。 蝦多士:於蒜蓉包上塗了蝦膠去焗,賣相頗特別,但味道略為淡口。蕃茄蟹肉檬: 蕃茄湯很濃,再加上新鮮的蟹肉及札肉, 很開胃的一道食物。香茅牛肉米卷: 一般, 無驚喜。越式煎薄餅 : 無想像中咁好食, 薄餅入面有蝦及豬肉,再用生菜包住來食,豬肉很肥,總覺得薄餅跟其他配料夾不來。越式咖啡 : 試過一次就夠。

上星期五相約了友人吃晚飯，朋友提議來這裡試試。我們早兩天訂了座，所以可以坐近窗邊，有海景相件。我們三個人點了柚子沙律、清浣蒸粉卷、蕃茄蟹肉湯檬、蝦多士、蔗蝦和3杯菠蘿冰。來了兩碟食物後我們便開始忙著吃，所以沒有為其他食物拍照了。 柚子沙律 – 清新開胃，還有兩隻大蝦 清浣蒸粉卷 – 粉皮很薄，不錯 ! 蕃茄蟹肉湯檬 – 非常美味，我吃了兩大碗 蝦多士 – 份量比想像中多，很香口 蔗蝦 – 熱辣辣的，蝦很彈牙這兒環境舒適，員工友善，價錢又不高，在尖沙咀算是經濟之選。

尋日去開玩具反斗城, 路過見到間野幾靚咁, 一望之下, 原來係食越南野...睇下個MENU, 價錢又幾OK WOR...響呢個地點同裝修, 以呢個價錢係叫平....我地一行二人, 叫左....1) 生牛肉爽腩湯河 --> 呢個幾好味~2)脆炸蝦卷撈檬 --> 都幾好3)乳豬 --> 呢個其實得幾件, 雖然係OK, 不過食落其實都幾肥, 如果係$11X就唔係太抵4)咖哩牛腩 --> 牛腩淋得黎碎左D, 不過入面仲有D茄子都OK5)蒜蓉包--> 廿幾蚊有6舊都幾OK GA~埋單$318, 食左咁多野, 野食又OK, 個環境又舒服, 係嘈左少少....但都係值得返去再食~

因加了人工, 請2位好朋友去食餐好。之前去反斗城時經過呢間芽莊, 見到新開張, menu價錢又唔貴, 所以都諗住下次同朋友食, 今次係好機會啦~哈! 無論位置 or 餐廳環境 or 海景, 全都是高檔呀, 價格好合理, 所以就揀呢間。朝早打去訂枱, 想要佢比窗口位, 電話姐姐禮貌話盡量安排, 滿意呢點~7點30準時到達, 舖面細小, 但係見到個大玻璃窗靚海景, 加埋d佈置, 加分~侍應姐姐好有禮貌同耐性等我點菜, 又加分~3個人點左:> 安南藕苗蝦沙律 $50 (好好味, 好醒胃)> 越式蝦多士 $48 (麻麻地, 個法包大件得滯, 食落無乜特別)> 清浣蒸粉卷 $46 (無乜特別, 但係都幾好味)> 蕃茄蟹肉湯檬 $45 (大大碗, 抵食, 好味!! 超多新鮮蕃茄, 個湯一流, 整體超正!!)> 酸子焗明蝦 $89 (呢個都好正喎~隻蝦大大隻, 新鮮, 汁又好味)> 椰青 $26 (朋友話幾好味)> 青檸薄荷流打 $26 (飲落有d似無酒精成分o既mojito> 咸梅梳打 $26 (好似酸梅梳打, 但係飲落有一種fres

第一次寫食評..是日為朋友生日飯...一行入餐廳感覺好舒服...如果可以坐係window個邊仲好..因為個view真係good~服務一流..特別係經理kenny~~~真係值得一讚~~好nice...我地叫左:安南藕苗蝦沙律 ---女侍應姐姐推介...味道不錯..可以一試..蕃茄蟹肉湯粉(唔太記得個名)---推介..連一個朋友唔食蕃茄都覺得好好食...雞肉串燒...可以一試...但個人認為醬汁味道有待改善軟殼蟹卷---可以一試...雞肉湯粉---味道ok...粉好滑..都可以一試...清浣蒸粉卷:皮薄.餡料適中...加埋d醬汁..正..蒜蓉包:脆脆地..蒜蓉味剛好..可以一試...白鱈魚(唔記得咩名):如果多d醬汁可能會好d..依家好似淡左dd..有待改善...檸汁"油"魚:都係淡左沙沙..同埋有少少硬...都係有待改善食左兩個甜品..唔記得左咩名...有個好似布甸上面有d焦糖......有一位朋友就話好大奶味..但都可以接受..不過個人認為依個幾好食..有一個就綠豆加"流連"..鍾意食"流連"既朋友讚好...而本人就唔好"流連"都食左一淡...真係超勁"流連"味...所以鍾意食"流連"

開張第二日便來，見內寵幾啱心水就try一try沙律種類頗多，試下安南藕苗蝦沙律，啱哂夏天夠清新又溝得好好味另一涼菜係軟hock蟹卷，ok la到生牛河，well，唔係我最愛個隻濃牛味湯底及薄粉，但都食得過的仲有侍應推介的梅子蝦，又酸又野味蝦又fresh，收貨越南咖啡作。。。唔記得幾$$$，但幾抵的

同男朋友行完反斗城買野.因晚飯時間.途中行過幾間餐廳都好多人.又唔想食西餐.見到呢間越南料理有位.所以試吓.入到去個女侍應安排左近海景既位置比我地.因平時好少食越南野.食來食去都係個Ｄ野.但睇個餐牌Ｄ餸相片好吸引.唔同平時個Ｄ..點菜時個女侍應話比我知呢度剛開業第2日.咖喱牛腩$58蚊 牛腩好淋.配白飯一流灼通莱$25蚊 ok啦清清地清浣蒸粉卷$46蚊 Ｄ皮好薄.餡料好多安南藕苗蝦沙律$50蚊 本來2個人叫3個餸就夠.但個女侍應極力推介話好味.所以試吓.食蓮藕苗都係第一次.估唔到又幾爽.Ｄ蝦好新鮮.夏天食好開胃...正....無介紹錯.....哈哈...美中不足係呢度太新.未出到酒牌.我想下次再黎食會有吧...