芽莊越式料理 (海港城)

营业中

休息中

友人心血來潮嚷著要吃越南菜，身處尖沙咀的我第一時間去芽莊等位，希望不要令友人失望。第一讚是上菜時間非常快：先上的河內番茄蟹肉湯檬湯頭充滿蟹鮮味，湯中有拆下的零星蟹肉，番茄味跟蟹鮮非常搭配，唯有中間的蟹肉丸口感有點霉，不合個人口味。再來的是友人想試的藕苗蝦沙律，酸酸甜甜的汁非常醒胃，而當中的微辣更是一絕。藕苗鮮甜爽脆，作為開胃小菜合格有餘。緊接而上的是蒸粉卷。粉卷上的扎肉味道不錯，而粉卷餡料十足，皮又不是死厚的一層，值得再次品嘗。再來的是牛油雞翼。入口略嫌脆漿有點厚，然而仍夠脆身及有牛油香，味道整體而言不過不失。最後上的是鑊仔牛柳粒。意外的是有很多沙律茶伴碟，牛柳粒火喉剛好，咬下去仍有肉汁，沾一下隨碟而上的椒鹽更添風味，非常好下飯。希望芽莊能繼續保持一貫水準，不要令支持者失望。

突然跟朋友路過這裡就突然想食春捲，就選擇了這間越南菜館。整體還唔錯，價格偏高一些。春捲雖然炸的品相一般，但是餡料豐富，外面焦脆，餡料鮮美，搭配的辣醬很好味。 雖然以前不知道越南菜中竟然還有扒鸡，还是忍不住好奇點了一盤，味道竟然還唔錯。最喜歡吃雞皮，口感酥脆，有點像烤鴨的味道。 點的兩個菜都比較油膩，選擇看起來比較爽口的牛肉沙律，份量非常足，醬汁屬於偏甜的那種。 沒有點招牌的河粉，選擇炒飯，炒飯味道一般，沒什麼驚艷之處。

為了吃到最好食的河粉，心甘情願的等了一個鐘，雖然等放工才來，還好限量手工河粉還有，牛柳量很足，兩個人一起吃也末問題的。牛柳很滑嫩，湯汁濃郁，必點的菜品哦。店內的藕苗大蝦色拉很有特色，脆脆的很爽口。還有椰青也是必點的，椰肉很好食，椰汁也甘甜可口。除了服務員太忙，不夠熱情外，其他都很完美。

笌莊是我半個飯堂。今曰再encore 下它的生牛粉。湯底明顯比以前淡味，只有加點魚露吊味。牛肉也沒有以前的鮮嫩，普普通通的4小片，雖然上桌時帶微紅，亦無肥膏，但是牛味欠奉。河粉是幼身的那種，是滑滑的。相比安南或老趙，芽莊的湯底有點比下去，但相對大部分的越南餐廳，它還是好味多DD，再試無妨。

聖誕燈飾開始了,所以今天約了朋友去觀賞. 出發前, 點都要食定野打定底, 才有足夠腳骨力完成整個行程呢!於是與朋友來到尖咀商場內的餐廳,由於時間尚早, 內裡很多座位可以選擇.於是選了近窗口的位置, 這就可以邊吃邊欣賞夜景了!環境比滿分.入座後, 職員馬上提供各人一杯水,看過餐牌, 選了河內生牛肉粉,可是職員以講英文為主, 所以落單時, 最好指著餐牌.河內生牛肉粉 HKD60真係大大碗, 對女生來講, 份量真係好足呢.另附青檸及辣椒, 可自行加入.表面鮮紅的生牛肉, 慢慢的變為暗紅色, 再浸多一會兒, 便可品嚐了.全變為暗紅了, 熟了, 可以食了!牛肉份量亦十足, 約十塊左右.河粉滑, 魚露湯底亦很濃..但真的很肚餓,,,, 好快消滅這碗越南美食了.忘了影相...60元, 加一後66元,享受維港靚靚夜景, 算是OK了!如有机會, 會再來品嚐,,,,,

近日天氣涼涼地，想食碗熱騰騰的河粉。我和友人各自點了蕃茄蟹肉湯檬和燒牛肉拌檬。蕃茄湯非常美味，濃濃的蕃茄味中帶有海鮮的甜味。除咗蕃茄同一小塊蟹以外，仲有碎旦餅同兩粒蟹肉丸。碎旦乃大路野，唔會唔好食，但蟹肉丸的確鮮甜，有蟹味，真材實料！友人的燒牛肉拌檬，燒牛肉有兩件，表面乾身但食落一D都唔乾有肉味，拌以醋汁檬粉，十分開胃味美。推介！

公司係海洋中心，所以去咗樓下個間越式餐館。點咗個越式魚蛋撈檬。價錢$65。個賣相好正。加入檬汁好正。好易入口。個魚蛋好特別。味道好有越南feel。未食過既朋友就要試試。

坐窗口位仲可以望海景添。Pho Nam 河內牛爽腩粉 ($68)河內牛即是越南生牛肉片，喜歡浸到半生熟時牛肉餘留的淡淡血腥味，更能帶出牛肉的鮮甜味。牛肉份量甚多，食極都食唔哂。至於爽腩，雖然係叫腩，但個人覺得似牛𦟌多啲，醃得唔算好濃味，所以牛肉鮮味更特出。爽腩的確幾爽脆，厚實有嚼勁。湯底濃郁，有淡淡香草味，河粉索哂啲湯汁好好食，最正係飲咗咁多湯都唔口渴。

星期五晚7點到，已經好多人等梗位，都等左半小時以上先可以入去。好多侍應都係越南人，感覺都幾地道，餐廳環境偏暗，有好relax既氣氛，仲有海境陪食。叫左河內牛爽腩粉 （$68）：牛肉湯超濃牛肉味好香甜，河粉索左啲湯都變得好有牛味，牛爽腩雖然係厚切，但係超級林，好香牛味。呢碗係友人叫的，我借來食左幾口都覺得咁簡單既河粉都整得好好味。而友人評價都係不斷讚，友人不嬲食湯面都唔飲湯，但今次竟然飲晒成碗湯，咁就知有幾好味。事后睇餐牌先知原來單點牛肉湯都要$28，難怪咁出色。河內魚餅撈檬 （$65）：魚餅都係好厚，雖然同平時中菜既魚餅味差不多，但佢都煎得好香。而檬粉就有青瓜絲、炸蒜頭片、蘿蔔絲、花生碎，食落好有口感，加左酸魚露后就好豐富，而個汁唔會太酸唔太咸，調得剛好。但比起牛肉粉就比下去。

呢度嘅越南菜非常出色，尤其係佢嘅生牛肉湯河，牛肉肥美新鮮，呈粉紅色的半熟狀態！入口香滑！我差唔多一個月最少都會來食兩次😋！不過通常會選擇尖沙咀分店，我覺得呢間比較好食同埋有時有機會可以攞到靚位，對住個無敵維港海景！正👍🏻

• 芽莊必點 •河內生牛肉粉 $60Pho with thin sliced beef (medium rare)牛肉片好薄，口感嫩滑。雖然半生，但靠住湯的熱度，牛肉片在湯中耐左，漸變9成或全熟，吾敢食生既人都可以試👍 又不影響肉質口感👍仲有河內魚餅 $72Fried fish cakes (minced fish mixed with water chestnut) are bouncy, juicy inside and crispy!魚肉漿與馬蹄混合一齊，令原本彈牙既魚肉，多左份爽口既口感！仲有維港靚景❕❕完另外，我仲點左：香煎釀墨魚 - 其實只係肉餅釀墨魚。墨魚煎部份位置煎得太干，令肉身干硬；部分肉身雖然吾硬，但亦肉質粗嚡。香茅牛肉撈檬 - d牛肉如圖，又老又干；檬粉ok.

我和朋友們一向都好喜歡食芽莊,覺得水準好好而我個人就貪佢地有賣越式三文治,呢個另我有無限回憶的包包我們今晚點了生牛肉河,越式三文治,炸魚餅,安南藕苗蝦沙律生牛肉河 - 就不多說了,但今晚有小小失準,河粉好似唔夠熟,吃到小小怪味,似果d乾河粉未煮琳嘅味道炸魚餅 - 超厚身,好足料,又彈牙,啖啖魚肉加埋莳萝嘅香味,個比例剛剛好食到停唔到口安南藕苗蝦沙律 - 值得推介, 蝦肉只是配菜，藕苗才是主角色, 醋加藕苗爽口清香，見到一個個看似蓮藕的小孔，有驚喜又開胃越式三文治 - 以前外國讀書因為平日日當正餐食,對佢有情意結同回憶,芽莊唔算做得好好食,但香港選擇不多所以我唯有接受,脆脆的法包,中間有(應該係雞)肝醬+小許沙律醬,再夾入扎肉,叉燒,燻蹄,酸蘿蔔,青瓜,既清新又美味,如果再加d美極就更可口仲送多個維港海景,簡直一流

星期五晚上，到尖沙咀海港城吃飯，打算方便逛街，便選擇中價之選 -- 芽莊 作為晚餐。早一天預約晚飯，最快都要8:30才有座位，而且必定要人齊才可以入座，注意的事項之一。即使預訂也好，到了也要等10分鐘才成功入座。餐廳內8:30左右的人數都不減，餐廳內享用餐點的人數可不算少呢!! 而餐廳其中一個最令人著迷的地方是風景，如果早一點的話，可以看到幻彩泳香江呢!! 而亦可以望到整個維港的景色，相當不錯!! 當晚點的食物不算太多。 首先有 芽莊牛油雞翼 $58牛油的味道十分重，而且不會太油膩，配上青檸，酸味之中帶有一點點咸味，很特別的味道呢!!  燒牛柳沙律 $90 洋蔥配上牛柳及青瓜，幸好同行的朋友喜歡吃青瓜及洋蔥，才可以把這種食物吃掉。可惜的是: 洋蔥味道與牛柳的味道並不夾，沒有一種清新的感覺。作為沙律來說，沒有帶到前菜的口感與味道。河內生牛肉粉 $60 絕對是必點的推介，生牛肉在湯底下便會弄熟。牛肉的份量都不算少，而且十分新鮮，牛肉味十分濃。湯底方面，帶有酸味的湯底絕對是特色之一，配上香料之下，都挺有水準的。朋友都說，回味以前在河內旅行時的生活呢!! 整體來說，以海港城內說，平的餐廳不太多

想食越南菜嘅時候就一定會諗到呢間。裝修過格調唔同勵，當然價錢都上調左。如果大家真係想食，記得要早啲㴝。我地七點去到餐廳，都等左差唔多一個鍾先有得入。不過，等甘耐係值得嘅。

見到很多人排隊, 就跟住一齊排隊XD以海港城黎講, 呢間價錢係適中亦唔抱太大期望去食!生牛肉+牛展河, 其實食唔到有牛味個湯同配料已經蓋過左牛味, 所以非常一般!不過就各有4塊左右, 比足份量!!呢個好像係沙律系?上菜時我地都以為比錯 HAHA不過椰菜一粒一粒, 未見過, 好特別配埋「立」腸, 好食!!!軟殼蟹卷, 唔係新鮮炸, 好硬同個皮黏到實一實......