花說 (已結業)

起初行到間餐廳門口 企左係度一陣都冇人黎問幾多位 冇招呼過 員工係到傾計 望見有客都唔出黎 仲要坐近門口既客黎幫手開門比我地入去 寫野食果時同埋單舉手完全冇人理 員工全程係度傾計 仲有員工係到打情罵俏 叫埋唔該都冇人聽到 待 要自已行埋去搵佢地 客態度極差 完全冇以客為先 餐牌野食普通 唔多吸引 環境裝飾普通（似淘寶裝飾）但擺設唔吸引 失望生日飯

經過開長沙灣黎潮聖一下呢間超Hit既cafe,去到時門口超多人，見d人冇咩點排隊，諗緊係咪個個都book位，上前睇下點知有個walk in list , 幾搞笑 唔派飛 寫落個list到等叫名，等左段時間 到我地啦，入到去終於明白點解佢地用walk in list, d員工可以話忙到7彩好啦我同個fd 點左個全日早餐Set B$98之黎仲有牛油果豆腐沙律$68 椒鹽雞翼$30芒果荔枝梳打$38 ，雖然咁鬼多人，D野食又唔算等好耐，水準都唔差 賣相掂仲可以整張 （相機食先 ），個員工見我地影相仲主動問我地洗唔洗幫手影張相，忙到咁都有service 👍🏻

病左一排好耐出街食了，今次約左男朋友去靚靚cafe訓練佢既拍照技巧。成日見依間cafe係社交網站洗晒版，所以一早book左枱先。 Lunch時間去都好多人，一枱接一枱甘。當日坐吾到粉紅色枱但係係啲空檔時間都可以過去影番幾張，必需的！不過除左粉紅色枱都仲有好多影相位。佢地有all day又有意粉，仲有啲小食沙律同cake！今次食All Day Breakfast set B $98個薯餅厚身啲架，熱辣辣食勁鐘意，滑蛋都好滑，仲配左黑松露醬！另外仲有煙三文魚、大啡菇、牛角包、紅白腸、焗豆、沙律。大啡菇上面有芝士，中間好似係沙律醬，夾埋一齊有丁點咸，但個菇好juicy呢！白汁蟹籽蟹柳意粉 $58份量都幾大，特別鐘意啲蟹籽match埋意粉！Lunch set都幾抵，依家仲有免加一優惠添。飲品就必飲富士山特調啦好靚又好飲！整體覺得都正，瘋狂影靚相，其實女仔好易滿足！ 

同朋友係Facebook 見到呢間野介紹好似唔錯咁幾吸睛所以前日就去試下，本身打去諗住book位啦，點知full左😩，算啦都預左好多人去，但聽電話果個算唔話得，可能感覺到我灰左😂超窩心同我講試下6點到黎唔會太多人，好啦我地就6:30到去到，去到門口有兩班人等緊，之後門口寫名等左陣就入去了。點左個All Day Breakfast B餐$98 個大啡菇吸引到我，值得一讚！同埋d蛋唔會炒到過哂火幾滑唔錯我朋友就點左菠菜汁煙肉意粉$78 試左啖都幾好味之後見幾多人點杯藍白色既飲品幾靚 問一問店員咩黎，咁忙既情況下都好nice解釋俾我聽杯野 當然就即刻order 左富士山特調$45，幾似波子汽水咁，好好飲。

完全可以瘋狂地影影影而不怕羞系列大部分客人都瘋狂影中，非常適合相機食先既朋友店內裝修玩味十足，有粉紅色系既霓虹燈有粉藍系既霓虹燈仲有好多道具比你拎住黎影拍照是一流的，美美的喜歡這個小角落食物方面主要分All Day Breakfast類及意粉類，食物也是美美的。All Day Breakfast分三款，我揀左款有牛油果的其他選擇有煙三文魚同大啡菇，炒蛋炒得好滑啊仲有黑松露係上面，影左好耐相牛角包仲脆架我點了肉丸泡菜意粉，泡菜辣辣地又有啖啖蕃茄味 好MATCH，確實不錯，泡菜辣辣地幾開胃，而且個肉丸好好味呢

新開張，不需要加1⃣️服務費。58蚊麵+嘢飲味道比較一般，嘢飲好淡，好似飲緊水咁。不過真係好多女仔，排隊嚟影相，室內裝修設計比較少女心，很粉嫩。但嘢食質素很普通。

之前係其他網站到見到好多有關哩間花說既推介.比佢地影出黎既相吸引左.驟眼望去入都還可以. 不比預期中失望.只有兩張係以粉紅色作背景既枱. 其他位置好似普通茶餐廳佈景咁.繼而食物存貨唔充足. 叫左個all day breakfast 到上餐既時候我地發現同餐牌上列明既食材有出入. 問個侍應 佢都完全唔知道點解. 收尾佢入廚房問先知原來係因為無貨就自行幫個客人轉左其他野食. 但完全無問過我地既意見. . 完全失望同無奈. 價錢比起同區既食肆算貴. 但無論食物質素.環境同服務完全同介紹出黎係兩回事.. 但佢地自己影出黎相係靚既. 真心講句比佢啲相呃左. 試過好多間cafe.但無一間好似哩間咁又無誠意又唔熱心. 好難會再返轉頭 唔會再去‼️‼️‼️‼️‼️‼️‼️‼️‼️‼️

友人是一個粉紅控，見到呢間花說xoxo當然心心眼，立即約食飯。 搵google map，原來又唔近荔枝角，又唔近長沙環，真係行到出汗😅先講裝修設計，其實係幾有心思，好多影相位。不過，睇得出係低成本的一系列淘寶貨，店面的位置亦不大。有兩個掛牆neon light, 幾靚不過影人影食物就會變哂色😂講到食物啦，係呢區來說都說幾貴！ 每樣主食都約$90-110,唔包野喝。野喝仲要$40+ 又超細杯，食水幾深，成本應該係落哂廣告度🙄首先，黎個all day breakfast($98), 都唔錯但份量唔算話大。 每樣都好細份，唔算好食。另外叫咗但鴨胸意粉($78)。呢個價錢，真係好一般。汁太多之野，意粉勁少。總結，如果黎影相呃like,首先記得唔好坐neon light下。第二，記得記得要食咗d野打底先。

近期呢間少女心既cafe係ig上好hit, 少女都爭住去潮聖打卡😎 小妹都吾執輸去湊下熱鬧🙆🏻去到一睇，先講環境，真係好靚！😍 主要以粉紅色同綠色為主調，粉紅色果個部分係少女韓風style , 而綠色既部分就係清新、文青style, 個人覺得幾好，可以迎合客人既喜好💕然後講食物，首先靚餐具同賣相係加左分😂👍🏼 All day breakfast B $98 黑松露炒蛋好香滑，大啡菇好juicy 同好cheese ! 😋👍🏼 兩隻腸都好食，薯條炸得金黃色、脆身、吾油膩，同埋好大份呀！😍 大滿足！蕃茄泡菜肉丸意粉 $88 個人好喜歡蕃茄汁既意粉，因為好開胃，呢個蕃茄汁吾會好酸，意粉硬度適中，肉丸既味道都吾錯，加上泡菜後令到個意粉更野味😋蜜糖雞翼 $30 好香甜，有住家既味道，下次試埋其他味道。粉紅雲石蛋糕 $45 賣相好可愛！好吸引呀💕我同朋友忍吾住叫左兩件食🙈 其實係士多啤梨慕絲蛋糕，吾會太甜，都幾好食。叫左吾同味道既梳打，好colourful 😂 幾清爽既感覺。另外，店員有主動問我地要吾要幫我地拍照，幾nice 😁下次朋友生日要帶佢黎慶祝👭

在IG見人post 這間餐廳的相片被吸引，在星期六的中午來一試，我11:50左右到，等到搭正12:00才開門。我們應該是唯一一枱，沒有book位的客人，其他再有what in的客人，也被拒諸於門外。所以如果要來吃，就必先要book位。餐廳以粉紅色佈置為主，有很多公仔、擺設。客路應主供10幾至20歲嘅少女，見到這麼夢幻嘅佈置，少女一定會說很可愛。而食物方面，我就覺得偏貴，選擇不多，一個意粉加一杯飲品已經是130多元，在這個位置，用這價錢吃這些東西，我覺得有點不值。但食物的質量質素還可以，這次叫了椒鹽雞翼，大菇松露意粉，茄汁鴨胸意粉，還有黑松露薯和All day breakfast ,最喜歡的是黑松露薯條,黑松露醬非常美味。不過，這個價錢，如食物不特別吸引，很難回再光顧第二次的。

打左過去5次冇人聽，特登搭的士去，到左門口見到入面好full，有張walk in list掛左門口，企左喺出面大概3至5分中，完全冇人出黎理我地，我覺得至少要同我講聲冇位，但係入面有4個員工企左喺度完全冇野做，仲要係望到我地的，於是就走左，唔會考慮再去

響fb知道呢間野新開，又主打粉紅，即刻bk黎試。可惜bk位個陣已經無晒粉紅，得番綠色主題。好啦，都照去bk左2:30，2:15就到左安排入左後，職員話lunch menu到2:30，比我地叫埋，好好 lunch 50-70不等，個日意粉為主，唔知係咪日日唔同，隨餐附送青蘋果梳打, 熱情果梳打或者美色咖啡，部份咖啡，朱古力加10蚊，特飲半價。叫左蕃茄煙鴨胸意粉唔係一般ge茄汁，係Tabasco ge味，我麻麻地鐘意，鴨胸正正常常，係有d un隨餐附送ge 熱情果梳打，少少熱情果味，但冰溶左之後就變無味 另一個欣賞店員ge地方係，粉紅corner 比人bk左但個客未到，店員比我地去個位影相，仲拿走'reserved'個牌。多謝佢地。餐廳入面唔少花花，公仔裝飾比人影相，不過就手快有，手慢無

諗住同朋友2個人去近排社交網站比較熱話既呢間cafe，約左晚上20:00，到門口既時候已經有少少走鬼檔既茶記感覺⋯靚既系由淘寶網淘返黎既擺設（利申：本人都好喜歡系淘寶網淘物，絕對吾系歧視），完全欠缺氣氛⋯不過一場黎到，緊系期待試下佢既食物，因為同朋友黎之前食左少少野（亦都好彩打左個底！），所以諗住食個all day breakfast(SET B)同蕃茄汁芝士肉丸，另外朋友點一杯榛子朱古力、我就要杯富士山特調（荔枝味梳打）⋯但waitess話無哂肉丸，但我地又無其他想食(食物選擇很少)，所以諗住食完吾夠先再叫多個all day breakfast⋯等左幾個字，野食到左，朋友食左幾啖先醒起：咦～點解無左煙三文魚既？甘我地就問個waitess，佢又走去問廚房入面一個女仔，然後waitess行埋黎同我地講：吾好意思，因為無哂貨所以轉左煙肉比你地。呢一刻我同朋友都感到愕然點解食物轉左都吾講聲（因為叫個set B主要都系想食個煙三文魚）⋯佢繼續講：再吾系送多2隻雞亦比你地？（我地黎之前食左所以吾系甘想食，所以拒絕左）一系減返$10。系無其他辦法既情況下我地妥協左⋯個waitess行開左朋友同我講

之前online發現呢度勁韓勁粉勁少女心話不說同姐姐講一定要嚟佢說話不如嚟呢度同我慶祝生日啦試業第三日已經嚟到呢度好好彩！因為放工先嚟到 過到嚟入左黑但一入嚟見到粉紅色係勁開心周圍都有unicorn🦄同乾花🌾💐完全衝住少女心要人拍女神照😍因為天黑，我地坐既位置有盞粉紅霓虹燈所以影出嚟比較粉紅店員都好窩心會幫手影相餐點有幾款pasta，all day breakfast同埋輕食好似沙律雞翼等選舉困難症既我地最後揀左全日早餐忙緊拍照既時候店員捧住隻碟嚟原來係姐姐準備俾我既驚喜因為麻煩既我食唔到佢地既甜品所以店員好好咁為我整左個飲品delication上面個張即影即有就係佢地送既仔細睇到佢地既碟係雲石碟而家文青必用架早餐份量都幾足夠睇得又食得好味黑松露都好香100蚊都唔算貴呀

每個女仔都有一顆少女心，最近長沙灣新開嘅花說，成為一眾少女打卡熱點！韓式少女風文青Cafe, 超多影相位嘅粉色系Cafe, 連我呢個一向心態行為都不太少女嘅半中女都不其然沈醉呢個花花世界啊💓一條比較陳舊的街道，中間夾雜着呢一間少女味十足的Cafe, 十分顯眼突出。呢度嘅落地玻璃令人喺店外已經飽覽店內風采。粉色系嘅牆身與裝潢，絕對能緊緊扣住一眾少女心呢！📸影相打卡點一：食物飲品！呢到嘅食物飲品如一般cafe, 有意粉、All Day Breakfast、小食、咖啡、梳打等等。同區黎講價錢可能有點稍貴，但我覺得係一般Cafe嘅價錢，加上食物質素亦不俗，價格定位合理💓All Day Breakfast Set C💰HKD98(牛油果、紅香腸、煙肉、焗豆、黑松露炒蛋、薯條、沙律、牛角包）你以為係普通嘅ADB?佢的確係普通嘅ADB!!!!😂但食物都唔差嫁，炒蛋炒得好滑，各種調味都算唔差呢，最開心係有牛油果，仲有成半個牛油果嫁！我覺得呢個ADB比大型連鎖店做得更好，而且價錢亦相對便宜。若牛角包脆啲就更好。最重要係，碟、餐具一啲都唔馬虎！先講隻碟用雲石碟，即刻個感覺upgrade晒。而餐具嘅使用都幾