花說 (已結業)

這一間在網上曝光率甚高的咖啡店， 今日終於有機會和朋友來朝聖！揀咗星期六的傍晚來，仍是人頭湧湧，也有沒有訂枱的客人來到，也需要等候一段時間。好在朋友洞悉先機，先前已經打來預訂位置！話晒粉紅色，對女仔來講完全冇抵抗力。所以一坐低已經不斷影相，店主特登為咗令客人可以影多啲靚相，特意設計成一個很夢幻的空間，讓客人可以享受食物之外，仲可以感受一下一間真・文青cafe的環境。店舖裝修十分有心思，在這個年代實在難得！富士山下這個加入白桃梳打的飲品認真要相機食先，夏天飲真係好涼快。海藍色的飲品，放落好甜，其實唔係。我幾鍾意呢一種清新嘅感覺！全日早餐款式很多，餐牌有三款。而這款是C餐，入邊乜都有。要讚嘅係份量都好澎湃，兩個女仔分享就啱啱好。另外擺位亦都係心機之作，最啱鍾意相機食先嘅客人。好鍾意呢度嘅氣氛，朋友聚會係一流嘅！

難得周末，係要搵一間休閑的咖啡店好好歇息一下。最近在網上大熱的位於荔枝角地鐵站附近的粉紅風咖啡店，難得今日有時間，打算和好姊妹一同試吓。一入門口，已經被粉紅的外牆深深吸引着。而那裏也有不少拍照打卡的位置，霓虹燈、文清phone的雲石枱，粉紅色的外牆，通通也是令少女心動的擺設，好想把間舖所有的擺設都帶回家。而近門口位置，我最鍾意這一句說話「you are something magical」每個人都是獨特的，不應輕易被打到！作為女孩子，應該好的欣賞自己，體諒自己。我相信老闆開這一間cafe的原意，就是為都市人提供一個可以支取能量的好地方。另外食物方面有令人驚喜。柚子雞翼雞翼煎香後用有柚子蜜封住。鎖住肉汁，同時也保持外皮香脆可口，甜甜的柚子蜜糖，令人有幸福的感覺！薰衣草牛奶咖啡原來這個是新出不久的新產品，薰衣草是自家泡的，不是只是落薰衣草味的糖漿，所以飲落不會有偽甜的感覺，反而清新的薰衣草香味打動我的心！全日早餐來到咖啡店，點可以唔叫一個全日早餐呢。小店的全日早餐有三款，這一款的材料包羅萬有。而且還有一般咖啡店很少見到的牛油果，感覺好健康。而且黑松露炒蛋也十分出色，黑松露香氣撲鼻，另外也有

好靚好靚好靚，重點當然要講三次。一間Cafe除咗野要好食之外，仲要滿足我哋呢班港女嘅要求，影相位一定要多！呢間位於長沙灣同美孚中間嘅花說，真係可以俾我哋由入去坐低到走都影唔停！想坐粉紅色枱記得book位既時候講定先！蜜糖雞翼 $30真心覺得好好食，蜜糖夠多而唔會太甜，雞翼又夠嫩滑唔乾身無花果煙三文魚沙律 $78女仔當然要食番啲健康野啦！無花果放得好靚，煙三文魚捲到好似花花咁，呢個價錢出面一定食唔到All Day breakfast $98最好食既係德國腸同大菇，份量夠多而每樣都唔馬虎，以小店黎講係抵讚既～芝士肉丸 $38呢個係我另一最愛，肉丸帶彈牙口感而且好惹味，絕對好食過IKEA～獨角獸好靚，真係好靚！

我住長沙灣，平時都會周圍搵吓有咩新開既食店，呢間店鋪係係我有一日去飲茶行過經過見到。開左幾耐都唔知，第一感覺就係唔想入去食野，不過都有望清楚佢既環境先決定我之後一定唔會入去比佢呃錢先講店外環境...呢間店附近周邊都係一D車房，雜貨店，五金鋪，無啦啦有間咁樣類型既食店都奇奇怪怪的...再講埋店內環境...白色牆冇裝修可言，枱，凳都係白/粉紅色，地下又係白白的，成間店好簡陋，放少少裝飾品就算，再講埋個落地玻璃，好心就貼吓野啦，出面望入店好似睇緊動物園咁（坐入面既人會有咩感覺呢）如果係一間普通茶記/飯店都冇咩問題（我指環境），不過以「類似」cafe 既型式去評價，就真心差到一個點

除左韓國多呃like cafe而家香港有一間 以粉紅色 打卡為主題既Cafe😍少女們黎到簡直心心眼 粉紅色既枱椅同霓虹燈 勁多打卡位😎可以影好多呃like相 重有長腿照添😎呢到既姐姐影長腿相有一手架 大師級呃like長腿照😎•Cafe野食方面呢，有意粉，all day breakfast ,小食等等揀推介蜜糖雞翼，蕃茄芝士肉丸💛野飲方面呢，凍飲個樣就靚d。圖中粉藍色果杯叫獨角獸，真係好鬼靚💙黎呢到記得bk定枱，因為小店唔太大架，想坐粉紅枱記得bk定啦🤓逢星期二休息，唔好摸門釘🤓

這是一間韓味十足的cafe, 朋友介紹這是一個打卡熱點, 很想去朝聖，雖然我不是太fancy粉紅色，但朋友叫到, 就抱著見識一下的心態去陪她吧!入到去, 果然有很多為少女而設的影相位,  門口就係其中一個, 但很可惜那裡有其他客人用餐，但其他位都好靚架主色是粉紅色，但都有簡樸的綠色扶持，感覺很舒服首先來個柚子雞翼 ($32) ，一上碟就被她的粉紅flamingo碟吸引，溫柔得黎帶點野性，不要以為這碟雞翼好睇唔好食，香草雞翼咸咸地加上一層柚子醬，真是錦上添花。主菜是蒜香蜆肉大蝦意粉 ($98) ，蒜味十足，而且不會很乾，分量也充足，本來對cafe 的食物質素期望不大，但這樣一來也有驚喜

網紅店緊係要潮聖下，我早左2星期就book位，約埋朋友打卡，首先講下個地點先啦，呢間餐廳唔係話近長沙灣，都唔近深水埗其實係中間店，當見到呢間嘢嗰陣時就覺得呢個係一個小綠洲，果日全部都係有book位先至可以入去嘅，如果唔係walk in起碼要等一個半鐘囉，食物質素，不過不失，一般all day breakfast,同好好味啲chicken wings，店主介紹雲石Cake 都ok ,不过甜左d飲品就有誠意既😚😚但對於我哋呢啲愛發夢嘅少女嚟講，最緊要啦全部都係粉紅色為主，影相好正

提早預訂也要坐在燈制旁邊，因此感到失望。全場只有兩張枱值得影相，但因為要留座都沒有人在坐，但眼見門口很多人排隊。食物方面，全日早餐普普通通，雖然相信這要難食的話也很難。飲品大為失望，富士山特飲只是普通嘅梳打水和藍色糖漿，沒有其他味道，但要＄45，加了一便是＄50。而使用的餐具，看得出是淘寶回來的。椅子不是太穩固，這點應該要注意一下。裝修就只是普普通通，只有文字燈稍有特色。店員友善，但不懂管理，眼見廚房有三名員工， 但只有一位做樓面，所以很多時候都要自助。而且很多人在排隊也不知道安排。也要收服務費，令有點昂貴而普通的餐點再添無奈感。綜合以上評語，可一不可再。

約我女神bb出黎食野當然要揾間靚靚既cafe❤️超級鍾意呢度既粉紅牆同粉紅凳加埋牆後幅畫同啲小道具 真心好似去左韓國既cafe令人少女心爆發好彩我有一早book 如果唔係應該坐唔到粉紅枱🙈食物方面 我地叫左個牛油果豆腐沙律同菠菜汁煙肉意粉兩個都好有驚喜估唔到五十幾六十蚊既價錢(lunch time)有呢個質素超大份 又好味野飲就叫左green tea latte同青蘋果梳打個拉花好靚 凍飲既杯好特別 味道都唔錯Staff既態度都好好超級有禮貌 又會主動幫客人影相我同女神bb影左好多靚相丫好開心簡單黎講 呢間cafe唔係得個樣 食物同服務都好有質素 係回頭率極高既餐廳

教會係長沙灣，發現多左唔少新野食，但一路都以為係得D大集團野。反而係有朋友話比我知佢見到網上有介紹呢間文青打卡cafe，先知原來教會有間咁嘅cafe。決定返完教會夜晚去試下～餐廳以粉紅色做主題，係比較少女嘅style，難怪唔太覺有男性一班黎食，反而都係一班姊妹咁黎傾下計影下相。餐廳人手唔多，客人都坐滿左成間舖，所以出餐嘅時間相對其化cafe會長少少，不過我個人都幾enjoy 慢活嘅生活，反正又唔趕時間，坐下傾下計都唔錯見其他客人都係比較悠閒，都冇咩催野食嘅情況，始終週末都係要放慢腳步嘅～首先上枱嘅係野飲。其實去cafe 成日我都會想叫咖啡，但夜晚飲咖啡我就唔駛訓，所以就叫左杯薄荷朱古力。飲品上枱嘅時候比佢嘅外表吸引左，雖然野飲細杯相對其他cafe細杯，但賣相好精緻，如果係鐘意影相嘅朋友就岩晒啦～不得不讚嘅係佢係用紙飲管，唔係膠飲管，靚之餘仲比較環保朋友叫嘅係熱嘅紫薯latte。有拉花淺紫色係一個好夢幻嘅感覺，少女心出晒黎，見到心情都即刻放鬆晒佢唔會太甜，紫薯味唔算好突出，但淡淡嘅香味令杯野飲唔會太漏。之後就到小食啦，叫左一份椒鹽雞翼同埋黑松露粗薯條。雞翼焗得幾好，皮脈脈的，而肉汁仲係度

之前係Facebook 見到介紹依間餐廳，於是約理班fd 出黎試下~餐廳環境好有韓國feel， 簡約白色的枱，金色的椅子……職員服務態度好好，見到我入到黎仲等緊friend， 主動斟杯水我。食野果時，又會不時斟水比我地^^柚子雞翼 ($32/4隻)味道十分清新，非常濃味的柚子味道，而且雞翼烹調合到好，不會太淋。熱騰騰的雞翼滲入柚子味，十分好味，一定要試呀!白汁蟹柳蟹子意粉 $88蟹柳好fresh，不是普通的蟹柳。蟹子夠多，意粉不會太淋且夠彈牙，意粉份量比其他cafe多，夠大份，可以食到3-4人(如果女仔食的話) 紫薯鮮奶 $40個杯好靚，好elegant， 鮮奶味夠重了，但略甜…整體來說，間café 唔錯，價錢合理， 而且職員態度好。

去到花說門口，吾知個門點開🙈😂 店主自動上前為我地打開，仲好nice咁say halo☺️ 本身想坐粉紅台影相，不過比人book 左，於是我地坐白牆雲石台，果個area比較文青😎 影相都好夠光。我叫左黑松露帶子露薈意粉 $108黑松露好香，個汁好creamy 😍不膩，帶子幾新鮮，露荀青綠爽口，意粉軟硬度適中，份量算多，吾錯吾錯😋👍🏻然後店主邀請我地去粉紅台影相，比埋道具我地影！仲幫我地拍合照，狂禁快門😂教埋我地擺pose，最後影到好多不經意既文青相！花說既氣氛令人想瘋狂影相，而且吾會覺得尷尬😂 btw店主既攝影技術真係幾好😍 未試過有餐廳既店員/店主會幫手影咁多張相都吾介意，好好人，我地好開心呀！😁

來開長沙灣，這頭很多食店都食過這間新開倒未試過，朋友試過不錯，這晚就也來此一食我和朋友共Order了:輕食A. 牛油果豆腐沙律 $68C. 煙三文魚牛角包配薯條 $75小食B. 雞翼4隻(蒜香) $30飲品青檸梳打青檸梳打，味道不錯，清新好飲，飲完份外開胃雞翼4隻，蒜香味道惹味，肉質也軟硬恰當，蒜香使味道更添層次牛油果豆腐沙律 $68有位朋友原來不吃牛油果，不接受那種黏滑的口感我就食得好滋味，牛油果和豆腐兩種軟滑的東西結合又有另一番風味，而且有種植物獨有的清香C. 煙三文魚牛角包配薯條 $75一向愛吃牛角包，這個牛角包亦相當高質，勁好食薯條也質素中上，熱而脆，好快食完，若數量有多些更好總括而言這餐好高質，餐廳的環境好女仔style，不過都幾靚，下次再來食

長沙灣荔枝角一帶旺中帶靜越來越多隱世小店今次跟朋友嚟到荔枝角附近既花說個名都好文青 一去到的感覺就是粉紅色、粉紅色和粉紅色大部分都係女仔，三五知己來呢度打卡主要都係西餐加埋飲品其實價錢都小貴不過環境方面唔錯 店入面既色調令人好舒服同朋友叫左一個H & all day breakfast分量好有驚喜，一般Cafe的份量都是小小的，但意粉來的時候我們都很驚訝兩個女仔share 食1個都ok!!意粉煮得剛剛好 好有口感 而且感覺非常健康 就算冇咩汁但味道都好夠All day breakfast 都係大大份個炒蛋好滑👍🏻👍🏻👍🏻 野飲方面叫左個富士山特調 好靚呀隻色 😍😍😍 好似係荔枝味嘅波子汽水 又靚又好飲！

位於長沙灣的花說，是一間PINKPINK主題餐廳。餐廳吸引極多少女光顧，想光顧的朋友仔，建議去前先預約呢。白汁蟹籽蟹柳意粉$88意粉種量不少，讓人花多眼亂呢。今天想吃白汁，就選擇蟹王意粉吧。意粉有蟹籽和蟹柳，蟹上加蟹，蟹籽鮮橙，粒粒囗感，蟹柳囗感滑腍。意粉軟硬適中，白汁稠濃剛好，白汁掛上意粉上，味道不錯呢。紫薯鮮奶$42最愛吃紫薯，看到有紫薯鮮奶二話不說點一杯吧。紫薯鮮奶賣相吸引，由白至淺紫至深紫，層層吸引。紫薯味道濃郁，香甜滑順，好好喝呢。