花華和食屋

营业中

休息中

餐廳主打食日式拉麵🍜，可以自己選擇拉麵嘅軟硬度，麵條幼身帶有濃厚小麥味🌾！特別推介佢哋嘅醬油蟹湯🦀，湯底鮮甜好好味💛！另外，仲有小食🥟、日式刨冰🍧、芭菲🍨等等選擇。室外日式楓葉庭園場景好靚😍！着住和服喺度打卡🍁，感覺好似置身喺日本咁🥰。室內亦有打卡位，天花同牆身用咗好多色彩斑斕嘅日式紙傘做裝飾💕，散發著濃厚嘅日本氛圍🇯🇵。🍜淡醬油鴨湯拉麵湯底係濃厚鹹香嘅醬油味帶有鴨香味，鹹度適中。鴨肉有驚喜🦆！粉嫩色入口好柔軟嫩滑！🍜醬油蟹湯拉麵雖然都係用咗醬油做湯底，但係兩款拉麵嘅味道係完全唔一樣㗎！呢款湯底蟹味濃郁🦀，撈埋蟹膏同蟹肉食，令拉麵帶嚟鮮甜嘅蟹味😍，真係會忍唔住飲咗好多湯🥣！配上兩片炙燒嘅日式叉燒🐷，肥瘦均勻又有油香，食完好滿足🥰！🫔牛肉可樂餅口感外脆內脆，入面係免治牛肉碎🥩同薯蓉🥔混合，餡料豐富飽滿，食完一件都已經好飽😆。🥟雞皮餃子薄脆嘅雞皮包住豐富嘅雞肉餡料🍗，咬落去酥脆多汁💦。🍨 栗子Tiramisu芭菲上層雪糕係香濃嘅Tiramisu口味☕️，仲有白玉、黃豆粉蕨餅、栗子、餅乾同粟米片。層與層之間夾住忌廉、栗子蓉、粟米片同可可脆米，成個口感好豐富✨。🍡抹茶黑糖蕨餅可以揀抹茶同黃豆粉味

盈豐呢附近越來越多新嘢食進駐～仲要每一間都好有自己特色～而呢間有個咁靚日式庭園嘅拉麵店，同隔離人氣西餐廳JEP by Involtini 係姊妹店～無論室內室外都充滿和風嘅感覺🪭～有別於一般拉麵店，樓底又高坐得特別舒適😌是次order:「🦀濃厚蟹湯拉麵」「🪿淡醬油鴨湯拉麵」「🥟炸雞皮餃子」「🐮牛肉可樂餅」主打形形色色嘅拉麵，拉麵採用幼麵～麵嘅硬度可以選擇，是次揀選普通，都係覺得偏硬身，會比較有咬口～🦀蟹湯湯底如其名非常濃郁，比較重口味～相反鴨肉湯底反而清一點，淡淡鴨香味～而且鴨肉亦都好粉嫩～小食叫咗兩款炸物，都好熱辣辣又飽滿送上🔥外脆內軟，鬆脆可口😋

好彩有朋友介紹，我先知原來屯門有咁高質嘅拉麵鋪！未入門口之前，已經有個小小嘅日式庭園，超適合打卡！而餐廳入面，天花板上有好多日式嘅紙傘，同埋圓圓嘅玻璃燈，感覺十分有格調。🦀 濃厚蟹湯拉麵 $98正式食拉麵前，循例都要先品嘗一啖湯，點知未飲，已經有好香嘅蟹羔味噴鼻而來，依一刻已經知道一定好好味。試第一啖湯，濃濃嘅蟹羔味果然湧上黎，充滿住成個口腔，事不宜遲，立即夾上一注麵放入口，掛住咁好味嘅湯，拉麵令人一啖接一啖，個湯完全唔會有油膩感，愛蟹之人大推！‼️好食指數 8/10‼️推介指數 9/10🧈🌽北海道西京味噌牛油栗米拉麵 (追加叉燒) $123一黎到，真係見到有一塊牛油，開到會驚好油，但當我混和咗舊牛油，再試一啖湯，就知塊牛油係畫龍點睛，牛油溫和咗味噌嘅咸度，並增加多一重味覺層次，而依一碗麵質較硬，食落滿足感更大。最正係叉燒，依碗麵嘅叉燒相對更香，有一塊略略灸燒過，勁香！糖心蛋亦保留到半熟。‼️好食指數 9/10‼️推介指數 8/10🌰🍨栗子Tiramisu芭菲 $79食完拉麵，黎一個甜品中和下，一流！成個甜品有勁多層次，最面個咖啡雪糕有勁香濃咖啡味。白玉就煙煙韌韌，食食下仲有粟

花華和食屋係我最近發現嘅新店😍呢間店同JEP意粉店係同一個老闆，而JEP我幾年前試過，印象深刻，所以對花華充滿期待。未入門口，就俾出面日式嘅楓葉庭園吸引住，真係好有feel。入到去，發現室內天花掛滿咗日式紙傘，簡潔又舒適，環境一流。濃厚蟹湯拉麵先講下佢嘅濃厚蟹湯拉麵，呢個真係不得了。香港搵到咁濃郁嘅蟹湯唔容易，個湯真係好正。麵係幼身款，我自己就好鍾意，因為好掛湯。仲可以自選軟硬度，平時出去食成日都覺得麵太硬，呢度可以揀軟啱啱好。叉燒瘦但夠厚，有初步燒過，味道真係入晒味。加埋溏心蛋，簡直一流，心滿意足。雞皮餃子再嚟就係雞皮餃子，呢道菜真係驚喜。皮薄餡嫩，外邊炸得好脆，咬入去有汁，真係好鐘意食。宇治金時刨冰最後試咗宇治金時刨冰，份量大到驚人，唔似出面嗰啲冇味嘅刨冰。佢刨冰本身就已經有茶味，食到最後都唔會覺得淡。再加上濃厚既奶蓋同煙韌既白玉，呢碗刨冰真係超值，同朋友分住食都可以。總括嚟講，花華和食屋無論環境定食物質素都好高，真係值得一試！

#鼠尾草食飲玩 #sagefoodiehk和食🥰 × 拉麵💖 × 刨冰❄️屯門嘅朋友要食高質拉麵，一定唔可以錯過呢一間🤤！拉麵湯底整得好好，無論係淡身嘅、定係濃味嘅，都好好味。而且舖頭仲有又足料又賣相靚嘅日系刨冰💗。淡醬油鴨湯拉麵嘅湯底超級香，鴨味超級濃郁，而且飲落鹹度適中，鮮味嘅湯底好夾彈牙嘅拉麵🔥。干貝蟹白湯拉麵，味道超濃郁，而且湯底嘅質地夠晒濃稠，超級邪惡😍！裏面有濃濃嘅海鮮香味，配埋勁鮮味嘅蟹膏，真係超滿足。宇治金時刨冰份量好多，一次過食到晒濃郁嘅抹茶、糯米糰子、金時紅豆，份量好有誠意💓。💰淡醬油鴨湯拉麵($108)💰干貝蟹白湯拉麵($108)💰宇治金時刨冰($79)💰可口可樂($10)💰波子汽水($28)

屯門田景又有好嘢食😋你哋嘅門口好靚㗎，整到好似日本園景咁！入到去座位闊落坐得舒服，天花板仲有啲日本傘吊飾，整體環境都好好！濃厚蟹湯拉麵 $98朋友仔最鍾意食蟹，呢個湯就啱晒佢，佢想糖心蛋蛋黃同湯底混合之後味道更加香濃！叉燒方面，肉質比較瘦咬落去香口。佢哋嘅面底都唔錯，係比較幼身可以掛到更加多汁。乾貝蟹白湯拉麵$108湯底非常之濃，未食之前我就已經係咁飲啲湯😋配上佢哋自家製嘅拉麵底，感覺唔錯都幾有咬口。叉燒非常之嫩，而且大大片可以放心咬。抹茶鮮奶 $35由於佢哋冇額外落糖，所以唔會好甜，抹茶味道香濃😋雪糕北海道紅豆抹茶鮮奶 $49呢杯係升級版抹茶鮮奶上面有大大球雲呢拿雪糕😋底部仲有香甜紅豆花華和食屋屯門良德街8號珀御地下G06號舖

隱世後花園打卡拉麵店，由室外打卡打到室內，外內裝修都有日本小特色🇯🇵，當中除左拉麵好食，仲有甜品都冇得輸🦀濃厚蟹湯拉麵 $98超濃香既蟹湯，有海鮮既鮮味，再加上厚切叉燒配流心蛋🦀干貝蟹白湯拉麵 追加替玉 $133湯底清甜顏色白湯底，干貝蟹肉鮮味十足，味道濃郁🍧Tiramisu 刨冰 $79日本甜點刨冰，但味道創新，配料有窩夫餅，白玉、黑糖蕨餅，咖啡，芝士奶蓋，咖啡雪糕📍 花華和食屋 (屯門)🗺️ 屯門良德街8號珀御地下G06號舖.

呢間位於屯門嘅拉麵店，對於住九龍嘅我嚟講有啲遠，所以有掙扎過要唔要特登過嚟食🙈 但食完之後覺得超值得！！另外，網上話「花華和食屋」同隔離間主打手工意粉嘅JEP（由曾任米芝蓮三星餐廳廚師主理）係同一個老細🤔蟹白湯拉麵（$108）一上枱已經覺得佢嘅外觀好唔錯，中間有少少炙燒味噌蟹肉，撈勻之後飲啖湯已經覺得超好飲，係濃郁嘅白湯，完全冇腥味😋兩塊叉燒肥瘦均勻，燒得好好。唔止個湯，連麵質都超級有誠意，就算擺耐咗少少都絕對唔會發脹，完全睇得出佢哋有用心研究！雞白湯拉麵［期間限定］（$108）湯底一樣好濃郁，不過呢款就轉咗用粗麵，啱晒鍾意食粗麵嘅我！不過啱啱上枱嘅話，有機會硬咗少少，如果唔鍾意食硬麵嘅人，可能就會覺得麻麻，落單時記得揀「軟麵」可能會比較啱你啦～✅‼️但呢碗最驚喜嘅竟然係放最面嘅炸西蘭花，炸完一啲都唔油，仲要好脆好香口，如果佢可以獨立出一個小食就好啦🥺栗子Tiramisu芭菲（$78）最頂係一塊脆餅、咖啡雪糕（質地比較似冰多過cream）、一粒栗子、兩嚿蕨餅、三粒白玉，面下面就由由粟米脆片+栗子粒忌廉+可可米砌成，最底仲有少少蘆薈粒。見佢IG話參考黑白大廚嘅拿坡里黑手黨，有少量試驗品，就

我係非常鐘意食拉麵既人，有新開既拉麵店我必試，暫時香港未有一間拉麵店係我會追住食有一日我拉麵癮起上網搵下邊度有好食既拉麵，就搵到呢間【我住附近，經過無數咁多次我都留意唔到呢間野】我當日一開門就過到黎有個庭院仔係有D氣氛既，不過天氣實在太熱，冇乜心機欣賞一到去，係冷氣啊，人類史上再偉大發明冷氣好足搵個靚位坐低，QR CODE落單因為要盡量試盡佢我叫左2個麵，呢2個聽聞都係必點【當日冇雞白湯】先黎淡醬油鴨湯拉麵味道唔錯，湯有鴨油香，面頭加左柚子皮，令到湯底味道清新中和鴨油唔會太油膩最欣賞係鴨既熟度，岩岩好7成熟，鴨肉嫩滑唔鞋麵用幼麵，我叫硬麵，爽滑彈牙美中不足既係湯底唔夠熱，我係非常怕熱既人，我都能夠直接飲另外鴨肉都係凍，我知道要保持熟度又要有溫度係有D難控制既，但係要做都係做到既唐揚炸雞即叫即炸，夠脆，好銀熱味道偏淡，肉汁差D，加檸檬汁可以提升雞既鮮味同減少油膩感沙律醬就唔需要點啦，本身雞既味道偏淡，點埋沙律醬，完全就只有沙律醬既味壓軸最多人叫既-----干貝蟹白湯拉麵湯底都係唔夠熱，碗冇先過熱水??湯底一飲落去，蟹味好出，可惜唔夠濃厚，唔係太掛麵，再杰身少少就更好叉燒不過不失冇乜特別唔

𖤐ˊ˗門口設有日式的楓葉庭園，設有室外坐位但沒枱，應不能室外用餐，室內天花半邊掛滿日式紙傘，十分華麗，座椅採用淺綠色配白色，簡潔舒適。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼雞白湯拉麵（限定）$108奶白的湯底很稠密細滑，味道濃郁，原隻糖心蛋配軟嫩的雞胸肉，加上炸椰菜花🥦，真是特別有滋味，個人最欣賞是麵底不是普通拉麵，而是稍硬身、有嚼口的麵，很有口感。✎ ̼干貝蟹白湯拉麵 $108也是奶白的湯白，但喝起來卻是濃厚蟹味，配兩片厚身焦香叉燒和原隻玉子，有質素！✎ ̼Tiramisu芭菲 $79賣相一流，咖啡雪糕球很濃郁，配有厥餅、小丸子🍡、餅乾🍪，一層又一層忌廉和早餐殼麥片，推介必吃，下次再試刨冰🍧☺️✎ ̼北海道紅豆抹茶鮮奶 $39賣相有層次，味道也不差。✎ ̼山政小山園抹茶 $48頗有儀式感的泡茶，茶味甘，剛好解膩！

難得兩個一齊放假，男朋友話要帶我去日本食拉麵影靚相🧐原來係嚟屯門嘅花華和食屋🌸店舖裝修好日本feel，門口仲有一個日系小庭園⛲️我去嗰日天氣唔算太熱有微風，所以貪靚坐出面食刨冰，又真係幾有feel喎🤭淡醬油鴨胸拉麵 ⭐️⭐️⭐️⭐️⭐️平時食拉麵多數配叉燒，好少見到配鴨胸，聽講係期間限定所以一於試吓🤭相比平時濃郁嘅豬骨湯，估唔到淡醬油湯底又有另一番風味，淡醬油唔會太鹹，加入少少柚子皮，有一種清新嘅感覺，好啱夏天食☀️干貝蟹白湯拉麵⭐️⭐️⭐️⭐️⭐️蟹白湯配上少量蟹膏同蟹肉，所以令到成個蟹白湯底變得更鮮更重蟹味！呢個拉麵配上嘅係日式叉燒，叉燒肥瘦均勻入口即化👍🏻拉麵入面嘅流心蛋唔好忽視，輕輕咬一啖蛋黃已經湧出嚟，食完好滿足👏🏻士多啤梨刨冰 ⭐️⭐️⭐️⭐️⭐️睇片就知道賣相勁靚，完全滿足到粉紅色少女心🩷刨冰上有勁多配料，士多啤梨、白玉、黑糖蕨餅、芝士奶蓋、雲呢拿雪糕等，每種食材都有唔同口感同質地，白玉煙煙韌韌軟度剛剛好，刨冰配上芝士奶蓋咸咸甜甜令人食唔停呀！整體質素勁高分，如果黑糖蕨餅可以多啲黃豆粉會仲正👍🏻

放假入左屯門搵朋友，去左花華和食屋食日式拉麵。位於屯門的建生附近，有好多打卡位，環境舒適，好岩聚餐。🥟 香脆多汁的雞皮餃子外脆內嫩，每一口都爆汁，充滿著雞皮香脆，雞肉的鮮美，值得一試。🦀 干貝蟹白湯拉麵不得不讚下個湯底，好濃郁芳香，干貝清甜和蟹肉的鮮美，風味十足，加$25就有兩大厚身的日式叉燒，好食。🍜 清爽的雞白湯拉麵之前係灣仔食過雞白湯拉麵，想不到屯門都食得到。雞肉超嫩滑彈牙，配上手工麵條，正。🍧 宇治金時刨冰傳統日本甜點，抹茶刨冰的清香，冰沙唔算幼細，入口十分爽，味道一般。

JEP以出色手工意粉聞名，於屯門已經儲了一定的知名度。今次老闆撈過界，係JEP 旁邊開了一間拉麵館！餐廳以日式小庭園為主題，座位不算多，因此有機會要排隊先食到！各款拉麵亦有機會一早售罄，所以食唔食倒都要睇緣份😂。✨雞白湯拉麵：雞白湯醇厚滑順，帶有淡淡的雞肉鮮味。拉麵軟硬適中，與濃郁而不膩的雞白湯相輔相成，再配雞胸肉片、糖心蛋、紫菜等，口感好豐富！✨干貝蟹白湯拉麵：湯底結合了干貝和蟹的鮮美，味道十分濃厚。與雞白湯拉麵一樣，拉麵彈牙有咬口，與濃濃蟹白湯好搭；加埋新鮮蟹肉、肥美日式叉燒及糖心蛋，好滿足😋！✨芒果刨冰（芒果、白玉、乳酪雪糕、芝士奶蓋、芒果冰花）// 山政小山園抹茶刨冰（蕨餅、白玉、芝士奶蓋、抹茶雪糕）- 相比拉麵，刨冰就有點失色。刨冰🍧冰塊較粗，致沒有入口即化嘅口感，幸好刨冰配料豐富，填補不少分數。-

Involtini本身已經係信心保證~一見到佢開埋拉麵店就好想試🥳睇返社交平台，發現店主好有心機咁不斷改良🤤▪️濃醬油蟹湯拉麵($98)呢排都好黑仔~但係星期日lunch大約1:30pm去到竟然食到最後兩碗拉麵😂大概運氣又用哂係呢度😹蟹湯好濃郁，配埋少量蟹肉，啖啖都大滿足😍不過如果個湯底少啲啲油會冇膩😌另外叉燒好大塊~肥瘦比例剛好🫶🏻▪️宇治金時芭菲($79)相比之下芭菲普通啲，都係想像到嘅味道🤣呢個價錢算幾抵食🤓抹茶味濃但偏甜，忌廉同其他食材比例都幾平均~吾會食到成口忌廉🤣

環境係靚嘅，打卡一流，不過如果真係想食好啲，就一定唔會係呢度，屯市是但一間都好過呢間（屯市都係普普通通），可能我無食到其他人係咁讚既蟹湯麵🍜所以就中咗伏？原本都想食埋甜品，不過試完個麵就無勇氣再試，食咗一半放棄咗，老公就因為咁貴唔想嘥就夾硬食埋佢。檸檬鴨湯拉麵$108雞白湯拉麵$108追加叉燒$25雞皮餃子$58Total：$299另外員工感覺態度有啲散慢（佢哋完全冇唔禮貌，只係客人用餐感覺唔係咁舒服）後記：之後去咗第二度再食過另一餐晚餐😅