花火漁屋 (已結業)

今晚去咗屯門嘅花火漁屋💮，可係輕鐵鳴琴站落，步行幾分鐵，好方便～餐廳以日系居酒店裝修為主，餐廳牆壁貼滿日文海報，氣氛唔錯‼️刺身今晚叫咗三款最愛分別三文魚腩、北海道帶子、赤蝦。每件刺身都係厚切，三文魚腩肥美鮮甜，赤蝦都好新鮮爽口，北海道帶子飽滿😋好滿足炸軟殼蟹卷一份總共有6件，金黃軟殼蟹包係滿滿蟹籽飯卷，蟹籽脆卜卜，軟殼蟹外脆內裡軟糯充滿蟹味🦀小食方面叫咗脆炸魷魚圈，店員一擺上枱已經魷魚味四射，一份分量都夠兩個人share~香脆又熱辣辣🦑朋友仔話要試埋佢地既串燒！所以又追加多串煙肉帶子，一串四件，都唔錯。為呢餐畫上完美句號🍻

好耐冇黎過山景邨，估唔到這裡的商場翻新後有一番新景象。餐廳坐位闊落，木系的裝修加上手繪的海報，很有日式風味。明太子雞翼雞翼飽滿，外皮香脆肉嫩。內裡的明太子微辣帶鮮，認真惹味又開胃。滑蛋鰻魚丼鰻魚味道鮮美，夠入味。滑蛋嫩滑加上洋蔥的甜味，撈飯一流。珍珠飯的份量很多，絕對飽肚。芝士炸蝦卷炸蝦熱辣辣，外皮香脆而蝦又彈牙，加上芝士和魚子的三重口感，十分美味。角切魚生丼大大粒晶瑩剔透的蟹子，一上枱已經非常吸精。三文魚和吞拿魚的肉質肥美又鮮甜、口感新鮮嫩滑。壽司飯粒粒分明，口感緊實，同魚生配合得宜。飯後仲有免費甜品。街坊價格，食物質素達標，絕對值得一試。

花火一向是我喜歡的餐廳，所以當阿媽話唔想煮飯，我就九秒九地提議去附近的花火漁屋食晚餐。由於晚上不想吃得太滯肚，所以簡單點了兩個菜，再外加一枝清酒。日本黑豚肉眼鍋 - 湯底有幾款選擇，豚骨、壽喜燒、地獄辛辣、鰹魚、麵豉同蕃茄，最後當然選擇了最愛的壽喜燒湯底，甜甜咸咸的，令人很開胃。黑豚肉眼，有點爽口，口感很好，加$25可以再有埋烏冬或拉麵，配上芋絲、豆腐等配料，真係好豐富。三文魚頭腩 - 油脂十足，Omega 3飽滿，我和媽媽食得津津有味，推介。

daddy媽咪最近迷上咗喺屯門區捐窿捐罅搵嘢食😇今次終於比佢哋搵到啦😍餐廳人流唔多，但環境舒服好坐，食物又新鮮高質，真係可以用「價廉物美」嚟形容，果然係個好地方🤣🤣🤣🍴●「滑蛋鰻魚don」($88)●佢哋最鍾意就係呢個好好食 好濃味 又夠多汁.🍜●「黑豚肉眼鍋+烏冬」($128+25)● 全餐最貴就係呢個鍋🥶雖然好好食 但份量真係有啲小如果佢大份啲 128蚊就包烏冬嘅話 感覺會抵食好多🥺🥺湯底好好味架~ 好濃豚骨味 豬肉又有豬肉味喎.🥄●「吉列炸蠔」($38)●38蚊有四隻 價錢親民係炸粉有啲厚啫嗌嚟過下口癮都係唔錯嘅選擇 ————💭💭💭————好味(6.5/⑩)抵食 (7/⑩)————💭💭💭————

見到餐廳外面有餐牌，幾好。喺出面睇左一陣就決定入嚟食。見到啲刺身都幾抵。好大片呀！仲切得好靚添呀！超厚身勁大塊🤤🤤❤️三文魚腩（3片）$48❤️希靈魚（3片）$32❤️吞拿魚赤身 （3片）$68❤️油甘魚腩 （3片）$88雜錦海鮮沙律（小食）$88呢個海鮮沙律超抵！佢有好多小件嘅魚生，有勁多唔同魚生！又有啲沙律菜。仲有兩件蝦刺身，勁抵食。啲魚生包括有吞拿魚、油甘魚、八爪魚🐙、魷魚、三文魚、蟹籽…….. 超級多！超正嘅一間餐廳❤️😋

估唔到喺鳴琴站附近會有咁高質嘅日本餐廳價錢相宜❤️成個商場得呢間餐廳係坐得最滿原來真係有原因啲位坐得好舒服，職員親切有禮，又會主動添茶，服務一流。啲卷物睇落相當吸引，價錢又唔貴，我哋就叫咗個火灸香蔥三文魚腩卷$88嚟到覺得比想像中大件😻食落比睇落更足料！外面有燒過嘅三文魚，入面仲有冇燒過嘅三文魚，口感好豐富有層次，面頭仲有啲飛魚子😻賣相一流，10分推薦🌟🌟🌟🌟🌟燒蠔(牛油蒜蓉）$24一件牛油同蒜蓉好香!!!🤤🤤🤤炒雜菜$48有唔同菜、菇，青椒黃椒等等，牛油味好香，加埋面頭嘅木魚更加香更加好味😋羊架2件$58好貼心，用錫紙包住，可以用手拎住嚟食。燒得好香，有羊味，價錢唔貴，抵食😚😚仲有兩種醬比我哋點嚟食，好特別！

今日去到呢間響屋邨商場嘅日式小店類似居酒屋形式 有魚生飯同熱食兩個人嗌左一個魚生飯同牛肉鍋烏冬魚生飯份量一般 但價錢都相宜嘅 魚生算新鮮牛肉鍋烏冬有驚喜 肉同菜嘅份量都好足夠湯底可以自己揀 最後揀左豚骨湯 好夠肉味牛肉略嫌太熟 但配料有豆腐 日式魚蛋 金菇同好多菜 索左豚骨湯同烏冬好夾值錢得一讚個烏冬幾彈牙 好食👍🏻最後仲嗌左一個小食 明太子釀雞翼上菜仲好熱辣辣 外皮好夠脆口 裡面食到有汁好好味😋最後仲嗌左一個小食 明太子釀雞翼上菜仲好熱辣辣 外皮好夠脆口 裡面食到有汁好好味😋屋邨商場有呢個質素嘅日式小店係值得支持呢💪🏻

位於山景既花火漁屋，係屋邨裏面既一間日本野，行平民街坊路線。入到去有少少似foodcourt,位置十分寬敞，佢menu有好多款式，魚生飯低至$88。今晚我地兩個人叫左：🔶️火炙三色丼（三文魚，油甘魚，帶子）（$108，7／10）成日肚痛嘅朋友可以好似我咁食火炙丼，啲魚生燒過一燒感覺安全少少😆，每樣刺身有兩件。帶子都幾厚切鮮甜，三文魚同油甘魚都幾正常。不過白飯有啲dry,多啲醬汁更好。呢個價錢算係合理。 🔶️至尊牛肉鍋配烏冬 （$98+$25）叫左豚骨湯底，幾清又幾夠味。呢個牛肉鍋好多牛肉！食極都仲有！最欣賞係佢有好多娃娃菜同豆腐金菇，感覺好健康！仲有，加$25嗰個烏冬好滑好彈牙！推介！ 👍🏻😋🔶️明太子雞翼（2隻）$48炸得外脆內軟，雞翼去左骨，入面充滿住juicy鮮味既明太子😍好味！✏️總括而言，平食日本丼飯唔錯，推介鍋物👍🏻

睇完呢度既食評去試，望到個餐牌睇埋隔離張檯都覺得有少少伏，價錢唔算平，睇左份餐牌幾次都揀唔到想叫咩，最後就揀左正常應該唔會有野衰既叉燒湯拉麵（轉烏冬） 地獄辛辣湯$88同火灸三色魚生飯$108落完單幾分鐘碗湯烏冬就到左， 快到有點驚人，明顯地中左伏，叉燒又硬又咸，個湯好似食緊公仔麵既辣椒水+味粉湯底咁，隔左好耐個火灸三色魚生飯到左，望住D火灸過既魚生好似落水拖過咁既樣（好似姐，但並唔係）連飲品都唔想叫，食完就走用餐其間一路都好熱，有一部冷氣冇開，一路食一路抹汗， 想拎杯唔熱既水就叫你係餐牌度order, 臨走前就有感覺佢地有開返部冷氣

#可以旅行啦 #未訂到機票和.係呀！終於都開放啦！咁即係話可以去玩啦！不過啱啱開返好多人都會一齊去買機票外遊我都係再等吓先啦！但係都會掛住架嘛所以都係去食好西頂住吓先🤣🤣.花火漁屋 (屯門)📌 屯門鳴琴路1號山景商場地下123A號舖.今次我就嚟試吓呢間因為行行吓都到食晚飯見到佢有個晚市二人前仲要$388 好似好抵好多嘢食咁於是就去試吓先！·呢個套餐有前菜、沙律、白飯/細烏冬主食呢就3️⃣選1️⃣脆炸魷魚軟骨、串燒拼盤、壽司🍣仲包咗2️⃣杯冰茶🍵或者梳打🥤.主食有東京風汁燒牛肉、塩燒鯖魚同埋豚肉生薑燒攸桐爸就揀咗東京風汁燒牛肉！.佢哋上菜都好快手呀！個沙律🥗佢用咁清甜開胃嘅柚子汁食完之後真係胃口大開呀！！.主食♦️ 東京風汁燒牛肉牛肉同脂肪嘅比例啱啱好而且個燒汁包住哂牛肉食落又好味又唔韌呀！！用嚟配飯或烏冬都好好味呀！！.♦️ 脆炸魷魚軟骨呢個炸得好鬆脆可口但係有少少失色係炸漿厚咗啲呀～.♦️ 刺身都有好幾款刺身呀～雖然份量唔太多但都好夠食呀.♦️ 串燒拼盤有車厘茄、冬菇、雞翼同埋豬肉燒到啱啱好雞翼肉質嫩滑又Juicy.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣地點：🟣🟣🟣.總括

最近紅橋一帶嘅外賣食厭咗，四圍搵下屯門仲有咩好食！唔去唔知，山景商場原來已經唔同晒，除咗間 M記，多咗好多間食肆，仲有間裝修得靚靚仔仔，大間又坐得舒服嘅日本嘢！見 menu 唔止有刺身、丼飯，仲有串燒同鍋物，於是就約咗中學同學放工去食嗰飯吹下水！睇個樣都已經好吸引，蟹蓋鋪滿金黃嘅海膽醬，入面有滿滿嘅蟹肉，香口又好鮮味！呢個牛肉鍋真係好足料，有成十幾片牛肉咁多，仲要唔係勁薄嗰種，雖然牛肉未做到入口即溶，不過百幾蚊嚟講，CP值都幾高！煙肉帶子串 $28煙肉帶子呢個配搭好新鮮，每舊煙肉卷都有半粒熟帶子喺入面，口感幾豐富，而且唔太鹹，食多幾舊都仲得！北海道竹輪露荀燒 $28竹輪有口感之餘，露荀爽口清新，想食串燒，但又怕太多肉，呢個就啱啱好！五花腩串 $32五花腩燒得勁香，又唔太油膩，如果有啲醬汁就更好！玉子燒喺煎得比較香口有口感嗰種，蟹肉同明太子都好多，一咬落去流晒出嚟，好滿足！今次朋友唔食生嘢，都係叫晒熟食，刺身同丼飯價錢都合理，下次一於試埋先！

讀書時期成日都會去山景商場食野，事隔多年原來商場已經翻新左，以歐陸火車風做主題，仲多左好多食肆，而且比以前更光猛同乾淨。今次試嘅係花火漁屋，之前有試過佢地同公司嘅花火洋食唔錯，相信有一定水準。以木系裝修，地方都幾闊落。 .試左佢地晚市二人套餐，星期一至四仲有優惠HKD388，超級豐富同抵食而且好適合有選擇困難症嘅朋友仔。二人餐由前菜、沙律、小食、刺身、壽司、炸物、串燒到甜品都有齊，諗都唔洗諗👍🏻.前菜及蕃茄沙律配胡麻醬 都係開胃野，個沙律份量幾多 . 刺身五點盛 款式都係廚師因時令發辦，今次有三文魚、油甘魚、吞拿魚、八爪魚同蝦，樣樣都新鮮仲要厚切 . 壽司盛八件 款式無重覆，兩個人夠食 . 串燒拼盤 有五花腩、煙肉帶子、車厘茄同竹輪露荀燒。我最喜歡竹輪露筍燒，第一次食呢個配搭，都幾夾 . 汁燒牛肉跟烏冬 醬汁甜甜惹味，牛味濃但唔羶. 脆炸魷魚軟骨 平時食雞軟骨就食得多，反而炸魷魚軟骨又幾好食，又唔會硬但又有咬口。 .小小的甜品完結豐富嘅晚餐，都好滿足。

最近同親故們經常係屯門活動，又吾想食千篇一律大商場嘅野，有親故就提議去食山景新開嘅花火漁屋--一入到去餐廳就覺得裝修得好靚，好有心機，舖位好大，好乾淨which 食日本野好重要，畢竟有吾少係生食-1/ 火灸三色丼〈三文魚，油甘魚，帶子〉打頭陣必食嘅係魚生飯，因為肚餓嘅關係，先叫左個親故推介嘅，大大碗火灸三色丼，厚切魚生真心好正，三文魚一向本橘FAV，估吾到油甘魚都咁好食，火炙後一啲都吾腥，仲好鮮添，真心，厚切使到成件事加左10倍之好食，仲有帶子，好新鮮，好正-不得不提的是真心好大碗，足夠兩個人分享嘅份量，值得一叫，CP值很不錯-2/ 和風炸雞配他他醬作為熱氣友當然吾可以吾叫炸物，炸雞是另一FAV ，日式炸雞好講求粉漿要夠薄，要夠脆口，仲要好juicy ，全部都做到，真心好好食-3/ 和風滑蛋鰻魚丼繼續泥大大碗飯，好足料，事實上同親係兩個人食吾晒咁大碗，鰻魚好好食，好厚身，燒得好好食，好夠燒汁，滑蛋亦都整得好正，吾會好水流流咁，送飯是一流的-4/ 蒜蓉牛油帶子最後就係勁好食之燒帶子，好大隻的帶子好juicy ，蒜蓉炒得勁香，而且仲有6隻咁多，隻隻有半個手掌咁大隻，好夠味，而且好乾淨，好好

最近鍾意周圍搵嘢食，特別係幫襯啲小店，會有意外收鑊，今次去屯門食日本菜，以日本菜嚟計都好抵食。睇見餐牌真係心心眼，啲相影得好靚呀，有個二人套餐三百幾蚊，都好多嘢食，不過唔係咁啱我心水，都係散叫開心啲。壽司只係叫咗2款，軟殼蟹手卷香脆好味火炙海膽壽司$48兩件軟殼蟹手卷$38對燒物比較有興趣，五款之中比較喜歡蟹蓋海膽黃金燒，雖然蟹蓋比預期中細，但係味道較好，面頭燒得夠香。芝麻雞翼加咗醬汁味道偏濃。蟹肉明太子玉子燒$68燒羊架兩隻$58名古屋芝麻雞翼兩隻$48蟹蓋海膽黃金燒$38北海道竹輪蘆筍燒$28串燒整體上都唔夠味，加點醬汁或鹽燒味道更好牛舌心$36五花腩$32麻辣雞腎$18雞軟骨$14

屯門山景邨原來都幾大，而呢間日式菜就秘穩左係邨入面。佢個價錢好抵食，住係果度唔洗出邨就食到日本菜啦~#和風炸雞配他他醬 HK458炸雞大大粒，炸得好鬆脆。#芝士鰻魚玉子燒 HK$68蛋厚，仲夾左鰻魚，加埋芝士有拉絲感~#日本可樂餅 HK$30/2件牛肉味就比較淡，牛肉粒少D紫芋甘栗，好綿滑。#名古屋芝麻雞翼 HK$48雞翼炸得香脆，加埋芝麻粒好香口。#鹽燒花魚 HK$68肉質比較林身，冇咩骨，燒得岩岩好~📍 花火漁屋屯門鳴琴路1號山景商場地下123A號舖