花火漁屋 (已結業)

嚟到屯門鳴琴輕鐵站，有間日本漁屋餐廳好味道又抵食。吉列黑豚滑蛋丼黑豚肉加入粉漿炸到金黃色，吉列外層熱辣辣而且脆卜卜，黑豚脂肪比例平均，肉質嫩滑帶肉香味，口感鬆軟；滑蛋滑啫啫，鮮嫩帶蛋香。滑蛋鰻魚丼用價廉物美去形容呢碗滑蛋鰻魚飯就最啱，鰻魚口感肥美，而且入口即溶，配埋滑蛋同醬汁一齊食，增添豐富感。蟹棒小卷蟹棒味道鮮甜，紫菜口感爽脆，味覺口感頂級享受。 玉子小卷玉子軟柔嫩的多汁口感，食到濃厚的蛋香。花火漁屋 地址：屯門鳴琴路1號山景商場地下123A號舖

朋友帶我去食日本菜，近鳴琴輕鐵站嘅日本漁屋餐廳，日式裝潢帶居酒屋風格。豚肉生薑燒，日本經典嘅菜式，以大份量肉片配上香甜的洋蔥，加入濃郁嘅醬汁，烤豬肉多汁同鮮味。日式叉燒拉麵配鰹魚湯，叉燒係日本拉麵的靈魂，叉燒作主菜。叉燒切成厚薄適中同以日式醬汁調味，麵條口感彈牙，麵掛滿入豬骨湯令味道更鮮甜。立魚湯煮蜆，立魚湯煮蜆，蜆肉鮮嫩而且份量多，加入立魚比較濃郁入味，魚湯味道鮮甜。巨峰乳酸梳打，有巨峰提子香味，飲落清爽，清甜解膩一流。橙汁味道濃郁，清新香甜。 花火漁屋 地址：屯門鳴琴路1號山景商場地下123A號舖

今日到訪位於屯門鳴琴輕鐵站附近嘅一間日式料理餐廳～花火漁屋 呢到既商場越開越多唔同種類嘅餐廳 而平時見到呢間餐廳午市都大排長龍 所以今晚來試一試！呢間餐廳面積都幾大，座位都幾闊落幾光猛～職員招呼都幾周到今晚我地叫左個土佐豆腐$38豆腐好滑 個皮有木魚一齊炸 口感幾特別 即叫即炸！好食好食😋至尊豚骨牛肉鍋$123另加烏冬一個$25 我睇圖誤會了係火鍋🍲原來係煮好左上菜 份量好足 牛肉味好香 湯底好濃最後我地仲叫左香蒽吞拿魚丼 魚丼好鮮甜再配合日本生蛋食法都係第一次🥰真心不錯❤️花火漁屋 (屯門)屯門鳴琴路1號山景商場地下123A號舖

【屯門•花火漁屋】————————————————————————今日嚟到屯門行完山經過山景商場 見到間尚算高質嘅日本漁屋餐廳 走入裝修居酒屋風格 🍯｜晚市二人前｜HKD388有串燒、刺身、壽司、番茄、沙律、炸魷魚、梅子糯米糍等等，非常豐富。☺️☺️☺️前菜有中華沙律，口感豐富嘅山藥條同埋海帶。串燒有新鮮嘅蕃茄，獅子卷夾住菜心、煙肉夾芝士、烤肉串，配搭令你心花繚亂。蕃茄沙律有新鮮嘅蔬菜香味，配上一粒粒口感豐富嘅魚子，令您回味無窮。刺身有五種魚類嘅配搭，新鮮又嫩口。。壽司八件套有我最鍾意食嘅蛋玉子壽司，仲有其他配搭。。玫瑰朱古力$18呢個套餐嗌嘢飲只係半價，淡淡嘅朱古力配上玫瑰花味，口感獨特。主食我哋選擇咗東京風汁燒牛肉，配上爽口彈牙嘅烏冬同埋日本珍珠米，肉質鮮嫩，洋蔥爽口。。脆炸魷魚圈配上沙律醬咬落去新鮮爽脆。飯後甜品餐飯入面我覺得最好味嘅梅子糯米糍，陣陣梅子味配搭鬆軟嘅糯米糍，口感特別。

同朋友仔返完母校就近近地去山景邨食晚飯，今次就帶了朋友仔去花火漁屋，他也很驚訝，估唔到山景邨竟然會有間裝修得咁雅緻的日本餐廳。雖然係食日本野，但價錢夠哂大眾化，真係叫多幾碟惹味小食，價錢都仲係好實惠，絕對適合一班朋友相約舉杯暢飲。蟹肉明太子玉子燒 - 一客6件，食完已經飽左一半。蛋漿配上明太子同蟹柳，簡單配搭，但味道很好。炸軟殼蟹卷 - 軟殼蟹炸得鬆脆。角切魚生丼 - 三文魚籽，三文魚粒及吞拿魚粒，鮮味十足，加上軟硬適中的珍珠米，這個刺身丼令人感到滿足。

今日又去左屯門探朋友同佢黎食呢個屋村商場食日本野.🔸三文魚壽司(2件) $26🔸赤蝦壽司(2件) $42手握壽司比一般算是大件而且三文魚同赤蝦都好新鮮👀仲會係表面搽上少少的醬油壽司醋飯夠黏身食下食下唔覺食哂4件~.🔸至尊牛肉鍋 $98仲可以自選湯底 我地揀左壽喜燒通常日式野我都會叫呢個壽喜燒牛肉鍋喜歡個湯底同埋有好多配菜 娃娃菜 金菇 豆腐 雞蛋 芋絲全部都會吸哂d湯好好味牛肉都多件數 其實食左呢個已經好飽🤣.🔸特級牛肩胛拉麵 $98又係可以自選湯底 我地揀左鰹魚鰹魚湯底好清甜 牛肩胛有好香的牛味同個湯底出奇地夾拉麵係粗身的麵底同埋好多麵🫢.📍花火漁屋📌屯門鳴琴路1號山景商場地下123A號舖

又貴又大雪味又難食真係第一次激到要開個ac黎評價見到食評特登搭車出黎，去到見到食飯時間半坐都冇已經覺得伏伏地我地一開始叫咗個刺身5點盛魚類雪味極重，蝦還好算正常，帶子直頭係雪味冇帶子味重要係 苦嘅？之後叫咗嗰佢個豪華唔知乜春卷，餐牌嗰版啲圖片全部加拿大卷黎，大嗰隻，落單嗰陣念住應該都夠食啦，上到黎點知係三文魚小卷上面擺咗帶子/吞拿魚容/海膽咁就128帶子今次唔難食，直頭係冇味吞拿魚容一樣冇味搞到我懷疑自己係咪確診海膽還好，唔難食，算新鮮但一塊海膽配兩個小卷真係畀多塊都唔捨得咁就128燒蠔中規中矩唔差，都新鮮食到呢度都係勁餓本來想追加嗰飯/烏冬但驚再踩多兩個伏選擇去隔離m記再食啲嘢填肚算最後埋單兩個人400蚊落樓（真係想講句你鋪頭出面有裝排隊凳，哪來的自信會有人排隊）

花火漁屋係喺屋邨內嘅日式餐廳價錢夠晒親民💕食物亦有質素餐廳以木系裝修，清新又溫暖✨角切魚生丼丼上鋪滿魚籽蟹籽🤩口感爽脆鹹香味十足，帶有鮮甜味🫶🏼另外仲有吞拿魚、三文魚、青瓜同玉子好足量👍🏻每啖飯都食到魚生㗎‼️✨極尙牛肉鍋（烏冬+$25）鍋物內食材豐富👏🏻👏🏻有牛肉、金菇、冬菇、芋絲同蔬菜🥬啲肉有成十幾二十片😝食肉都飽晒🤭烏冬吸晒濃郁湯底，好惹味😚✨青蘋果🍏梳打有粒粒青蘋果肉，味道清新✨菠蘿蜜桃🍑冰茶菠蘿味濃，蜜桃味香甜諗住下次試二人前晚餐，見到餐牌好抵食三百幾蚊*有前菜、沙律、刺身、壽司、串燒拼盤、燒牛肉、魷魚軟骨、烏冬同甜品😍*五六日公眾假期四百幾

新年食中菜、賀年糕品，吃膩了。想換下口味，就去了這家評價不俗的日本菜試試。地點不算太難找，輕鐵嗚琴站一出，行幾分鐘就到。裝修以居酒屋風格，擺位不太窄，乾淨整潔，燈光明亮，好座過好多居酒屋。春節期間，怕人多故先在openrice訂枱，方便輕鬆。菜式種類繁多，刺身出色，可惜當日太凍，唔太想食生野。熱食方面，炸物串燒，表現出色，但有部份需要改進。💪🏻(請參加附圖)價格方面，以日本料理來講，正常價格。由於個人口味不同，故不作詳述。(請參見附圖)

呢間餐廳真係好抵，食物質素好高，職員嘅服務都唔錯，又會幫我哋斟茶，同埋價錢係真心抵，可能開喺屋村入面，所以平過出面啲日本餐廳好多❤️灸芝士三文魚腩壽司$36芝士燒得好香 三文魚腩好肥美😆食落口完全有一種滿足嘅感覺🤤🤤❤️海膽醬吉列炸蠔卷$72呢個價錢真係超級抵好大件好抵食 炸蠔好香😋呢6件卷物都幾飽肚❤️清酒煮蜆$68酒味好出!!!蜆嘅份量都好多除咗蜆之外仲有好多菜菜吸晒清酒嘅味好正好推薦呢間餐廳🌟

花火漁屋 地址: 屯門鳴琴路1號山景商場地下123A號舖山景商場係新裝修，勁企理，食飯都特別relax。火炙海膽 $48海膽夠新鮮，係有鮮甜嘅味道，香香火炙為海鮮帶嚟焦香，都係別有一番風味嘅，我覺得呢兩件係抵食，性價比高。廚師推介壽司10件$188 廚師推介係唔會知道整啲咩出嚟㗎都係睇當日事令啦同新鮮嘅食材，咁鍾意開盲盒嘅我，唔想用腦，就叫咗10件嚟試吓。十件中最值得推介就係帆立貝、甜蝦、鰻魚同牡丹蝦，以上全部鮮甜，質地厚潤。𩶘魚湯煮蜆$68清酒煮蜆就食得多，湯煮蜆就未食過，所以想試吓飲埋啲湯，咁魚湯就一定鮮甜，魚湯有魚湯嘅甜，顯微蜆有蜆嘅鮮甜，互相輝映，份量夠足料，食得過癮。

上次試過 覺得性價比極高今日特登都要再入嚟食呀😋屯門西鐵站再轉兩三個輕鐵站就到喇落咗輕鐵記得轉左邊 唔好好似我咁行錯咗去右邊 兜左個大圈😅❤️灸芝士三文魚腩壽司$36芝士燒得好香 三文魚腩好肥美😆❤️海膽醬吉列炸蠔卷$72呢個價錢真係超級抵好大件好抵食 炸蠔好香😋❤️蟹蓋海膽黃金燒$38口感好豐富 入面有蟹肉蝦肉芝士等等 仲好似食到薯仔粒 燒得好香👏🏼👏🏼❤️清酒煮蜆$68酒味好出!!!蜆嘅份量都好多除咗蜆之外仲有好多菜菜吸晒清酒嘅味好正😻

今日嚟咗花火漁屋食日本野呢一晚唔多人 坐得好舒服❤️炒雜菜 $48有好多唔同菜 份量都夠有紫洋蔥 青椒 紅椒 最後再加上木魚絲好夾 幾好食😋❤️三文魚腩（3片）$48❤️油甘魚腩（3片）$88超正好厚切 好肥美 食到好滿足🤩呢個價錢食到咁高質嘅刺身 抵食🫶🏼❤️雜錦海鮮沙律$88好多唔同刺身 切到一粒粒咁 好正仲有兩隻蝦刺身添 超正😆😆加埋啲菜好𝐟𝐫𝐞𝐬𝐡!!!好推薦!!!❤️蟹蓋海膽黃金燒$38口感好豐富 入面有蟹肉蝦肉芝士等等 仲好似食到薯仔粒 燒得好香👏🏼👏🏼❤️羊架$58@2好大塊呢個價錢真係好抵食羊架燒得好香口😋總結呢間餐廳性價比真係好高😁😁😆

今日去探住係屯門山景嘅親戚順便一齊出街食飯😝而樓下又有間新開嘅日本餐廳，價錢親民裝修都唔錯，於是就入去試試佢🤣餐廳好多人手畫嘅單張，張張都好靚。野食又好多選擇，基於同親戚都有選擇困難症，所以叫左佢2人餐食😄！個2人餐都幾多野食😚1️⃣前菜及蕃茄沙律🥗🍅前菜佢有海草同新鮮嘅蕃茄沙律🍅🥬！仲配上胡麻醬同豆腐呀😚，沙律嘅溫度保存得非常好！唔會好似急凍櫃拎出黎！好易入口，同埋蔬菜都好新鮮爽口呀😝2️⃣刺身🐟刺身都有5款，每款有三片，而且片片都厚切😍。有三文魚，油甘魚，吞拿魚，八爪魚同帶子😋新鮮同鮮甜👍🏽3️⃣壽司壽司都有8大舊呀！最驚喜係有三文子籽同油甘魚呀😍😍壽司飯唔會太大舊，而且食得出係用日本米而整嘅壽司飯🍣！非常用心！每件都係唔同款，可以試到唔同口味😋4️⃣串燒🍢食完刺身壽司當然要開始食d熟野啦🫢，套餐包左4款串燒，有燒蕃茄仔🍅，獅子少狗蘆筍，豬腩肉同煙肉帶子卷。估唔到獅子狗🍢配芝士後仲可以配蘆筍🤣幾好食，同埋煙肉卷帶子會有另一種層次，由一片去到一大舊帶子😍，滿足滿足！5️⃣炸魷魚🦑魷魚炸到外脆內嫩，配埋蛋黃醬係超好食😋6️⃣東京風汁燒牛肉🥩🍲個牛肉上枱時已經香噴噴了！牛肉都大塊而且調味料伴菜都足😚，配埋烏冬一

今日下午特登去左屯市同朋友睇阿凡達2由於係Boxing Day所以睇戲前都係Openrice搵下仲有邊啲餐廳仲有得訂位，費時睇完戲又要等位係Openrice睇到呢間餐廳嘅門面都好靚，就決定試食2男3女，就叫左3個主食，3個小食🥢北海道唐揚魷魚咀($48)味道冇乜特別，就係椒鹽魷魚咀咁，不過值得一讚係，個味粉唔會太多，搞到食落得個咸字👍🏻🥢廚師推介壽司10件($188)由於10件壽司我只食左兩件，所以我只可以評價我食左個兩件，我食左最普通嘅三文魚壽司同北寄貝壽司，都係普普通通，正常壽司嘅味，冇乜特別出眾嘅地方🥢炸軟殼蟹卷($72)個炸軟殼蟹味道唔錯，呢個價錢有6件，都幾值得試🥢蒜蓉牛油帶子($68)一黎到就聞到好香嘅牛油味，慢慢就開始聞到好勁嘅洋蔥味，味道都唔錯🥢黑豚肉眼鍋壽喜燒湯底($128)+烏冬($25)由於烏冬係分開上，而個鍋又唔係跟爐上，所以一黎到，最好就快啲放個烏冬落個鍋到如果一個人食嘅話，都好飽下，個鍋入面有菜，京蔥，幾片花形嘅紅蘿蔔同白蘿蔔，芋絲，黑豚肉，金菇，東菇，豆腐，嗚門卷，所有餸都吸晒壽喜燒湯底嘅味，又唔會太咸🥢薰衣草雲呢拿梳打($30/2杯)靚就靚嘅，但味道方面