花火漁屋 (已結業)

媽媽連續幾日帶左我去公園玩，所以今日係屋企休息，晏就爸爸陪我訓教，點知太遲起身，所以夜晚叫外賣算。爸爸話想食日本野，就搵到附近有間評價幾好的餐廳 - 火花漁屋。📍花火漁屋📌地址: 屯門鳴琴路1號山景商場地下123A號舖🍣角切雜錦魚生丼 ：刺身夠新鮮鮮甜，丼上舖滿三文魚， 吞拿魚， 魚籽，蟹籽，青瓜同玉子燒粒蛋， 抵食之選。🍱鬆軟芝士漢堡扒便當：飯係日本珍珠米，有飯素係面，但芝士漢堡醬汁偏咸，可以改善一下。🍜和風餃子拉麵：拉麵係鰹魚湯底，味道吾會太咸，餃子炸得夠脆，餡料有肉汁，我食得津津有味。🧀一口芝士（5粒） ：芝士有小小拉絲，好味道。

午飯時間接近滿座，不用等位三大推介海膽 $5x 2件 呢個質素心心眼講緊壽司郎$27件，都冇咁甜同大份出邊壽司店更加$40/件 三文魚子同埋吞拿魚蓉都係我心頭好性價比同質素都好好😍😍咁樣比較起，其他壽司就冇咁突出但係！！三文魚腩（刺身）真係好大舊 $60/3塊未必鍾意食好多飯嘅朋友非常推介因為叫完刺身 再叫多碟壽司壽司魚嘅份量就真係細塊好多感覺 刺身貴啲 但抵食啲午市都叫咗兩塊可樂餅我要南瓜&紫薯超甜既蓉😍😍好足料同薄皮

日本野向來都係港人最愛😍 呢個係屋邨內嘅日本餐廳做到性價比高之餘，料理又有水準👍🏻✨和風鰻魚炒飯 ($98)鰻魚切咗粒粒落去個飯到炒，每舊都大大舊而且唔算多骨。個飯炒到好香口，入面仲夾雜住啲洋蔥粒、三色椒粒、蛋等。口感豐富得黎同時個飯又唔會好油😚🍣芝士炸蝦卷 ($70)總共有六大舊，每舊壽司面頭都鋪咗熱融咗嘅芝士同蟹籽，好邪惡🤩 蝦係即叫即炸，好脆身！包埋落壽司到好夾，夠晒飽肚😆🍣火炙芝士熟蝦壽司 ($22)🍣火炙芝士蟹棒壽司 ($34)🍣火炙芝士三文魚腩壽司 ($36)揀咗三款火炙芝士壽司，每舊面頭嘅芝士都輕輕炙過，令壽司有焦焦嘅味😋 熟蝦、蟹棒同三文魚腩同芝士好夾而且都大件同新鮮☺️———————————————————————🌼評分：5個🌕為滿分🫧味道：🌕🌕🌕🌗🫧環境：🌕🌕🌕🌕🫧性價：🌕🌕🌕🌗🫧回頭：🌕🌕🌕💰加一：✔️⏰限時：❌📍花火漁屋 (屯門)📍屯門鳴琴路1號山景商場地下123A號舖

一直以為屯門無咩嘢好食 點知有搵到一間專做街坊生意但品質都不錯嘅日本料理 - <<花火漁屋>>今次試咗兩個飯同少量串燒 感覺都幾有保證 唔會伏🍂豚肉生薑燒定食 $92-只限星期一至星期五晚飯時段-包含沙律 麵豉湯 主菜同飯- 生薑燒味道好濃好入味🍂角切魚生丼 $88- 絕對唔hea - 入面有三文魚吞拿魚魚籽同蟹籽-仲有玉子燒粒同青瓜-而且大大碗 夠飽肚🍂煙肉帶子🍂和風秋葵燒蝦🍂雞腎🍂雞軟雞-即叫即燒 火喉啱啱好 -當中和風秋葵燒蝦比較創新 其他日本餐廳都冇見過 不過都幾得意

今日入屯門山景邨搵朋友，地胆朋友介紹我們去山景商場內的一間日本料理晚膳。時間尚早，人流不是太多。入內坐下，餐牌都幾多選擇，價錢亦大眾化。我們點了吉列海鮮拼盤晚市定食套餐。拼盤內包括了蝦兩件、蟹鉗一件、魚柳兩件和蠔一件，每一樣海鮮都新鮮美味、炸得鬆脆。特別是蟹鉗，肉質鮮甜，非常好吃。蠔也很新鮮，口感鮮嫩，沒有腥味。配上沙律、漬物、珍珠飯和味噌湯，很豐富！接着，朋友點了海膽醬吉列炸蠔卷。炸蠔卷外酥內嫩，搭配上一層海膽醬。海膽醬的鮮味和炸蠔的爽脆互相配合，口感層次豐富。我們還點了三文魚海老壽司盛盒。內有甜蝦、三文魚、燒三文魚腩和海老。壽司的份量很足，三文魚和海老的肉質都非常鮮美。朋友果然冇介紹錯，這真是一間性價比高的平價日本料理餐廳。

幾有驚喜嘅花火魚屋日式料理餐廳今日喺屯門做完嘢，搭輕鐵去到鳴琴站去山景邨下面嘅商場發現到呢一間價錢都幾抵食嘅日式料理，佢哋午市同晚市嘅餐牌嘢食都好多種類！我哋今次就叫咗幾款唔同嘅小食試吓我哋叫咗一杯生啤 另外再點咗一份清酒煮蜆 酒味好濃 蜆肉大部份都吸收晒清酒本身嘅味道同精華！真係超正！我哋仲叫咗一份燒靖魚 外脆內軟 分量剛剛好！最後我哋再叫到一份羊架做結尾餐廳好細心安排咗薄荷醬俾我 羊架肉味好突出 好厚肉 啖啖肉 質量都唔錯😝😝So far ，成餐飯都食得好開心好滿足 希望下一次可以再帶多啲朋友過嚟試吓啦！

花火漁屋日本漁屋平時搭輕鐵到鳴琴站都會行去山景邨睇下有咩好野食，今日我就試左日本料理花火漁屋 鋪頭格局都幾好 坐位都寬敞舒適 三文魚腩壽司魚身好肥美 魚腩油脂分布好平均幾新鮮😝鰻魚炒飯鰻魚切添一粒粒用日本珍珠米炒嘅飯 特別香 食落口感特別不錯！木魚原條茄子原先我哋諗住芝士原條茄子，誤打誤撞叫錯咗呢一款 木魚同茄子都幾好配搭 好好食 😋木魚絲嘅份量都唔少 忍唔住最後再encore整體來講呢間餐廳嘅性價比都幾高，好快會再幫襯！

今日去咗朋友屋企打牌，打完同主人家去左佢介紹嘅一間日本菜食晚飯～店舖都幾大，裝修柔和，感覺幾舒服我哋叫咗幾樣嘢share～👅燒雞腎，燒雞軟骨熱辣辣👍雞腎有啲麻辣味，比較似中式串燒😂雞軟骨燒得好脆口～👅燒雞泡魚乾最鍾意嘅日本野前菜🫢好香👍 微微嘅蜜糖甜味，食住佢傾住計嚟等其他嘢食一流😆👅軟殼蟹手卷炸得非常香脆唔油膩👍軟殼蟹被好多蟹籽包住，好足料😯👅滑蛋鰻魚丼蛋入口真係好嫩滑！👍👍連埋啲洋蔥冬菇一齊煮，食落更香口更有口感～鰻魚燒得好香，肉厚😋#屯門美食 #花火漁屋 #屯門日本菜 #日本菜推介

山景商場地下既日本料理餐廳，見到大數都係街坊客，應該都係高回頭率既餐廳。我地食到餐廳就黎收工，見到佢地將魚生櫃拆埋門黎清潔，清潔得好仔細，值得稱讚！𩶘魚湯煮蜆𩶘魚湯熱辣辣，魚味蜆味鮮味double up 未食哂d蜆已經飲哂d湯！😂廚師推介五點盛有五款刺身：三文魚、帶子、甜蝦、兩款炙燒魚。大大塊，鮮甜好味，最鍾意食甜蝦，夠哂creamy！特盛刺身丼(三文魚、油甘魚、吞拿魚、帶子、甜蝦 各兩切）又大片又厚切既魚生，舖滿成碗飯，食完刺身都已經好夠飽！ 勁足料！蟹肉明太玉子燒玉子包住蟹柳同明太子，口感豐富！串燒：煙肉帶子、雞軟骨、北海道竹輪蘆筍燒即叫即燒，雞軟骨勁脆！煙肉包住真帶子，街頭小食風味。北海道竹輪蘆筍燒，創意十足！

去開附近探朋友，見價錢便宜，一於入去食下，環境舒適，座位好闊落幾舒服香煎牛舌，配蒜香照燒汁（4件）$78雖然只有4件，但每件都好厚身大件，而且煎得剛剛好，唔會過鞋，但又唔會唔熟，仲一D都唔羶 沾上蒜香照燒汁食，味道一流三文魚海老壽司盛盒（八件） $108包含了三文魚，汁燒三文魚，甜蝦，熟蝦各兩件，價錢相當抵食蒜蓉燒蠔 $28隻蒜蓉牛油汁香濃，蠔肉新鮮大隻，好味道蟹蓋海膽黃金燒 $38蟹肉好鮮甜，醬汁好有風味甜甜地，細細隻唔會太滯

屋邨商場既日本料理餐廳。基本上商場好多都係連鎖速食餐廳，呢間小店可以鶴立雞群，實有過人之處。👍🏻特盛刺身丼(三文魚、油甘魚、吞拿魚、帶子、甜蝦 各兩切）🍣Cp值高！刺身厚切大大塊，勁抵食！特別係油甘魚同吞拿魚，冇魚腥又冇筋，非常難得！廚師推介五點盛🍣(三文魚、帶子、甜蝦、時令刺身各兩切)刺身同樣厚切！三文魚、帶子、甜蝦都鮮甜好味，多了兩款魚用火炙香，勁添魚香味！蟹肉明太玉子燒🐣玉子燒有多款選擇，蟹肉同明太子好夾，蛋汁用湯調味，好味！𩶘魚湯煮蜆🐟喜歡勁濃魚湯必選！𩶘魚湯魚味極濃，食完蜆後可當湯飲！串燒：北海道竹輪蘆筍燒、煙肉帶子、雞軟骨🍢北海道竹輪蘆筍燒最特別！而且蘆筍幼嫩冇渣！即燒即食，好味！

貪佢唔係位於熱門既市中心同V city，基本上都唔洗等位，又有鍾意既菜式，而且就係輕鐵站隔離，好方便😊😊🍘關西大阪燒掛住日本大阪燒🥺都一解到心中條癮！好夠味，唔會太黏漏，都算剛剛好，好味😋😋🐂串燒牛小排 & 冬菇串好難得食到咁好口感既牛小排，好好咬口，一d都唔「鞋」，仲要咁大粒都燒得咁靚👍🏻👍🏻🧀火焰芝士蟹棒壽司芝士半溶，超滑，配蟹棒一流！整得係幾滿意既一餐！無論環境定食物👍🏻

係屋邨商場底，對住個細細既露天停車場，唔算起眼，但好方便，鳴琴輕鐵站一落就到，幾好既gathering地方👍🏻👍🏻🐟刺身五點盛(各兩切)好新鮮、好厚切、好肥美😍😍😍好耐未食過咁靚既三文魚😋😋🍣三文魚三味完全係三文魚控既叫法，有三文魚、醬燒三文魚、麻辣三文魚，如果可以唔止三味選擇就更正👍🏻👍🏻🍤芝士炸蝦卷好脆呀！芝士好juicy、配埋卜卜脆既炸蝦，好味！值得encore!!餐廳幾大間，坐得都幾舒服，整得質素幾高，值得去😋

最近同朋友完成左單大野，決定要同佢食返啲好野慰勞下自己。因為唔想去太遠，所以就揀左佢屋企附近嘅日本餐廳。1️⃣三文魚親子丼 $98親子丼通常係指雞肉同雞蛋呢兩種主要嘅材料整嘅丼飯，而三文魚親子丼可以話係延伸版。三文魚籽一啲都唔腥，喺口裡面爆開嘅感覺非常正，三文魚亦好香魚油味。 2️⃣東京風汁燒牛肉定食$98呢個係花火漁屋日替晚市定食，每款定食都會跟沙律、漬物、珍珠飯同味噌湯。 牛肉份量都幾多，肉質幾嫩，而且個汁唔會好鹹，用嚟送飯都唔錯。珍珠米加左啲飯素喺面，食落好香口。3️⃣炸軟殼蟹卷$72 軟殼蟹炸得金黃酥脆，被軟軟嘅飯團包住，再加埋最外層沾滿嘅蟹籽，口感十足！4️⃣明太子雞翼 (2隻)$48滿滿嘅明太子釀曬入雞翼入面，明太子夠鹹香，雞翼亦炸得外脆內嫩，，整個配搭非常夾。

今日約咗朋友食晚飯，佢到咗先，我叫佢發板，到咗個陣已經見到成枱食物😋😋佢叫咗啲刺身、壽司、牛肉、清酒煮蜆同串燒。前菜有牛蒡同中華沙律刺身同壽司，啲魚新鮮好新鮮。刺身入口即化，加埋啲醬油同芥末醬，味道好鮮美。壽司好好食，米煮得岩岩好，配上啲新鮮嘅食材，真係好味。再講牛肉、飯同烏冬，味道亦都幾好。牛肉好嫩，煮得恰到好處，再配埋烏冬，真係一流。烏冬好彈牙，湯底都唔錯👍🏽清酒煮蜆亦都好正，清酒嘅香氣同蜆嘅鮮甜口感好夾，而且份量十分大，好划算。脆炸魷魚圈亦都好好食。整體而言，呢間餐廳嘅菜式好好食，份量都幾足，而且價錢亦都好實惠。啲服務亦都好好，啲侍應都好細心，成日幫我哋添茶。如果你鍾意日本菜，呢間餐廳絕對值得一試。