花月宮 (已結業)

新一年打算同屋企人聚餐。剛好見到新開張的火鍋店。一於同屋企人試試佢！湯底選了椰子雞！湯甜雞滑！之後店長介紹一下推介！話說剛好有日本直送池魚！二話不說就試下！果然即日係鮮好多！另外發現有餃子set。試左幾款。最難忘都係辣子雞風味的雞肉餃！屋企人食飯有時係為左大家食飯坐得舒服又可慢慢傾吓。畢竟都有一段時間無外出一家人食飯！呢度環境幾好呀！又坐得舒服！值得推介👍

天氣凍冰冰，想搵熱辣辣嘅嘢食，咁啱同朋友行到金巴利道見到有棟幾modern嘅大廈2樓有新開咗間火鍋😍就即興決定上去試下🤩餐廳裝修走古典宮廷風加有點新派元素，未入門口已經有幅牆擺放好多隻不同款式的招財貓😍一入到餐廳裡面感覺燈光都幾光猛潔淨的感覺。每枱卡位都好闊落，坐四人都唔會逼；左右兩邊都設有弧型卡位，適合多人聚會坐埋一枱一齊十下十下；另外仲設有房間可以提供私隱度俾公司聚會，入面仲設有電視提供俾房客人一邊食一邊唱下歌happy下。重點講番食物先！貪心想試哂唔同湯底的我，揀選咗花月宮特色四格鍋，四格分別有四川麻辣、藥膳花雕花膠醉雞、黑松露野菌同蕃茄濃湯海鮮。樣樣都好吸引，最意想不到每款湯底都有豐富材料，好似蕃茄濃湯海鮮湯底咁，起初以為得蕃茄肉，一𢳂之下驚喜地有好多好海鮮，蝦🦐、蜆肉、墨魚仔、薯仔等，淨係湯底已經好鮮甜好多材料食；藥膳花雕花膠醉雞雞件份量很多，肉質嫩滑花膠又大大舊唔吝嗇；個人至喜愛黑松露野菌湯底，平時出面打邊爐都好少有呢款湯，湯底入面除咗非常濃郁黑松露味，仲有大量菇菇，放火鍋食材落去更加增添美味，成日食食下忍唔住𢳂湯飲😝而最惹味嘅四川麻辣湯底都沒有輸蝕，最欣賞湯底不油膩，最怕

✨香濃椰子雞煲💰228 💫評分: 7.4/10📝湯底鮮甜，本身有粟米、蘿蔔、椰子🥥...滋補足料，健康之選，最尾落埋出前一丁(💰18)👍🏻✨美國頂級手切封門柳💰238💫評分: 7.5/10📝厚薄適中，牛味濃，好大碟，兩個人食超級夠✨自家製脆炸有黃門蟮魚皮 💰88💫評分: 6.8/10📝呢款係有骨嘅魚皮，骨炸到可以同魚皮一齊食埋，要俾平時浸落湯底耐啲，唔會好油膩✨田園拼盤💰68💫評分: 7.5/10📝份量超豐富，份量同種類都好多，有娃娃菜、蕃茄、粟米、南瓜、西洋菜、生菜，好滿足花月宮📍尖沙咀金巴利道68號2樓(尖沙咀🚇B1出口行7分鐘就到)💫評分: 7.3/10💬叫咗自家製青梅竹馬(渣)，咸柑桔味，清熱潤喉 (💰68一渣)，配嘢食一流‼️🏃🏻‍♀️再訪？🄼🄰🅈🄱🄴❣️其他分店❣️📍屯門良德街8號珀御1樓101號舖#花月宮 #火鍋 #椰子煲 #打邊爐 #火鍋 #hotpot #hotpothk #hotpothongkong #打邊爐 #椰子雞煲 #雞煲 #尖沙咀 #尖沙咀美食 #香港美食 #美食#discoverhongkong #hkfoodie #hkfoodieblogger #hkig

鮮味十足嘅火鍋🍲今日我同朋友在尖沙咀聚餐，尖沙咀附近好多食肆，我哋喺韓國街買咗啲醬油蟹，再喺度搵野食。由於我哋都唔係大胃口，我哋揀咗一間新開業嘅花月宮，佢嘅食物大致分刺身、海鮮、豬牛羊肉類嘅火鍋等🤩我哋揀咗個泰北冬蔭公原隻澳洲龍蝦海鮮鍋做湯底，個湯入面有好多配菜和菇類，再有幾隻蝦、青口、魷魚仔，最搶眼球嘅有全隻澳洲龍蝦🦞🇦🇺🤯呢個湯底好抵食，我哋再點咗台山蠔及蘇格蘭蟶子皇🏴󠁧󠁢󠁳󠁣󠁴󠁿。由於餐廳有備魚池，啲海鮮真係好新鮮，根本就完全吾使加調味料，都可以食到海鮮嘅鮮味，肉質新鮮甜美，值得大讃，鮮味一流。啲湯浸咗海鮮後非常惹味，十分好飲。個龍蝦物及聖子皇肉質十分彈口，台山蠔肉質好creamy👍👍個薄切牛舌心好爽，好脆口😋個鵝腸都好爽脆，好肥美😍侍應推介玉油柑茶非常好飲，佢有油柑子、楊桃、桔餅等煲成的凍飲，令人非常開胃舒服，一定要推薦試吓🥳食完後侍應送個紅豆糖水比我地，呢個好有驚喜，入面有雪燕及波波珠，有三種咬口又唔甜，食咗甜品都自覺冇罪夠感😋侍應嘅服務非常好，態度親切有禮，令人食得好舒服同食物嘅質素都好好☺️餐廳安排坐位唔算擠逼，與鄰枱距離都有空間，並唔嘈雜，我地可以閑適傾計，四圍環境也很舒

聽朋友講尖沙咀開咗一間私隱度高又高質嘅打邊爐店，於是就跟埋去試吓新餐廳🫶🏻我哋叫咗個火焰雞煲，兩個人食真係搞唔掂，因為佢嘅份量係超勁量，勁大個鍋，基本上可以叫多幾個朋友一齊食🙆🏻‍♀️食完啲滑滑嘅雞件之後就加湯打邊爐，我哋叫咗個雜錦手打丸拼盤，勁打卡able！唔止睇得仲食得，有齊晒鮑魚丸、元貝丸等等，可以滿足晒🤭另外仲叫咗分超甜粟米同埋芝士腸，份量都好夠啊！所以建議大家可以帶多啲朋友嚟食～連啲烏冬都好高質😋😋環境方面，因為餐廳都係好新裝修，所以非常之新淨同企理，而且真係好似個名咁講有啲宮廷嘅feel😝呢度仲有包廂可以做到私人聚會👍🏻下次會叫多啲人過嚟食👍🏻

行開尖沙咀都必經金巴利道，最近發現金巴利道多左好多新餐廳，見到有人派傳單，加上天氣凍凍地就去左【花月宮】，聽個名好似去左古代的宮廷一樣。餐廳裝修好靚好高貴，好多卡位，而且座位寬敞。另外仲有3間VIP房，房入面每枱至少10-12人，其中兩間仲可以打通，岩晒黎近聖誕新年有聚會既朋友仔。餐廳用QR code落單，為左方便大家，亦有安排紙質版，非常貼心。 - 湯底 -⦁花月宮特色四格鍋 $268睇完餐牌就俾個「特式四格鍋」吸引住😍，每格湯底非常足料，想試晒咁多口味嗌尼款就岩，性價比好高！ 1️⃣四川麻辣鍋尼款夠麻夠辣，非常重口味！入面仲有蜂巢豆腐、鴨血，尼兩款都系食辣必加既吸湯配料，食唔夠先再嗌！2️⃣黑松露野菌鍋勁濃菇既香味，加埋淡淡既黑松露味，湯底愈食愈濃，加左3次高湯都keep住菇既香味。3️⃣番茄濃湯海鮮鍋唔好以為佢係好普通既番茄湯，除左番茄夠多，仲要有埋薯仔，飲落好似屋企煲開既湯咁！4️⃣藥膳花雕花膠醉雞鍋尼款真心要讚‼️上起爐果陣，店員已經提醒我地，當湯底滾起可以放雞件、花膠等落去，再等下一次滾起便可食雞。時間控制到好好，雞肉滑嫩，湯底藥材味濃，聞落又有淡淡既花雕酒味。真心講尼格湯底既雞，我都可以

FD冬至要OT，所以早少少同她過冬。哩間火鍋店裝修得唔錯，每一個位置都好啱打卡。嘢食揀咗之後，會有調料九宮格送上，估唔到小料種類都咁豐富，啱晒大部分食客啲口味。可樂係食火鍋必叫，今次係隻裝可樂，都有少少驚喜。泰北冬陰公原隻澳洲龍蝦海鮮鍋底，哩個鍋底好勁，以為只得一隻澳龍，原來仲搭配咗好多其他海鮮，有海蝦，墨魚仔同青口，湯底仲有好多木耳同平菇。好鐘意食火鍋前先飲碗湯，湯底飲落好濃郁，酸酸辣辣好開胃，真係落足料黎煮。澳龍長過成隻巴掌，食落好鮮甜彈牙，半隻食完已經好滿足。新鮮牛胸爽，好少係出面火鍋店食到。牛胸爽睇落好似肥膏咁，微微燙左已經可以食，食落勁爽口，同埋一D都唔肥膩，一碟完全唔夠喉。爽口鮮蝦雲吞（四粒），雲吞好大一粒，鮮蝦同肉餡balance得幾好，食落好Q彈。脆皮芝士腸，一份有10條，哩個真係FD啲最愛，次次食火鍋必叫。新鮮豬粉腸，哩個都係好少見，始終處理粉腸好麻煩，唔係家家火鍋店都鐘意賣。粉腸處理得好乾淨，嗦晒冬陰公湯底味道，食落好好味。哩間火鍋真係驚喜，最抵食啲係泰北冬陰公原只澳洲龍蝦海鮮鍋底，成個鍋底食完已經6-7分飽，之後一定要試試佢個椰子雞湯底才得！