花居酒屋 (已結業)

同事大推嘅居酒屋走進左日式居酒屋既國度，成間鋪既擺設裝修都一絲不掛可以滿足下去日本既慾望！經openrice預先訂位有8折，Lunch 叫左極上壽司定食$118，呢個價位完全無諗過會有帶子同海膽，黎到真係好驚喜仲包埋沙律、烏冬同茶碗蒸！性價比超級高！壽司樣樣食材都非常新鮮、紫菜夠脆，甜蛋好滑溜～海膽仲好甜，甜蝦非常非常厚肉！望到個樣都知係靚貨每件食完都好想encore! 真心超抵食～熱食亦有水準，味道恰到好處、份量岩岩好！絕對絕對會推薦朋友黎食希望下次試多幾樣野再同大家分享啦

如果要喺荃灣食日本菜，我必定會推介花居酒屋，因為無論環境、食物及服務各方面都幾好！首先我哋叫咗個黑松露刺身沙律，刺身有三文魚、油甘魚、甜蝦、三文魚籽同帆立貝，有咁多種刺身， $88黎講真係幾抵食！每一片刺身上面都有黑松露醬，每一啖入口都有濃濃嘅黑松露味，配埋新鮮沙律菜，叫呢一個做頭盤絕對正確我哋叫咗幾款唔同嘅壽司，分別係三文魚腩、帆立貝、蟹肉蟹膏同埋海膽軍艦！當中最出色嘅係海膽軍艦，海膽份量多，好鮮甜！我地仲encore多次！帆立貝好大粒同厚身三文魚腩夠肥美蟹肉蟹膏壽司，蟹膏味好香，配埋啖啖蟹肉非常滿足！熟食一樣好正！明太子玉子燒係不可不叫，個蛋好滑帶少少甜味，配埋明太子既咸香味真係好正土佐豆腐外皮鬆脆，加入左木魚碎令到外皮更香，裡面豆腐好滑，沾埋個醬汁食好好食！而家餐廳仲會送埋甜品，只要like佢地Fb就有啦！今日嘅甜品係日本紅豆年糕配水信玄餅！年糕炸到脆卜卜，內裡軟綿綿，配上甜甜既紅豆蓉味道好夾，水信玄餅仲帶有淡淡酒香，媽媽都大贊呢間餐廳好味！

入到花居酒屋見到入邊嘅設計好有日本特色，感覺好似去咗日本嘅居酒屋。食嘢方面，質素比預期好。首先，放海膽刺身嘅器皿好有特色，入口即溶同埋好有海膽嘅鮮味，而且又唔苦。另外，我哋亦都有叫三文魚刺身，肉質鮮嫩而且美味。至於個鰻魚手卷，入邊仲有蛋，加埋係幾好食。火炙三文魚腩入口即溶，令人食完想再食多一件，係今餐我覺得最好味既一樣日本料理。軟殼蟹手卷炸得好均勻，入面嘅軟殼蟹好大件，手卷裏面仲包住左牛油果，上面鋪了蟹子沙律作點綴，令到軟殼蟹手卷有唔同層次嘅口感，美味而不膩。燒雞泡魚乾唔係間間有得食，有得食都唔係一定好味，但係花居酒居整得好食，燒得唔乾，可以保持肉汁，帶有一點甜香。

好有feel既日本餐廳，睇得出老闆好有心機佈置環境似日本居酒居油甘魚刺身不過不失，好係厚切口感滿足！天婦羅炸醬夠薄 完全帶出食材既鮮味，特別係菇保留曬水份反卷三重奏重點推介！ 用左呑拿魚同新鮮海膽加上青爪同玉子 食多幾舊都唔會膩！

入到花居酒屋見到入邊嘅設計好有日本特色，感覺好似去咗日本嘅居酒屋。食嘢方面，質素比預期好。首先，放海膽刺身嘅器皿好有特色，入口即溶同埋好有海膽嘅鮮味，而且又唔苦。另外，我哋亦都有叫三文魚刺身，肉質鮮嫩而且美味。至於個鰻魚手卷，入邊仲有蛋，加埋係幾好食。火炙三文魚腩入口即溶，令人食完想再食多一件，係今餐我覺得最好味既一樣日本料理。軟殼蟹手卷炸得好均勻，入面嘅軟殼蟹好大件，手卷裏面仲包住左牛油果，上面鋪了蟹子沙律作點綴，令到軟殼蟹手卷有唔同層次嘅口感，美味而不膩。燒雞泡魚乾唔係間間有得食，有得食都唔係一定好味，但係花居酒居整得好食，燒得唔乾，可以保持肉汁，帶有一點甜香。

今次黎左荃灣呢間花居酒屋食野，門口細細但裝潢設計得好貼切！有種係日本食野既feel👍🏻 環境舒適，燈光幽暗，牆上有唔同日本酒既介紹😂幾有特色！首先叫左個蟹籽沙律做前菜，沙律菜新鮮爽脆！蟹籽鮮甜！超開胃🤤我地冇order set，叫左壽司🍣 三文魚籽絕對推介！💪🏻 分量夠，從來未試過咁好食既三文魚籽👅 海膽壽司 - 本身都好鐘意食海膽！ 佢地既海膽冇異味！超鮮甜！食幾多都唔夠🤤甜蝦壽司- 食日本野必點，甜蝦可以睇得出店鋪食物品質👍🏻 童叟無欺，大大隻！ 絕對新鮮！最後點埋帶子壽司，唔會有任何腥味，肉質鮮甜！ 熱盆食左燒腩肉 同 雞軟骨✅ 調味調得好好！🤣 不得不讚係無論冷盆或熱盆，花居酒屋都有品質保證！

呢間新開既日式居酒屋真係有驚喜，首先職員都非常注重衛生，一入去就探熱同埋比搓手液我地消毒 。因為我地bk左830既關係，好多枱既人都差唔多食完就走，當佢地離開舖頭之後職員即刻去消毒張枱。另外我地點既野食太多，張枱放唔曬，職員就將將枱拍埋比我地，等我地有多d位可以用。食物方面刺身和牛係可以完全做到入口即溶既口感燒肉係半肥瘦既唔會太硬太肥膩，烏冬既麵質都好彈牙唔會太林身。整體嚟講餐廳性價比係高，絕對可以再去食！

今日打算試新野，估唔到呢間居酒居俾到驚喜我wor!首先佢有少少隱世feel,無大大個門面/招牌，係門口有2個擺設吸引左我入到去環境唔算大，細細間，不過睇得出佈置幾有心思。幾欣賞呢幅酒牆，唔錯唔錯。講返重點先！帆立貝壽司好厚身啊，正！但原來甜蝦壽司仲正，未食過甘大隻又鮮味既甜蝦，真心推薦！我地都忍唔住叫多輪呢碗肥牛烏冬份量超乎想像啊！係平時食開的雙倍牛肉無“鞋”口，十分軟冧。牛舌普通（無相）軟殼蟹手卷好脆口，侍應好細心提我地唔好太耐才食，會冧！😘火炙三文魚腩都普遍啦第二輪除左叫甜蝦又叫左呢款牛油果軟殼蟹卷，相比其他，呢個有d失望，整體唔夠實有d散。上菜時間稍慢，但整體好唔錯，打算下個月再來，希望保持水準

系人都知荃灣好多好野食，今日放工約咗好耐無見的朋友，大家都想試D新嘢。見返工附近新開咗間日本餐廳------花居酒屋，就去試試La~~~~餐廳嘅裝修好日式，成間居酒屋咁(入口都系樓梯底，好配合個主題^^)，入到門口有一面牆介咗不同種類的米酒，燈光昏暗，除咗有普通座位，仲有挖洞座位(類似於榻榻米座位，但桌子下面有能夠放腳的凹槽)，整體好有氣氛啊~~~(不過著裙的女仔book 檯時要注意，坐呢D挖洞座位會有D唔方便)(餐牌的酒類種類都好多，價錢相宜，鍾意放工飲翻兩杯，輕鬆下嘅朋友就啱啦)到主角出場LA~~軟殼蟹手卷($48)足料，剛剛炸起嘅軟殼蟹，包系暖暖嘅壽司飯入面，香脆可口！火炙三文魚腩壽司($26/2)好肥美！輕輕炙過的三文魚一放入口，豐富的魚油香味充斥整個口腔！正！甜蝦壽司($48/2)、帆立貝壽司($32/2)呢兩款壽司系我每次吃日本嘢都必叫嘅，好耐未試過吃到咁新鮮、大舊、肥美又鮮甜嘅帆立貝同甜蝦la，食嗰時真系好感動啊~~~朋友都話好高水準，我地忍唔住又叫多round^^原燒牛舌($48)檸檬汁帶出咗牛舌嘅鮮味，肉質嫩得嚟又富彈性，是水準之作！不過如果落多小小海鹽，牛舌嘅鮮味會

早兩日係朋友推薦下試左呢間係荃灣既居酒屋。入到去環境都唔錯，店員亦會提醒我地食物到前盡量帶番口罩，可以睇到有一定既衞生措施。坐低個陣店員就向我地介紹二人套餐，不過二人套餐款式太小望落唔太吸引，反而主餐牌就吸引到我地。食物既既種類都幾多，對於我呢d鐘意咩都試下既人黎講係幾吸引。食物既價錢都算平民，可以放心叫多幾樣野食。另外一提，佢地有個掛板應該係寫左佢地推薦既食物，好似魴鮄呢d當做魚類咁，咁我就有興趣試下但有d失望既係我地已經叫左食物，塊板放得唔太明顯，係店員向格離介紹先見到。每個食物都黎既時間都好適中。我地首先就食5款壽司：海膽、金目鯛、鰈魚邊、北寄貝、三文魚籽。食材都幾新鮮，值得一提係鰈魚邊好鮮甜，之後再食肥而不油膩既金目鯛。三文魚籽佢唔吝嗇，滿滿既魚籽!岩哂我呢d三文魚籽怪。之後就黎左一份我地認為既必食推薦-鵝肝多士。佢個鵝肝多士份量都唔細，88蚊都有兩大件。食物一落枱就即刻聞到鵝肝既香味，一咬落去鵝肝同d油香加埋個塊厚多士既質感係好滿足，忍唔住就想食第二啖。我地點左份明太子玉子燒，而店員就好nice咁同我地講話明太子偏咸o5ok，咁我本身知明太子係咸既但呢種提點我覺得好細心。明太

雖然去不到日本，但心裡總是心癢癢想食日本菜，好啦，一於上OpenRice睇下有咩好揀，見到呢間花居酒屋評價幾好，加埋我同朋友真係好想食壽司同埋串燒，所以book左6:30，餐廳位置唔多算，好彩有book 位，好開心唔洗等位。一入去會有職員主動比紙袋袋住口罩，唔會話好求其，衛生措施都幾好。裝潢日本風濃厚，朋友說喜歡這裡的和式感覺。餐牌有唔少選擇，食物種類都好豐富，樣樣都好吸引。由刺身、壽司、手卷、串燒到炸物。。應有盡有。三文魚腩（四切） $58，朋友對三文魚腩贊口不絕，真的很肥美，三文魚味濃郁到難以形容，而且冰冰凍凍，食起上黎口感唔錯👍🏻海膽壽司 兩本$68 必點推薦，好抵食！海膽鮮甜唔苦，每一件都用料超足，一口食落去，海膽甘香在口中徘徊，溢滿著慢慢溶化的海膽，很出色！火炙三文魚壽司 兩本$22，又係抵食之選，嫩滑的三文魚燒到半生熟，炙燒香味十足，放入口又有少少飯中和，唔錯。鵝肝壽司 一本$38 鵝肝面層輕脆，鵝肝味濃郁，味道同飯非常夾，不錯不錯。吞拿魚兩本 $36 魚肉肥美新鮮，魚油融入我口中。我經常去日本食吞拿魚，這次雖然去不到日本，但這裡吃到都十分滿足，不錯。牛油果加州卷$58 味

今日去試下呢間日本菜首先叫左d串燒黑豚腩串, 雞肉串同茄子串各兩串個人比較鐘意茄子串好juicy😋之後叫左個芝士玉子燒入面d芝士仲溶緊咖蛋香亦都好重 同芝士味好夾😍另外仲叫左個海膽松葉蟹黑松露炒飯呢個炒飯超香同份量十足加埋海膽真係prefect呀🤤

//食日本菜要夠氣氛 當然要選擇去居酒屋 「花居酒屋」就岩哂～食日本菜之餘仲可以聽吓輕快日文音樂放鬆心情 氛圍舒服 relax下 等個人唔會繃緊享受美食~.三文魚壽司 $20 三文魚肥美 厚身 魚肉同脂肪分明鰈魚邊壽司 $28以火槍輕輕燒過 迫出油脂 入口夾雜住香香嘅魚油味三文魚籽手卷 $38 三文魚籽大粒而且晶瑩剔透 咬開後鮮味湧出 而且唔會醃製得太咸海膽手卷 $88海膽味清淡 手卷中間都包住有海膽 唔會有到一半就食白飯嘅情況牛油果海鰻卷 $108清新嘅牛油果配搭濃味嘅海鰻從而得到平衡 海鰻厚實吞拿魚腩和牛海膽卷 $168入口有多重口感 先係食到海膽味 呑拿魚嘅鮮味緊隨其後 最後以重重嘅牛味作總結明太子玉子燒 $88玉子中間包住少量明太子 玉子嘅清淡中和明太子嘅濃味 比例啱啱好

今晚約咗家姐撐枱腳試新餐廳，見到網上都幾好評，期望都好高❤餐廳有濃濃嘅居酒屋風味，好有格調，亦坐得舒服，好適合聚會談心❤️首先叫左火炙三文魚同埋火炙帆立貝壽司，三文魚同埋帆立貝都夠新鮮，加上火炙就更惹味！另外叫左三文魚&玉子海鰻手卷，滿足我呢個手卷控！員工都細心提示叫我地影完相就要即刻食，怕紫菜會淋～天婦羅拼盤都有驚喜，香脆得嚟又唔會好「粉」，款款天婦羅都口感十足！最後叫左個海膽松業蟹黑松露蒜汁炒飯～不得不讚呢個炒飯～惹味又大份～必食推介！咁岩撞正餐廳有活動，玩拍賣食品，都幾有趣又有風味，可以用荀價拍賣多款美食～下次可以再Encore試埋其他刺身先～

食日式料理我中意叫三樣嘢：海膽，玉子燒，燒大蔥。海膽唔腥唔苦，證明d來貨好新鮮，老細肯花心機；玉子燒係基本功，煮得好既都係踏實學過日料既師傅；大蔥如果辣口，一係來貨唔靚，一係燒得唔透。但依間野驚豔到我既係佢既多士鵝肝。唔係用薄脆多士，依隻多士厚身軟熟，質地夠濕潤唔會有唔新鮮既感覺，鵝肝夠稔夠香，唔會過肥油膩，兩者加埋非常完美，一件食完處於滿足同唔夠喉之間，依個時候停低就係最好既份量。我平時最中意既熟北寄貝刺身今次相較最失色，未食過活既（好少地方有），今次唔記得叫要留待下次。三文魚籽好夠份量，一啖落去食唔到飯味；海膽壽司應該用咗兩款海膽（唔識分邊兩種），海膽夠新鮮，但始終食到小小腥味，好淡無停留太耐；金目鯛名不虛傳，鮮甜肥口，先食金目鯛再食鰈魚邊，因為鰈魚邊既脂肪更濃厚更多，擺後d食先唔會蓋過金目鯛隻味。十分出色明太子玉子燒。侍應有事先提醒明太子偏鹹，但我覺得唔會，日式玉子燒無咁層次分明，偏甜口，夾一夾佢見唔到中間有未熟既蛋漿，食落好嫩口，對於唔中意食甜既我一大啖落去夾住明太子一齊食，完美無瑕。而且好夠份量。煤氣味海膽松葉蟹炒飯（笑）。成日有人笑黑松露係煤氣味，但我好中意陣香味，個飯好夠