影片
港铁荃湾站 B1 出口, 步行约5分钟
继续阅读
开饭介绍
位于荃湾的日式料居酒屋，以不同日本精美装饰作为摆设，犹如置身日本。提供一系列的日式料理，定价合理。
继续阅读
营业时间
星期一至日
12:00 - 17:00
18:00 - 21:00
以上资料只供参考，请与餐厅确认详情
生日难得一聚，好开心今日朋友带我嚟呢间食，一入到去好似去左日本咁，铺头装修好靓，好有去旅行嘅感觉。因为仲有个朋友未到，系等紧佢嘅时候，嗌啲小食，个人同朋友都好中意食串烧，所以嗌左鸡肉串食，味道正常！然后嗌埋烧茄子，味道ok，有加到少少芝麻，不过份量（如图）就有啲小。如果份量可以大少少就好啦。同朋友见到大家推荐食玉子烧，所以就带咗个鳗鱼玉子烧，今次份量足够，而且玉子烧个蛋做得好好，味道亦都好吸引，真心推荐大家食！最后嗌左镘鱼只，个汁可以再多少少会更好！
继续阅读
荃湾有一间好有日本风情嘅居酒屋，装修有令人置身日本嘅感觉，既然未去得旅行， 就食住日本嘢先啦！我哋首先叫咗个牛肉乌冬， 好快就上咗菜，非常有效率！啲乌冬好弹牙，分量又多，每一条都好烟韧，啲牛肉每一块都好鲜嫩，而且有少少红色，系半生熟嘅，唔会太熟，否则就会好晏硬！仲有几条秋葵喺上面，非常新鲜！然后叫咗个软壳蟹牛油果卷，同样都系份量十足，切开有八嚿，每一嚿都好实净，好软熟寿司饭包住软壳蟹，食落去热热地仲好脆口！牛油果同软壳蟹嘅配搭简直系一绝！ 然后叫咗一个明太子玉子烧， 送到嚟嘅时候仲系冒烟嘅 ，香喷喷，食落口 啲蛋非常之嫩滑！ 上面𠮶层明太子咸咸地， 份量十足，简直就系 一流享受！
继续阅读
今次揾到呢间午市买一送一🤩仲要星期一至日都有呢个优惠 究竟伏唔伏呢🚁环境几靓 有日本居酒屋的感觉🇯🇵仲有除鞋位添☺️仲要唔多人(3成入位率) 唔会迫食物方面我一早谂左食寿司🙆🏻♀️🔻极上寿司定食🍣 ($158)呢个价钱有海胆、帆立贝、鳗鱼 (仲要有半价！！)仲有我最钟意嘅赤虾😍成餐饭将心思放左系同朋友倾计😆 所以欠缺每一件细尝Overall食落几新鲜😋海胆唔系好浓味的高级野 合理嘅 饭都握得唔差😳 唔会硬晒一旧旧蒸蛋正常 食埋乌冬真系饱哂朋友点左牛扒🔻安格斯西冷牛扒定食🐮 ($148)我又系挂住倾计 无试到佢一块肉🥲不过卖相都唔差 朋友都话唔错由于唔多客人 我地食饱都倾多一阵先走 坐得舒服岩哂倾计🤪Staff态度亦好好👍🏻 会加茶 亦唔会赶你走咁款最后半价完 每人唔洗一百蚊半价但唔会将货就价 超值❣️
继续阅读
第一次写食评系因为呢间嘢真系差到我想同大家分享第一次嚟呢间食 简直令我o哂咀叫咗两个餐 一个系鱼生海胆饭 一个去安格斯定食鱼生海胆饭我已经上咗图呢个海胆鱼生饭剩系得一旧海胆 加埋切切埋埋都系得一旧带子 再加埋啲薄过争鲜嘅鱼生片 成个饭应该叫杂锦刺身饭而唔系叫海胆鱼生饭另外仲叫咗个安格斯定食 啲牛好渣 纤维劲多渣 不过我唔记得影相随机附上佢送嘅生菜沙律 日本餐厅嘅生菜菌晒黑边真系好少见 证明咗佢生菜系隔夜嘅仲要劲唔新鲜 仲要出晒水𠮶啲不过成间舖头嘅菜式都系冇图片嘅 所以佢都唔算系欺骗大家早知就食楼上嘅麻辣世家今次嘅食评系咁多 下次再见
继续阅读
本人住喺荃湾，久闻呢间餐厅，收藏左喺Openrice favourite好耐，好想揾个机会去试试，但几次经过walk-in都无位。终于早前有机会喺Openrice上见到周末夜晚有位，所以我早两日就订好了枱，叫埋家人喺另一区过来一齐去试呢间餐厅。1. 8月19日(星期四）于Openrice订了4位，订的时间是8月21日(星期六)晚上7点正。2. Openrice即日已给我email确认订枱成功，此后再没有任何消息。另Openrice在8月21日上午给我email提醒出席是次订枱。3. 8月21日下午1点20分，此餐厅一名女职员打俾我，对话大约如下：职员(好似无野咁）：「今晚我地无枱㖞，你改唔改8点半」我（惊讶)：「我Openrice book枱𠮶时有架㖞，点解会无枱架」职员(一副理所当然既语气）：「我地寻日同事打俾你，因为你无听我地既电话，张枱已经俾左其它人」我：「咁你即系overbook啦」职员（开始唔耐烦)：「Openrice个系统我地改唔到，咁我地系得咁多张枱，你改唔改8:30吖」我(气愤)：「有无搞错呀，book左今晚7点，你到而家当日1点几先同我讲无位，要我改去成1个半钟之后？我点改呀」职员(唔耐烦、提高声线）：「咁系因为你无听我地同事电话吖嘛，我地有打俾你架㖞，而且我地系得咁多位架啫」我（诧异）：「而家边会有人听你呢啲2字头既电话，咁点解你地唔留言？点解唔send短讯？点解净系打一次？人地一定得闲听你电话？」职员(同我叠声讲，嗌交既语气）：「咁系因为你无听我地同事电话吖嘛，我地有打俾你架㖞，你无听吖嘛，咁你系咪即系唔要」我（不满）：「仲要系我既责任，你间餐厅有无搞错呀」职员（十分无礼貌地）讲：「唔好意思」我（气愤）：「我而家点改去个几钟之后先食呀」职员（十分无礼貌地）讲：「唔好意思」我（气愤）：「你唔好再咁样既态度喇吓」语毕，我顶唔顺佢既无礼态度，我cut左线。刚cut线，就收到Openrice send email俾我指餐厅已取消我既预约。4. 我不满，系因为点解明明book左几日，但餐厅要去到当日下午先通知我无位要改时间。𠮶日系星期六，咁短既时间我仲可以去边度book一张晚餐既枱。就算间餐厅系overbook，系统又好点都好，都唔应该咁迟先讲，有规定我一定要电话再确认，唔确认就会俾张枱人地吗？咁如果我连呢个电话都无听，直接7点去到餐厅门口呢？5. 我气愤，系因为餐厅员工一直以一副十分无礼既态度同我对话，一啲都唔客气，更一句唔好意思都无，只系不断话我无听佢同事打黎既𠮶个confirmation电话，所以无位系我既责任云云，竟然仲系以闹返我咁既语气，同两次极无礼貌地像机械人一般回应「唔好意思」。难道我未去餐厅就不是客人吗？就不应该被尊重吗？6. 我失望，系因为一直想试呢间餐厅，早两日book左枱已经睇定餐牌谂定叫咩食。可惜，呢件事反映到呢间餐厅管理订枱同管理员工既手法，竟然容让员工代表餐厅作去对准食客作无理及态度极差劣既指责，将订枱的过失责任完完全全推给准食客。我还未尝到佢地食物既味道，但却大大感受到佢地既态度。我从此也不会去尝试帮趁这间餐厅，以为呼吁身边的人不要助长这类毫不放食客在眼中的餐厅。
继续阅读