芝麻綠豆甜品屋

营业中

休息中

今晚口痕,食完飯叫媽咪買外賣湯圓~麻蓉湯圓,1碗有8粒,煙煙韌韌咁,d餡又唔會過甜,正~配湯圓係薑湯,好驅寒呀~甜甜地好有薑味^^

推介，燉的清潤，冷熱的也選擇多，質素比起連鎖店的更佳，誠意可嘉。

食完泰國菜，想食d甜品。走到黃埔新村，見到呢間甜品舖都幾多人所以試試。三個人叫左三個甜品。芝麻糊加麻茸湯丸，呢個我冇食，個friend話一般，冇乜特別。女朋友叫左個招牌o既芝麻燉鮮奶，呢個都算做ok，不過未至於可以做招牌甜品。我叫左個又係叫招牌，招牌芝麻綠豆爽爽冰，綠豆茸有d實，個芝麻爽爽做得唔錯，幾特別，仲有一粒粒芝麻o係中間，幾香口。總括黎講呢度o既味道係一般，冇乜特別，可能依家o既甜品舖都做得好出色o既關係，所以覺得呢間唔係太特出。

你去過就知咩事,我係理工大學宿生,有好幾次和朋友們去食糖水,去到果個成日同明星影相既男老闆成日眼超超,態度又串.諗住叫野果時,條友淨係識數錢,無人理我地...其他店員又係串串貢,成日以為自己生意多到唔優做x!!!真係貼錢買難受野食都ok既,有創意不過我寧願過幾個街口食碗$6糖水好過

很久都沒有去過芝麻綠豆﹐今天突然很想吃甜品﹐於是在家吃過晚飯後便跟媽媽一起去*媽媽次次來都會點杏仁+芝麻糊﹐是因為芝麻糊太足料﹐口感太thick﹐吃多了便會"漏",所以便要杏仁+芝麻﹐一次可以吃到兩種香味﹐很香很滑很清甜。我點了燉奶﹔那個芝麻蛋白燉奶當然試過嘍,一黑一白混在一起,好好味﹔這麼久沒有來過﹐仍是唯持一貫的水準﹐伙計也應得我們﹐剛坐下便問﹕係咪又係杏仁芝麻多杏仁呀? 很有親切感﹐吃完很滿足。^^

《櫻桃小丸子》($20) ----- 依個甜品即係士多啤梨雪葩(其實係士多啤梨+雪之後,變左好似士多啤梨蓉咁既野)+5粒芝麻湯丸+多片切左片既香蕉整個甜品都係凍冰冰,包括士多啤梨蓉,湯丸同香蕉都係凍既,味道幾好,士多啤梨蓉甜甜地,湯丸凍食幾得意,如果係奶皇湯丸我會更喜歡,香蕉有少少生,可能太熟既話雪左唔夠硬啦《至Q三色椰汁冰》($23-25) ----- 個甜品名類似係依個,因朋友叫,唔太清楚Q 即係蒟蒻,有三種顏色,白+黃+橙,雖然唔太清楚佢地係咩味,但覺得三種色都唔同味,再加上椰汁,味道都唔錯,但冰就比較硬,可能天氣凍, 難溶d兩款甜品真係唔錯,朋友話好食過石磨坊好多倍,所以會再黎依到食, 只可惜天氣開始凍,需要食熱甜品了,依兩款《櫻桃小丸子+ 至Q三色椰汁冰》會留待天熱再試ps 獨家創既《芝麻蛋白燉鮮奶》好似好受歡迎,因我見台台都有食客order依個,而且台頭仲有教你點食先係好味不過今日既《芝麻蛋白燉鮮奶》味道就唔夠甜,同台兩位不相識既太太,都不約而同地向另一伴表示今日既《芝麻蛋白燉鮮奶》唔夠甜,好似冇落糖咁ps 唔知係咪有好多明人幫襯過,因為見到有好多明人歌星同店主或店員既合照

10/9下午,點了橙香桂花壤布甸&招牌芝麻綠豆爽爽冰:橙香桂花壤布甸$22-要了芒果味,都好細個食幾啖就無la,有d芒果粒粒,底層就有d紅豆粒,加了花奶會好味d,但食落唔係好覺有桂花味招牌芝麻綠豆爽爽冰$17-有d碎冰,芝麻爽爽好細粒,得好少,但好香芝麻味,咬下原來芝麻爽爽裡面有d白芝麻,唔怪之得敢重芝麻味la,底層就有綠豆蓉,味道ok la,但叫得招牌敢就....lee到d甜品都算有創意得來唔難食,都好過好幾間我之前幫襯過的甜品店,但價錢平番d 會更好

同朋友食完飯,有人提意去呢度食甜品,反正冇食過,一於去試下.因為我不太好糊類,所以要了楊枝甘露.都幾大碗下.好杰身,都好多料.好多芒果,柚子...味道唔錯.但係d柚有dd苦.不過都ok.朋友們要左芝麻糊.試左一啖.好香芝麻味,都幾滑.

街坊梗會支持地頭甜品~不過講真果句,呢度既甜品又真係幾好食芝麻糊比起一般出面食既較淡,不過d芝麻味真係好香~揚枝甘露好多芒果同柚肉,個芒果汁底好杰身,食完會覺得好滿足~~櫻桃小丸子d士多啤利雪芭好fresh,叫親呢個都會等耐d,不過係新鮮整,都值既呢度最近黎左個靚仔,果次叫外賣,縱使好多人等,都有顧及到我幫我落order,嘩哈哈~~~*

食完孝勢難得o黎開紅勘，當然要食埋芝麻綠豆啦!可能前晚食完車品品關係，心理上覺得d甜品冇以前咁好食。叫了3碗糖水兩個人share食。一碗芝麻糊加湯圓，好過大良八記同松記，不過與車品品相比就….；一碗自選撈野係木瓜蜜桃紅豆冰，紅豆都算大粒有咬口，不過生果唔係好多；另外一碗係綠豆沙，有好多海帶同茜米，完全沒有綠豆渣，我估係用開邊綠豆茸煲成，雖然好香不過我鍾意食傳統的綠豆少多d。

我是老顧客，因為由佢初初開未搬大舖時已開始幫襯，可惜佢的位置對我來講算是不便，所以每次只是多朋友一齊去才去，昨晚也不例外。可能是客太多要趕單，我叫的芝麻糊剛煮好但米漿未熟透，糖水仍見灰白及漲起；味道尚仍香濃也是不過不失，但小處還需多加注意呢！

今次係第二次嚟幫襯，試咗白芝麻雪耳杏仁露，幾好食嘅，d芝麻夠香，同杏仁露嘅味都幾夾，唔會太甜，值得一試。

之前見d人係咁讚佢有幾好，咁啱今日喺呢區行街，所以順便過去食番個甜品，睇吓有幾好。入到去當然試吓佢哋嘅招牌甜品─芝麻蛋白燉鮮奶，d蛋白淡淡哋幾滑，但係d芝麻湖就少得d。以前睇雜誌介紹話個碗底鋪滿芝麻湖，都呃人嘅！仲有，就係呢個甜品嘅份量幾細吓，如果跟佢個食法都ok啦！隔離張張枱嘅人都叫芝麻蛋白燉鮮奶，就知佢有幾受歡迎，但係我覺得無咩特別！反而喺九龍城一d唔出名嘅甜品鋪仲好過佢！ 嗰度好在地方夠大，一d都唔迫，得幾張枱，同埋裝修得好好，唔似一般嘅甜品鋪咁太過簡陋。

因為本人係住呢區,所以成日都會去食呢間甜品屋佢同其他甜品舖唔同之處就係佢整o既甜品都好創新,有自己風格我最鍾意食佢個芝麻糊+豆腐花..唔太甜,但涼爽爽,都幾好食,芝麻糊唔太杰同多水,恰到好處食完呢個通常再整多個沙冰,我鍾意食呢個,因為見到佢咁多顏色,食落去都開心好多!!!而家夏天食...wow!真係好消暑如果要彈呢間o野..係座位太少,地方太少,實在坐得唔舒服不過係人多先食得開心咁多人排隊,都証明佢係做得好服務幾ok,街坊同街坊傾偈價錢都大眾化

向紅磡經過試下,叫左芝麻糊.唔錯,口感同石磨坊差不多,而佢比較淡口d,而且冇濃味.鍾意淡口既可能會覺得佢更加好食.