芝麻綠豆甜品屋

营业中

休息中

我最鍾意食這裡的生果冰~ 真係好好味~ 可以配涼粉,又可以配西米,紅豆~ 好o岩夏天食~至於小丸子就無咩特別,可能兩者味道不太夾~

今日舊地重游..真的想不起幾耐之前幫襯過..但有種懷念的感覺!!!我同男友order左1).草莓小丸子---$20(2).芝蔴燉奶(凍食)---$16天氣好熱..所以連一向鍾情熱食甜品的男友也要揀凍食!!^.^先來芝蔴燉奶...呢個是這間舖的獨創招牌!但係...夏天食一0的都解吾到渴囉..哈哈!!反而覺得好漏..相反,另一個叫草莓小丸子的,一定是夏天必食的甜品!!草莓小丸子是由新鮮草莓同埋碎冰打成的刨冰状物體...食落酸酸甜甜...是一陣陣透心涼的感覺!再加上拌碟的香蕉和芝蔴湯圓...真係好味到"震"啊!下次去開黃埔,一定會再來幫襯!!

都去過幾次, 之前食白芝麻雪耳杏仁糊, 真係幾香幾滑, 又食過芝麻糊豆腐花, 都幾特別~ 今次食芒果撈綠豆芝麻爽, 好多芒果, 又多芝麻爽, 成碗野都match得唔錯, 又幾有口感, 只係$19~ good!!不過朋友既奇異果凍湯圓就普通, d湯圓好硬, d奇異果冰無乜味~仲有0個到真係好迫~~不困我都會鍾意佢多過石磨坊~~不過其實2間都好

如果行開紅磡，我一定不忘去探一探佢既甜品。香焦櫻桃小丸子湯圓$20~係我既心水，真係會食到透心涼架，而凍湯圓又特別有口感，d櫻桃味刨冰又清甜，第二度真係食唔到。芝麻蛋白又係一絕，蛋白香滑，內藏芝麻湖又係第二度食唔到既甜品，次次黎食都會叫架，永遠唔會令人失望。

除石磨坊以外…我覺得呢間o既糊類甜品都唔錯，最欣賞佢o既蛋白芝麻糊，男友每次來的指定甜品，其他創意甜品就未試過，所以唔知道味道如何，但單看賣相，都覺得會不錯！^o^

我一入去就有兩個侍應招呼我到5號檯坐，當我想叫野食時，個女水吧就出來招呼我，問我想食Ｄ乜野？我就叫左個凍既芝麻糊加湯丸，但忽然想試佢個櫻桃小丸子就問佢可唔可以改、當時我見到佢以經做左。但佢笑住咁話如果唔喜歡可以改過，最緊要食得開心。<br />其實不是你講得咁差喎……！！！可能人客太多招呼唔到又要快.........!!!

甜品有創意, 有別於其他甜品屋, 但其實味道才是主角, 未試過的不妨一試, 但不需專程為它而跑去紅磡, 試過一次都很足夠.　

甜品賣相比一般甜品屋精緻,命名較特別,芝麻蛋白燉鮮奶只不過係芝麻糊溝雙皮奶,哈! 撈埋一起就叫創新! "櫻桃小丸子" 即係士多啤梨+ 小芝麻湯丸+ 雪!個名可愛又叫創新! 哈哈! 做生意果然要出奇制勝!<br />甜品味道合格,但環境太迫,食完即刻收碗吹人埋單!全無服務可言!

我以前真係成日去幫趁佢地架, 事關老闆兩公婆既服務態度好好, 但自從果個肥女人出現, 又好不禮貌對客人, d 糖水越賣越稀, 水汪汪咁樣, 又貴唔抵吃, 於是我寧願拎多幾蚊, 搭車去松記吃無咁嬲lu~~~, 順帶一提, 松記既'奶皇湯圓' 好好好好好好好味架~~~~~~~~~~~~~~~

我本來叫小丸子後來轉左order (佢話未做可以轉既)咁我轉左奇異果芒果涼粉咁有個女待應好心同我講話的奇異果可能唔好食咁我緊係話唔要奇異果要其它生果啦個死肥婆即刻係廚房申個頭出來大大聲咁話"轉完未架我都係慢的啦都係一陣人地又轉"wah 咩態度我係customer 有權轉order既個時真係好想取消個order!!!!!!加上貴到死唔低食大家去松記好味好多仲平一半serviec好呢到百萬陪!!!!!

只吃過他的招牌甜豆芝麻旦白燉鮮奶, 我吃時亦跟足他的指示去吃, 先吃燉旦, 熱辣辣而且好滑, 再吃芝麻糊, 卻覺得不夠滑及有芝麻的香味, 最後攪埋一齊食, 都覺得幾得意, 味道都幾好, 整個甜品亦一d 都唔覺得甜, 係keep fit女仕好選擇。<br>另外我幸而沒有見到人見人憎的肥女人, 不過都係覺得服務一般。

我有錢比架~~~我係顧客, 鐘意將D糖水點撈就點撈, 佢一句窒埋黎:邊有人咁食架....跟住問都無問過我, 隨意收多我3元, 仲聲大夾兇住咁話: 我係呢度既事頭婆, 你唔洗睇MENU, 裡面無寫架....我當晚係將兩款同價糖水($12)撈成一碗, 咁比佢收左$15. 真係無嘜理由?我唔會再去, 除非果個肥婆消失左啦!

幾好食,但好貴,平平地兩個都要30幾落樓.

早排試左佢既招牌甜品-- 芝麻蛋白燉鮮奶.佢成間舖都貼滿instruction, 教人應該點食呢個甜品(即係先食蛋白燉鮮奶, 再食中間既芝麻糊, 最後撈埋食云云), 話可以試哂三種口味喎…我覺得呢個只係綽頭囉…因為就算照住呢個食法食左, 都唔覺得佢有咩特別…anyway, 撈下撈下都幾好玩既, 個燉鮮奶都夠滑, 而且間舖仲有好多其他古靈精怪既甜品, 下次都可以再去試下既~ (不過地方細左d, 幾迫~)

曾與朋友共4人光顧, 坐不到十分鐘, 因地方細坐位有限, 當有新客入來, 有女侍應(可能是老闆之一)便眼厲厲望著我們, 像用目光趕走我們, 有寶咩.