芝樂坊餐廳

黎呢度食野要當正自己係美國，因為佢跟足美國份量一樣。2個人真係叫2碟夠，但始終唔心息都係叫左3碟！係香港食西餐又咁大碟黎講真係唔算貴我係美國都食過，味道一樣keep到美國水準

前排星期日去咗海港城行街，之前星期日黎都無咩人，但果日竟然多人到爆，連停車場都 Full 咗 🤦🏻‍♂️ 行咗陣就決定早啲食晚飯因為怕要等位，商場咁多人都諗住會排到傻，點知竟然無人排隊 😝 正呀啱哂我。經過上次既經歷之後，今次都唔敢叫咁多，叫左德州墨西哥脆卷、芝樂坊漢堡同無敵紅絲絨芝士蛋糕。德州墨西哥脆卷 ($148) : 雖然係小食但都有幾多件，剛出爐熱辣辣既脆卷內有雞肉、玉米、黑豆、辣椒、洋蔥等材料，墊底係條狀既粟米片，而醬汁就有牛油果醬同蕃茄粒，唔點醬都好好食。芝樂坊漢堡 ($168) : 份量好大件，漢堡跟粗薯條，漢堡有芝士、芝士碎、番茄、牛肉等等材料，食落口感同味道都超正 🤤 勁滿足呀。無敵紅絲絨芝士蛋糕 ($82) : 甜品都好大件 😳 女仔食既話真係食一件都已經飽哂，味道方面自己覺得比較甜。Oreo 奶昔 ($79) : 每次嚟都會指定叫既飲品。

之前聽好多同事推薦，話佢地嘅Cheesecake同食物都好正，大件又好食；於是搵日Happy Friday去試，由於Receptionist話夜晚無得book位，所以我地就揀左lunch去食。由於一早book左枱嘅原故，去到只係等左幾分鐘，等待侍應嘅帶位就可以入座。我地2個人叫左一杯飲品、一個飯、一意粉跟餐，同一件蛋糕，完全忘記咗佢係一間美國餐廳；亦都高估左自己嘅食量。點完餐後好快就黎左餐湯同Oreo奶昔，奶昔大杯，好多Oreo碎碎，好好飲，不過老公就嫌有d過甜跟住上好香辣味嘅水牛城香辣雞翼，好大隻，食落好勁酸味又帶少少辣，好惹味意粉嘅檸檬忌廉汁配雞肉，酸酸地好開胃，雞肉好嫩滑蝦及雞肉雜燴濃湯飯都好正，配飯食一流，好好送飯，個汁好惹味，配上蝦、雞肉、司華力腸等等嘅配料，口感十分豐富。由於全部食物都好大份，但又想試埋佢地嘅芝士蛋糕，所以我地無夾硬食飽，飯、麵、雞翼各剩左一半打包拎走蛋糕都係同樣外國人size,好大份好濃朱古力味，不負期待，不過如果鍾意芝士味嘅朋友就唔建議叫呢款喇🙈後記：雖然係lunch繁忙時間，但店員服務態度都好好，feel到佢地就算多客忙都會盡量take care每一枱

‼️❤️ 記得CLICK我PROFILE關注我呀 ❤️‼️.🍰 Pineapple Upside-Down Cheesecake HKD82 @ 🌟 The Cheesecake Factory Hong Kong《👽食神大媽食甜品》⠀.⠀👽 大媽個人而言，覺得呢件只推出左一個月嘅新口味，系餐廳雲雲眾多口味之中最好味嘅一款！🤩 拿，除非你本身討厭菠蘿，否則，你就算唔覺得佢最好味，但我都有信心妳會覺得佢系名列前茅之選。😎⠀.⠀🍍 幾乎家家戶戶都食過嘅Pineapple Upside-Down Cake，起呢度，直接變成Pineapple Upside-Down Cheesecake 🤣 平時兩層牛油蛋糕包住菠蘿就算，呢件？中間全層系菠蘿芝士蛋糕！菠蘿完美和諧地將芝士嘅膩帶走，同埋菠蘿絕對無藥水味❗️重點中嘅重點❗️佢兩層buttercake系濕潤架！唔系乾曾曾咬落有碎跌落黎嗰種！.👹 呢個耶邪惡指數繼續爆燈，但大媽一於奉行越邪惡越快樂原則，已經食第三次啦 😬✌️⠀.📍 尖沙咀廣東道25號海港城港威商場地下G102號鋪⠀☎️ +(852)2791-6628.‼️❤️ 記得CLICK我PROFILE關注我呀 ❤️

原來而家The Cheesecake Factory 都仲係好多人食，夜晚六點去到話要等兩個鐘即係8:00先至號再返嚟，真係多人到極點啊！不過好彩8:00嘅時候都即刻有位，唔會失咗預算。今次嗌左三樣嘢，沙律、路易威炸雞扒蝴蝶粉同一個泰式咖喱飯🍛真係每一樣菜式都係大大份好大碟。好新鮮嘅沙律菜，好開胃。 creamy醬汁，少少香辣好滋味！炸雞係好薄切嘅所以食落呢就唔唔算好有咬口，但勝在佢用嘅炸粉好幼細，其實都幾好食！呢一疊係嗌嘅時候唔知原來係類似泰式風味，而佢又真係住得同喺泰國食嘅味道係一樣嘅！🤣個咖喱係偏向甜少少辣嘅泰式咖喱，連埋啲雞球呢撈埋一齊食真係可以食晒㗎！

前一排去咗尖沙咀同朋友一齊食生日飯，當日沒有復位直接walk-in 也有位置，餐廳十分之大，所以即使排隊都應該好快到。餐廳格局好似去咗外國餐廳，而且啲staff大部份都係講英文，真係好似去左外國咁😂講啲嘢食先，我哋叫咗都幾多嘢食不過唔係好記得左啲名，所以大家睇住圖先啦‼️‼️啲意粉真係好大碟（3個人食都夠）呢個水牛城雞翼真係超級唔建議大家食。味道奇怪😅😅食完一小淡已經無人再掂過，4個人同時感到失望，真的不了不了。。。

疫情下又去幫襯多次今次係lunch 時間去冇以前排哂長龍既畫面去到即刻就有檯平日有lunch set 其實係多左沙律同多杯野飲另外叫左buffalo wings （每次去都必點！）最後再叫左個Original cheese cake (超heavy , 建議兩個人share )加哂pat cream 真係好正之前都試過其他味始終覺得原味最好食其他個d係仲heavy 原味感覺清爽d 其實女仔去食呢間野一個Main course 同一個cheesecake 可以兩個share 都已經好飽D野真係好大碟😂

早前和朋友過來一齊慶祝生日，因為他們很想來吃芝士蛋糕！這間餐廳有很多菜式，我們叫了意粉，薄餅，雞柳，還吃了幾件芝士蛋糕，我們覺得原味芝士蛋糕最好吃，焦糖芝士蛋糕有點甜。但價錢很划算，可以一試。

今次再到呢間試多啲唔同既野 發現主菜真係好出色！🥳 4個人淨係可以試到3個主菜 同樣一黎到就會有個餐包同牛油 黑糖餐包真係非常好味 甜甜地再配牛油既香味 呢個辣肉腸pizza 🍕辣肉腸既份量好多 芝士既份量亦都好多 但係2樣嘢加埋口味有啲寡 不過勝在有麵粉香 之前試過乜都有pizza 個個配料多啲 比較推介個個烤蒜雞肉蝴蝶粉 好好味！份量超大一班人share 就最好不過 芝士汁平均沾上每一粒蝴蝶粉上面 雞肉既份量都好多呀～Tacos 🌮 w/ 雞肉 莎莎醬調配得好好味 酸酸甜甜咁蕃茄粒好清新 面頭仲有好大pat 牛油果醬 成件事昇華左好creamy 😋😋😛❤️

限制兩小時用膳冇問題…… 但係個廚房師傅驚我哋趕時間咁 …… 我哋兩個女仔淨係叫咗一個pasta同一個小食，同埋一個cheesecake.....份量好大!重點我想講…… 嗰個 烤蒜雞肉蝴蝶粉 好似求其淥咗一淥，淋啲汁上去咁就算， 啲蝴蝶粉硬到冇朋友！！ 另外小食 脆炸芝士角 入面嗰嚿芝士真係「一嚿」完整，完全冇溶過！ 最後dessert , Ultra Red Velvet cheese cake..... 因為朋友本身好鍾意食Red Velvet cake, 所以特登嚟試下, 結果呢一個cheesecake完全唔係嗰回事..... 總之 …… 食完呢餐飯覺得超級滯！我諗我地都唔會再嚟！

泥間餐廳係尖沙咀都幾出名 🙈所以泥食嘢嘅人都好多 今次食飯 差唔多等咗一個半鐘先有位👉🏻👈🏻今次叫左個pasta 🍝一個小食 🌮一支white wine 🍾同一件 chocolate cheesecake🍰 三個人share 因為份量都算大 所以share 食 都夠飽 👍🏻極力推薦餐廳嘅cheesecake 雖然有d甜 但口感一流 😋由入餐廳開始到結帳 服務員嘅態度都好好 😌另外餐廳嘅環境 雖然燈光有d暗 但就因為咁樣 個氣氛都唔錯😊

呢間餐廳日日晚上都好多人，等星期三去，大約都要等1個鐘，成間鋪燈光比較暗，我地坐左高圓檯，每一張枱都放有小蠟燭，好有情調。餐廳中英文，店員大部都是外籍人士，所以落單基本上英文溝通。我地2位總共點左3樣野食，本身想再點pizza，但店員好貼心同我地講，已經好多野食，先食左先，吾夠再叫。點知樣樣野食都好多份，好抵食雞肉香蒜檸檬忌廉意粉，必食，推介👍🏻👍🏻超多汁，個汁味道酸酸甜甜，十分開胃，吾會覺得好油膩，但雖一覺得雞肉 比較乾身，冇乜肉汁但整體個意粉，我好中意。水牛城香辣雞翼重口味之選，好濃醬汁，而且份量好多，唔怪之得店員叫我地食完唔夠先再下單，2個人食 我覺得份量太多。芝士安格斯漢堡配薯條漢堡包好好食，多肉汁，而且比較多酸瓜，薯條不是粗薯條，但都熱辣辣，不錯👍🏻由於今次太飽，沒有試皇牌cheese cake 下次一定要點，聽說是必食產品之一

今日天氣唔好，天陰陰，所以出左tst, 行下商場就算。晚餐選左之前一直想試嘅cheesecake factory, 5:45 pm 黎到，唔駛等位, 用餐時間有2個鐘。Environment - vintage style 佢起菜速度好快，差唔多15分鐘就黎齊食物，碟係有温度嘅，呢點值得一讚。Snacks - baffalo wings - 記得要sauce on the side, 因為佢分別有blue cheese sauce 同一個好似某西式辣椒版嘅sauce。 blue cheese sauce 係好濃, 濃到有溴，blue cheese 愛好者會好鐘意。chilly sauce 則偏sour 。雞翼有wings 有槌，約8-10 件，炸得唔油幾好嘅，小妹略嫌醃得唔夠。Pasta - spagetti with chicken breast, garlic and lemon sauceChicken breast 好嫩，cheesy sauce 都唔膩又香，温度夠，spaghetti 都 al dende。唯一美中不足係lemon sauce 有點多，搶左味，有啲酸左點。Si

開咗咁耐，終於有機會嚟食啦！主要想食芝士蛋糕，所以今晚四個人叫咗三個小食，+3個芝士蛋糕😂⭐️芝樂坊粟米片上面有好多芝士，一對牛油果醬，一對酸忌廉等等賣相相當吸引，而且份量相當大，4個人最後都食唔晒😂⭐️水牛城香辣雞翼呢度嘅水牛城醬汁真係比較難，而且係酸啲嘅，我可以配埋芝士醬食，仲有西芹條都好似足美國嘅餐廳！⭐️香脆蟹肉球份量比想像中細，不過一咬落口真係食到絲絲蟹肉都唔錯嘅！⭐️話明係Cheesecake Factory 顧名思義就梗係有好多款蛋糕揀啦！我哋一共叫咗三款蛋糕🍰每一款上面都會跟埋忌廉。⭐️Godiva 朱古力芝士蛋糕超濃郁嘅朱古力味，配埋朱古力慕絲，好食呢😋⭐️無敵紅絲絨芝士蛋糕我覺得三個之中呢個最好食，紅絲絨蛋糕佔嘅比例雖然比較細，但係佢係十分之軟綿綿！外面充滿忌廉芝士糖霜😋⭐️芒果青檸芝士蛋糕呢個嘅芝士比例最重，所以我哋都食唔晒會比較漏佢仲有勁多款蛋糕，都好想試，不過由於差唔多全部野都有芝士，所以會食到好漏，好快飽！適合多人聚會，大家share可以試多幾樣食物。餐廳嘅裝修亦都好有美國風格坐得好舒服！

以前我成日食呢間餐廳好鍾意食覺得質素都唔錯✔️同埋嘢食大大返夾抵食尖沙咀有冇乜嘢特別想食今日再嚟試多次😝覺得品質冇以前咁好不過間唔中食下都可以芝士蛋糕選擇多☺️如果真係掛住美式嘢食嘅話我都覺得可以試吓佢