芝加哥串燒酒場 (太和中心)

营业中

休息中

大埔食串燒地方唔多朋友介紹咗一間串燒酒場俾我可以食住串燒飲酒吹水岩哂一大班朋友串燒即叫即燒 等十數分鐘吹住水都好易過-燒三文魚柳 $58@1三文魚柳好厚肉 肉質實淨 咬落口滑嫩-鹽燒鯖魚 $35@1燒至微焦 好香口燒出來好香鯖魚油脂味 啖啖肉-燒紫菜年糕串 $25@1年糕外脆內裡綿綿 用嘅醬汁好香-秘製風味羊肉串 $19@1少少辣嘅羊肉串 唔會太羶-招牌茄子燒 $32@1果然是招牌菜 茄子燒得正合火候上面有少少香蒜同炸蒜 好惹味-玉子燒 $32@1好甜嘅玉子燒 有濃郁蛋味-新鮮翠肉瓜 $15@1翠肉瓜燒得汁液都鎖到裡面 好清新的感覺-Cocktails Snow Ball $78雞蛋酒 好甜 適合女生飲-Fresh Up $78好勁薄荷味 仲有通透的藍色-Kirin Ichiban Frozen Beer 原味 $82@1上面有像雪糕的厚泡沫 帶苦 連啤酒飲落口幾爽

🔎芝加哥串燒酒場 (大埔) 💛 #黃店系列📍大埔太和路24號太和中心地下37號舖-💛11.11罷工、早前有催淚彈串燒、店內文宣好耐之前食過一次 今次去左第二間分店 呢間仲要大d舒服d 依家仲要係黃店 要大力懲罰！🔹蒲燒鰻魚 $68🔹燒汁牛仔骨 $45🔝🔹韭菜燒 $15🔹燒大啡菇 $29🔝🔹燒牛油帆立貝 $33🔹金菇牛肉卷 $28🔹招牌茄子燒 $32$68咁大條都幾抵食 味道都夠 但有少少骨🔹香草芝士焗雜菌 $39要襯熱食 如果唔係d芝士會痴實哂🔹San Miguel Cerveza Negra $52/HH食串燒點都要配返杯啤酒 我個人就鐘意飲黑啤 麥味濃好好飲🔹Mangners Original Apple Cider $56唔想飲酒但又唔想咁dry都有apple cider揀每款食物都唔馬虎 調味唔會太重 保留食物嘅原味 價錢都合理 我個人就最鐘意牛仔骨同大啡菇🤤 可以encore！

今日約咗朋友食飯，想搵個好d地方坐下，傾吓計，就決定去芝加哥串燒酒場食串燒，飲啤酒，相聚一下。之前亦都去過呢一間串燒酒吧，食物性價比高，串燒來說不算太貴，都係大約$20左右就有一串，而且食物質素頗高，味道很不錯，所以今日就順道介紹朋友都去試吓。這裏的串燒選擇非常多，就咁望上去餐牌已經很吸引。串燒更可以選擇不同辣度，個人認為食少辣可以食到原汁原味，但又帶點香氣。蒲燒鰻魚$68鰻魚夠大塊，而且厚身，鰻魚燒汁弄得非常靚，賣相很吸引。鰻魚燒得香口，每一口都充滿魚油，濃郁惹味。秘製風味羊肉串$18很有風味，調味不錯，羊肉入口不覺得騷。味噌甲羅燒 $42蟹殼裡裝滿蟹膏，再加上一隻新鮮雞蛋，攪拌一起，鮮味無比。滑溜的蛋汁配上鹹香蟹膏，一啖入口，滿足！黑糖雞髀肉串 $18雞肉十分嫩滑，配以黑糖燒汁，燒得些少焦香，恰到好處，甜而不膩。燒雞翅包飯 $18這個是必食推介！蜜糖雞翅裡釀了煙韌的糯米飯，雞肉的甜味都慘入飯之中，香氣十足。怕食串燒不夠飯的人，絕對可以點兩件，飽肚之選！招牌燒茄子 $30茄子上的調味非常足料！香蒜，蔥花，辣粉，惹味濃郁，不會過鹹！燒完仍帶有茄子濕潤水份！香草芝士焗雜菇 $38上面舖滿

今晚屋企無煮飯 就去屋企附近嘅芝加哥串燒酒場食嘢可能大家唔知道 呢到係有碗飯食架！我同家人就叫咗兩個飯同埋兩個小食👍🏻-燒黑松露帶子珍珠飯 HKD98珍珠飯好香 好飽滿 粒粒分明帶子有微微燒過所以帶子汁係鎖住係入面唔會乾 好juicy加埋黑松露入口 好香而且拌飯醬汁都好好味-蒲燒原條鰻魚珍珠飯 HKD78有原條鰻魚好抵食！鰻魚肉質仲要非常厚實唔會太軟腍 有咬口蒲燒醬汁好香甜想encore！-燒雞翅包肉 HKD19 x 2將豬肉餡釀入雞翅中再燒熟雞翅包肉 咬落去啖啖肉 好多肉汁

今日同男朋友兩個人啤一啤🍻食下串燒😋酒吧寬躺坐座舒適食物種類繁多🙆‍♀️🙆‍♀️🙆‍♀️海鮮類....雞類..牛類...豬類...炸物...飯類都有啊燒茄子-非常出色，外脆內軟，上面既蒜頭脆脆地，茄子肉軟熟，配香蔥非常香口芝士焗生蠔-生蠔大大粒好Juice🤤🤤🤤健力士黑啤豬肉腸-意想不到地好食，非常香黑啤味燒鵝肝串-好香口，好好食😋黑松露燒蝦-濃郁黑松露味燒雞皮-脆卜卜紫菜年糕-不錯啊🤗外脆內煙韌

餐廳：芝加哥串燒酒場 (大埔)地址：大埔太和路24號太和中心地下37號舖為左食黃店可以去到幾盡？呢大半年唔開心同擔心嘅事情特別多😔，除左最重要倚靠我嘅上帝🙏，都好應該聽下pop music飲少量酒(唔係醉酒/酗酒呀)🍺，比自己relax下☺️，所以今晚專程去到大埔嘅黃店酒吧享受一個人嘅浪漫之餘支持一下黃色經濟圈先叫返個Red Horse Draught($68 for happy hour)，「紅馬」係區內比較少有嘅菲律賓啤酒品牌🇵🇭， 呢款啤酒係2014仲拎過澳大利亞啤酒節嘅金獎🏆，酒精濃度比一般啤酒高少少，配埋香脆花生🥜就緊係絕配啦黎到黃餐廳當然要試下呢到嘅「黃食物」啦🎗，大家估唔估到呢個超級催淚彈($22)係咩呢？其實係鵪鶉蛋加Wasabi粉，唔怪得叫催淚彈啦😂，攻鼻嘅感覺真係好令人難忘另外試嘅係餐廳嘅招牌菜茄子燒🍆($32)，燒好再加醃製左嘅原條茄子燒非常香🤤，蒜粒、蔥、仲有孜然香令平平無奇嘅茄子變得不再一樣，值得一試👍🏼。另外仲叫左個燒羊架($35)🐑，有唔同生熟程度，我就揀左全熟，仲有薄荷汁配搭🌱，好滋味最後叫咗個燒宮崎雞腿扒珍珠飯($68)🐔，以酒吧餐廳黎講呢個價錢都算平😍

款式非常之多尤其是係海鮮!!!上菜速度都好快!!! 我同老公每人嗌咗一杯cocktail我個杯係 玫瑰味嘅好啱lady飲😌我老公嗌咗杯菠蘿椰奶 !!超正!!! 酒精濃度唔係太高!!又甜!!又香串燒我最鍾意嘅就係佢哋嘅 燒鮑魚 同埋 王牌燒茄子 !!味道好濃好新鮮😍魔王最愛係 羊架 成隻佢竟然食哂 仲要唔夠😂😂要再食而我老公一定要飯既人!!叫左個 安格斯牛肉珍珠飯 都幾大碗嫁，我老公對佢個評價都唔錯🤗牛肉好林，醬汁好惹味仲個 芝士蒜蓉雜菇都 勁正😂拉絲啊～芝士控請勿錯過!!總括嚟講鋪頭細細，但係服務好好亦都好有禮貌好乾淨!!嘢食有水準!!😂令我不停想加單

去了大埔消遣。這家位於太和的餐廳，食物類別不多，只有酒和串燒，立即睇下質素如何。來到先叫兩款酒！這兩款手工啤，價錢相宜，睇到就點了。這款手工啤更加重澀味，有回甘味，再試一口些許青瓜的青新感覺！Little Creatures Pale Ale ($46)另一款手工啤感覺較甜，更突顯果味，依然有些許澀味，青爽！我們點了多款串燒，有辣有不辣，不辣是鹽燒，略帶鹹香，能顯出食物的鮮味，選擇了不辣的味道。培根年糕卷 ($19)香蔥燒豐殼扇貝 ($39)燒雞翼雞包飯 ($18)雞翼中間推滿了飯，吸收了雞肉的油份和精英，香口味美！炭燒豬頸肉 ($19)爽口有硬口，不錯。大蔥雞脾肉串 ($18)香口又有肉味。鹽燒牛舌心 ($29)牛舌燒是我的串燒至愛之一，既香味又爽口。日本一口番薯仔燒 ($18)香甜又香口，燒番薯把甜味都逼了出來！香草芝士焗雜菌 ($38)芝士加雜菌，芝士融在雜菌之上，味道唔錯，愈底層愈香濃。一餐的時間，不錯的串燒，不錯的手工啤，坐下傾下計，分享一下近況，又是一個週末！

都有一段時間冇出街睇波，趁着週末有時間同朋友一齊睇英超，朋友介紹呢度嘅串燒好高水準，泊車又方便，便同佢一齊喺度睇波食嘢。先來一杯手工啤酒Samuel Adams Boston ，層次果然複雜，但係有少少麥芽嘅甜味，有少少回甘，口感順滑，有特色。因為揸車唔飲得太多酒，另外叫咗一杯Apple cider 。香蒜燒巨型聖子、芝士燒廣島蠔、雞泡魚乾一個拼盤上好吸引；聖子真係好大隻，燒完縮水後都有好多肉。廣島蠔Size 亦唔細，淡淡蠔肉，加上芝士燒都幾邪惡。雞泡魚乾係我最愛嘅小食之一，味道鮮甜，香味十足，餸酒之選。燒羊架亦都係水準之作，羊肉味濃，肉質嫩滑，又淋。汁燒銀雪魚賣相吸引，唔會太乾身，亦唔會太咸。

琴晚去左大埔探fd,夜夜地唸緊食咩好，點知經過太和見到有間好似酒吧既、又有野食既岩哂呢個時段食消夜啦。跟著入到去原來有串燒食架，好岩我口味，餐牌既野食都夠哂多元化：燒海鮮、牛肉、羊架、大啡菇等等....仲可以叫唔同特色既酒添。餐廳既環境氣氛一流，入到去已經有部大電視比人可以睇波，周圍好乾淨、氣氛好好。一邊食嘢一邊睇波好正！我同個女仔fd第一時間叫左杯桃味啤酒，好特別，飲落清清地、有淡淡既桃味、好大杯可以慢慢飲。真係好岩唔飲得多酒精既女仔飲呀串燒方面首先食左燒茄子，真係好有驚喜，好出色！個茄子燒得好入味、蒜蓉同蔥配搭得好好、熟度岩岩好、連皮都食埋呀我地叫中辣，佢仲會另配一碟辣椒蒜蓉既野比我地自行再加，好惹味！跟著蒜蓉燒生蠔都好出色，我地一人一隻，隻蠔燒到脹卜卜，食落都好夠味道，鮮嫩多汁得尼唔會過熟，好岩我口味。燒牛扒，我個fd好中意食，因為薄薄地好有咬口，而且唔會過熟、食落好腍。而我就好鐘意食燒大啡菇，燒得岩岩好，成個感覺好juicy,豐富我味蕾！鵝肝串燒，我都估唔到原來可以咁燒法，都好正，係我至愛。如果怕濟，食埋燒波羅就岩哂、好fresh、好juicy!至於原條燒黃立倉魚當然係壓軸嘅，

星期四晚黎左大埔,放工入到黎都差唔多9點,同朋友食左野先上佢屋企去左佢屋企附近一間酒吧餐廳,依度叫芝加哥串燒酒場,應該係食串燒為主不過裝潢係酒吧模式,幾特別可能我地算夜黎到,餐廳唔算多人,我地可以坐近門口位,方便傾計啤酒選擇都多,可惜第2日要返工,所以無飲酒叫左好多肉類既野食,串燒都係肉類先好食,依度既野食都無失望雞軟骨同雞肉好有肉味,燒得幾香魚類好新鮮.加汁燒好好味雞翼之後到,好香口羊扒都夠曬羶香價錢唔算貴,不過因為趕住去朋友度,食完就走LU

好耐冇食串燒，喺網上search完就決定呢一間食，剛到舖時見到已經有好多人食，心諗應該都唔會伏食串燒點可以冇酒，但我同男朋友都唔好啤酒，所以就叫左桃酒，仲有好多其他sake 揀，呢一支酒精濃度得3%，清香甘甜易入口最先上嘅係呢四樣嘢，分別係黑松露芝士蝦、燒豬頸肉、燒原條鰻魚、蒜香鮑魚，海鮮方面大多數都好鮮甜有汁，唔會燒到乾晒，調味亦都唔會蓋過佢嘅鮮味。豬頸肉肥瘦適中，唔會太咸佢哋嘅招牌燒茄子，調味一流，唔會燒到乾晒，調味仲有孜然粉，鮮甜茄子值得一試🍆環境都算舒適，燈光偏暗，好適合傾計

今日我銅鑼灣食神出發前往大埔，前往好多人讚嘅夾芝加哥串燒.我比較少好似去酒吧食嘢咁，這段比我感覺幾好，有歌聽有波睇，感覺好relax。去串燒店梗係要食串燒啦。我就叫咗九串。唔係講笑嗰個黑松露蝦非常好食，記得趁熱食。燒鵪鶉蛋都好特別，可以一試。其他食品平均都好好，都冇乜中伏，當然仲叫咗我最喜歡嘅鴨唎呀，其中令我難忘的，我叫咗杯Motijo(呢杯野好清喉嚨，食香口食品同埋食煙都好夾）。我同佢講我揸車唔飲得好多酒，佢特登將酒分開上，等我少少咁加，非常細心，我最鍾意就係有Heart！值得一讚！因為我揸車附近都有得拍下車，有車的人係一個幾好嘅選擇！值得一試！

今日天氣又涼返少少，想食串燒既心就忽發其想地湧出來了。經過太和，搵間最多人食既串燒間就無死啦！so lucky 我既位都可以睇埋球賽⚽️Chill 必備既大螢幕球賽！室內環境十分好feel!好多日本酒呀！嚮呀！有幾款珍藏版都可以係到見到。主食多當然唔少的啦！烤魷魚，燒茄子，燒春魚（我有encore)都好好食！值的一值再試既！有不同的辣度可以選擇！本人簡左bb辣同埋中辣，中辣有點過了，所以平時食小辣會好d!又點會少的佢！呢杯係檸檬梳打！糖漿另上既！自己簡甜度啦！好飲哦！交通算方便！地鐵巴士都到附近。食完歸家都方便！

我同啲大埔friend發現咗一個睇波好去處，就係喺太和路嘅芝加哥串燒酒埸！今季嘅利物浦奪冠之路多數都喺呢度渡過！事關呢間吧除咗可以瘋瘋狂狂飲啤酒之外，仲有精㮹嘅手工啤，加上啲燒物都好馳名！我每次都必食 招牌燒茄子，大大隻的茄子🍆原隻開邊燒.....外邊焦焦地、裏面燒到D纖維剛剛融化，加上大量嘅蒜蓉，真係流晒口水！仲有燒雞翅包飯🐣，雞翼嘅外殼脹卜卜肥嘟嘟爆趣，裏面係炒過嘅糯米飯.....形成強烈對比，同埋真係好俾心機呀！今次我飲咗西柚手工啤🍺，個香味好濃，帶點苦澀....比一般酒多左層次！愛隊仲有四場就捧杯🏆啦，到時繼續黎依度狂歡🎉 狂飲狂食！