芝加哥串燒酒場 (太和中心)

营业中

休息中

雖然近期疫情持續但無損我哋開開心心去暢飲嘅心情！當然唔會超過正苦限定人數啦！住大埔個朋友介紹我哋今次去呢度happy吓🥳🥳幾個朋友飲吓酒食住串燒吹吓水一樂也🙌🏼🙌🏼一去到就見到餐牌好多選擇喎🤤唔講咁多梗係每人叫杯嘢飲傾吓計先😈Snowball🍹大杯到飲唔晒😆Kirin beer🍺 同串燒真係絕配而且又夠大杯...Pina Colada我最鍾意椰子🥥味👍🏽...Campari Orange濃濃水果味中帶點酒澀味🍸串燒方面大大話話成四五十款😱磯燒牛扒🥩鴨舌👅棉花糖🍬大啡菇🍄菠蘿🍍芝士雞脾肉串🧀雞翼🐥雞軟骨🦴真係應有盡有！而且即叫即燒好鬼好食😋

今日收工嚟大埔飲野鬆一鬆，發現呢間酒吧，同樣又係餐廳，仲有不同款式嘅串燒食，即刻入嚟試試。叫咗幾杯酒精類飲品，當然不可決少是我最愛的Snow Ball。好抵飲，$78大大杯，食完成餐飯，慢慢坐下傾下，都仲未飲得哂，超值。除咗酒類，仲叫咗好多款串燒，即叫即燒，熱辣辣，仲有辣度選擇👍🏻呢度好有氣氛，食物多款好食。當中要提下，連最簡單基本的燒菠蘿，都燒到好多汁，唔會乾哂，三五知己，下次都一定會再嚟呢度摸下酒杯。

過嚟太和探朋友，順便吃晚餐好想吃玉子燒，所以朋友便帶我來這間店試試～「燒紫菜年糕串」$25 年糕口感煙銀，配上咸香嘅燒汁，味道不錯「玉子燒」$32 玉子外皮香脆，內裏保持嫩滑的口感，軟綿綿的，很好味呢，食完後忍不住馬上再encore了一份「鳳梨燒」$19 現烤新鮮菠蘿，味道略帶點酸「蜜汁燒黑豚肉」$39 黑豚肉保留了juicy肉汁，肉質鮮嫩，一啲都唔會烤得過熟，香甜嘅蜜汁包裹着黑豚肉，味道很好「鹽燒鯖魚」$35 鯖魚外皮香脆，魚肉鮮嫩，沾上豉油吃味道一流，剎那間好想有一碗白飯伴着吃～「香蔥燒半殼扇貝」$39兩隻「招牌燒茄子」$32 茄子配上蔥花、香蒜一起香烤，超級juicy又惹味

差不多宵夜時間嚟到大埔，行過太和中心原來有間芝加哥串燒酒場。我地叫左6樣燒物，其中最最最推介俾唔食魚既朋友就係條燒喜知次一夜干，非常驚喜肉很甜，絕對一d都唔腥👍.另外幾樣仲試左燒汁銀鱈魚，香蒜芝士燒大虎蝦，鹽燒多春魚，燒汁牛仔骨，枝豆，同埋情人最愛既日本一口蕃薯仔。本來還期待住大啡菇，可能太好生意漏了單，唯有下次再去食喜知次既時候再試啦😁。最後埋單時，侍應哥哥突然送上兩杯泡泡Kirin Ichiban話請我地飲，很窩心，見過咁多次都未試過，原來係甜咖好好味啊👍

今日係我一個好朋友既生日，想同佢談天加飲返杯，大家都住大埔，我就話不如黎呢度食，傾成晚，同佢食餐生日飯呢一間我都黎過幾次了，串燒good，氣氛同飲酒又夾，所以一年都想黎幾次，3個月前黎完，今晚再黎食多次！以酒吧來講，提供嘅串燒種類選擇非常多，而且質素有返咁上下，今次仲見到一啲新菜式，前幾次來的時候，都冇一啲主食，今次見到有飯類既食物，可以食埋晚餐都仲得，有咁多選擇嘅情況，我同我朋友最後食下坐下飲下坐成四個鐘😂😂呢道既cider都幾值得試下，唔洗次次都飲beer咁悶，我試左magners & angry orchard，兩杯好有果味既汽酒，易入口，幾好飲串燒真係叫左好多，每樣都燒得剛剛好，唔會太焦都唔會太韌，本來想Encall, 但食到好飽已經咁樣圍返起都係total $500左右，係幾抵食，得閒又想再黎食下！

又到「媽媽鬆一鬆」時間！上星期拜託家人照顧小朋友，和老公外出吃了餐「嘆飯」。上「開飯」見附近有一間食店有招牌燒茄子，特意來一試。點了燒扇貝、燒秋葵、黑松露薯條、香草芝士焗雜菌、燒茄子、鹽燒雞翼、蒲燒鰻魚飯、燒蠔和烤黑松露蝦。另加了桃味啤酒和蘋果酒。蘋果酒好重蘋果味好甜，適合女生，是我杯茶呢！桃味啤酒反而桃味偏淡。扇貝沒有燒過火，肉質不韌。但最驚喜的是燒秋葵，從沒試過秋葵和孜然粉會如此相配，完全將草青味遮住，好惹味好爽！大家都推介的茄子燒，沒有失望，香蒜味濃，好惹味，份量亦大，兩至三個人吃剛好。原條燒鰻魚，可單點或選配珍珠飯，我選擇了後者，因為鰻魚汁較濃味，單點吃多了可能會膩，但配上珍珠飯就恰到好處，重點是整條鰻魚均吃不出有碎骨，我最怕是碎骨了，推介！黑松露薯條好香脆，有淡淡黑松露味的薯條配上沙律醬，好好味！一個人吃了大半碟！芝士烤雜菌、鹽燒雞翼、燒蠔和烤黑松露蝦都不錯，特別是蝦，中間加了黑松露，好香，蝦殻燒到好脆，可以整隻吃下去！下次來要試下京蔥串，本身很喜歡京蔥，但今晚太飽了！

點解我會’舉杯暢飲串燒好吸引’做今次嘅主題呢，原因好簡單，依度同朋友輕鬆下吹下水食吓嘢嘅的好地方喔！❤️地舖方便，大大個門口，感覺好好開陽呀，傾偈都傾得開懷啲😊重有電視直播，有得睇波⚽️👍🏻👍🏻👍🏻❤️佢啲生啤有好多種類，今次我選擇咗KIRIN ICHIBAN 嘅桃味，麥味加上甜甜蜜蜜嘅桃味，好易入口，爽呀！我朋友就叫咗杯無酒精啤酒🍻，你無睇錯，係無酒精飲品嚟架🍺❤️燒物成盤上，全部都熱辣辣，香噴噴，等我重點咁推介給大家啦🎀芝士生蠔，新鮮甜美！🎀燒原條茄，食多多都唔怕肥！🎀燒白鱔，皮脆唔鯹！🎀燒牛舌心，牛味十足好嫩滑呀！🎀燒雞翅包肉，無骨啖啖肉！🎀羊架，肉汁鮮嫩，食到停唔到口呀！

同男友放工後去太和中心覓食，見到有間ＢＡＲ叫芝加哥串燒酒場，好似幾得意咁，價錢又唔貴，就入去試下。餐廳係典型既酒吧格局，燈光偏暗，最盡頭係廚房，廚師喺玻璃後面燒串燒，啲油煙味隔到幾好，我地又坐近門口，完全聞唔到，食飽亦唔覺啲衫有味。餐牌有齊晒食物相自己ＴＩＣＫ，唔駛驚自己諗既同現實有出入。我地兩個都唔鍾意飲酒，所以叫咗一杯橙汁一枝無酒精啤酒。無酒精啤酒飲落唔會話太多氣，我本身都唔鍾意飲汽水所以覺得都唔錯。食物方面呢我地都係叫啲大路既串燒啦，特別想讚下佢個蜜汁豚肉，真係又腍又ＪＵＩＣＹ；豬頸肉串夠爽口，又唔會燒到乾晒，蘆筍一串有好多條，亦都ＫＥＥＰ到啲水份。其他就我覺得正常串燒店水準啦～

原先到大埔是為了涮魚頭鍋的，但目標餐廳沒有營業，只好附近找替代，路經《芝加哥酒場》，發覺人山人海的，即時停步入座！氣氛熱鬧，座無虛席！有大電視可以一起看球賽；還有少許戶外座位，最合煙民一族！點了酒精度較底的 angry orchard crisp apple cider $46，啤酒味道清淡，蘋果味濃，不禁都飲了兩大杯 👍💖💖有意外驚喜的燒喜之次一夜干 $98，一夜干的喜之次，魚味鮮香，皮下魚肉雪白，好味道。串燒、烤肉都是佐酒良配，有酒有肉有朋友，人生樂事！隨意點了幾款烤肉，這份宮畸去骨雞腿 $34，皮脆肉香，雞肉保留少許肉汁，還可加點醬汁，啖啖肉的，這個價位是十盆抵食。秘製風味羊肉串 $19及一口和牛串 $29，味道還算不錯。金菇牛肉卷 $28，是偏愛的菜式，牛肉唔韌，加上金菇，習慣的味道與口感。蜜汁燒黑豚肉 $39，肉質鬆軟，大件抵食，外層醬汁烤過後更是惹味，佐酒的好拍檔。炭燒豬頸肉 $19，細細件，一啖一件，味道也很好。燒大啡菇 $29，有創意的鵪鶉蛋加煙肉的配搭，味道口感即時提升，效果理想。蒲燒原條曼魚珍珠飯 $78，鰻魚鬆化，蒲燒汁滋味，加上熱騰騰的珍珠飯， 飽肚實際。開心抵

與舊朋友在她家附近約會見面，找到這家小小的酒吧，我們都不喜歡太熱鬧和擠迫的環境，於是便進來試試，餐牌的食物頗吸引，我們每人點了一杯apple cider，店員推介他們有兩款，一款較甜濃味和甜，另一款則較淡，我們各點了一枝，兩種味道都很好喝。前菜我推介香草雞翼，四隻都很大隻很多肉，而加煎得外皮微脆，同時保留肉質嫩滑，另外自己都很喜歡墨西哥雞肉芝士烤餅，有拉芝效果，內餡雞肉份量亦很多，配搭酸酸甜甜的蕃茄和洋蔥，增加了烤餅新鮮的口感，邊吃小食邊談天，真是個愉快的晚上啊！

返工咁辛苦，放工一定要揾地方鬆一鬆飲杯酒吹吹水雖然我地唔識睇波，唔知點解凡係酒吧有波睇的話一定會覺得成個氣氛輕鬆晒一座座就俾的花生，充滿咸香，送酒之選我地入座時係晚餐時間，叫左安格斯牛板腱珍珠飯e肚，牛板腱好入味又冧，栗米仲要係新鮮栗米，好有驚喜。飲酒一定唔少得，呢度有桃味麒麟Frozen beer，樣子可愛，上面仲係啤酒冰，飲落仲有淡淡桃香tim等左陣其他串燒就到，先來個金菇牛肉卷，d金菇就來塞爆舊肥牛，好入味茄子燒充滿蔥香，有少少挑剔的係如果茄子再整到冧身d就更正水牛雞翼燒到好juicy，韮菜辣辣地，燒鯖魚一向係至愛都做到好食之後來的串燒盤就好吸睛，左右小碟係蜜糖和燒汁。所有串燒我地叫左中辣，宫崎去骨雞腿辣辣地啖啖肉，個人喜歡加少少蜜糖，甜甜地好惹味。黑松露蝦串漲卜卜好味翠肉瓜和菠蘿又係必食其實仲有好多串燒選擇，配合強勁的音樂，食客開心吹水，酒吧氣氛愈夜愈好，下次一於再揾朋友來！

去開大埔買野,買完都夜左,所以同朋友食埋飯先走去左附近食野,依間係食串燒既餐廳,叫做芝加哥串燒酒場,除左串燒仲有酒飲入面唔算大，Ｄ位都坐得舒服，店員都幾多下，可能因為多人飲酒不過果日朋友揸車,所以唔可以飲酒,我地剩係叫野食串燒落單都好快上,熱辣辣幾好食其中燒茄子係最好食,加左蒜香燒特別好味,好大條,又唔貴,抵食!另外黑松露帶子飯都唔錯,黑松露好香,飯粒用珍珠米,特別有咬口果晚都幾多人,原來因為有波睇,好熱鬧氣氛同野食都唔錯,價錢都算係咁,值得再黎

呢排唔洗番工番學，真係多了時間做自己嘢，連平時唔做運動嘅我，都和朋友行山😂依家出去食飯唔敢打邊爐食雞煲，所以串燒是個好選擇😚當日去到七點半，差不多坐滿人，店員安排我們坐到餐廳較入位置，但整體環境較嘈吵，餐廳音樂播得有點太聲，客人就要鬥太聲講嘢～光線亦偏暗，看不清食物，可能店家要注意下⚠️——————————🔹磯燒牛扒 $48朋友喜歡食牛扒，就叫了一塊share! 這個比我想像中的生而偏韌，有很多筋和肥肉😖 食完有油膩感，但這價錢就不要要求太多😅🔸培根車厘茄卷 $19這個燒得很出色，培根和車厘茄燒得剛剛好，表面會有些蜜糖，一咬會爆汁，不錯👍 🔹蜜糖雞翼 $20蜜糖雞翼燒得有點乾身，雞皮和肉質都硬硬地，還有很重孜然粉味，而不是蜜糖味，可惜...🔸玉子燒 $33玉子燒賣相都幾吸引，但一夾起就看到底部很黑，所以很太陣燶味😖 朋友不太喜歡太燶嘅食物，選擇不食😅🔹招牌茄子燒 $30每次去串燒店，都必叫燒茄子🍆因為夠大條，可以當菜食😋 但這間店燒得有點健康😂不會很油，整體蒜味很夠，但就有點乾身，沒有串燒的感覺～🔸韭菜燒 $14韭菜燒得剛好，灑滿孜然粉和辣粉，可以食到一些調味粉和韭菜裏的水份😋🔹香草芝士

約左朋友睇波,但唔想去D太嘈既酒吧,朋友介紹黎依間芝加哥串燒酒場依頭真係多食店,而且都唔係連鎖,好有趣環境唔錯,家庭客較多,所以睇波都舒服D佢地有賣啤酒,價錢唔算貴,但唔一定要飲食,食野都可以睇波叫左好多串燒,每樣都唔錯燒秋葵好夠味,鹽燒出黎好好食,份量都幾多燒雞賢燒得幾脆,好有肉汁,肉都有味牛吞唔羶,又係入口幾香既串燒全部食物都係即燒,味道新鮮,落單之後都會快食黎,價錢合理,睇埋波黎講幾抵食,以後都可以當係聚腳點

happy hour食串燒飲啤酒　星期4放假,同朋友happy hour,去飲杯野先～　放工返到屋企之後,係屋企整小小公司野,之後等朋友都返到黎就去飲野～～　　去左屋企附近一間酒吧餐廳　　平時放工成日路過,今次都係第一次黎,因為依度好似好多人睇波,如果夜晚黎驚好嘈　　今日我地早黎,唔算多人,所以環境岩岩好,仲好好FEEL TIM　每人叫左杯啤酒之後就開始試野食,啤酒唔算平又唔算貴,不過好大杯,抵返曬　之後叫左個燒牛扒,黎到好香,肉味好濃,點埋醬汁好好食　都幾大份下,2個人食完都有半飽,不過黎到緊係慢慢食,慢慢傾計啦　之後食燒茄子,個茄子好香,見隔離都即訂叫左,睇黎影味傳到佢地張枱食落都幾重味,可能燒果陣加左好多調味料,但唔會好咸,味道岩岩好　　之後叫多個甲羅燒同羊扒,甲羅燒好新鮮,蟹膏好味羊扒唔羶,肉味幾香,又係好好食最後我地6點傾到9點,又過左開心既一日