良記餐廳(老鳳冰室) (已結業)

冰室開到一街都係，差不多行多兩步便「梗有一間在左近」，要找間認真、有水準的冰室真心越來越困難，但今天又幸運地找得到！ 本來見到這樣浮誇的裝潢都只敢抱不大的期待入內試試，畢竟行了3、4條街都真有點餓了，怎料卻是驚喜晚餐！由室內設計、餐牌到菜名都是看得出的用心黑松露海皇炒飯飯炒得至我愛吃的乾身程度，海皇料也足，每啖飯都吃到不同海鮮！除了飯另外再點了一份胡椒湯生菜胡椒味重但不難入口，生菜新鮮之餘也沒有浸得太淋，依然有口感最後還試了人生第一杯「奶茶仔溝咖啡妹」，原來味道是這樣！同一口飲料可以同時間但又很清晰的品賞到奶茶和咖啡味！

每次去深水埗，都會想食呢間，但好耐無去lu!今日放假，同陳生專燈過黎食！我都係叫反平時食開個個餐我真係專一，哈！蕃茄芝士牛通粉，配牛乳蛋肉醬薯容！我以前好憎食通粉，但自從食左呢個後，我開始愛上！但係今次食，個湯淡左好多！以前好濃好正！但而家就一般！牛乳蛋好滑（今次送埋蛋殼...）薯蓉配上肉醬，好夾好好味！加14元要特飲！飛仔華田。好得意，啤牌，食得既！華田上有好多cream，仲有d平時早餐食既脆脆！好正！華田五會話好甜，岩哂我囗味！另外，仲叫左個蝦多士！不錯！多士包住虾滑炸，而虾滑份量五會話好小，配上個千島醬，正！以前去，我地係五洗排隊。今次好多人，希望下次黎食蕃茄牛通會keep反以前水準，但整體我都好滿意。

這天放工後，我約了朋友在深水埗逛街和吃晚餐，我們經過這間餐廳，看到店內的顧客很多，我們便決定入去試一試，店內環境清潔衛生，餐廳還會播著一些輕快的歌，給我一種很舒服的感覺南瓜栗米湯很濃郁的南瓜和栗米的味道很清甜和清新，用餅乾碎鋪面，賣相延吸引飛仔華田($14)軟綿綿的啤牌餅，脆口的可可和星星脆片，阿華田很濃烈，非常特別波波冰鎮奶茶($14)波波是奶茶結冰而成，十分特別，奶茶味香又濃蒲燒珍寶原條鰻魚飯($98)用乾身的木魚花和細碎的芝麻碎鋪面， 軟綿綿的鰻魚非常大條和新鮮，味道鹹中帶點甜，非常惹味芝士豬頸肉撈丁($48)很多很濃郁的芝士和公仔麵的配撘很完美，軟彈煙韌的豬頸肉，份量非常多，非常抵食黑松露炒蛋多士($38)黑松露給我很清新的感覺，炒蛋十分嫩滑細密，軟綿綿的多士蝦多士($38)用新鮮的蝦肉和麵包糠炸成的多士，配上千島醬和健康的沙律，份量非常多，令人有非常飽滯的感覺整體來說，餐廳的設計很懷舊，餐廳的牆身亦貼了延多舊時香港的照片，餐牌上食物的選擇很多，餐廳在菜式的設計上很創新，食物的質素很高，食物的用料十分新鮮，食物的賣相很吸引，而食物的定價很大眾化，店員有良好的服務態度和有禮貌，所

自從看過電視得知這間位於在深水埗的「老鳳冰室」，閑時喜歡往深水埗鴨寮街睇吓電子零件去吓高登電腦商場走走的我，一個人的時候定當老奉要去「老鳳冰室」飲杯原味波波奶茶食件黑松露炒蛋多士，來滿足下自己如果未飽再叫多個，安格斯牛腩撈一丁配牛油厚多士。安格斯牛腩撈一丁配牛油厚多士 $48安格斯牛腩撈一丁，一丁煮得夠乾身不會過腍，配上微辣的安格斯牛腩，撈勻來食味道剛剛好辣味恰到好處，完全把安格斯牛腩的牛味提升，而且一丁麵煙煙靭靭的好有彈性，跟一丁配來的牛油厚多士，香脆的多士夠厚，牛油又夠多食的時候，加點砂糖好味到不得了。黑松露炒蛋多士 $38黑松露炒蛋多士未食見到賣相，已令你心花怒放，厚厚的滑蛋加上超多的黑松露醬，先來聞到濃烈的黑松露醬，入口黑松露和炒蛋在口腔中混合實在食得很滋味。原味波波奶茶（跟餐加 $14）原味波波奶茶，叫得上原味當然由冰粒開始，已經用濃厚的奶茶來製造，所以由第一口到最後，奶茶都是那樣濃厚茶味香濃。

今晚約了老友去深水埗逛鴨寮街，順道買電話卡爲旅行作準備。到晚飯時間老友提議到附近一間茶餐廳試試，走到門口發原來這間「老鳳冰室」並非一般的茶記，而是間走懷舊風味的冰室。推門入去後第一時間覺得眼睛很忙，因為裝修彼多，有郵箱又有海報，椅邊又有有趣句子。餐牌更是一個信封的樣子，食物名字當時亦令人會心微笑。原味波波冰鎮奶茶 跟餐+$16以奶茶製成冰球，令飲品不會變淡。原味波波冰鎮咖啡 跟餐+$16同樣地，以咖啡製成冰球，保持其濃度，而且驚喜地啡底製香濃，不澀亦不苦。焗茄茸豬扒保齡球 $68要襯熱食，因為「保齡球」焗得很香脆，打開麵包蓋可見茄茸豬扒，之下放了蛋炒飯，整體味道不錯，但略嫌茄汁不夠。芝士醬另上，唯有以芝士代茄醬拌飯，變成「芝士茸豬扒保齡球」，所以如果另上的是茄醬會比較適合。芝士雞扒撈一丁 $48雞扒炸過很香口，不算乾，一丁麵爽身，拌勻芝士吃很惹味。

呢日俾杯紅豆冰相吸引，就揀咗去呢間老鳳冰室食個brunch聽個名就知道玩懷舊，裝修沒特別，只係用裝飾物去補充懷舊的味道，如果冇哂D decoration就只係一家普通樣的茶餐廳，大概翻新唔想用太多錢去裝修吧，都好正常!不過始終都係食物最緊要餐牌幾得意，舊信封的設計我哋叫咗兩杯特飲，飛仔華田同埋紅豆冰，雖然個樣好懷舊，但係呢款杯其實變相裝得好少，上面一大舊Cream，其實真係成杯嘢飲唔多夠飲，極其量都係叫來打打咭，小朋友又鍾意個啤牌(張啤牌真係食得)之後叫咗佢當日的午餐set，這個豬扒烏冬一般般屬普通。餐前湯還可以，唔係100%罐頭湯，仲有D餅碎咬下懷舊嘢要食吓蝦多士，即叫即炸，算不錯，不過食落我覺得唔太夠嚼感，裏面的蝦膠真係有D膠另外叫咗個即焗肉醬意粉，即焗始終係好味D，熱辣辣又夠肉碎少油，整盤食哂!雖未算得上好好味，不過當作一個小下午茶也不錯。

最近唔知點解愛上出深水埗食早餐， 可能因為屋企有巴士直達吧🤭。今日又要一整日跟數字搏鬥，所以要豐富啲！先來一碗芝士牛肉濃茄湯通😍😋，再追加半份黑松露炒蛋多士👍，配凍奶茶，夠豐富喇掛！先試下個通粉濃湯先，真係夠濃喎，不過我嫌芝士味唔夠重，如果可以再多啲就好喇😏，我好欣賞佢地用有坑紋嘅通粉，口感會更彈牙有咬口架👍，牛肉亦夠多，十分足料。而嗰半份炒蛋多士就更正，黑松露好闊綽地舖滿滑滑炒蛋上🤤🤤🤤！炒蛋好滑，唔知有冇放牛奶去炒呢？🤔不過有點美中不足係我杯奶茶唔記得叫走甜啫😁，所以我只飲左半杯就放棄了！

在深水埗行街買電器配件，行到攰梗係要醫醫肚，這間＂老鳳冰室＂招牌充滿懷舊，菜名有特色創意，一於入去試一試😋蝦多士蝦多士來到比想像中大份🤗外層炸得鬆脆，一啖咬下有彈性鮮味👍🏻黑松露炒蛋多士炒蛋滑溜香滑無比，加上黑松露獨特的香味，厚厚的一層食得滋味芝士牛肉濃茄湯通粉香濃的蕃茄湯底，牛肉煙煙韌韌，還有炒嫩蛋和薯蓉非常豐富越南春卷外脆內軟餡料豐富，點唔點醬汁都一樣美味胡椒湯生菜感覺像白胡椒豬肚湯，濃濃的胡椒香味，配上爽脆的生菜非常夾飛仔華田飛仔華田有奶油爆谷撈在一起飲，不但增添口感而且令華田更加滑溜👍🏻原味波波奶茶奶茶味濃厚，一粒粒圓圓的冰塊都是用奶茶做的唔會飲到最尾溝淡左🤗

好多舊既冰室轉左營，將平平無奇既華田，搖身一變就變到新意思！好味！連冰都係華田！正！嘢飲既外型都有度過！睇得出好有心思！裝修好得意，由menu 到射燈都係有特色！係舊香港既氣氛又不失搞笑同現代元素食物既款式好多，有港式有西式好多元化，當日見到好多人都叫焗豬手好似好吸引！！！！！不過我都堅持試試傳統茶記會叫既野——焗飯我叫左個海鮮焗飯！朋友叫了常餐！整體同平時茶記差唔多不過質素係好點，因為芝士同海鮮都多，至於常餐的炒蛋，滑同香服務員做野又快又勤力唔錯既新派冰室！下次可以試埋佢d西餐

平時好少黎深水步呢頭，今日特登約朋友黎呢度係因為想黎一間已經久仰大名既茶餐廳，老鳳冰室。一黎到既時候，係門口見到餐廳其貌不揚，但竟然門口排住長長既人龍。我同朋友都要等左成十分中先有得入去。一入到去，位置雖然有點逼，但一陣老香港情懷就散發了出黎。除左因爲呢度d裝修好有老香港味道，食物都係加入左呢d原素，令到呢度座無虛席。牆身仲貼左好多古舊既明星海報，電影海報，同埋宣傳海報等等。如果帶爸爸媽媽黎呢度，都可以比佢地回憶一返舊既時光。我地叫左幾個特色同埋比較地道既野食，分別係雞翼，口水雞飯，同埋海鮮焗飯。呢度既食物質素非常高，除左賣相吸引，份量都十分足。有別於去連鎖快餐店，食物都係細細碟，所以呢度兩個人食，都已經好夠飽。如下次要再試多d不同既食物 ，可以叫多d朋友一齊黎。

今日去咗深水埗老鳳茶餐廳食下午茶，點咗泰式蝦多士，多士烘到外脆內軟，配埋個醬汁同沙律，雖然蝦味吾算好濃，但絕對值得推介佢地仲有勁多款芝士撈麵，我地叫咗豬頸肉芝撈，味道不錯，但記得要趁熱食，否則芝士變“傑”， 如果芝士味再濃啲就仲好。仲有個肉夾模肉餡飽滿，如果唔食得辣既要小心唔好食左嗰幾粒辣椒仔。最尾老鳳多士，在多士面放上碎青椒、好似阿媽煮嘅多士，有啲似面包店嗰隻中式pizza咁。同埋個波波奶茶係凍奶茶加奶茶冰，茶味越飲越濃，一定要試！！不得不提個裝修好特别，似八九十年代咁，員工仲好親切添

今日到深水埗換芒貼，順便搵食，於是上Openrice 搵搵，第一位就係良記，一於來試試！一踏入餐廳，果然無令我失望，好多特色擺設，好有懷舊feel！用來放餐牌的信箱信封形設計的餐牌調味料及牙簽筒其他擺設，都好有心思！2:00下午茶時間點了厚切餐肉蛋麵豬扒撈麵見好多人推介的蝦多士，當然要試啦！好味😋食物看似好普通？飲品方面就好有特色了！飛仔華田懷舊雪糕紅豆冰雪米滋，唔會咁快溶，夠特別！上面張啤牌係食得㗎！

今日同朋友去咗深水埗食嘢。去咗呢間裝修有啲懷舊嘅茶餐廳。門面睇落好似冇乜特別。但推門入去就見到有好多70年代嘅一啲裝飾。就連餐牌都有特別嘅設計。坐低聽真啲，原來餐廳入邊播緊嘅音樂都係嗰個年代嘅。雖然唔係嗰個年代出生，但係都好有感覺。講返啲嘢食先。下午三點幾去到餐廳，見到餐牌上邊好多野都想食。因為我哋都未食午餐，所以我哋叫咗三個嘢食同埋兩杯飲品。安格斯牛腩撈丁，有dd辣味。芝士豬頸肉撈丁，真係好芝士。黑松露火腿奄列，分量十足。波波冰奶茶，粒波波冰真係好大粒。飛仔華田，上邊插着嗰塊啤牌食得嘅。賣單嘅時候發現，原來餐廳有得買嗰個食得既啤牌。總括而言，啲嘢食都OK。但就唔係話非常出眾。我以呢一個價錢，同咁既環境，我覺得都值得一試嘅。

今日去深水埗買data sim, 準備去旅行用，出門口已經一直諗緊去到食咩好，因為ssp 真係好多好野食！！最後都係想靜靜地慢慢食，就揀左老鳳！照舊叫左至愛蕃茄牛腩通+波波奶茶成個餐最出色係個炒蛋同肉醬薯蓉,真係好好味!!奶茶都正, 因為2大舊冷波, 杯野飲極都好凍, 同埋唔會淡

深水埗的茶餐廳多如是，但要數最出名而又最有特色的要非老鳳莫屬。餐廳裡面的裝潢好有特色，好多懷舊的掛畫，還有攪怪的字句，連餐牌上的食物名都好有趣，咩飛仔華田。餐牌的食物好多選擇，而且價錢平易近人，好近合街方。唔好以為平就會細份，其實食物上枱都大大份的呢！飛仔華田$24名字有趣，立即點一個試下。賣相吸引，而且好大杯。原來連磈啤牌都係食得的呢！好有趣！華田味濃，冰多而透心涼！黑松露炒蛋多士$38好多蛋呀！黑松靈配上蛋好夾呀！份量又多，必食！豬頸肉撈丁係無得頂！豬頸肉好有口感，加上熔熔的芝士，入口惹味。同樣份量大，仲有件厚多士。肉醬焗薯泥$28薯泥creamy，肉醬酸酸甜甜好開胃，芝士香滑，食完飽飽！呢間茶記係無得頂，百幾蚊飯飽飽又好食。