熊妹以前曾經同木子同學👭食過，評價係超好味，所以係可以encore無限次，回味無窮。
原來《老鳳》轉左地鋪喎，之前熊妹去係近西九個頭，而家係轉左去基隆街216號，盞熊妹仲以為好威威咁識路帶熊大去，點知係深水埗走了個大圈，哈哈。
晚上九點黎到，仲係人頭爆滿，剛剛好有張對住電視機📺二人枱👫，唔錯。
裝潢好特別，懷舊冰室但用著新潮的復古掛飾怖置，一點都不古舊，非常吸睛👀，實屬打卡👣之選！
每個卡位都吊掛著一個布型信箱📮，郵寄地址屬於昔日香港不同著名的地方，熊大熊妹今日就黎到中環荷李活道大酒店🏨。
而呢個信箱📬入面有兩封信📨，係寄俾該枱卡位的食客架！
1
打開兩封信，原來係精心製作的《老鳳》餐牌，好有心思呀
！雖然係復古冰室，但食物完全唔普通，係主打新潮食物的茶式飲料，好似黑松露炒蛋多士，芝士豬頸肉撈丁，🦐蝦多士，懷舊雪糕紅豆冰🍹等等，簡單材料做出特別菜式，難怪深受年青人歡迎，主力打造年青人巿場，老闆真有生意頭腦🧠，主題夠gimmick, 年輕人又會肯花費。💰
1
黑松露炒蛋多士，$38熊妹一心黎食的黑松露炒蛋多士，如圖一樣的份量，絕無欺場！炒蛋🥚份量真係好多，好厚，好滑，好重蛋味，
黑松露醬好足，足到啖啖黑松露味，連熊妹同熊大講野，熊大都話散發出
濃濃的黑松露味道，有點嫌棄，多士好脆，有用牛油烘過，唔會只係白麵包一片🍞，呢個多士真係神級，難怪熊妹食完再食都念念不忘。
芝士牛肉濃茄湯通粉配牛乳炒蛋，肉醬焗薯泥，$48熊大有少少作感冒🤧，鼻塞塞，喉嚨乾乾，想食啲湯湯水水的野，點左呢個常餐。
都幾多野食喎，牛乳炒蛋同熊妹個黑松露炒蛋一樣好味。
肉醬薯泥有驚喜喎！肉醬係《老鳳》自家調配的蕃茄肉醬，唔係得蕃茄汁肉碎咁簡單，仲有粒粒紅蘿蔔🥕，西芹粒等等，幾足料喎！而薯泥唔係一pat薯蓉了事，係食到粒粒薯仔🥔，成件事好有咬口，俾想像中得一pat茄汁肉碎醬撈薯蓉豐富得多！
到個通粉，以為普普通通無咩特別，但又出乎意料地好味
！首先，芝士係溶芝士🧀鋪上牛肉面，牛肉🥩都好有多片，煮得好淋唔韌，撈上芝士味道一定唔差，不過如果芝士撈入了湯內就無咩芝士味道，所以熊妹極痕推薦熊大唔好俾啲芝士牛肉掉落湯度，免得糟蹋了美食；然後，再講蕃茄湯🍲，好濃味，用上茄膏🥫跟蕃茄🍅，酸酸味味好開胃；通粉係紐紐粉，一啲都唔淋，仲好彈牙有咬口，絕對唔係預先煮好一大煲，有order就掏出黎俾客人，誠意表現，值得表揚！
飛仔華田，跟餐價加$14熊大一坐得已俾隔離枱杯特飲🍸吸引著，嚷住一定要試。其實既係一杯凍華田連一片米紙做的啤牌🃏再係面頭加左啲cream同幾粒可可波。
又係賣相噱頭野，就引來一班狂風浪蝶🦋。名氣就是這樣孕育出來的。🙈
埋單剛剛好總共$100，坐到十差不多十點，店舖都要打揚了。幸好九點來到，店員九點三已截單，後來的鳥兒🦆都被拒諸門外，多謝熊大償了熊妹今天的心願
，呢餐緊係熊妹請喇！
