船皇 (厚福街) (已結業)

今次黎到銅鑼灣食呢間越南麵舖，眾所週知，呢條街就好多唔同種類既野食，要係呢度打出名堂，都咪話唔易，試完呢間總算無令到我失望。店舖就類似車仔麵檔既格局，唔算好大，坐落就正正常常，唔好expect好高級，好地道既港式麵舖既裝修黎，呢都算衛生乾淨，唔似d車仔麵舖咁個地下全部都係油咁。食落都幾大碗抵食，加大左，本人都算係大胃口，但都好勉強先食得曬個麵呀～你話幾咁大碗呢！！，所以建議大家都係叫多d小食好過，咁加左佢個和牛，食落都唔差。本人就最鐘意佢個炸雞翼，食落好入味可口，炸得夠曬脆，正～第二樣最鐘意食就係個炸豬皮，炸到外皮金黃色，好脆口，無油憶味，點埋d辣醬黎食就一流la，鐘意炸豬皮既朋友就千其唔好錯失。

厚福街不嬲都出名多好嘢食，又有上海野，又有黃店，又有日本野，又有素食店，仲有樓上Café!!一向都鍾意食泰國嘢嘅我地，就行咗入去一問叫船皇嘅泰國菜店！！佢個門口好細，諗住好細個店，點知行入去原來都幾大！佢吾算好勁裝修，不過有小小泰國風味嘅！！我地早吃，所以未算太多人住，好似包咗間店禁，後尾吃下吃下就多人了！！我地叫咗2個船皇湯麵，一個係蛋麵一個係金邊粉🤣私心推薦金邊粉，佢索哂個湯超好吃！我地加咗一蚊要和牛湯，個湯底都濃味，而且都好正！！餸又多！！隻雞翼好林，好入味！！正！豬皮就會有啲吾夠脆了🤣不過overall好吃！仲叫咗3串牛舌同泰式雞翼❤️牛舌吾會好un!!好juicy!!!好好吃！雞翼又脆卜卜！！就算放咗10分鐘，仲係好好吃！！推介！！！！

今日睇完日落去厚福街搵嘢食，行到街尾發現呢間船皇船麵，向來喜歡泰北嘅我，當然要入去試試啦。裝修企理雅緻，坐得舒服唔太逼，另外價錢唔貴，幾十蚊高質素喜出望外。第一次嚟當然樣樣都想試，所以叫左個船皇湯麵揀左金邊粉，加5蚊有大份和牛，當然唔會錯過啦，湯底濃郁又唔味精，金邊粉好入味，料又夠哂大份，好好味。另外叫左個船皇撈麵，佢以獨家小辣醬料，好惹味，最令人驚喜係個蛋麵無皂水味之餘仲好爽口彈牙，令人食完想即刻再食。小食方面叫左個炸蝦卷，好脆內有蝦泥茸，外脆內軟巧功夫。必飲係泰式奶茶，我叫左熱飲無特別，但枱枱都嗌凍奶茶，我下次必定試試凍奶茶，應該好好飲。

厚福街不嬲都出名多好嘢食~今日同朋友係尖沙咀行完街唔知食咩好，所以就嚟到厚福街睇下再決定😛經過船麵，見到佢個價錢幾平，而且都幾吸引，就決定入去試一試😚我嗌咗牛腩+牛肉片+牛丸湯麵🍜麵底一共有4款選擇添！我就揀咗金邊粉🤩至於朋友就揀咗呢到最推薦嘅船皇湯麵😍配料非常豐富，包括有牛腩、牛肉片、牛丸、雞絲、雞翼、豬肉、豬肉丸同豬膶🤩麵底方面就揀咗米粉~提一提米粉好容易索哂啲湯，要快啲食！😂等我評價下我嗌嘅湯麵先~湯底好香濃，仲帶有少少微甜，個人都幾鐘意🙈牛腩都幾入味，而且炆得幾軟腍👍🏼牛丸爽口彈牙，唔錯🙌🏼其實呢碗麵都幾足料，個麵底幾大份，而且啲配料舖滿哂成個碗😋重點係咁先係$52🤩尖沙咀嚟講絕對係好抵食！另外我哋仲嗌咗4份串燒~包括係牛柳粒、豬頸肉、魷魚鬚同魚餅😋全部都係即叫即燒😆好好食！最後必嗌嘅仲有龍眼冰😋味道清甜，仲有幾粒龍眼肉添~啱哂食完濃味嘅嘢之後飲😊

尖沙咀厚福街出名多嘢食，食完晚飯就順便去行下街~呢度主打泰式船麵，串燒選擇都幾多，啱晒我呢啲鍾意食唔同嘢食嘅人~船皇湯麵~湯底味道幾特別，加入不同香料令整體味道提升，但味道不會過於濃烈，調味啱啱好，最喜愛有唔同嘅配料，豬肉牛肉雞肉應有盡有~雞翼雞絲撈麵~第一次食撈金邊粉，金邊粉彈牙，而且吸收晒啲汁味道濃郁，雞絲腌得啱啱好，帶有少許酸甜味，夠醒胃~雞翼都隻隻飽滿，食落juicy~魚餅，泰式肉丸，魷魚，牛舌串燒~串燒可以選擇唔同醬汁，但每份都燒得啱啱好，肉質不會過韌，十分惹味~泰式奶茶~味道比較港式奶茶稍為甜，但飲落尚算幼滑，奶味香濃，用黎盛載嘅杯都好有泰式風味~

好耐冇食船麵喇！今日放工同朋友嚟左懷緬一下船麵。夜晚十點幾先食晚飯，非常肚餓，所以嗌左最大份量既船皇湯麵！仲咁岩見到佢做緊個升級優惠，我同朋友就每款叫左個試下！升級和牛船皇湯麵湯麵有好多餸，除左和牛之外，仲有牛丸、雞翼、雞絲、豬肉、豬肉丸、豬膶，好豐富！！和牛非常腍，肉質嫩滑！其他配料份量都好多，好抵食！而湯底濃之餘，又唔會太咸，反而帶少少鮮甜既味道。加埋酸辣既調味料，開胃之餘又好味！重量級和牛船皇湯麵呢一款只有和牛，並冇其他配料。但因為和牛肉質真係唔錯，太好食，所以只食和牛都唔會覺得dry！小食方面嗌左雞翼，雞翼係炸嘅，好香口，上枱既時候熱辣辣，證明新鮮製作！呢度既飲品都幾有特色，係用個銀碗飲，別有一番風味！唔錯！

星期日行街行得早，又五點左右有少少肚餓，附近搵下見有呢間泰國船麵，一於睇吓同泰國船麵有冇分別先。可能我哋太早來，暫時又唔算多人。去到就立刻可以入去坐。睇下個餐牌，原來除左船麵，仲有串燒同小食，望落都好吸引😍。仲有個和牛升級優惠，都係加1蚊，一於加埋先😂😂😂。坐位都唔密，多人都唔使坐到膊頭貼膊頭。見到牆上面仲有個菜可以叫，下次可以試吓先😃。我就叫左個和牛版既船皇船麵，朋友就牛腩牛肉片牛肉丸。河粉係好闊身果隻，勁好味又有咬口。佢仲要好吸啲湯既味道，香港真係唔多地方有呢隻河粉🤤。特登加一蚊試既和牛，肉味香濃仲要有兩大塊，呢一蚊加得抵。串燒就要講下呢個魷魚鬚，燒得剛剛好食落去唔會咬唔開，加上個燒烤汁好好味。細個好鍾意食嘅雲吞皮，呢度都有😍😍。香香脆脆，加埋個泰式辣醬我一個人食晒😂😂。呢度啲串燒真係有水準，我見佢仲有個撈麵，有時間過嚟食下先🤤🤤🤤。

星期六夜晚7 :30點 兩個人唔使等位 叫咗一個船皇撈麵 一個牛腩牛肉加牛丸撈麵 撈麵係冇湯嘅 就咁食物再加麵 我哋嗌完等緊嘢食嗰陣間鋪頭就已經瞬間坐滿左 好彩船皇撈麵其中一樣材料豬潤今日賣晒咁佢就俾咗豬肉我哋 （因為本身唔食內臟） 麵佢就會有四款可以揀 因為唔係成日都有得揀金邊粉所以我哋兩個都揀咗金邊粉 粉嘅份量都大 女仔通常都食唔晒 夥計落單好快手 我就叫左牛肉牛腩牛丸面牛丸有五粒跟住牛腩好似都有4定5粒 跟住牛肉就一堆 食晒啲餸都飽飽地 船皇面有牛丸雞翼豬肉丸牛肉牛腩豬肉 雖然每樣野嘅份量唔多但係就可以試到好多唔同種類嘅嘢食 另外仲嗌左兩串牛柳粒（燒烤味）同埋一串沙爹雞 我覺得食物份量都多 必食係泰仔奶茶 甜唔苦唔澀有茶味好飲！平時唔飲奶茶嘅飲完都覺得好好飲

星期五晚餐黎到尖沙咀食泰式船麵，係門口睇以為得好少位，但原來轉左彎都仲有位，另外有一個位介紹左餐廳既發展，原來2019先登陸香港～我揀左船麵小辣，原來麵類都有四款揀，我揀左金邊粉，配料方面因為我麻麻地豬潤，所以叫左佢走豬潤。個湯好濃，配料都好多，索哂湯汁。另外揀左個牛腩牛片牛丸撈蛋麵小辣，同樣都好足料，撈蛋麵就似平時雲吞撈麵既感覺，但多左額外既香料。再加左兩個小食，因為佢冇哂春卷同蝦餅，所以揀左雞翼，雞翼開左邊，每舊都係單骨，好香脆，比平時就咁煎雞翼更好食。仲有串魷魚鬚串泰式燒烤醬，燒得幾香，不過就要少少痴住支串，食起上黎就少少麻煩。但雞翼/串燒既價錢都吸引，所以如果一個麵食唔夠，可以叫少少串燒黎食。飲品揀左泰式奶茶同龍眼冰，放飲品個器皿好特別，我以為係甜品，唯一唔好就係飲緊時唔知仲有幾多就飲晒。

星期六同朋友睇完戲，又行左去厚福街搵野食。其實條街都幾多唔同既野食選擇，有魚生飯，米線，西餐，泰國野，茶餐廳等等。因為頗長一段時間都無食泰國野啦，所以就去左船皇食泰式粉麵。佢選擇都幾多下，有唔同配搭既粉麵，串燒，小食同泰式飲品。因為見佢而家有個升級和牛既優惠，所以我地叫左一個船皇湯麵升級和牛，同埋一啲小食share。船皇湯麵我地揀左河粉同升級淨和牛。河粉大大塊，唔係平時食開一條條好整齊個啲，厚身又軟滑，不過有少少難夾起身。湯底好濃，平時我食泰式湯麵都鐘意自己再落醋或者其他調味料，但呢個本身就好夠味，正！和牛方面相對失色左少少，雖然佢本身都好軟滑，唔會起渣，但因為湯底濃味既關係，其實唔係太食到佢牛肉既香味。串燒牛舌燒得剛剛好，而且又係厚切，口感十分好，又香口，又彈牙。泰妹雞翼炸得好香脆，雞肉都仲係幾嫩滑。切開左單骨一條咁樣，比較容易進食。秘醬通菜係後加既，因為落單之後突然見到佢牆面有呢個菜，就馬上加左～我本身已經好鐘意食通菜，佢既醬好似有啲蒜蓉，柑橘類既果汁之類，仲有啲魚露，十分開胃又惹味！飲品方面，我地叫左一個凍泰式奶茶，同埋凍柚子檸檬梳打。呢間餐廳比較特別，係用碗上，而且凍奶茶係唔會

二月就去曼谷了，我最記掛的是——船面，難得香港開了一家已船面為主打菜的泰式餐廳，火燭鬼如我，必然想試一試，而且價錢看來也很相宜。船皇湯麵選擇困難症的我，選擇了大包圍，哈哈！這款湯面有豬肉丸、牛肉丸丶雞絲、雞翼和炸豬皮，我還加了$1就有和牛片，抵！湯底很惹味，而且還加了一大匙的秘醬，酸酸甜甜辣辣！實在很有船面的精髓！秘醬通菜果真是秘醬！吃起來有不同的香料，味道多層次，酸酸辣辣，配上通菜又很搭配！泰妹雞翼是脆卜卜的單骨雞翼！用醬料醃過後，配上酸辣雞醬，很好吃，而且$22有五隻，抵！

作為一名船河控，途徑尖沙咀的厚福街，首次光顧船皇便十分難忘。我倆點了船皇湯麵（中辣）和豬肉湯麵（小辣），兩碗都要了河粉。等不久，便上菜了！賣相是正統在曼谷吃到船河的模樣，滿有期待。吃了－口，就只剩下介懷的感覺。因為，食材如豬潤、豬肉片、魚丸只有從冰箱拿出來便立即放下湯的陣陣雪藏味道，壓根兒缺乏任何鮮味和肉味！辣度美其名分為小辣，中辣和大辣，但根本就沒有絲毫分別。煩請緊記店内沒有免費開水供應！深刻體驗，沒有下次！

中午LUNCH TIME搵食，本身想去果間FULL哂，咁就唯有搵新地方。呢到12點坐左一兩枱客，仲有好多位，所以就入左去試。呢到有湯麵有撈麵串燒果D今日天氣暖暖地就揀左撈麵佢大碗$48，細碗$12我其實都幾好奇細碗係有幾細我唔係咁理解塊豬皮係做咩，因為佢都幾硬又冇味，打邊爐可能岩ＤD芽菜係生既有D草青味，但有好多我喜愛既芫茜本身我以為撈麵係酸酸甜甜果Ｄ汁，但原來係似滷水汁撈麵。隻雞翼都係滷水雞翼，好入味，Ｄ肉一夾就離骨。整體都好食既，應該間中都會再食，不過就唔會好常去。

12月31日除夕夜，都唔想特別搵fancy餐廳食，淨係想同最愛既人食餐飯，睇個戲再倒數，簡簡單單就好了。叫左2個撈麵，1個係豬肉另一個係雞絲雞翼，再加炸豬皮同3款串燒。豬肉撈麵要左闊河粉，份量唔算多，只夠女仔飽肚，味道好出色，河粉口感不錯唔太油。豬肉就幾甜不過就太多肥肉。豬肉丸好好食，唔太油又勁彈！雞絲雞翼撈麵就要左蛋麵，幾爽口，不錯！雞絲份量多，幾滑。雞翼正正常常，算大隻。炸豬皮勁正，$12好抵食！串燒要左豬雞同豬頸肉，豬同雞最好食，配沙嗲醬一流！豬頸肉就有d失望，好細件肉又唔算淋。凍泰式奶茶，冇冰所以勁濃味！用碗上夠哂風味🤣🤣🤣其實尖沙咀黎講唔算太貴，份量多d就再抵食d。但味道黎講真係同係泰國食到既撈船麵差不多，值得再黎試下湯麵🤣

啱啱去完The One買野，近近地過黎厚福街搵野食😆比我咁啱見到「船皇」！我之前係銅鑼灣已經行過幾次佢既分店，一路都想試下，但幾乎每次經過唔係咁時間就係已經食左飯，今次真係啱啱好呀😁..三點幾下午茶時段，我一入黎都有幾台客，特登影呢個位，費事影到人。..野食種類唔係話好多，始終佢主要係做船麵，有做埋串燒我已經覺得可以啦。下午茶時段咁我就叫左個大船麵4號餐河粉小辣配青檸梳打，另外貪心地叫左兩款串燒：魷魚鬚及露筍，揀左配泰式燒烤醬。..個麵黎到既時候無我想像中咁大碗😅我會形容份量比較濃縮，下午茶黎講就一定夠飽既不過。湯底顏色好深，味道有啲似肉骨茶，因為有一陣藥材既味道，鹹味適中，小辣既醬汁幾香口🌶️4號餐係咩都有啲，我自己最鍾意炸豬皮、豬腩片同埋個湯底（一向鍾情濃厚既湯底🤤）。..露筍既份量又係比我想像中少，魷魚鬚反而可以，泰式燒烤醬甜甜地（仲好似有啲辣味）意外地好食😍..青檸梳打既impressive既，一來佢用呢個兜兜仔上啦，咁覺得佢幾得意，而來個味道黎講我覺得幾清新，完全唔係汽水果種死甜！👍🏻.