船皇 (厚福街) (已結業)

星期六夜晚2人行，去左tst諗住搵間餐廳e肚。行到厚福街坊見到船皇就入左去。用餐時間大概6點幾，不用等位。1人叫左1碗面，一個係雞c撈旦面，另外一個招牌菜~船皇湯面，有豬牛雞加埋8款餸。加1蚊仲有得轉和牛。牛肉，同豬肉既肉質口感不錯，雞c加了小小汁有酸酸甜甜既味度，更加入味，不錯。面款方面有4款，旦面，米粉，金邊粉，河粉。我們2人都叫了旦面，面質不錯，十分彈牙有口感。湯底方面可以揀spicy or清湯。我地都揀左清湯。感覺不錯。之後我地叫了一些小食串燒，有牛舌，魷魚so,粟米仔同盧荀。燒得非常入味不會over cook。宜家只是大概十幾蚊串。不算太貴。加埋2碗面都只是大概160蚊左右。簡直是物有所值。值得一提是有手工beer供應，下次要去試下。

行過見到呢間餐廳，因為平時好少見專做船麵嘅泰國嘢，所以想試下，見啲相個湯底好深色好似好正咁！叫左牛腩、牛丸、牛肉湯麵，味道唔錯！下次會試船皇湯麵，見隔離枱食好豐富咁！總括嚟講係滿意嘅一餐👍🏾

今天和友人來食泰式船麵， 因為我哋都喜歡食泰國嘢， 所以便前來食。 麵店有很多不同種類嘅麵選擇， 有湯底嘅面 ，有撈麵， 每樣材料豐富， 麵店還有許多不同嘅小食， 種類繁多。 而且價錢非常適中。麵店還有升級優惠， 所以是非常之抵食。船面還有不同種類嘅麵底可以選擇， 有金邊粉， 蛋麵和河粉等， 我個人較喜歡吃金邊粉。店內裝修簡單，但非常之舒服。我點了雞翼雞絲撈檬， 麵上面有一個非常脆嘅薯片， 有很多配料， 有芽菜，蔥， 雞翼也非常之香，有好濃郁嘅醬油味 ，雞絲也非常之多， 雞肉也非常嫩滑可口， 非常之彈牙可口。配合得非常之好。這是一碗牛腩，肥牛，牛筋丸湯麵，味道可口濃郁，材料充足，配料也十足。價錢適合，味道可口，我和朋友有時間也會再回來食。

大家抗疫左咁耐，我都開始忍吾住想出下街食下好野啦，今日去左尖沙咀，又係厚福街搵食！今次食呢間叫船皇，中午時份，人流都可以吾算多，坐位分得都幾開，幾安全！哈哈！環境整潔，服務招呼都幾好！我同朋友嗌左船皇湯面，同3號牛腩牛肉片牛丸湯面，面可以揀蛋面，米粉，河粉同金邊粉，湯底又可以揀辣，少辣同走辣。船皇仲可以加$1升級變和牛船皇湯面！船皇係即係有晒所有料，有豬肉＋豬肉丸＋豬潤＋ 雞絲＋雞翼＋牛腩＋牛肉片＋牛丸。味道好入味，湯底濃郁夠味，食落又吾口渴，幾正！小食點左牛舌串同魷魚鬚，2樣都好食，不過牛舌就好食d，燒得又吾韌，口感岩岩好。魷魚就爽口一樣吾老吾韌，正！可以揀泰式辣汁，燒烤汁，沙爹醬！我係中午食，跟餐都係$8杯餐飲，凍奶茶係用個幾特別嘅碗放，奶茶香滑，冇再加冰上去本身已夠凍，值得一讚，吾會變淡左味道，我就飲熱柚子蜜糖茶，好舒服，吾太甜，岩晒我！

今日咁啱附近行完街，就順便嚟到一向出名多野食嘅厚福街食個泰式船麵。一入到餐廳就見到旁邊掛咗好多頂竹斗笠帽，以前去東南亞旅行時成日見到。意外地見到有得揀大碗或者細碗，如果唔太肚餓$12就可以食到船麵！我叫咗船皇撈麵（$58），揀咗河粉，入面有牛腩、牛丸、雞翼、雞絲、豬肉、豬肉丸、豬潤，好豐富！撈麵醬汁甜甜地，好開胃，啲面唔會塌晒，仲好爽口！朋友叫咗船皇湯麵（$58+1），揀咗河粉，只要加多一蚊就可以升級做和牛船皇湯麵，配料同撈麵一樣多，只係將牛腩轉做肥牛。湯底好濃郁，河粉完全吸收晒湯嘅味道。略嫌小辣唔夠辣，如果鍾意食辣嘅朋友可以叫辣啲。小食方面叫咗三串蘆筍（$33），燒得啱啱好，配埋沙嗲醬好惹味！另外飲品方面就叫咗凍柚子檸檬梳打（跟餐價$15） 同泰式紅豆冰（跟餐價$18），兩杯都用咗泰國嘅傳統銀碗，好有特色，解渴一流！

難得係尖沙咀可以搵到一間咁抵食，又高質嘅餐廳。真心推薦大家去試，而且係黃店！一定要去食呀！Btw入到去見到有頂草帽係牆上面😄😄好搞笑平身想嗌勁多碗細碗嘅試晒佢，但原來細碗嘅要21:00後先有，下次食宵夜過黎再試先！我點左碗雞絲+雞翼撈麵，同埋米線，啲米線好特別，因為比平時食開個啲細條好多。撈埋啲汁食，好入味同埋嗌左個船皇湯麵，有勁多餸，姐係好似什錦麵咁，全部餸都有。同埋我地加左$1，就可以升級，有埋和牛呀！個湯底好濃郁可以自己加啲魚露，就更鮮味啦！最特別係杯野飲個杯，應該話係個碗先岩😂😂😂用黎裝野飲呢個容器真係好特別，同好靚。第一次見。有特色👍🏻平時飲嘅龍眼冰成日都會落得太糖漿，但呢杯泰式龍眼冰唔會，甜度適中！我鐘意！杯泰式紅豆冰勁多紅豆，好足料。同埋佢上面個層奶係沙冰黎架，勁正呀！

今日去咗尖沙咀搵個朋友放工之後一齊食飯，行到厚福街咁多間好嘢食，最後入咗去呢間船皇，試一試呢個招牌嘅泰國船麵。近期喺香港好似開咗好多間泰國船麵店，我仲未有機會試吓，趁今日終於可以趁機會去試試佢。呢間鋪頭選擇幾多元化，除咗船麵之外仲有串燒、小食、同埋飲品。最後，我同朋友都一齊嗌左個船皇湯麵，貪佢夠多料，仲有得加$1，升級和牛船皇湯麵。兩碗麵上到枱，賣相相當唔錯，未開餐已經令人幾有食慾。我揀咗小辣，佢地個湯底做得好濃郁。呢度係可以揀面底嘅，我揀咗金邊粉，朋友就揀咗河粉。枱邊仲有魚露，辣粉，酸辣汁，唔夠味可以自己加！我哋另外仲嗌左兩客串燒，分別係一串豬頸肉同埋一串菠蘿。每人叫咗一杯嘢飲，我揀咗泰式水果冰，朋友揀咗凍柚子檸檬梳打。佢哋呢到嘅嘢飲又幾特別，唔係用杯裝，而係用一個碗仔裝住，呢個器皿嘅質料，令人飲落肚更加透心涼。

今日係尖沙嘴行下街，夜晚食飯就黎到厚福街睇下有咩食，發現呢間船皇，賣相幾吸引而且價錢又唔貴就入黎試下～疫情期間要求先量體溫先可以入去，員工都有戴口罩，等食客食都安心d～我地叫左一個船皇湯麵🍜同一個船皇撈麵～湯麵加1蚊肥牛可以轉和牛片，加5蚊就淨和牛片～我地揀左淨和牛～和牛份量都ok多，要左米粉底，建議大食既人可以加8蚊加底。味道幾濃味下，要左小辣 但唔係好辣，下次可以試辣d😂船皇撈麵-入面有好多料，樣樣都係一件，啱曬想食好多唔同嘢幾人，雖然好多料，但每樣都唔係hea既，味道相當唔錯～蛋麵同特製醬好夾👍仲加左3串串燒，我地每樣嘢都配唔同既醬，試曬3種味。豬頸肉-泰式辣醬（同豬頸肉好夾，個人最鍾意食👍）牛舌-燒烤醬（偏甜既燒烤醬）魷魚鬚-沙爹醬（相當惹味👍）

年頭去咗BKK玩咗幾日, 唔知點解之前去親泰國都無話去食船麵, 一定都錯過咗哩個美食, 直至上次去完, 一定上哂癮, 基本上日日都有食, 返到香港後, 再加上近日疫情, 成日都心掛掛好想食, 但係又無得去泰國, 朋友話俾我知尖沙咀厚福街有間叫船皇既餐廳正正就係做泰國船麵, 咁真係唔試唔得啦~ 我個人比較貪心~ 叫咗個船皇湯麵, 即係乜餸都有D, 正, 仲叫咗個泰國奶茶碗麵黎到, 睇色水對哂路~ 同泰國個D黑蚊蚊湯底一樣, 唯一唔同係好多餸, 多到見唔到D麵, 最正係佢連泰式炸豬皮都有, 哩個係好大亮點, 味道方面, 有水準, 同泰國食到個D 100%一樣, 好好味, 好濃個湯底, 肉丸好甜又彈牙, 雞翼入味, 金邉粉爽滑, 十個讚, 泰奶茶都好好飲, 勁濃, 用個泰式鋁碗咁上, 打卡一流~

呢到食泰式船面為主，見到餐牌主要有分豬、牛、雞簡，如果想試曬，可以叫船皇湯面個款。今日想食有湯既野，就叫左個豬肉+豬肉丸湯面。朋友就叫左碗雞絲+雞翼湯麵。鍾意冇湯既都可以叫撈面系列。年底方面有四款揀，可以揀蛋麵、河粉、米粉、金邊粉。我就叫咗個蛋麵，一碗都幾大，料都好足夠，湯底偏濃郁，入邊仲有芫荽。佢個豬肉係用咗腩肉，肥瘦分明。蛋麵識落好彈牙！朋友就話雞翼好入味！佢仲有好多小食，而且價錢都好便宜。我哋叫咗三串沙嗲豬肉串燒，好夠味，而且燒得唔乾。話明係泰國餐廳，所以呢度嘅嘢飲都有好多泰式口味可以選擇！我就叫咗杯泰仔奶茶，呢個杯好有特色！泰式奶茶甜度啱啱好，好有泰國飲到嘅味道。總括來講呢度性價比好高，下次黎試埋佢個撈麵！

呢間泰國餐廳好得意，有細細碗麵，不過只限下午茶時間。下午茶有3款麵選擇，豬牛雞細細碗麵真係一啖一碗，但湯底超級濃味！值得一讚係佢個串燒，真係燒得好香好好味！飲品好得意，用一個碗仔上，可以成碗飲😂

今日約了朋友去尖沙咀購物....行到累就見到呢間船皇！間舖望落幾特別...就吸引左我地入左去啦！入到去睇餐牌...野食都好多元化...有撈麵和湯麵仲有各類小食和飲品任君選擇！在選擇麵類時，也有以下四種選擇：最後，我同我朋友叫左材料十分豐富既招牌船麵撈麵仲有呢個以豬為主既湯麵🍜之後叫左好平既通菜同好好味既炸泰式雞翼😃最後黎到食泰國菜....不得不試就係泰式奶茶我個人認為仲好飲過銅鑼灣連鎖個間泰式奶茶大家不妨一試！

喺尖沙咀想搵食， 大家都會諗起厚福街， 因為夠集中， 中日意泰菜都有， 不難搵到想食既嘢。今日要到尖沙咀覆診， 睇完醫生就去搵食， 我被這張香港人齊心抗疫優惠吸引了， $38有大碗船麵包凍/熱柚子茶。 但人總是多心的， 原來下午茶也不錯， $42起有碗船麵包一杯飲品或一個小食， 我最後揀左食下午茶餐。牛腩、牛肉片、牛肉丸湯麵加凍檸檬茶 $52牛腩煙韌、 薄片牛肉入味、 牛肉丸子彈牙，牛魔鬼必食。 另外，伴菜炸豬皮一樣出色， 酥脆香口。 檸檬茶底好特別， 與港式的有點不同。 最後， 我還叫左3串串燒， 包括惹味既魷魚鬚、 香辣既沙爹牛肉及沙爹雞肉串， 大滿足。最後， 不得不讚既係這小店嘅窩心服務，每個客人進入舖頭前，都必須探熱確保無問題， 再提供消毒酒精給大家搓手。

對上一次到泰國旅行已經在多年前，最近特別掛住泰國又平又好食的船麵。既然未去到旅行，一於先吃船麵。揀咗之前好多人講既船皇，因為佢地十幾蚊一碗細船麵真係平到笑，而家亦越開越多分店。尖沙咀分店位於食街厚福街，非常時期一入餐廳先量體溫，保障食客，食得放心。枱上唔少得各種調味醬汁。主打就是泰式船皇湯麵，撈麵亦可，也有其他串燒和小食。重量級和牛船皇湯麵+$5升級有大量和牛，令船麵感覺更豪華。和牛有質素，口感香腍，不似平時湯麵的一般貨式。香濃湯底非常吸引，富牛骨香，加上不同配料長時間熬製，更重口味，非常適合愛濃湯的朋友。和牛船皇湯麵+$1升級就有和牛、牛丸、雞翼、雞絲、豬肉、豬肉丸、豬潤，非常豐富。炸豬皮是另一亮點，口感酥脆，完全沒有豬皮的腥味。至於米粉夠幼身，吸湯一流，每一口米粉都有船湯味。泰式炸蝦卷 $22非常香脆的炸蝦卷，沾上泰式辣醬，甜甜辣辣，夠惹味。凍柚子檸檬梳打$15以泰國的碗載飲，風味十足。喜歡吃泰式濃湯船麵一定不能錯過。

呢一兩年係香港開左好多間食泰式街頭粉麵的鋪頭，係泰國就食得多...香港真係未試過!咁岩有朋友講開，所以黎左呢間試下!平日7點入坐...唔算好多人~望一望個餐牌，內容唔算複雜，因為主打都係泰式粉麵，分別有乾麵同湯麵。係泰國就真係好小食乾麵，所以都係食返湯麵最穩陣!!叫左一碗綜合同一碗牛肉，兩碗都係金邊粉。因為個湯底係一樣，佢地最大的分別只係牛肉個碗有加辣~ 而呢間鋪頭的處理方式就係係碗麵上面加辣醬~呢個都係一個好的處理方法，咁樣可以等你都試左個湯底真係想加先加辣!個湯味道算濃既~ 鹹酸鹹酸...完全係泰國人的口味~或者未必岩所有香港人的口味~ 但作為泰國菜FANS的我..絕對係岩岩好!!!每台都仲會有唔同的味料俾大家唔夠再加~ 當日我就覺得可以再酸的辣的...最後加左酸汁!加完之後成碗的味道係更加濃~ 所以大家試完個湯真係可以試下再加呢的落去!!除左麵之外，都仲叫左小小串燒，真心推介魚餅~ 因為真係泰國味~ 香料味好夠，又辣辣地，加埋佢個汁~ 超好食尤魚份量都OK既! 汁同其他一樣都係燒烤汁!!甜甜地，同尤魚十分夾!!總括黎講，呢間鋪頭你可以試既!! 粉麵唔錯!今次冇加錢試佢和牛~ 下次