船皇 (厚福街) (已結業)

年頭去咗BKK玩咗幾日, 唔知點解之前去親泰國都無話去食船麵, 一定都錯過咗哩個美食, 直至上次去完, 一定上哂癮, 基本上日日都有食, 返到香港後, 再加上近日疫情, 成日都心掛掛好想食, 但係又無得去泰國, 朋友話俾我知尖沙咀厚福街有間叫船皇既餐廳正正就係做泰國船麵, 咁真係唔試唔得啦~ 我個人比較貪心~ 叫咗個船皇湯麵, 即係乜餸都有D, 正, 仲叫咗個泰國奶茶碗麵黎到, 睇色水對哂路~ 同泰國個D黑蚊蚊湯底一樣, 唯一唔同係好多餸, 多到見唔到D麵, 最正係佢連泰式炸豬皮都有, 哩個係好大亮點, 味道方面, 有水準, 同泰國食到個D 100%一樣, 好好味, 好濃個湯底, 肉丸好甜又彈牙, 雞翼入味, 金邉粉爽滑, 十個讚, 泰奶茶都好好飲, 勁濃, 用個泰式鋁碗咁上, 打卡一流~