船渦

营业中

休息中

銅鑼灣近銅鑼灣廣場一帶，原來有好多唔同嘅食肆，朋友話原來後一條街間專食蒸氣火鍋，而且仲係一人一鍋，一個set有唔同嘅海鮮，仲有肉類，再加幾粒丸，最後仲有粥底。餐廳寫明海鮮由香港魚市場新鮮直送，旁邊仲有一個魚缸，見到有好多款海鮮。分咗內務總管，九品芝麻，九五至尊，八府巡按等等嘅套餐，配套大同小異，係唔同海鮮嘅分別。揀咗內務總管 328海鮮白蜆，蝦，大蜆，扁蟶子，鮑魚，元具同蟹半隻，基本上海鮮都好新鮮，鮑魚仲識郁嘅添，蟹半隻好鮮甜。肉美國肥牛同雞腿肉 女仔嚟講其實肉類已經有啲多，已經將啲牛肉分咗俾同事。丸類三寶丸，有牛骨濃汁牛丸、薑汁皮蛋貢丸、招牌墨魚丸三色丸中皮蛋貢丸最突出。另外仲有蔬菜拼盤旁邊有張紙，會寫到明啲海鮮要蒸幾多分鐘，基本上蒸爐好熱，都唔使點等就水滾。大滾之後，幾分鐘就食得最後就叫職員加粥底。初初以為，每樣得少少會唔夠，諗住可能要加海鮮，但原來所有嘢加埋都好夠飽。醬料係自助嘅，水都係，如果需要嗌嘢飲嘅話，餐廳都有少量汽水茶可以加購，價錢$20到起跳。船渦 (銅鑼灣) 銅鑼灣謝斐道500號維安商業大廈3樓

🍴餐廳：船渦📍地址: 銅鑼灣謝斐道500號維安商業大廈3樓知道船渦有一人一鍋蒸海鮮餐，套餐份量都係一人份量，特登過嚟試下，呢度私隱度好高，可以落簾，一個人嚟食嘢都唔會望到對面。我哋兩個人叫咗一個八府巡按海鮮餐，再叫多個叉燒拉麵，海鮮餐真係抵食，已經包括咗咁多活海鮮，仲要送埋芝麻雞翼、餃子、沙律、粥底、仲有牛肉雞肉，兩個人都夠哂食。⭐八府巡按套餐🦞龍蝦、鮑魚、元貝、 北寄貝、扁蟶子、白蜆、蝦、鮮魚片、蟹(半隻)估唔到四百幾蚊都幾多海鮮，龍蝦仲係新鮮龍蝦，放落蒸鍋入面仲識郁！呢個價錢真係超值，蟹同鮑魚都好大隻！都係活鮑魚！🥩安格斯牛肉、雞腿肉除咗好多海鮮好抵食之外，仲包咗兩款肉類，推薦叫雞腿肉，蒸完之後好重雞味好鮮甜🥟蟹籽沙律、芝麻雞翼、雞軟骨餃子估唔到呢度炸物都係咁好食，芝麻雞翼必叫🥬三寶丸+時蔬拼盤其中有一隻丸，入面有啲薑蓉好好食，好特別🦀蟹膏蟹肉粥蒸完海鮮之後，店員幫忙煮粥，我叫咗蟹膏蟹肉粥，啖啖有蟹肉，結尾好滿足。🍜叉燒拉麵食完咁多海鮮一定要食返碗拉麵，無咁漏，一碗麵有好多片叉燒嘅抵食。

#搞串個pantry今次終於嚟到一間想食咗好耐嘅餐廳😍！一直以來都見到有人講💬，而且影出嚟嘅 #海鮮 火鍋相🌊都好靚、好吸引💕。今次我哋就嚟到呢間位於 #銅鑼灣 嘅 #蒸氣火鍋 舖🥘。我哋嗌咗九品芝麻套餐($258)。🥗沙律、章魚燒(2粒)青瓜絲蟹籽沙律夠爽脆。章魚燒外層口感硬脆，配埋木魚同中濃醬味道唔錯。🐚白蜆、大蜆、扁蟶子最好食都係貝殼類，厚肉、脹卜卜，而且食落超級鮮甜，冇得彈！🦐蝦肉質鮮甜，又有口感，果然蒸出嚟好食過平時烚。🐟鮮魚片選用咗充滿油脂嘅部位，每啖都有油脂嘅幸福感。🦪鮑魚配埋蒜蓉蒸好好食，而且影相一流！🥩美國肥牛、雞腿肉肉嘅油脂同埋肉汁鎖住係肉本身，唔會好似其他煮法咁流走咗，好正！☄️三寶丸(牛骨濃汁牛丸、薑汁皮蛋貢丸、招牌墨魚丸)每款都有各自嘅特色味道，而且口感彈牙，整得幾有心機。🍛蔬菜拼盤、南瓜香芋粥蔬菜同南瓜粥吸收咗蒸完唔同肉類、海鮮嘅鮮味，好吸引。

好少寫食評～主要原因係懶懶同懶，但偶爾都會因為間舖頭出眾而令我都想寫返兩筆同大家介紹返^^亦為自己留下一點回憶。今次幫襯因為老婆生日以往老婆生日多數都會揀選西餐，但忽然今次心血來潮上網openrice望下望下就揀咗呢間小弟從未幫襯過的船渦蒸氣鍋餐廳。晚上九時順利進場座位尚算寬敞 位與位之間用竹廉阻隔未至於太過礙眼，由於我只想重點食自己喜歡的海鮮所以係並冇點選任何 套餐（但之後發現原來套餐係非常抵食😅），檯面有計時裝置亦寫明每樣海鮮需要蒸煮嘅時間， 對於我這個第一次幫襯嘅人嚟講覺得又好玩又新奇🤣。同老婆各自揀選自己喜歡的海鮮值得一題亦係小弟重點推介就係北寄貝，自從某次係一間羊羊火鍋店食泡新鮮北寄貝之後就正式宣告返唔到轉頭，嗰種新鮮嘅香甜味道一直令我回味無窮， 所以今次我亦毫不吝嗇咁一口氣就點算咗三件（以為自己很豪氣的樣子🤭）最後亦不負我所望一個字正，冇誇大亦無誇張唔信嘅自己試下😏 。至於其他點選例如龍蝦雖然細隻但完全符合個價錢只能夠講其實係好抵食， 澳洲m5和牛香濃墨魚丸充滿墨魚肉，蟶子夠大隻香甜扇貝就一般正常感覺啦！！ 最後亦都係我想講一句要讚下嘅就係全晚嘅海鮮貝類多除左蟶子 食到少少

朋友👧🏻約我喺銅鑼灣食飯，佢👧🏻帶咗我嚟呢間喺樓上嘅蒸鍋餐廳，佢話呢度一人一鍋，自己蒸，蒸生啲又得， 蒸熟啲又得，時間隨得自己鍾意，仲有自己鍾意食乜就叫乜，可以好個人化🤣；我多謝朋友👧🏻向我解釋，不過我話俾朋友👧🏻知，佢👧🏻帶我食乜我都會去🤣我哋一人叫咗一個 $258 嘅「九品芝麻套餐」，包括咗好多食物：- 前菜：沙律- 炸物：章魚燒（2粒）- 海鮮：白蜆、蝦、鮮魚片、大蜆、扁蟶子、鮑魚- 肉類：美國肥牛/豚肉片/雞腿肉（3揀2）- 丸類：三寶丸（牛骨濃汁牛丸、薑汁皮蛋貢丸、招牌墨魚丸）- 蔬菜拼盤＋甜品前菜：沙律炸物：章魚燒（2粒）海鮮：白蜆、蝦、鮮魚片、大蜆、扁蟶子、鮑魚：全部都新鮮幾好味，其中 白蜆同埋大蜆好鮮甜🤩；鮑魚就幾煙靭彈牙😋肉類：美國肥牛/豚肉片/雞腿肉（3揀2）：我揀咗牛同豬，朋友就揀咗豬同雞，基本肉質都幾軟滑😋丸類：三寶丸（牛骨濃汁牛丸、薑汁皮蛋貢丸、招牌墨魚丸）：全部都幾彈牙🤩蔬菜拼盤：有南瓜、生菜、粟米、金菇菜、香菇，全部蔬菜都幾新鮮🤩跟住仲可以煮 米粉 同埋 出前一丁（+$8）😋

今次試下一人蒸海鮮鍋,餐廳每個位都有竹簾,可以間隔開一個位,一個食都唔洗怕尷尬,享受私人空間.九品芝麻套餐前菜有蟹籽蟹肉青瓜,好清爽章魚燒2粒-即整熱辣辣,外脆內軟,入面好大粒章魚海鮮有白蜆,蝦,鮮魚片,大蜆,蟶子,鮑魚. 蜆份量都幾多,大隻又鮮甜.鮮魚片好有驚喜,真係好嫩滑好有鮮味. 鮑魚彈牙. 餐廳專食海鮮,都仲有好多款可以另外加購,例如蠔,龍蝦,元貝,帶子.美國肥牛牛骨濃汁牛丸,薑汁皮蛋貢丸,墨魚丸,好惹味蔬果拼盤南瓜芋頭粥最尾有粒雪米滋做甜品💰HKD$258

不嬲我都好鍾意打邊爐，早排有朋友推介左我去食呢間粥底海鮮火鍋，online見d相都幾高質同吸引！黎試完之後更加覺得好抵食，比預期既更高質！佢呢到係揀set既，然後再揀想要咩粥底，如果唔夠，可以再追加，唔錯！我地order左「九品芝麻」火鍋，好豐富，有以下咁多樣野…首先黎左碟青瓜蟹柳沙律😍然後再上左兩粒章魚燒，幾都好食！同埋都幾多海鮮下，有白蜆、蝦、鮮魚片、大蜆、蟶子、鮑魚，佢係枱上寫低曬每款海鮮要蒸幾耐就食得，海鮮好新鮮，所以咩都唔使點，就咁食已經好鮮甜好好食！肉類就俾揀兩款，我揀左肥牛同埋雞肉，就咁蒸都好好食，肉味都重！丸類都有3款唔同款既丸，有牛骨濃汁牛丸、薑汁皮蛋貢丸同埋招牌墨魚丸，食得出係特別高質既，因為d丸咬落係好juicy，唔係實的的果種👍整體食完覺得好滿足，佢每樣都有d亦都整得好精緻，食完曬亦都好夠飽，臨尾果碗粥真係吸曬d精華，好正！我地叫左南瓜粥同蟹粥，個蟹粥係超鮮超重蟹味，好正👍

近年蒸氣海鮮火鍋非常盛行，而銅鑼灣嘅呢間船渦更首先推出咗一人鍋嘅概念，以唔同嘅海鮮，加上肉類丸類蔬菜盤作為套餐，最後當然唔少得用海鮮嘅精華煮粥☺️九品芝麻 $258呢個入門套餐嘅海鮮有： 白蜆，蝦，鮮魚片，大蜆，扁蟶子，鮑魚。除咗海鮮套餐仲包括沙律、章魚燒、美國肥牛、豚肉片、三寶丸（牛骨濃汁牛丸、薑汁皮蛋貢丸、招牌墨魚丸）、蔬菜拼盤等，已經非常豐富😳另外亦有教你每一樣海鮮/菜式要蒸幾耐時間，咁就唔怕蒸過龍☺️內務總管 $328主要係海鮮料上有分別：白蜆，蝦，大蜆，扁蟶子，鮑魚，元貝、蟹/ 蟶子皇，海鮮非常新鮮，見住喺魚缸撈上嚟即刻處理，蜆類幾出色，唔會食到有沙，而大大隻元貝同蟶子更係好鮮甜🤤最後當然唔少得用返南瓜芋頭粥，店員會幫你調節返煮粥嘅水量先煮，不得不說用海鮮嘅精華煮出黎嘅粥真係特別鮮甜好食🥹

因為太耐無食過蒸汽火鍋,所以心思思就去左一間主打做蒸汽火鍋既船渦😙一入到去侍應安排左我地坐高枱餐廳裝修都係偏向和式🎐環境不錯呢度晚市有單點同套餐既,如果唔鐘意左諗右諗既朋友套餐就岩晒啦🤭我同朋友就一人簡左一個<九品芝麻>同<內務總管>餐頭盤係刺身3點同炸物之後就黎海鮮拼盤🦐🦀🐠分別有蟹,海蝦,鮑魚,大蜆,魚片等等..大蜆超級新鮮 黎到既時候仲識郁既🤩食到停唔到口👅蝦同蟹也鮮甜不過如果想增加味道的話餐廳都有一個自助醬料區既方便大家自行按口味調配醬料✌🏻再黎就係肉類(豬/牛/雞)同蔬菜🥬食到呢一度其實己經飽左8成之後就可以叫店員加個底啦我就簡左粥底粥底吸收到海鮮同肉既精華食完停唔到口 一碗又一碗😋😋😋亦都為今餐晚餐畫左一個完美既句號總括黎講 推薦大家黎呢度一試

出左糧食豪啲先！作為火鍋愛好者，我係可以一年四季都打邊爐！上OP見到呢間好多海鮮就BOOK左喇。上到嚟，發覺個地方都唔細，就算平日都full。設計好好，廉可以放落嚟，無論係一個人，兩個人，定一大班人都得，私隱度充足。枱上面都會都提示每樣食物應該蒸幾耐，可以較定時，唔怕overcooked。揀左八府巡按套餐$488一個人。有🥗沙律，🍗芝麻雞翼，雞軟骨餃子🥟。海鮮有白蜆，蝦，大蜆，鮑魚，元貝，扁蟶子，鮮魚片，肉蟹，龍蝦(半隻），三寶丸，時蔬拼盤。肉類要咗安格斯牛肉，如果要全部都係牛高要+$10。呢個係價錢中上嘅套餐，有好多海鮮，另外仲有個蟹籽沙律，炸雞翼，咁軟骨餃子，炸到脆卜卜，雞翼炸到啱啱好。所有貝類都好Juicy，好多汁，蒸出嚟好鮮甜。鮑魚同肉蟹都係啖啖肉，仲有好多膏，超級滿足。另外揀咗安格斯牛肉，見到油脂分布都好靚，好香牛味。+$28 蟹肉蟹膏粥加多咗少少錢，最後店員會幫手煮個粥底，會加咗蟹肉蟹膏落去煮，成個粥都好鮮甜，忍唔住食晒。另外有水缸，見到晒所有海鮮，好生猛，隔籬就係醬料區，可以自己配製。呢度有好多套餐揀，建議大家可以叫個平啲，再配個貴啲share食，咁樣就可以食到好多唔同嘅

-船渦🍽️-內務總管 $288一人一鍋蒸氣火鍋全部都有小食/刺身/海鮮/肉類/丸類/蔬菜拼盤😍基本上唔同價錢都係海鮮種類唔同愈貴當然就係有更正既海鮮啦😉$288套餐有白蜆/蝦/鮑魚/蟹/元貝/大蜆/時令海鮮北寄貝😋全部都係勁新鮮好甜肉質彈牙最推介鮑魚同北寄貝👍肉同丸就正常發揮皮蛋丸好特別😉-八府巡按 $388高一級既八府巡按就多左龍蝦/魚片😉龍蝦手掌咁大隻就咁蒸係完全食到個陣鮮味乜都唔洗加😋最後可以揀粥或者粉麵有哂海鮮既精華用黎滾粥最正！再加埋南瓜芋頭超好味😍-🌟評分:🏅🏅🏅🏅🏅📍地址: 銅鑼灣謝斐道500號維安商業大廈3樓-

海鮮盛宴｜鮮甜南瓜芋頭粥底｜船渦本人十分喜歡蒸海鮮🦞因為咁先食到海產原本嘅鮮甜滋味😍聽聞銅鑼灣有間蒸海鮮鍋，即刻去試吓‼️晚市有4個不同價位嘅dinner set選擇，我哋就保保守守咁揀咗個中價位嘅試吓。海鮮都新鮮！餐廳特別之處係會座位安排，佢基本上每個位一落竹簾就可以變成一人間，一人海鮮鍋都唔尷尬😃一位都可以舒服咁食。另外，餐廳係自助落單，上齊菜後，我哋係要自己控制個蒸鍋㗎😉枱上有清晰指引，教我哋不同菜需要蒸嘅時間。咁就自己想幾時食咩海鮮就幾時整，十分彈性👍🏻內務總管套餐🍽️人均：$288（加一服務費）🕰️時間：平日晚市（全晚滿座，建議先訂位）* 三點刺身 （北寄貝、甘蝦、帆立貝)* 炸物、（日式炸雞3粒）* 海鮮：白蜆、蝦、 鮑魚、蟹（半隻）、元貝、時令海鮮、大蜆* 肉類：美國肥牛/豚肉片/雞腿肉 （三選二）* 三寶丸（牛骨濃汁牛丸、薑汁皮蛋貢丸、招牌墨魚丸）* 蔬菜拼盤* 甜品（糯米糍）值得一提係最後大家可以揀要粥底定麵底，因為我第一次食，所以揀咗粥底，粥底唔洗加錢。食到咁上下可以幾點完你想粥底。南瓜芋頭粥加上海鮮鮮味，好食到我食哂成盤粥🤤Bible rating: 9.5/1

成日覺得蒸嘅海鮮最好食，因為最食到海鮮原本嘅甜味 😋 今次就去食蒸氣海鮮鍋，食足幾款海鮮過足癮 😍 呢度最特別係一人一鍋，所以想點食點蒸可以完全自己控制，好玩得黎又好好味 🤤 內務總管套餐前菜：刺身、炸雞刺身有北寄貝、帶子同蝦，全部非常鮮甜 🫶🏻 炸雞都幾大舊，熱辣辣又唔會好油，幾唔錯 😋海鮮：白蜆、蝦、鮑魚、蟹（半隻）、元貝、貴妃蚌、大蜆每款海鮮蒸嘅時間都唔同，檯上面有個表可以參考，所以唔太需要擔心唔知蒸幾耐 👍🏻 果然蒸出黎嘅海鮮特別食到甜味 🤤 元貝、蝦同貴妃蚌非常甜，口感又好，大蜆就有少少海水嘅鹹味，蟹雖然得半隻，但都幾大隻 😍 海鮮控一定滿足 😍肉類：美國肥牛/豚肉片/雞腿肉 （三選二）我同朋友揀左唔同嘅組合，所以三款肉都可以試到 🤤 肥牛少肥有牛香，雞腿肉就好嫩話，個人就最鍾意豚肉片，肥瘦適中，入口又香 😋三寶丸（牛骨濃汁牛丸、薑汁皮蛋貢丸、
招牌墨魚丸)薑汁皮蛋貢丸勁正 😍 入口爆薑汁，辣辣地好香口 🤤牛丸味道比較濃，而墨魚丸就好彈牙 😋蔬菜拼盤有粟米、生菜、紹菜、翠肉瓜、冬菇同南瓜 🤩 其實蒸菜真係超級鮮甜，而且特別 juicy 😋粥底 / 米線食到最後可以揀粥底或者食

第一次嚟到主打一人一個蒸氣火鍋店，可以間開座位 ，就算毒毒一個黎都5會尷尬😛 晚市套餐非常豐富，有刺身，炸物，肉類，丸類，海鮮同埋包你夠飽嘅粥底或者米線🍜套餐唔夠，或者想追加仲可以單點添！炸物尤其喜歡章魚🐙燒同炸雞🍗粒新鮮熱辣上，5會太油！ 蒸海鮮好好玩，每一次開蓋都好似開奬咁驚喜，自製「登登登登」聲😂海鮮最平$218套餐都有成5款，白蜆、蝦、鲍魚、鲜魚片、大蜆。套餐豐儉由人，我覺得最主要就係睇你想食邊一類海鮮。新鮮不在話下，$288個套餐有蟹，蟹🦀️膏真係爆漿式，又易剝，岩哂我呢啲懶人～丸好彈牙，不過肉同丸我會建議等埋米線同埋粥一齊煲先至好食。私心推介粥係正過米線～有南瓜🎃，芋頭做底，再吸哂海鮮汁😋好鮮好舒心。仲可以有成4-5碗，食完真係好飽。最尾仲有糯米糍甜品送添！另外想讚員工好留意你嘅需要，適時換碟同提供協助，服務一流꧁☬小編食左咩☬꧂✅ 九品芝麻✅ 內務總管(◔◡◔) ♥ 人均傷害💰： $250♥

試左兩款午市海鮮套餐，包括水師提督套餐同八府巡按套餐。海鮮超高質，食到舔舔脷！😋😋水師提督套餐啲海鮮真係豪華至極！有新鮮嘅海鮮蟹同龍蝦肉，滋味鮮美。蟹肉鮮甜，龍蝦肉鮮嫩多汁，真係令人回味無窮。另外，貴妃蚌同卜蜆都鮮嫩彈牙，加上鮮甜嘅海蝦同魚片，令呢款套餐更加豐富多元。八府巡按套餐亦係一個不容忽視嘅選擇！套餐中嘅海鮮質量同添料都非常出色。蟹肉鮮甜，龍蝦肉鮮嫩，貴妃蚌鮮脆，卜蜆鮮香，海蝦肉質鮮美，魚片新鮮可口。每一款海鮮都經過精心烹調，保持住原汁原味，令人嘆為觀止。呢間餐廳嘅午市海鮮套餐真係物超所值。海鮮質量上乘，新鮮度一流，味道鮮美。烹調手法純熟，保留咗海鮮嘅原汁原味。服務態度友善，環境舒適，令人感到愉快。如果你係海鮮愛好者，呢間餐廳絕對值得一試！我一定會再去光顧！