興記麵食家 (已結業)

晚上九時許一個人搵食, 行到基隆街, 福來居牛記的食客坐到一街都係, 自己一條友梗係無份啦!! 唯有行左去興記食過快麵, 呢間麵店好細, 只係得十多個位, 而且衛生程度亦麻麻!!記憶當中呢度牛根腩都唔錯, 坐低即叫碗原汁牛根河($14), 佢地的牛根腩係以傳統柱侯汁煮成, 自問自己喜歡柱侯牛腩多過清湯腩或潮式腩, 所以啱晒我的口味, 聞落去薑同花椒八角味頗濃, 牛根食落去好入味, 炆得比較'林'但又有少許o趙頭, 而且d牛腩汁亦非常惹味, 配米粉或河粉食最正因太肚餓關係, 所以再叫碗水餃麵($14), 水餃有3 粒, 但唔知係咪我唔好彩, 梘水麵煮一d得唔彈牙, d水餃入面d肥豬肉太大舊, 真係好失望, 下次都係食多碗牛腩麵算啦

星期六早食lunch，於是到六點時，肚子已作響！即刻急call 阿媽叫佢買碗筋腩河俾我醫肚。阿媽一番屋企，立刻打開個碗，開始KO碗筋腩河。湯底真係好香好濃味，跟現時的粉麵店好唔同。湯底之鮮甜來自大地魚湯，而花椒八角陳皮味就黎自腩汁！牛筋淋中帶彈，入味，有嚼頭，不會一味得個淋字。牛腩望落去好似好鞋會黐牙，但食落絕對唔會。入味之餘，牛腩已炆得頗鬆，很好！河粉也要一讚，粗度適中，且不易開，又唔會碎濕濕，仲吸晒d湯嘅香味！加埋蔥花，味道更出。不消10分鐘就KO咗碗野，好滿足！

買了一盒淨牛筋腩，再煮多個蝦子面，已經係好好食一餐。盒牛筋腩份量正常，牛筋多過牛腩。牛筋有d炆到好淋，有d仲好多彈性，一盒兩者都有，亦有兩種不同口感。牛腩不是什麼坑或爽腩，比較鞋口同韌。個腩汁好正，用黎撈面一流。

豬手麵真是一絕,不試真係損失不過雲吞撈粗才是我既至愛,正牛腩反而不是最標青(不過絕對比現時大部份既舖頭)你很難想像現今香港仍有一間食店沒有茶水買但是在興記,伙計會叫你到隔離士多買野飲雖然他們舖仔細細,但係食物質料絕不失禮只論是雲吞,豬手就絕對比池記,七喜好得多不過在河粉在這裡相對普通而且環境確實是差!!!第一,真係太細20果位都無,預左座街邊第二,廁所同座位太近,不過冇異味,只係好容易見到廁所門女士們可能接受不到.第三,木檯,摺椅--你千奇唔好對環境有期待不過十幾廿蚊既價錢,廿幾年如一既食物高質素(再早d我唔知)你仲想點

呢間野開咗好耐喇，由細食到大，甚至係我未出世阿媽都已經食緊。之前都有search 過or 睇吓有無，但無，而我又唔記得exactly 個地址，所以無幫佢加落or, 而家有得寫真好！水餃永遠都是足料大隻新鮮的；反而雲吞就唔少水，而家唔係好大隻，但幸好蝦肉比例均勻。牛筋腩十年如一日，好入味，味濃，不膩，炆得淋。河粉都好得，唔係cheap 野，爽口的！面更加無得彈，雖有鹼水，但面身真係超爽超彈牙，加埋醋食無得頂！最後當然要大讚個湯啦，又係十年如一日，都係咁濃，用大地魚熬出來的，鮮甜，不過有時食到尾會覺得太咸。

這裏地方細少，而且比較難揾，除非係住附近或係做司機先至識得嚟。這裏只有牛腩、豬手、雲吞、牛丸同魚旦可供選擇，但好嘅嘢係計精不計多..(quality is more important quantity!)這裏的牛腩是傳統的濃汁柱候，牛腩本身亦爽而入味，配搭河粉或米粉，這可吸收牛腩汁的清香，正!!另外見到都好多人叫豬手，看上去亦十分吸引，下次我一定要試試+

(3/5)　　記得上一次吃那美味餃子，路經此店嗅到那濃郁的牛腩味，心想總有一聚。今天放棄了雄發的綠蔭下，選擇捷身於此狹窄的店中。　　坐下不久，那年長廚師以雄厚、低沉的聲線問：「要…點甚…麼？」懶理牆上的餐牌，便說：「牛腩麵、菜心。」前後不到三分鐘，食客已滿佈店內，店舖的座位不多也是原因，有的還坐在店外，但這無損各食客的意欲。綜觀此店的環境並非陳舊，但無論店內的所有職員，以及用具並不是新，有理由相信是另址遷入。而靠近廚房的本人，看見他灼麵、灼菜的鏗鏘之聲，叫人食指大動。先上桌的牛腩麵，並沒有要求甚麼位置的牛腩，只見上桌時的碗子、外觀、份量已合心意，不會過多亦不會過少，而湯底也無需添加甚麼調味料，也足見濃郁。看見這個陣容，不禁回憶起昔日的「南香」。　　入口的湯如想像一般，真的很濃，但這濃郁不會叫人難受，八角、陳皮、薑味盡出，再嚐麵條，爽口的，浸湯較長的時間也不會發脹起來，再嚐牛腩件，滿以為會韌起來，但入口是鬆軟，肥美的部份也很香，有些牛筋夾雜著，軟滑無比。菜心，一般之作？非也，有些麵店賣的油菜特別好吃，只因有適量「梘水」混合當中，令到菜更易入口，而適量的油、蠔油增加美味。看見不少食客點了豬