興記麵食家 (已結業)

哈哈！今次呢間麵店，係令我明白到同一個麵底，原來都可以煮出兩個世界嘅啟蒙老師，佢之前係太子真係薄有名氣㗎！佢嘅豬手撈麵真係頂瓜瓜🍉，豬手炆到啱啱好，腍得黎又膠原蛋白十足，粘口又香濃嘅醬汁，一吮就骨肉分離，唯獨是個面底，唔同師父煮出黎真係唔同感覺！佢之前係好地踎嘅一間小店，昏黃嘅燈，窄小嘅店鋪，因為鋪內空間太小，對住煮麵幅牆嘅位置直接就有一張鐵枱，你係好清晰就見到邊個煮麵。我果時真係好似俄羅斯輪盤咁，如果係老嘀果個伯伯煮，個麵一定好食！因為佢掌握個麵嘅爽口度，乾身感，係完美！而其他人煮都係水汪汪，個麵淋哂....但自從佢頂手後，我就再冇去過啦！經過見佢頂埋格離間鋪黎做，應該生意都唔錯丫！但轉手之後硬係驚佢唔同咗，所以遲遲都未敢嘗試...今次因爲趕時間，要速食，咁不如俾個機會佢啦！（哈哈！係咪覺得自己好勁，唔知以為人哋好恨）同樣嘅配方，懷舊嘅味道，豬手同以前一樣，炆得又腍又香又膠口！菜比起以前進步咗！有揀過！個韭菜花一嘀都唔老，俾個like 先啦！👍🏻個撈腩正丫！同之前真係分別唔大！但個麵底都係好飄忽，好似蠱惑的槍咁，梅花間竹，時軟時爽！係咪想秉承翻上手嘅傳統？其實我之前坐係老師傅前，睇佢

之前我在太子「砵蘭街」尋找食店享用晚餐，結果找不到適合自己口味喜好的食店，敗興離開太子「砵蘭街」，轉往旁邊往深水埗方向的「基隆街」，尋找星期日晚上真正食到晚餐的食店，我曾經擔心要花很長時間去搜索。加上我剛剛在太子段「砵蘭街」裡面，遇上在其他食店裡面，找不到目標食材晚餐，而且價錢頗為昂貴，我被迫帶着開始有點飢餓的身體，務求儘快找到食店食飯，解決是日晚餐需求。「山窮水盡疑無路，柳暗花明又一村」結果我在「基隆街」太子段街道上，徒步步行搜索僅僅一小段時間，就立刻找到可以食到目標食材「牛腩」的潮州粉麵食店，這食店的名稱叫做「興記麵食家」。這間「興記麵食家」跟我在西貢「親民街」，光顧過的中式雞飯食店「西貢X皇」有個共通點，就是同時有兩個相連，但是互不相通的舖位，我同樣在「興記麵食家」正舖旁邊的舖位找位坐。「興記麵食家」跟「西貢X皇」有第二個相同的地方，就是兩者裡面的廚房都有製作，和提供中式「牛腩飯」食品給食客。不過「興記麵食家」在這方面安排就比「西貢X皇」更周全，「牛腩飯」以「客飯」形成登場。「興記麵食家」安排他們製作的中式客飯套餐，包括有一碟中式飯、一碗鹹味的中式餐湯「紫菜湯」，還有一碟可以自由

太耐無黎，上次無開門，今次有開！但門口多左缸魚... 心知... 再問問師父，但來轉左手年多！不過都黎到，試番碗先走！叫左牛腩麵爽麵，滿心期待 到啦，碗麵 size 正常，比上手大DD，但比同區其他貴幾蚊，(附近 4 / 5 間全部食過) ，想試啖湯先，但無做到，因為湯面果層肥油比我D面油仲多，唯有食麵先，師父淥麵手勢及麵質唔錯，爽口無梘水味！(隔隔D油先出餐啦，同行...)因本身D腩汁湯太肥，叫師父比小碗清湯我試試，佢話要加錢，要問樓面個老細，(我唔係唔想飲原來個D) 咁我話唔洗啦！跟住老細皇恩浩蕩咁比左少少我，多謝晒！個湯飲完唔口渴，夠清，無左上手D 胡椒咸香味，但未到吓吓收人錢咁正嘅 level! 再講，牛腩入味，偏碎同幾瘦，份量ok，唔係得 4/5 粒,讚！風味 recipe 轉晒，無所謂！但在附近間間都開左十年以上的麵檔中間，可以 humble 一點嗎？？ 總括，唔錯嘅，但有時人食，唔係淨係你話料靚就信晒，而係一份人情味同廚師嘅細心...會否再黎，你地好易估嘅啫....

去左幾日旅行之後，返嚟香港都係掛住食雲吞麵，之前都食過呢間，覺得都幾好食，今日經過又再食啦。個人應為超正，真心覺得值得推介。如果係一個人自閉食嘢都唔覺得好慘咁囉雲吞麵啲蝦食落去好新鮮，而且仲食到有蝦殼添！證明真係新鮮自己包囉⋯⋯今次見到牆上面貼住禁止食煙（其實都好一般），但係禁止瞓覺（真係第一次見）。可能附近太多街坊鄰居想順便入去涼冷氣一般來講食雲吞麵我都會加油菜，加辣椒油，加多杯嘢飲就覺得係完美啦。

你都太子想食個面所以就入咗黎呢一間 叫咗個雲吞麵食個雲吞都有鮮味同埋蝦同豬肉嘅比例啱啱好面亦都冇鹼水味所以都唔錯架另外都叫咗個豬什份量都多同埋味道都正常 收費亦都比較平

有人說，傳統的雲吞麵做法，是雲吞放碗底，再放麵，然後淋上熱湯有人覺得不依這種方法，就是不傳統其實方法只是方便外帶，令麵身回家吃時也不會太腍，當時仍未有分湯的做法現在，由廚房到餐桌，也只十步之遙，真的没必要用這個做法再者，雲吞麵上枱，就先見到雲吞，肯定比見到麵更歡喜標準細蓉，一両麵+4粒雲吞，這碗麵交足貨，麵條爽彈，雲吞一口一粒，湯底鮮甜不是每家麵店都做得出來，何生的那一碗，就只有7錢麵，半口雲吞如果你以為何生碗麵份量大幅減少，價錢亦降低守護傳統的話，年輕人，你實在太年輕了，何生是大幅加價！不過唔緊要，幫趁何生通常都唔是香港人一代宗師說過「唔好話俾我聽你有幾咁打得，師傅有幾巴閉，門派有幾咁深厚，功夫，2個字，一橫一直」其實，烹調都係一門功夫，唔好話俾我知我你師傅有幾厲害，煮好你的餸先講先啦既然扎根香港，何不回饋香港？像興記一樣，用心做好一碗雲吞麵，收一個良心價，作為香港人，會很感激你的總結：1）完美黃金平衡比例2）連湯都隊埋3）車軚人唔該你唔識中菜就唔好亂咁俾星啦

今日係公眾假期, 同老婆阿仔去深水埗食lunch,但間間食店都爆多人, 然後我地由汝洲街一直行, 行到最後決定黎呢度食碗粉麵算數.我同老婆叫左呢個淨雙拼. 雲吞入面有好爽脆的玻璃蝦, 但整體味道偏鹹. 至於水餃, 說實在真的很難吃, 不知道其中出了什麼問題, 饀料有陣陣的怪味, 令我同老婆不敢再吃下去. 此外, 肉饀質感鬆散, 好像不太新鮮. 唯一好的地方是皮很滑.老婆食呢碗. 我有試吃. 最讚係河粉, 河粉好滑. 而牛腩質素則一般, 食食下會食到薑蓉, 但價錢便宜又不能挑剔得太多.我叫呢個. 麵好爽, 很不錯. 我鍾意食豬雜, 比較過往所吃的豬雜, 覺得呢度都算OK, 但其實另一條街有間粥麵店比它更加好吃. 湯偏鹹及太重口味, 感覺有味精似的. 阿仔食呢個, 我幫佢叫左枝豆漿, 解味精渴.

帶狗狗來這附近打針，想找點吃的都比較難，因會有狗狗在，受了很多限制。幸好有間小店肯讓我們進入，而我們亦找到寶!!在小店隔壁有一間大約有6張枱的地方供客人吃麵，我跟太太都各自叫了雙拼麵，東西來得很快。雲吞鯪魚球米粉 $43雲吞非常大粒，餡料很多，而且怕吃肥肉的太太也說這肉很好吃，當然最主要原因是他們的蝦也很大隻!!鯪魚球是自家製的，但咬感有點偏硬。雲吞魚片頭麵 $43魚片頭很好吃。我們還點了豆漿一枝，大約500毫升，$10。

#小秘書 應承咗大學做一個醫學研究，接受一個為期八個星期嘅 #針灸治療，本來 #小秘書 喺放工嘅時候都未係咁肚餓，不過唔想做治療期間暈抵，都係食啲嘢先去見 #醫師 比較穩陣😅#小秘書 對太子唔多熟路，地鐵出嚟就係基隆街，兩旁都林立住大小唔同嘅餐館，不過 #小秘書 一個人又無理由去打個 #邊爐、又或者整個 #叉雞飯😆 離遠見到 #興記 個招牌，我諗呢度比較啱我🤩 #興記 屬於傳統底嘅麵店，開放式廚房，食客都似住喺附近嘅街坊。#小秘書 比較貪心，明明話唔肚餓，最終都食咗個 #雲吞魚球河😅 #魚球 味道唔差嘅，不過硬係覺得佢落得太多粉，口感膠膠地🤣 #雲吞 餡料只屬一般，口味可以，但唔稱得上好好食😏 不過個湯底跟河粉做得幾好，加埋腩汁做調味劑，ok嘅！

連續幾日天氣炎熱冇胃口食飯，上次試过興記嘅雲吞麵，覺得麵嘅口感唔錯，今次試食水餃豬什撈麵，水餃有好輕微嘅苦澀味，豬腸普通，但豬膶出奇新鮮好食，食撈麵反而覺得冇上次湯麵咁正，其它下次再試

聽講老闆快要頂手比他人做喇~要食番呢個味道嘅朋友好盡快去食啦~我聽講係在2月27號會頂幾下一個老闆做, 到時可能冇機會再食到呢度咁入味嘅牛腩同豬手同埋嗰個大地魚我果皮湯底𠳏~仲有有佢哋既四兩重五粒雲吞加好彈牙脆口靚靚生麵, 真係好可惜

成日都係心思思想食牛腩面雲吞面！今日行到太子果頭，諗起上次食過一間幾好味又大大碗，但忘記左叫咩名，總之門口有一排櫈仔咁見到呢間興記門面似似地就入左去叫左碗細蓉。頂，點知完全唔同，面尚可，湯頭唔掂！d雲吞多就多有成5粒，但d蝦淋既！食到扁哂咀...食完行返出街口先見到上次食過好食果間...門面極似，都係有一排櫈可以係門口食...但鋪面較大。呢間真是...嘛嘛地價錢 $25鋪面窄、比較大眾、呢個唔洗講😹

今日過太子呢頭買窗簾，買完之後勁肚餓，本來諗住食個大家樂，但係經過呢間麵店，覺得食個雲吞麵都唔錯呀。入到去見到有啲麵係雙拼，於是我揀咗雲吞拼水餃，因為兩樣我都鍾意食。雲吞都唔錯，皮薄餡靚，估唔到餃子仲好食，裏面啲雲耳絲特別爽口。叫埋個就淨食牛腩，都幾大碗，幾抵食，啲牛腩仲炆得好淋，啲筋位好正。

係油尖旺區，要搵到好食又抵食既麵店，幾乎係不可能既事，我首推薦呢一間位於太子既興記麵店，夏天很熱出晒汗時又好，冬天凍到雪雪聲都會堅持行過來食，食左好多年了。 雲吞麵，無論湯底，麵底，抑或雲吞都係上佳之作。湯頭清甜飲晒都唔頸渴，香香的羅漢果味，喝一口，滿足一周。 麵底，彈牙，非常彈牙，而且沒有梘水味，用門牙切斷果一刻依然爽彈，爽呀！ 雲吞，大小適中，肉與蝦比例適中，感覺非常良好。 值得一提係呢度既醋，估計係濃濃的荔枝醋，絕非一般麵店用既淺粉紅色醋可比。 再叫多碗炸醬撈麵（朋友叫左雲吞麵+牛腩撈粗） 炸醬係堅持傳統製作，絕對食得返二三十年前“好到底”的水準，而且，有過之而無不及。 目測伯伯年紀大了，到我老去的時候未必吃到呢門手藝了，傳統好食雲吞麵炸醬麵，愈來愈少地方食到了，呢一間，我仲會來多好多次的。 愛一個字　也需要及時 只差一秒　心聲都已變歷史 . . . . 趁你有能力開心 世界有太多東西發生 不要等到天上俯瞰

今天一早又心思思去興記，去到見到老闆又係忙於包雲吞，一早已經有一檯六個客食完準備埋單。前兩日試過雲吞、水餃，今天就試下佢嘅炸醬麵$25 + 凈雲吞$25，炸醬麵沒有跟湯，唔知係唔係因為有叫凈雲吞呢？忘記咗問老闆。一眼望落去碗炸醬麵奇怪點解唔係肉絲，似剁豬肉碎多D，雖然食落味道唔錯，不過習慣彌敦粥麺嘅肉絲口感，麺身因為冇湯浸住，比湯麵爽口彈牙。飲啖湯，鐘意興記湯頭味道好，我就唔覺有落味精，起碼飲咗兩次都冇口渴感覺。但今天D雲吞就冇第一天咁樣靚了，揸得太實冇曬D金魚尾，賣相唔靚，唔知係唔係其他夥計包的。總的來說咁嘅價錢有咁好味，喺香港都好難搵到了！