興發明爐燒味

营业中

休息中

九點半在文化中心看新宿事件三級版,由於不設劃位所以要預早排隊入場揀位,八點半去到尖沙咀諗住速戰速決!快快食完入場, 有咩仲快得過食燒味飯?見到呢度仲有潮式打冷食物,諗住仲好!可以多個選擇!义燒油雞飯$36 X 2----飯唔熱!义燒柴皮, 兩碟飯嘅油雞都係肥膏多過肉.鹵水拼盤$90----有墨魚片、紅腸、腩肉、鹵水鵝、豬耳、鹵水蛋、雞腎及大腸,睇落好豐富呀呵?各款也排得非常整齊!用筷了一夾之下發現對師傅不得不佩服, 刀功非常細膩!紅腸切得每片也薄如蟬翼!鹵水旦可以一開八,猪耳切絲幼細,而揀料亦有一手!看看那兩件肥美得只見肥膏不見肉的鹵水鵝!還有那八分肥兩分瘦的腩肉、雞腎像台北淡水著名的阿婆鐵蛋般有嚼勁!最精彩是底部堆得像小山一般的荳腐呢!拼盤內有七成是荳腐也不為過吧!別忘了晚上七時候有加一小賬唷!樓面貼心的愛理不理態度........真令人感恩!

呢間茶餐廳, 一向都幫襯開, 估唔到係or 的評價係咁不滯. 但老實說, 除了要加一又無咩服務這點外, 以食物而輪, 的確係不錯架喎!今次嚟當然又係打冷啦, 叫了我的至愛韮菜豬紅. 呢種係我食過的韮菜豬紅中, 最美味的一處. 不知何故, 他們的豬紅, 似乎加了特別味道進去, 有少少五香味卦?! 不似坊間那些無味的. 而口感已相當對辦, 有少少彈性, 不會太淋. 所以一直以來, 深得我心. 韮菜ok啦, 不是我那杯茶, 只是跟豬紅搭配也不錯, 也唯有咁, 我先會食咋! 再嚟係鹵水併盤, 有鵝片, 豬大腸和豆腐. 鵝片嫩滑, 不會有大陣羶味, 鹵水出色, 不會過鹹. 豬大腸不會很un, 乾淨, 沒有那up 味架, so good! 豆腐加了五香粉, 很香. 最後再加上一個潮州粥, 雖然水還水, 米還米的粥一向不是我杯茶. 但係乎咁的搭配才算正宗潮州野嘛, 也不錯吧!

咁大個女, 都從未試過咁貴嘅茶餐廳! 如果好食嘅話, 貴都唔緊要, 但以佢咁嘅價錢食啲咁嘅食物... 我真係只可以話 - 差勁!中環嘅價錢, 平民嘅質素. 真係有錢都唔再嚟食啦!一個四寶飯餐要$70, 癲架咩!注意: 晚上7:00後係有10%服務費!大家記住, 就算世界上再無任何茶餐廳, 都唔好去呢間興發燒味茶餐廳!

海防道熟食檔有間發興同呢間個名啱啱掉轉,一個係大排檔另一個係茶餐廳,唔知有無關係.晨早嚟到唔算多人,裝修企理周圍都有大電視,早餐方面中西式都有,粥麵,茶樓點心,三文治,港式茶餐,一應俱全,講得出都有,理應唔錯.叫咗個雪菜肉絲併醬爆丸公仔麵同奶茶($22),價錢唔算平但在尖沙咀亦算合理.但係碗麵好少料,幾乎無肉絲,醬爆丸就有兩粒,水準都係好普通,但唔善算難食奶茶都OK.有位阿姐D服務就認真麻麻,坐落好耐都唔拎餐牌嚟,叫又詐聽唔到,攞筷子都要自助,做老細要留意吓.

睇完concert, 之前都無食野就趕去睇... 所以就來亞士厘道搵食朋友見到有中菜然後就入來一試我地3個人... 坐了4人卡位位很貼桌子.... 坐得不太舒服... 成日踢到對面不過寬度又OK... 一邊坐2個唔會覺得迫見到MENU好似好多選擇都有左揀又揀後來就叫左3送一飯金銀蛋浸燕菜冰梅醬燒骨 (個名好似係咁)扇貝竹籠飯金菇蟹粉炒時菜金銀蛋無問題其實SO FAR我都未遇過有整得呢款菜難食既舖個醬燒骨有少少酸..... 幾醒胃只是我以為是金沙骨果個部位既排骨但原來是無骨的細件豬扒個竹籠飯無乜特別唔覺得用左竹籠會香D不知道這個也是給我們燕菜感覺和之前重覆了面的金菇和蟹粉很少味也淡總結順路的話一試無妨絕對不用專登來食

係海運返暑期工，個同事見我之前叫興發既燒味外賣幾正。所以佢今次叫左興發既原盅飯$32。送到來，望下張單係錯既，佢叫牛肉餅飯，張單寫排骨飯，都算，點知個飯係0岩既(牛肉餅飯)，都唔知搞咩。個同事食左一啖，即刻食唔落，話D牛肉好“拿”喉，有陣“梅”同“壓”味，可能係興發落鬆肉粉太多。另外個同事食左好細一啖，話放落口即想嘔，所以吐左。同事打去興發，同佢嘈，話佢點食得人，要換過，興發話原盅飯賣曬，要叫過別的。叫個雪菜炆米，又要加多$2，好明顯係佢D野唔食得，好心佢唔洗錢都換返比人啦。個收銀D態度好意氣風發，好大枝野，好似唔憂做咁。最好係送外賣D阿姐同阿叔，都會同人講多謝同唔好意思。反而D燒味飯外賣都OK，叉燒鵝飯，叉燒好滑，幾好。想放得入口，都係叫燒味算。

我上次同我個Friend黎,諗住介紹間好既茶餐廳,(我n年前同ex都成日去)等佢第時同新女友有電視睇又多野揀,(你知女性好多都追開電視劇)去到其實service都 OK!!因為我倒瀉茶佢地叫我坐過第二張檯都冇黑面,叫野過程亞姐都算有耐性,不過叫左碗菜紅就真係好少,我個Friend叫左星州米,但係就濕濕地,仲有一舊未炒開既咖喱粉磚,又叫左碟蒜"容"蒸鮮魷 (叫左先知$78)嘩!!!大碟到好似套餐D size呢餐每人食左百幾元,好肉赤n我同個Friend都無言,決定下次再搵過第二間

先旨聲明：小弟並唔反對餐廳收加一。如果食客可以俾多少少錢得到好啲嘅服務，而伙計門又可以做得開心點，都總算大家開心吧！不過...今晚有事要去tst，一個人食飯所以揀咗茶餐廳。差唔多決定咗食乜先至知七點後要加一。當時已有啲不值嘅感覺，因為冇諗過茶餐廳要加一，但冇辦法啦 ﹣我冇得揀。點了味菜牛柳絲炒青椒、白飯、凍檸茶，碟嘢嚟到擺咗喺我面前五秒我先認得出佢係我點嘅嘢。因為啲「牛柳絲」好似牙簽咁幼，我仲以為嗰碟係炒麵tim...最令我「驚喜」嘅係個伙計放低碟嘢之後竟然拉開枱下個抽屜然後行開，即係叫我自己攞筷子匙羮。我嘅反應係：我點解要俾service charge!?最後仲要自己攞住張單走去門口俾錢 (again, service何在?)。個收銀全程黑面，問佢幾錢佢淨係放低張單喺個 tray度without saying anything, including "thank you"。今時今日咁嘅服務態度夠膽收加一，小弟有必要寫個「服」字俾佢。

4-Mar-2008茶廳晚餐燒味雙拼餐成四十七蚊一個都幾嚇人。水準中上但亦不算凸出。最好笑就係晚上七點後要加一服務費, 咩事呀! D租金真係咁貴?

聽朋友講呢度d野食選擇多,so黎試下~一入去個環境ok,有3-4部大電視,幾多卡位~我地六個人叫左一碟燒味,一碟老水拼盆同幾個小菜, 燒味幾好食especially乳豬! 老水拼盆d老水汁都幾香,食物ok, 其他小菜同一般餐廳差不多~價錢係tst旅遊區黎講算ok,average about$70 each~間唔中出去食都可以既~

裝修後第一次光顧,整體光猛企理咗,但食物唔得,好鹹服務比以前更差,以前有D哥仔待應大声得嚟都OK,而家D女人待應收銀完全冇服務可言,'鞋'口'鞋'面,計錯錢重好似欠咗佢咁,七點後要收加一,只係換嚟兩杯茶,零服務.唔好食又貴,一定唔會再去.

是日和同事一行四人lunch。差唔多一點先到，好在唔係好多人，可以搵到4人位。因為我要食又平又底(飽肚)0既0野，我當然係食佢0既午市蒸飯啦。要0左鳳爪排骨飯，佢依然係幾好食。飯唔係太淋，加上甜豉油。總好過食佢0的34蚊而又超普通0既午餐呀。28蚊連0野飲，改凍飲加2蚊，真係底。

星期五收工後,小牛提議黎呢度食個晚餐...我發覺選擇好少,一係就價錢貴,例如海南雞飯果的,都要50元或以上,我地想平平地,就唯有選擇常餐,一個包括牛油方包(多士加$1),煎蛋,兩送粉麵,同埋飲品,都好夠飽架!多士,煎蛋,飲品等就無野好講,但係粉麵方面,呢度有分普通米粉同泰式銀絲米粉,我都唔知有咩唔同,本來想試下,但最後都係揀左心儀既意粉,或者下次再黎試過啦!但係送呢,我見到有一樣比較特別,係其他茶餐廳無,就係鮑魚絲,我貪新鮮,就揀左黎試下,原來份量好少,切得頗幼,食落真係似鮑魚(無論味道同口感都係),但係咪真係鮑魚就真係佢至知!另外揀左雞翼,呢個又抵食喎,因為有兩雙,而且好入味,唔太油,不過可能因為浸煮得耐,有的碎骨出現,食落有點"呢hea",不過整體上ok。見到有食家話態度差,我覺得態度的確麻麻地,例如我話要熟蛋,佢都唔做俾我,但都唔算太差既,反正無太高要求囉!

0個晚9點到入到去,叫人落單都叫左4次,先有人應我地,應左我地又話等陣,成幾分鐘之後先返黎,之後好啦卒之到,我地叫左一個魚旦河,一個魚皮餃公仔面,一杯紅豆冰加一杯凍O茶,點知叫左之後等左成15分鐘連飲品都上唔到比我地,眼見四圍D人遲過我地都黎晒,咪叫個伙計埋黎問下,點知又係叫極都無人應,卒之等到有人應我地,話同我地CHECK下,一去無回頭,我地於是就問佢係咪無落單,佢先話1,2分鐘即到(即係miss左,原本其實1,2分鐘已經ok!!),跟住我地咪話我地唔要啦,得左成十幾分鐘都無得食,點知0個個miss左我地張單個個四眼伙計係我地走0既時候仲係到串串貢咁話阿姐等十幾分鐘好正常0者!!!態度真係好唔好,做錯野sorry都無,仲話返人轉頭!永遠一定唔會再去呀~

今日又要到尖沙咀針炙, 之後約咗寶蓮燈食TEA, 因為我要睇中醫關係, 所以到時寶蓮燈已食咗, 只得我一個人食。日式叉燒烏冬- 夠熱, 連叉燒都係熱同埋幾大碗下。熱華田- 味唔算好濃, 但未至於淡華田水。佢哋D下午茶至到18:30,所以可以當晚飯食都得。