興發明爐燒味

营业中

休息中

夜晚同外國返黎既FD，係尖咀行到攰攰地於是事旦搵間茶記食野啦。一入到嚟，就覺得呢間茶餐廳都OK乾淨同闊，唔似大部份茶記咁窄，而且卡位都比較多。坐低左打開餐牌一睇，D野食價錢普遍貴，不過就幾多野食揀既，特別係小菜之類。我同我個FD都係比較細食既，所以我地最後揀左兩樣野食算啦。一個係班阿姐介紹既流浮山炒飯(大碟)，佢地講到話係呢到既招牌之一，我地就即管試下啦。跟住就再叫多個菜心炒牛肉。等左唔係好耐，阿姐就拎左兩樣野食上嚟。賣相唔差，而且個飯份量睇落都唔少，足料有唔少配料，蝦呀、菇呀都有齊。然後個菜心炒牛肉，牛肉分量都唔少。至於味道，個菜心炒牛肉幾好味，牛肉唔會太難咬，我FD都話幾好食。個炒飯就略嫌濕左少少，我中意食乾身既多D，但都好食既。總括咁講，食物中上水準，環境舒適，10分有8分！唯一就係貴左少少啦。咁岩行開可以一試既~~

聖誕節一家人出街睇完燈飾諗住搵間荼餐廳醫肚入到依間野再望下個餐牌就覺得中大伏完全係海馬公園價........無理由咁樣衰坐低左又走人嘛...結果我媽叫左個50幾蚊(我唔記得exactly幾錢)既鮮蝦雲吞面雲吞都算爽口既但絕對唔值50幾蚊我叫左個$75蚊既乾炒牛河因為見到個餐牌上面寫住話推介就即管叫黎試下兩個字:無味個粉有色無味牛肉無味得黎仲要鞋口有乜資格收我$75蚊海馬公園個牛河都係差唔多價錢但好食過依個n倍我老豆叫果個都係$75蚊炒牛肉飯仲伏仲無味過我個乾炒牛河問侍應有無水佢話要一定開茶$48開一壺茶@@口渴都要飲架最後叫左壺香片水就夠滾啦但飲下飲下覺得點解無乜茶味既一開蓋...得幾粒茶葉怪唔知無味依間野....請我去我都唔會再去

間鋪好似外面加咗個魚缸，改名叫興發海鮮茶餐廳。中午路過見D員工咁落力拉客，而且感覺都還算乾淨企理，就入咗去食lunch。但一打開個菜牌就感覺瀨嘢！炒飯110，云呑麵55，點心均價58，楊枝甘露33！個店員仲猛推介點心同楊枝甘露，話D點心即點即蒸，楊枝甘露又每日必沽清！最終，兩個人點咗兩個麵，兩杯飲品，一籠蝦餃！埋單230。但出品極一般，麵同旺角10幾蚊D無區別，蝦餃皮係漿口嘅，最差就係楊枝甘露，頂佢又細杯，入面無水果不單止，仲要稀過師姑尿！早知過對面食板長好過！

星期六早上，也要晨早起來工作，雖然靈魂還在床上睡覺，但是身體仍然要起床。今天工作的地點是尖沙咀，我的軀殼在尖沙咀漫遊，為求回魂，唯有找個回魂早餐吃，很少在這一區吃早餐，在這裡逛着逛着，便走進了這間興發燒味！！！走進去後，二話不說，點了出前一丁麵，配合沙爹牛肉，炒蛋及餐肉，當然仲有回魂重點凍嚌啡。最先到來的，就是凍齊啡，味道沒甚麼特別，只是一杯凍齋啡。接著，到來的就是我期待的出前一丁麵，出前一丁麵的麵質剛剛好，軟硬度恰到好處，炒蛋沒什麼驚喜的質素，沙爹牛肉顏色看似濃味，但其實偏淡，重點是他們的午餐肉，是沒有煎過的， 是一塊水煮餐肉。 這樣的質素的午餐肉， 就讓整個早餐失去了支柱 一樣。就是這樣，我的靈魂還未回來！！！

We ordered some 'oyster' omelette and roast goose. The so-called oyster omelette had hardly any oysters in it, but mostly starch and eggs. It was awful, and cost $128! I would not have paid 1/10 that much for this garbage. The roast goose was OK but again grossly overpriced. Not to mention the hopeless service - cold tea which they refused to change. We will certainly NEVER walk into this rip-off joint ever again, and would advise other unwary diners to avoid it like the plague (unless they wish

食飯時間去到有人, 我地5個人, 好彩都係等左2分鐘就有位。午餐星期一至五都有大約10個每日不同選擇, $41 送熱飲, 比普通茶餐廳貴少少, 不過我冇叫午餐, 叫左個自由選1樣餸粉面餐$39送熱飲。因為這裡的燒味好似唔錯, 我叫左個油雞米配熱檸水。叫左午餐的同事, D飯來得快好多, 我個油雞米等左成15分鐘都未到。中午時間D伙記個個都好忙, 不過最後都係D同事未食完之前來左。睇個樣都唔錯, 係D油雞少左D...得小小6舊...不過D油雞幾好味, 豉油味適中, 雞肉好嫩滑, 幾好。個米粉都唔錯幾好味, 我見有D炸蒜所以好香, 有2條小菜心, 米粉是普通米粉,而湯的味道有些複雜, 唔知個湯係咩湯底, 不過配埋米粉幾好味。整體上燒味茶餐廳普通食飯來說算是不錯。

新加坡有同學黎香港，同佢行下食下…到晚上…問佢有咩想食，佢話想食燒肉向亞士厘道真係得佢有燒肉，但我平時食下午茶同早餐多…都覺貴貴地…但見有朋自遠方來…無咩所謂啦因為我個時知道自己唔餓…唔會食好多野…都係就佢就可以等位0分鐘係因為入到去根本就無咩人…得一兩檯人…好似包場咁同學睇左一陣menu…佢望下menu之後都話真係好貴…佢新加坡食開野其實一般有小菜＄40～＄50一個送既餐廳佢覺得平會一個人叫2～3個送因為d價錢俾酒樓更貴！！真係唔係呃你…我無影低相因為覺得唔係好值得影d菜式…（流浮山炒飯）好似要＄88蚊～呢個價其實唔係好貴…但當黎到之後其實只係夠一個人食…仲要所謂（流浮山炒飯）只係加左小蝦仁（係小的…）同蔥，蛋…既炒飯…我開頭以為會有蠔豉之類的…點知無…我決定另外叫個白飯…個炒飯同學仔一個食晒算…再加上佢炒得一d都唔想令我去食…睇落好油…但d飯粒又好似好乾…我就咁睇都好似好硬咁（燒肉拼差燒）…差燒唔知點解個師傅切到好大塊但薄的…唔係平時見開個d有厚度既，但d肉好un…可以肯定唔係梅頭…仲要無咩味燒肉唔錯…個皮都仲脆…但好咸下…我要點砂糖食先中和到…仲話明爐燒味…但唔記得幾錢…呢個算係

與老友北上回來, 在這裡吃了一個"晚"飯, 因為已經很肚餓, 所以叫大了小小, 九時十分坐下, 十五分落單, 二十分便來了三碟餸, 極速:韮菜豬紅 - 鹹, 豬紅沒有異味, 幾滑梅香骨 - 用豬扒代替腩排, 勁失望, 腩排真的比豬扒貴很多嗎? 味道還可以, 只是鹹了點椒鹽鮮魷 - 炸得還可以, 只是魷魚沒魷魚味咸魚炒芥蘭 - 最好味這一味餸, 所以最快清碟, 芥蘭爽脆, 沒有渣煎蠔餅 - 我只吃了八份一個, 除了脆, 甚麼也沒有, 沒有蛋味, 沒有蠔, 不知是否忘記了放這兩隻食材最後來的竟然是價值一佰個大洋的鹵水拚盆 - 鵝, 豬頭肉, 豬頸肉, 豆腐, 蛋, 紅腸, 豬腸, 墨魚, 樣樣都有少少, 碎濕濕的, 又是得一個鹹字, 沒有鹵水獨有的花椒八角香味。這餐廳似乎奉行"星爺"在"食神"裡面說開"荼記"的金科玉律 - 1) 坐位有咁窄得咁窄, 等D客食完唔好賴死唔走2) D 嘢有咁鹹得咁鹹, 等D客食完叫多兩杯嘢飲我們只飲了餐廳免費供應的"茶色"水, 沒有叫飲品, 因為一罐汽水要十八個大洋, 實在"接受唔到囉", 但"茶色"水在第一次給我們時有八成滿, 要求加水時只有七成, 到第二次

實在唔寫唔得一個人，唔知食乜好。朋友推介呢間茶餐廳OK，好，一於試下先！去到門口，見到唔係茶餐廳格局，重改咗名叫興發餐廳，猶豫咗兩三秒，好，死就死啦，唔好食都係一次過啫。打開個餐牌，絕大多數都係叫小菜o既，最終叫咗碟生炒排骨飯，一杯凍檸檳。一見到碟生炒骨飯就知道出事，個汁酸到阿媽都唔認得、D飯係有史以來食過最旱最硬的、排骨只係得D脆槳，食咗一半真係頂唔順，埋單走人。一碟飯42元，一杯凍飲15元，諗住攞定錢唔駛找，點知收銀姐姐一句66元吖，我當堂O嘴，睇下張單，杯凍飲變咗18元，仲要加一，fine，真的，被搵笨之後會學精D，呢間所謂的餐廳我以後絕不幫襯！！好的餐廳人人都識得介紹，唔好食的餐廳都要引以為鑑！！

昨晚看完燈飾, 約10:30PM 先去食晚餐, 見到有間荼餐廳, 就入去食, 發現餐牌大部份係小菜, 只有一頁係粉, 麵 同小食 (近尾頁)$25 - 30 一碗粉, 所以決定食小菜, 附近好多人都食小菜, 應該穩陣啦, 好口渴, 想飲杯野, $15杯, 有些誇張, 不值 (好普通的飲品, 我們4個都沒有飲野)1. 先黎福建炒飯 ($68) , 看到個份量, 得好少, (只夠一個人食) (最重要係不好食)2. 京都肉排 - 又乾, 又瘦, 未食過咁難食3. 西檸芝麻雞 - 好細粒的雞, 成寸厚的粉去炸4. 椒鹽鮮魷 - 又係好厚的粉 ($68)5. 一碗魚蛋粉 , 魚蛋咁簡單都不好食 (唉!!!!!!)後來發現, 好多人都係遊客都不明點解, 咁多人食4個人, 埋單$300, 原來7:00PM 後要收加一 (但無服務, 又污穢)食唔飽,一肚氣, 有剩都唔想食!!!!!!!傻傻地, 千祈不好食

尖沙咀返工都有嗌開興發，今日再嗌....竟然話未聽過我地公司地址打黎再問..怪我地唔講清楚d街名...(點解唔可以係你地唔問清楚d...第一日做外賣ar...大廈名都唔識...仲要係隔兩條街咋wor)..都算....下午茶 2份...一杯凍檸茶....一杯熱朱古力上到黎...全數多左$7....一時話係杯朱古力...一時話個餐....拎張外賣紙 (09年7月版)同佢對....佢照收完錢走人食完晒...佢又上番黎拎張 外賣紙 (09年9月版) 黎話加左價.凍飲加.....$9......

在尖沙咀跟家人看完電影,便經過此茶餐廳.當正考慮食什麼時,見到牆上的廣告牌有蟹籠仔蒸飯,服務員聽到便說很扺食,有全隻蟹在一籠飯上,都只是HK$138一籠,夠你數個人食.當落單時,服務員還說可加蝦,都只是HK$168一籠.因家人很想食蝦蟹,加上服務員再三說明有全隻蟹及蝦在一籠飯.夠我們一家人食,貴些也沒問題,便向服務員落單了.當此蟹籠仔蒸飯放在桌上時,我及家人都有些驚訝!此籠飯的大小比在酒樓的點心籠大小許,而蟹只有一個蓋,一個鉗及一邊腳及數隻很細小的蝦仔.於是,便問服務員,當聽到服務員的回覆,完全跟未落單前的說話不同.服務員說全隻蟹一籠飯是HK$198.加了蝦也是HK$198.加上另一經理還罵我家人.嘩!簡直無法無天!

兩個人...食左:流浮山炒飯 - 賣 $68 ....咁貴...但都幾多料.....其實係用蝦醬炒....加叉燒粒....菜粒....蝦......其中估唔到蝦都有十隻咁滯...份量頗多....但味道好重.好濃.....干炒牛河 - 一般....但牛肉比較少....熱奶茶 - 幾滑....但比較重奶味...埋單$141 (因為晚上七點後加一!!!)整體而言太濃味了....但卡位非常闊落.....坐得舒適......待應們個個都有禮....而且好落力.....這一點不錯......

夜晚經過尖沙咀，打算求求其其食一餐，見到門面係茶餐廳就冇諗咁多，入左去。點知一打開個餐牌，普通一個燒味飯都50-60元，差唔多貴過出面一倍。反正入到去，叫左個極為普通既茶記小菜，京都肉排，55元，加個白飯又收9元，超細碗，晚市加一，埋單70大元。大佬呀，出麵食包埋飲品都係$40-45。服務同環境又唔係特別好，憑乜收咁既價錢呢?見到餐牌英文字幾乎大過中文字，先明白係專做遊客生意，普通街客走左入去只好任佢劏，除非你想咁難睇走番出去。依間野都好精，外面唔會有價錢牌，即使入面好多食物都冇標價(不是海鮮的時價類)食過一次，笨左，不過唔會有下次。

路過此茶餐廳, 心想一定係茶餐廳既價錢, 同男友唔理三7廿一走左入去食........行入去, 都幾多人食, 光線充足, 多卡位, 亦有兩三部大電視, 睇佢地D餐牌好似睇雜誌咁, 圖文並荗,但係就無留意到佢地無寫價錢, 哎呀!!!! 咁就乃左野喇......................因為見佢地影碟炒蜆同炸蠔餅咁吸引, 就叫左喇叫左兩個白飯, 兩杯凍飲, 先唔說價錢, 個蠔餅真係睇住佢即整, 因為佢個廚師在門口, 炸蠔餅煎得好金香,唔好燶, 恰到好處, 好靚, 大大件, 蠔亦不會少, 很平均, 蠔唔腥, 無沙, 洗得幾乾淨, 有一碟辣醬, 點了食仲正, 好味~~~~炒蜆亦好味, 蜆入味, 新鮮, 無沙, 兩樣野送碗飯加杯凍飲, 確是很滿足既一餐。到走時, 埋單.................................................................................................................................................................