興樂菜館

营业中

休息中

今次同男朋友去長洲玩左2日 想幫佢慶祝生日 因為我地想住海邊位就諗住1早去卜定 老細又勁好態度雖然話今日閒日吾洗卜但2話不說都幫我地留左位7點度去到個天岩岩入黑 又有d風 好好feel XD我地試左興樂 $168 4個送既套餐 仲加左支森堡啤酒=) 蒜蓉粉絲蒸扇貝成碟有4隻　都幾好肉　吾系平時簿"痴痴"個D而且又有蒜蓉同埋粉絲　個味好香　而且又岩送飯=) 豉椒炒蜆OK啦 但可以再好D　因為味道吾夠　淡D話系豉椒炒蜆但系就冇豉椒味　=) 椒鹽鮮魷份量夠　個粉岩岩好　吾會太厚算系香口　點埋喼汁　幾好食=) 椒絲腐乳生棻幾大碟　味道正常　４個送$168 幾抵食 而且服務OK 值得1試

長洲有好多飯館都係百幾蚊3個送,或者百幾蚊2個送但係白飯任裝。我地嚮openrice 做過research, 知道呢間興好樂都幾多人讚, 就黎試試。$128有3個送. 平均四十幾蚊一碟, ok啦! 6蚊一個大碗白飯。叫左椒鹽魷魚, 茄汁蝦同蒜泥炒白菜, 全部都大大碟既!椒鹽魷魚, 炸得金黃, 夠香口, 不過幾多油下。茄汁蝦, d 汁用黎送飯, 好味, d蝦好味, 不過細隻左d, 好似bb蝦一樣。炒白菜, 普通。可能平日晚上啦,無咩人食, 所以都幾好招呼。百幾蚊落樓真係好抵嫁啦!^^

生日同女朋友入左長洲玩...之前入黎都冇機會食埋飯先走..今次終於有機會試下...女朋友帶左我黎興樂..佢話openrice 好多人推薦..應該冇死既...我地叫左椒鹽鮮魷,粉絲帶子同個豉椒炒聖子..仲有個牛肉"更"個椒鹽鮮魷多就多既....同埋都炸得幾好食...值得推介...粉絲帶子都唔錯既...都好有鮮味,,,不過得4隻略嫌小左d豉椒炒聖子就好普通...火喉都夠既...不過女朋友話比較難咬...成餐飯不過不失啦...不過又冇想像中咁好味..

星期一去長洲玩因為上次第一次去,試左另一間,食完好失望所以今次上網做哂research見興樂咁多人讚所以決定試試叫左三個食送~雖然佢唔似得其他果幾間又送飯又送汽水但份量岩岩好,三個送都好好食同埋可能星期一少d人,所以d食物質素ok值得推介!!!!!

LEE間野係好多海鮮酒家既中間....行入去既途中好易已經比人拉左入去...LEE間野食野好平...168已經有4個餸..好抵....咁我地就叫左豉椒炒蜆,椒鹽先尤,雙色骨(椒鹽+京都)同埋蒸扇貝...首先,以咁既價錢食咁多野真係好抵..又無加一....SO..唔會有好大既期望..豉椒炒蜆勁細隻無肉有少少沙同埋有好多都無開口...椒鹽先尤,LEE個幾好味...個粉岩岩好唔會太厚..同埋都好大碟下...雙色骨..LEE個正常...份量都好多下...蒸扇貝...一碟4隻...都細細地...不過咁平係咁上下...佢既粉絲太淋...不過用咁既價錢都叫OK啦...

去到長洲，諗唔到食乜好，所以上openrice睇下邊間多d人推介，咁就揀咗呢間，點知就食真係唔人食好過食!我兩個人叫咗4碟菜, 分別係:椒鹽魷魚: 唔脆的，魷魚仲要唔新鮮豉椒炒蜆: 要煮到好似佢咁無味, 真係好難囉椒鹽蝦: 唔好諗住d蝦係椒鹽整就可以搵d霉的來煮先得架椒絲腐乳生菜: 唯一可以入口，但唔代表係好, 只係"可以入口"係, 佢係好平, 但係我真係寧願俾貴d食d好少少0既野, 無味唔係大罪, 唔新鮮就好大問題囉。呢間, 真係"不可一, 不可再"。

遊完長洲,非常累,非常餓。記得Open Rice話呢間好好食就去搵位坐。都好多人去, 我地要等成10分鐘先有位,有位後,即刻ORDER野食, 但係竟然比其他兩台遲來的更遲有食物。我們叫了4個餸 (HK$168) : 清蒸魚、蒸聖子、炒蜆、扇貝魚 - 魚仔, 但係算蒸得唔錯, 但係條魚仔都真係細得可憐聖子 - 完全係過晒火, 老到恐怖而且有沙。我係巴塞隆納食, 人地都係咁蒸, 但係人地鬼佬都蒸得好食過佢地....扇貝 - 只有4隻, 唔知係唔係睇人數俾幾多隻?有D人有6隻, 有D人有8隻?? 食到呢樣, 其實已經係好似食鹽咁, 一樣係老晒, 而且累積上一條聖子的鹹味, 真係非常非常鹹!! 同樣有沙.炒蜆 - 成為整晚的殺手, 唔知係咪落錯SAUCE, 係甜的。一點都無Wok氣, 而且個汁好漿糊, D蜆一D都唔新鮮,唔知死左幾耐....當然你唔會EXPECT有任何SERVICE啦! 咁即係話佢地只係把食物煮熟給你吃. 味道? 你唔好EXPECT你真係食緊海鮮餐囉.講真, 個度幾間都係咁上下價錢, 如果我唔係睇過OPEN RICE, 我真係唔會專程去個間.我認為大家可以試下其他的酒家, 增加

今日飲完茶後, 各個家族成員就四散. 剩下公公婆婆阿姨及阿妹, 無野做, 忽發奇想去長洲. 阿妹上次同朋友去長洲十個推介這餐廳, 咁今日就跟佢係搵食啦, 展開半日的長洲搵食之行.....阿妹去到碼頭就話去菜館到訂位先, 怕lunch多人無位. 估唔到佢午餐時間都有得訂位啊, 我地仲指定話坐鋪頭入面, 因為要涼冷氣 行到兩點回來就開餐.但店家真是留了冷氣位比我地, 仲有電視睇, 感覺很好, 起碼店家是有上心我地之前的booking 睇下個餐牌先, 又真係ok抵呀. 叫五樣餸都係$208. 是日叫左個全海鮮宴, 蒜蓉蒸扇貝, 豉汁蒸蟶子, 椒鹽鮮魷, 清蒸魚以及海鮮豆腐湯. 蒜蓉蒸扇貝: 有八隻, 雖然就迷你版, 但很好味, 唔會太鹹, mix了粉絲, good!!!!!豉汁蒸蟶子: 肉質比扇貝肥美, 可惜有少許沙椒鹽鮮魷: 炸粉不厚, 炸得很香口, 點埋喼汁, 很正 ^_^ 清蒸魚: 唔知是什麼魚, 但魚肉比較冧, 口感不好. 海鮮豆腐湯: ok啦!!! 入面有煎香過的魚仔, 有少許豆腐及白菜, 因這味是我爹地的撚手湯水, 所以都係覺得住家湯好飲好多, 同埋更足料.

其實長洲有好多野食, 見openrcie最多食評既呢間, 咁就去下啦~一去到未夠七點, 已經有唔少人啦, 但係隔離既餐廳只係得一兩張枱...叫左4個餸, $158, 好抵~椒鹽鮮魷, 幾大碟下, 新鮮熱辣, 味道夠, 不過可以炸脆少少, 平均$40一碟, 抵呀!豉椒炒蟶子, 之前d人話唔夠熱, 仲好細碟, 不過我覺得ok, 比起碟鮮魷係細好多, 黎到既時候仲出晒煙, 咁既價錢, 份量算係咁, 但係我覺得炒得熟左D, 所以略為un左...蒜蓉粉絲蒸扇貝, 有6小隻, 粉絲好咪, 不過隻貝粒肉唔大, 仲要好薄好薄... 椒絲腐乳生菜, 菜當然大碟啦, 味道正常平均$40一個餸, 我覺得ok啦, 你要同貴價海鮮餐當然冇得比啦, d材料整體都唔錯既, 我見人地d湯仲係勁大窩, 魚都唔會好細條~下次專登入長洲食下咁平既海鮮都抵~

上openrice 睇過，都幾多好評先去，點知，好唔掂呀！ 可能係我食慣好野啦～我成日去開火炭大排檔中間果檔，價錢差不多，但好過呢間十倍呀！唔知158 定148 有4個餸，咁我地叫左４個餸啦～諗住叫多ｄ海鮮會抵ｄ，所以叫左３個海鮮一個菜，炒聖旨－味道ｏｋ，不過唔熱，同埋真係超細碟呀蒸海魚－最好既一道，叫做不過不失啦椒鹽賴尿蝦－唔掂，又細隻冇肉，又唔夠椒鹽炒豆苖－不過不失，不過都冇乜技巧啦因為大部份相都有埋樣，唔post得50 蚊食海鮮，平就好平，不過我寧願比貴少少，食好ｄ啦～食完都唔係好滿足！　要食糖水補返！

繼一歲時去過長洲，今次先係第二次去。不過阿爸要番工，只得阿媽同我兩個無聊的人去長洲一遊。去到都點幾，喺時候揾野食。成條街都係食海鮮，個個阿姐都塞個餐牌你睇。咁多間都唔知邊間好，最穩陣就係揾最多人食嗰間。見興發最多人，就去呢間試啦。剛有海邊位，可以望到漁船同有人釣魚，又有貓望住人釣魚。$118三款菜。可以全部揀晒海鮮。但我哋只係揀咗兩個海鮮同一個羹。要了西湖牛肉羹、椒鹽瀨尿蝦同薑蔥炒蟹。西湖牛肉羹好大窩，不過我地都飲得晒。味道幾清，不過咸咗少少。有碎牛肉、豆腐、蛋白同芫茜。份量足，有幾多牛肉。芫茜夠多，味道提升不少。稀杰度適中，不會杰到一pat pat。椒鹽瀨尿蝦用上細細隻的瀨尿蝦，份量幾多，都有十幾隻。肉雖不多，但味道惹味。小心搣都可以搣到一條條完整的蝦肉。薑蔥炒蟹d蟹仔真係細到無肉食。有三隻，有一隻間直未成年。不過反而嗰隻最多肉。d蟹好似換緊殼, 個殼軟軟地。連蟹鉗都無咁肉。味道不錯的，炒得香又惹味，如用上靚蟹會好食好多。不過以呢個價錢黎計，佢俾呢d貨色乃合情合理。$118 有3個菜，仲想點呀！價錢與質素成正比的。

2010元旦，大食六人組殺入長洲，勁食海鮮。地點係大街既興樂菜館，睇番0的食評先知原來自己兩年前來過﹗環境都係大排檔格局，我地坐海邊對住個海﹗呢度叫餸係叫餐的，任揀12個餸都係$478，仲要唔洗加一，我地咁大食梗係叫12個餸啦﹗先來椒鹽鮮魷﹗脆漿做得好薄，質感酥脆鬆化，鮮魷新鮮軟熟，正呀﹗豉椒炒蟶子﹗個汁做得幾好喎﹗夠惹味豉香味濃，蟶子亦彈牙無沙，好味道﹗白灼冬風螺，我地怕唔夠食叫左兩碟，所以先有咁大份架﹗唔太新鮮，螺肉未算實淨，全晚比較失望係呢碟﹗咖哩炒蟹，講真食得平餐都預左會係小蟹仔，個咖哩味道幾好，不過我就嫌佢濃得濟搶左0的蟹味﹗白灼海蝦當然又係兩碟啦，鮮味彈牙爽甜，阿姐話真係游水蝦來架﹗蘸少少豉油食真係一流﹗呢碟薑蔥蟹就正好多喇，蟹仔雖細不過食落肉質都好實淨同埋鮮甜，薑蔥吊味為蟹肉錦上添花，細有細食，全日最靜就係食蟹時，因大家也靜靜的密密拆蟹﹗蒜蓉粉絲蒸扇貝﹗扇貝肉雖然細粒，不過味濃鮮甜，配上大量蒜泥同粉絲同吃，惹味出眾﹗蟶子除了豉椒外，仲有蒜蓉清蒸，估不到食餐一碟都有十幾隻喎﹗抵呀﹗彈牙爽口，味道一流，比豉椒味道更原始更濃更好﹗食完十二個餸﹗大食六人組六個人都不約而同地說:"

星期六個日去左長洲, 日間入左去食話出名的小吃. 食完一檔又一檔. 晚上最後一餐. 去之前網友介紹. 但係都有格價.咁多檔來說. 最平的一檔. 就坐下去了. 叫了四個小菜. 可以叫海鮮. 蝦 : 好細隻. 但炒得入哂味. 蟹: 多肉的.好爽. 一碟有三隻. 但係唔夠入味. 淡口.聖子: 中size. 夠2人吃的分量. 炒得好入味. 唔un. 菜: 好大碟. 一般啦. 整体上. 可以. 因為價錢好鬼平. 叫左兩罐飲品.加埋一 埋單都係174元.service 好快手. 上菜等左十五分鐘左右. 就黎哂. toliet在另一個單位. 好乾淨,d人有禮貌

難得入黎長洲食海鮮, 當然希望搵到間好味既, openrice好多人讚呢間, 就一定去試啦~不過都有少少失望...最重點係份量好小...而且唔算超好味... 位唔多, 平日夜晚都好滿人, 不過可能大家都食得早, 坐左一陣可以調去望海座位, 都算唔錯服務態度好好, 可能未忙吧, 有問必答見佢有套餐, 原來只係海鮮only, 唔包飯, 飯$5一碗, 最後都係無要到叫左薑蔥炒蟹, 白灼蝦, 蒜蓉粉絲扇貝, 豉椒炒聖子薑蔥炒蟹都ok, 男友覺得無嘜蟹味, 我就嫌隻蟹細隻, 雖然都有2隻既肉味真係唔太夠, 薑蔥味太強喇... 白灼蝦非常失望! 數量算ok, 大約20隻, 但隻隻都超細!!! 平均只得5-6cm, 最細個隻只有4cm!!! 而且唔太新鮮...一有對比, 係長洲都要食d唔新鮮既海鮮, 即時灰晒!!! 蒜蓉粉絲扇貝算係最好味既一道, 有扇貝味, 都幾新鮮既, 又幾大粒, 又有蒜蓉味, 不過都幾鹹... 粉絲勝在唔太乾身, 最怕有d蒸到硬晒食唔落口...豉椒炒聖子不過不失, 我第一次食聖子, 佢好似落左d酒, 幾重酒味, 不過同樣係調味料蓋過晒海鮮味... 食左4款, 莫講過我男朋友,

興樂菜館: 之前在OR做大搜查時見它分数算OK高,當日於是去這店試菜,點的菜是四個餸的餐$158 菜式如下:蒜茸蒸聖子-蒸得有點過火,所以聖子肉質偏硬,尤其是稍為降溫後更覺纖維已老,油塩水浸蜆- 這個就是蜆本身沒有鮮味,所以無法品評,基本材料已經不達標準,橙香骨- 這個更差勁,兩件豬扒炸後斬件,淋上獻汁,伴碟菜欠奉,賣相比快餐店更快餐店,肉質死實絕無加醃肉粉的證明,可以說是比較為大眾健康着想但同時口感也極之難吃,不過獻汁的調味相當重手,吃完有”嗱脷”的感覺,清炒白菜- 這個是較為正常的一個菜,分量也真的很足服務態度OK,但菜式選料乏善足陳,下次再有機會去長洲一定另作他選