興樂菜館

营业中

休息中

去長洲遊左一個圈, 為免要等位食飯,所以我地就就提早去食飯....友人去左openrice做左功課佢話要去此店食..其實成條街都係食店..間間d價錢都係一樣就好似公價咁..基本上去邊間都係差不多啦.2條友......就係咁食.........薑蔥炒蟹仔, 豉椒炒聖子, 蒜容蒸扇貝&魚湯白菜....4碟野只係$158又唔收加一..抵抵抵..不過咁既價錢仲要食海鮮, d海鮮就一定唔會大size, 蟹仔都係細細隻.雖然無咩肉, 但味道真係好好味.不過我最欣賞係佢地d聖子真係估唔到咁好味...扇貝都ok不過有少少沙.估唔到碟白菜仔會咁多份量, 2個人又無叫野飲又無叫白飯, 單單只係食左4碟菜又無加一真係超值又滿意既一餐.

個日同老公入左長洲玩一晚...雖然6點個時已經食左一餐海鮮...可惜個間太差了...食完一肚氣...而老公又未飽...行左一陣就再戰另一間...今次揀左呢間...因為老公話佢抵...118...有3個送...企係門外睇...已經有個姐姐走過來sell 我地...仲話佢地抵最平118...而家有位...不如坐底食...我地問佢...118 有冇野送...佢雖然好直接話無...但好老實咁話個set d 送可以自由轉...唔洗加錢...我問佢...外賣洗唔洗加錢...佢都話唔洗...咁老公就拍板叫送la... 蒸蒜容蟶子... 椒鹽瀨尿蝦... 薑蔥炒cab...等...等個時佢地d waiter 仲叫我地坐底等...唔洗企...等左大約15mins到...3個送都ok 可以比錢走人...我地拎到番去...放左一陣先開來食...全部都仲熱...出煙ka...先講蒸蟶子...好鮮甜...好香好好味...但多左少少蒜容...椒鹽瀨尿蝦...未食已經好香...食落...d蝦好入味...唔多油...薑蔥炒cab...個d味唔太濃...反而咁食得到d cab既鮮甜味...好正...

7點左右去到見冷氣房有位就入去坐......因為太熱喇, 有海風都唔掂~叫左4個送($158)+一碗靚仔($5)豉椒炒蟶子 - 個汁ok, 好醒胃, 送飯一流, 不過應該係一早炒起再翻炒清蒸紅魚 - 都幾滑, 不過唔明點解次次叫都唔著薑蒸, 所以有dd腥生炒骨 - 都唔知同咕嚕肉有咩唔同......個汁太酸, 如果d肉斬細舊d會更好栗米魚肚"跟" - 冇乜味, 要落幾多胡椒粉先有味埋單收我$123......點解收我3個送套餐既錢既???

一早就訂了海邊，點知真係熱到我地頂唔順喇，唯有要求坐裡面啦！太好喇，有一間細細地既房仔比我地，內有獨立洗手間同電視機，可以容納到３張細桌、１張中桌及１張大桌！一早就諗好左食ｄ乜咖喇，但點都要問下壽星女先得！＄198有5個送，真係邊度搵，係長洲先有咁平，而且服務又唔差，真係好極, arm晒我地呢理慳家精呢～我地叫了以下的菜：蒜蓉蒸扇貝、薑荵炒蟹、豉椒炒蟶子、椒鹽瀨尿蝦、上湯浸白菜仔，味道如下：蒜蓉蒸扇貝細碼的扇貝有八隻，油份多了點，味精都下得很夠，但肉鮮爽甜，配上粉絲及大量的蒜蓉，好味到食完一只再食一只薑荵炒蟹隻蟹好細隻，但都有兩小只，冇咩蟹肉，主要食佢ｄ味，唔差！豉椒炒蟶子好多都甩晒殼，但都有２０粒掛！豉椒好惹味呀，唔會太咸，用黎送飯真係好得！椒鹽瀨尿蝦份量都叫多，應該有一打掛，炸得好脆，雖然真係無咩肉食，但都好好味！不是太咸，都算不錯，好難做得唔好食既其實．．．哈哈哈上湯浸白菜仔好清，又有金銀旦，又有咸旦黃，白菜仔又乾淨，我無食到沙囉～叫了兩個白飯，兩個人分剛好，但可能我地無肉落過肚，好似差左ｄ咁，就去下場啦！！！甜品，我地黎喇！

第一次嚟長洲, 聽聞食海鮮呢間最抵食, 所以特登嚟咗試兩個人食, 要咗個 5 餸 $198, 分別係1. 椒鹽鮮魷2. 豉椒聖子3. 蒜茸粉絲扇貝4. 茄汁蝦5. 椒絲腐乳生菜以味道而言, 個人認為最好味係個茄汁蝦, 其實預咗呢個價食海鮮唔會新鮮得去邊, 所以唔好對蝦肉本身有咩期望, 但呢個蝦個味真係唔錯, 甜中帶酸, 好惹味, 而且蝦o既份量夠多個聖子同扇貝非常一般, 聖子啲豆豉好苦, 聖子肉已經縮埋舊, 唔知係熟得滯定點扇貝有好多蒜茸, 但冇咩粉絲, 扇貝肉有啲發"mui", 但唔駛豉油都夠咸椒鹽鮮魷唔椒鹽, 不過幾香口, 點喼汁好汁, 但唔夠乾身, 上碟仲好油椒絲腐乳生菜唔腐乳, 不過生菜幾爽, 而且幾大碟, ok啦5 個餸連兩枝啤酒, 埋單$208呢個價食到 5 個餸, 其實算係咁, 食物質素自然唔能夠要求太高今日嚟其實唔算多人, 唔駛等已經有位, 但唔知點解啲餸仲係嚟得好慢......呢間嘢, 其實一試無妨, 不過如果下次再嚟, 我會選擇試其他

睇左好多食評 黎左呢間食黎到個陣都無咩人 食左海邊兩人位可能海邊既關係 見到下面好多虫虫爬爬下女友嚇到死死下 所以轉左入面d桌揀左$118 3送每一張桌有 一大胡茶同紙巾一盒叫左3樣送椒鹽鮮魷,蒸扇貝,炒西蘭花粉絲蒸扇貝 黎先 都預左佢唔係咩靚野d肉有d怪怪地 但蒜蓉好多 都ok既炒西蘭花 超普通 不過不失椒鹽鮮魷 炸得唔錯, 粉漿薄薄地, 唔錯既數量好多 最後都食唔哂 都幾油下 但魷魚好似唔多新鮮 肉質唔彈力反而粉粉地咁 咁既價錢 都算交貨了用呢一餐黎完結長洲之旅埋單$126 3送加支汽水

因為抱住食平價海鮮的心態所以沒有太大期望$118 三款 , 應該是全場最平清蒸海魚 , 平價魚 , 味道一般蒜蓉粉絲蒸扇貝 , 只有粉絲有蒜蓉味 , 扇貝肉沒有鮮味 , 汁不夠而且扇貝肉較「林」 , 不新鮮豉椒炒硯算是最好的一碟 , 乾淨無沙 , 蜆肉入味一分錢一分貨價錢這樣便宜 , 食物質素算是OK 吧!但勝在服務不錯 , 藍格紋桌布我幾喜歡可惜下雨 , 不能坐望海位置

今日同男朋友去長州玩見呢間海鮮最多人食同埋埋食評最多就去試下我地坐了近海邊的位置一坐下 好大風 吹到頭都暈叫了1個118的餐 任選3個菜我地叫了椒鹽瀨尿蝦 粟米魚肚"更" 蒜茸粉絲蒸扇貝個湯好快到 好大呀...4個人食就差唔多 味道都唔錯 好多魚肚但係...可怕的事發生了望出去成個石"博"都係水系小強...勁核突.真係嚇到我.. 成餐食得唔安落..好核突..男朋友仲係度望望望望望吃那椒鹽瀨尿蝦..d味就好好味但係d蝦唔新鮮 d肉"霉"的而且好細隻跟住蒜茸粉絲蒸扇貝呢個就好味d個扇貝好爽!!服務都唔錯0既..有茶有紙巾~

傍晚六時許, 經過附近一帶的海鮮店,興樂最興旺又經濟, 所以排隊一試!!!排前面的是3 個人, 無衝突, 所以排左10-15mins 就有近海的二人位!!!6:45pm 已經出現人龍 (只此興樂, 好奇怪, 隔離拍蒼蠅似的....)疑似老闆娘的人為提高效率, 未坐低已經叫我們落單,$158 任選四款 (如前食評 enclosed 的 menu!!!)Order 左蒜蓉蒸扇貝、薑荵炒蟹、豉椒炒蟶子、椒鹽鮮魷 + 2支 Coke老實說, 一分錢一分貨, 食完唔會有「嘩嘩聲」的感覺蒜蓉蒸扇貝: 六隻有四隻 size 好細, 味道一般薑荵炒蟹: 即到即食, 但唔係好夠熱, 又無箝供應....可以不試!豉椒炒蟶子: 唔夠爽口, 但份量都幾多!不過最 unexpected 好的是"椒鹽鮮魷", 炸粉厚薄適中, 熱騰騰, 值得試!!!!!可能坐係近海的位置, 燈光環境加埋好有風味,埋單兩個人四款海鮮兩支 Coke = $174!!!!四個字: 物超所值!! btw, 結帳時未到8pm, 但人龍有增無減, 想試的朋友要早點去排隊!!

朋友話呢間一定要試喎因為網上面既人都話好好食~咁我地五個女生就叫左8個小菜大家估下幾多錢?我地諗住冇一千蚊都唔得嫁啦...點知!!!!三百二十蚊咋食左~!!!!!真係好抵...不過可能因為抵啦~佢地分量其實都唔算好大既~而d海鮮都唔係話好生鮮好似個蟹咁...朋友話佢既肉有火闌火闌地既感覺即係唔新鮮啦~聖子我食到有d沙~不過味道唔差既~最好食我覺得係椒鹽骨~~~我唔好食炸野既都食左好多好多!!!扇貝可以一試呀~不過同出面既都係差唔多~

八時幾到長洲，同老公及女，放低野就去搵食。而其實之前去長洲都試過新金湖(長洲人推介的)及另一間忘記什麼名的海鮮店，但兩間都不外如事。而今次睇過open rice 見介紹這間就不坊一試....去到未到九時，但見其他鋪頭人頭湧湧，而這間就只得幾張客，心想退卻，但又想一試，就膽粗粗坐低，睇餐牌選了148四個菜，加肉絲炒麵.......椒鹽賴尿蝦---------我的最愛，知道會將貨就價，不敢期望過高的，但味道出乎好味，蝦雖小，但非常脆口，蝦亦很新鮮入味，熱辣辣似即炒出來的，不似其他鋪頭因人多可能會炒埋一大碟再分的，我仲食到有膏的！椒鹽鮮尤---------個粉做得相當好，好薄，好脆，只剛剛包晒隻尤魚，雖尤魚厚身，但火候剛好，尤魚恰到好處得剛熟，好正！栗米魚肚羹---------不錯，魚肚大粒，份量多，鋪滿成個湯碗菜心炒牛肉--------好多油，牛肉好似不太熟，要用栗米湯來焗熟肉絲炒麵----------普通，都是多油總括，是我第一次感受用咁抵的價錢食到咁好味的海鮮，值得推介！食到咁多都未過200百呢！抵！只不過，真不知為何這間相對其他鋪頭是較少食客，食到未到十時，巳見員工收拾收台，還說那天

當日與好友特地到長洲搵食一日遊上年summer已和大家同伴一同嚐過今次又別有一番風味叫$118三送套餐：蒜蓉粉絲蒸扇貝：扇貝粉絲被沾上大量蒜蓉，香口之餘扣出鮮味薑蔥炒蟹：有少少蟹膏，附有拑方便拆吃，是一重口味之選西芹炒魷：西芹青脆爽甜，食完上面重口味送再吃西芹，清一清口腔全日吃得太多食物，不能全清這海鮮餐不過都相當享受

好耐冇去過長洲,難得今日放假,就同女友入長洲.當時成12點幾先落船,未有意欲午飯,就周圍行,差唔多一點先開始搵食,我地照住朋友推介,黎左呢間興樂~叫左個4款菜式套餐,標價158,包括:椒鹽鮮魷----份量唔差,俾我屋企樓下間垃圾餐廳仲要大,味道唔錯,好新鮮.白灼蝦-----本來想叫蔬菜,但女友話要食,就叫了呢樣,呢碟唔算多,但兩個人算夠食(可能本人懶,唔喜剥殼,所以食左好少),但蝦肉本身有點削,似乎唔多靚,有少許失敗.咕嚕肉-----份量普通,但食味不俗,甜酸味都恰到好處.豉椒炒蜆-----第一碟上的菜,俾我地想像中大碟,蜆冇沙,又冇乜冇打開殼的,但食食下,俾我發現到有舊石仔響d蜆中間, 我地有點驚訝,好少會有舊石仔響碟菜度,跟住原來唔止一粒,係有兩粒響度,唔通加石仔落去炒.風味好d....?另外叫了可樂罐裝及支裝各一及一碗白飯.埋單178蚊,每人89蚊,有冇加一已經冇深究了,食飽後繼續行程.

上上上個星期六入長洲玩. dinner食海鮮餐!! 6點幾已經要等位, 好彩有一張大抬埋單, waiter收埋張大枱, 換左4張細枱. 值得讚既係唔駛搭枱. 坐唔到露天對海位都冇所謂, 因為果日都有落微雨.$118, 3碟海鮮, 見佢平通街, 就試下啦. 不過so-so la……….蒜蓉粉絲蒸扇貝: 賣相唔靚, 粉絲好乾淨淨咁…一碟有六隻, 有好多蒜蓉, 味道只是一般, 沒鮮味, 只可以說唔難食椒鹽蝦, 食到幾隻霉既, 而且, 有好幾隻個蝦頊甩左… 成碟蝦有大有細. 除左個殼, 全隻蝦都冇味既. 清蒸魚: 3碟之中算好些既… 不過, 都冇乜魚味, 而且, 豉油冇味架喎…..雖然價錢好抵，不過食物質素中下囉… 所謂近廚得食, 都只係得咁既手準. 失望!

去長洲之前上黎睇過呢間最多笑哈哈咁我地就決定晚飯係呢到解決5點我地就去食嚕.因為我要減肥.要早D食有得對住個海食飯.好舒服我地叫$118套餐.可以選3個小菜諗左好耐.因為好多野我都好想好想食.不過最衰冇沙拉骨!最後叫左粟米魚肚羹.薑葱炒蟹.鴛鴦骨.再加多1個白飯粟米魚肚羹:幾好味.好大碗.我地兩個人各自飲左4碗!淨係飲呢個都飲飽薑葱炒蟹:呢個我覺得麻麻地姐.好似冇咩肉咁.同埋好細隻鴛鴦骨:1半係京都骨1半就係椒鹽骨. 我地兩個都覺得京都骨好味過椒鹽骨食到我地好飽.不過我覺得好耐之前食個間好味過呢間.但我又唔記得個間叫咩名