興樂菜館

营业中

休息中

之前食海鮮通常都係去西貢, 但係今次因為入長洲玩兩日, 所以點都要試下呢道D海鮮! 係海傍有好多海鮮酒家, 價錢見間間都一樣咁上下, 都係$158/2位, 有4個任選, 我都係睇下邊間人多就坐低, 結果就選左呢間當時未到6:30, 但係興樂已經坐左1/3人, 我地係海鮮當食左條芝麻斑($60), 跟著比佢地蒸, 如果係西貢, 油料費要$40~45左右, 呢道只係$20! 跟住點左白灼蝦-> 好新鮮同夠大隻, 份量兩個人食剛剛好! 姜蔥炒蟹-> 好夠鑊氣, 味道亦好好, 隻蟹雖然唔大, 但唔係水蟹或者死蟹, 有肉好食! 蒜容蒸元貝-> 超好食~~~好鮮, SIZE OK, 彈牙鮮嫩, 有8隻, 食到唔停得口! 東風X -> 有沙...SIZE有D細有D大...早知叫第二樣-.-" 另外叫左兩支大青島, 0卑酒好夠凍! 最後結帳唔計自己買條魚, 兩舊水有找! 抵食!!!!!!

　某日有個衰同事出左個好舊唧對聯比我，上聯係”上水居民居水上”下聯我十歲果時已經識啦，都費事答佢，不過咁又挑起我想做一次長州賓客唧唸頭．　　終於係世界杯決賽之後果日入去一遊，坐左隻貴價海盜船，拋到我落船都有D想嘔，好彩照下鏡又好番晒，下次都係坐大船好D. 行左一輪，食過正裝日本人紅豆燒餅，感覺以冇以前咁好食，唔夠熱之餘仲有小小硬．１０蚊３個，依舊好平．　　入到來點都要試下海鮮，成條海鮮街好多檔都係做緊＄１４８，４個菜，好抵．頭幾檔亞姐都叫我”先生入來試下啦”係呢檔叫我做靚仔，見佢咁老實唔幫親都唔得．　　豉椒炒聖子，炒得仲老過松田聖子，但幾大隻，獻汁唔夠好味．　　薑沖炒死蟹，唸到好唔好啦．　　豆腐炒班球，有陣怪味．　　椒鹽失禁蝦，送唧，好大碟，都係唔掂，　　波羅生炒骨，掂亞，舊舊都有骨，又新鮮，波羅又夠味，送飯一流．　　搭大船走，唸下呢檔海鮮照下塊鏡，都係覺得亞姐唔係好老實．　　　

因為中午食過大排檔都唔平，踏完單車後夠鐘食dinner，經過一列海鮮檔見d海鮮套餐都唔係貴，所以求其行入一間去食。叫o左個148蚊的蒸魚餐有四個，個套餐有條唔知咩魚、椒鹽瀨尿蝦改o左蒸螺西檸雞改o左生炒骨同一碟蒜蓉白菜仔，除了碟魚比較細之外，其他都幾大碟，而且味道唔錯喎，尤其係生炒骨，條魚又蒸得幾滑，兩個人根本是食唔晒，又唔收加一同茶芥，抵食。