興樂菜館

营业中

休息中

星期六去長洲一遊，當然係食海鮮，記得上次黎都好似係食哩間。要左$138三餸 ，仲送多碟炒蜆，椒鹽瀨尿蝦唔錯，隻隻都有d膏；蒜蓉粉絲蒸扇貝，六隻，好乾淨，都ok；西檸骨，係豬扒，好多肉，ok；送0既炒蜆，都幾大碟，不過好咸。再要一枝啤酒&一罐檸檬茶，埋單$164，抵食味道都算唔錯，有機會再黎。

今日去咗長洲踩單車,晚上當然要去食海鮮啦!之前睇咗openrice都係好似得lee間好d,所以就去試吓.踩單車踩到6點半,跟住就行去食海鮮,去到間嘢已經無晒海邊d2人位,唯有坐隔離果行啦.我地叫咗個4餸餐$158~豉椒炒蜆,椒鹽瀨尿蝦,白灼東風螺,蒜容粉絲蒸扇貝.d嘢食都唔錯,椒鹽瀨尿蝦好入味,個扇貝同d蒜容粉絲都好正,白灼東風螺都唔錯,係個豉椒炒蜆就唔係好得,我覺得佢個汁煮得唔好味,不過又食唔到有沙wor,之前有人話沙粒送飯,好在我今次好彩食唔到沙.haha.食完之後見到其他舖d4餸餐都成$198.o

又好味，又抵食，呢個價錢有咁ge野食真係十分滿足，食左4個餸，2個白飯，beer + 野飲，都係$158，仲要全部都係新鮮ge海鮮，正到...仲到碟碟足料...食海鮮真係冇得彈呀...大家都不仿試下...

與老公到興樂是因為見人最多，估計食物水準會有保證，不過原來錯晒！<br />首先，我們被安排坐在室內的細枱，近門口，那扇玻璃門每次開關都勁大反彈力，好似要拍落黎咁。其次是，我們叫了1個150多元的套餐，有4樣食物，我們選了白灼蝦、炒蜆、粟米魚肚羹同腰果肉丁，但味道就......<br />白灼蝦還可以，因為只係白灼，只要蝦夠新鮮，難度都唔大，老公嫌太細碟。<br />炒蜆呢，食頭兩隻都尚可，食多兩隻就發覺好多沙，多到每隻都有兩三粒大沙，爭D咬崩牙，老公食左兩三隻已停口，我唯有一路食一路吐沙。<br />個粟米魚肚係不過不失，味道無乜，但好過成口沙先啦！<br />腰果肉丁把鬼，豬肉DD味都冇，成碟菜勁淡，衰過自己炒......<br />總括而言，我唔會去第二次囉，150幾蚊食海鮮餐都係咁話！！！<br />

入來長洲行大運，就做定功課來搵食。得到各位忠實食家俾既tips，午餐好滿意，請參閱Morocco's。來呢間食海鮮都係看到各位的笑臉而來。很很很後悔沒有看清楚，叫得聖子的都話難食。我就係叫了xo醬炒聖子。碟聖子好細，數埋有十幾隻既，隻隻好似半隻指頭咁長....... 肉同殼全部分開所以數得咁清楚。xo醬即係xo"獻"，聖子老到不得了，un到咬唔到咁制，每一隻都有砂.... 呢碟應該叫xo獻汁"繪"橡筋聖子沙粒，絕對唔係炒。個椒鹽瀨尿蝦係跟餐的，隔離台話ok就叫佢啦，其實還可以揀炒蜆。個瀨尿蝦... 好好味...，因為好多好多味精呀，佢用外面濃烈的味道企圖將唔新鮮、近乎或者已經霉左既蝦遮蓋。這個還可以入口。椒絲腐乳通菜，最正常不過。呢度就係三個餸既餐，九十八蚊，不包白飯，無湯無飲品，唔計個咁劣既聖子應該抵既。因為唔夠就想叫多樣薑蔥炒蟹，因為之前隔離台話ok。否則點敢亂試。> <"個蟹拍得住聖子，炒親都無好野。等左二十分鐘，終於有得食，成碟得一隻半三點蟹，夠邊個食？諗住我地兩個人就俾少d？明明見剛剛隔離台碟頭很大啊!! 不想想太多，食吧啦。拎起蟹腳，凍既？？？？望下個汁，有

今日係復活節假期既第一日,同呀媽入左長州順道去食海鮮...今次都幾好味..但可能好大風...d野食擺左一陣就好凍....$158 都幾抵...

第一次到長洲, 睇完櫻花後, 便順道吃海鮮. 唔知這裡食海鮮原來咁平, 早知早點來啦!點了五個送:1.蒜蓉粉絲蒸扇貝: 看它白白地, 無加豉油, 仲諗住唔夠味, 點知唔係喎, 好有蒜味, 唔錯喎!2.薑葱炒蟹: 一隻大蟹+一隻小蟹, ok 啦. 至少唔係死貨, 多肉, 肉質ok. 有少少膏. 我鍾意食葱和汁.3.椒鹽鮮魷: 好味, 唔會用好厚的粉漿炸, 魷魚幾新鮮, 唔un. 正.4.xx炒聖子: 唔係咁好, 唔知用咩來炒, 但一定唔係豉汁. 唔啱我胃口, 有少少沙.5.白灼東風螺: ok, 點甜醬唔錯…但凍咗就唔係咁好味, 所以要趁熱食!還叫了一罐汽水, 都係$200咋…係咪要俾個笑面呢!

星期三去左長洲行下, 可能仲係新年假, 都有好多人入去喎!!行左一會, 就去李麗珊舅父開的cafe坐落入左兩杯野. 我地叫左一杯coffee同熱朱古力, 問心, 都係一般貨, 但就唔係差. 之後晚上就去左食海鮮.這有好多set dinner, 最平係四$158, 但就唔包飯.d海鮮都算ok, 我地叫左薑炒蟹, 豉汁炒聖子, 蒜泥炒白菜仔同西檸雞.d 蟹我就覺得唔差了, 其實佢地就唔係d什麼靚蟹, 都係d所以"閘"仔蟹, 但又估唔到幾甜幾好肉喎! 聖子就一般, 唔多夠豉味, 西檸雞都真係唔差, 個汁夠味, d雞又灱得好脆喎. 菜就都係咁啦!!!但都係抵食!!

上星期六(13/1)入長洲玩，一班朋友諗住食埋晚飯才出中環。見之前嘅食評唔差，所以就帶咗朋友嚟興樂。由於我哋有自來海鮮，我哋問清楚呀姐點收費。收費真係一d都唔貴，一碟蒸魚($35)，一煲魚湯($35)。呀姐好好人，d湯送豆腐白菜都不另收費。我哋order咗個四餸海鮮自選套餐($158)，包括:1) 鴛鴦骨- 其實係京都骨+椒鹽骨，好香好良食，真係唔錯。2) 蒜蓉蒸扇貝- size一般大，有八隻，都算新鮮彈牙，好味。3) 蒜蓉炒芥欄- 非常好味，好香蒜蓉味。4) 炒蜆- 蜆好肥，很野味。5) 自來蒸魚- 蒸得剛好，很鮮味。6) 魚湯一大煲- 味濃，冇偷工减料，湯渣一大碟上。7) 白飯x3 - ($4 x 3)埋單$240，冇加一亦冇茶介，真係平靚正之選。

敏&大頭文食評<四>見到咁多個笑,一場入到長洲就專登去試下,點知勁失望叫o左個$158套餐,包4個自選小菜,叫o左:椒鹽瀨尿蝦: 勁細隻,炒得唔夠香,有超過一半係梅既,其他唔係梅既都不見得新鮮,完全無鮮味薑葱炒蟹: 好細碟,三隻好細既三點蟹,雖然話天氣凍o者,但係都無理由黎到既時候成碟係凍架嘛...凍蟹咩豉椒炒聖子: 呢碟真係完全唔掂,o的聖子老到完全咬唔開,完全無鮮味,o的汁又唔夠,食o左幾隻就成碟放o左o係度。返黎睇返先見到原來之前已經有食評提過,好後悔無記低,俾人呃o左...都未食過聖子可以難食成咁...鴛鴦骨: 一半係京都骨一半係椒鹽骨,呢個幾好食專登入長洲食海鮮,點知無樣海鮮係掂既...呢間其實已經比起同一條街既食店貴少少,但係質素都係咁,實在係非常失望,浪費哂o的時間同船飛!

黎到長洲黠都要食下海鮮先得o既~ 我同男朋友揀左哩間食，因為佢由朝到晚都咁多人~哈哈~ $98一個set dinner，有湯、任揀兩個送、白飯任裝~ 個湯，唔係味精架!夠熱而且好好味，有湯渣添wor，比人感覺到佢落足料，但我地平均每人都有三碗~ 送就揀左海魚一條同雙味骨(京都骨+椒鹽骨)，三個送都好好味，條海魚好滑，o的骨骨味道o岩o岩好~ $98有成條魚又有肉真係唔錯~ ***佢另外仲有個夠四個人食o既火鍋set，都係$98，o的野食勁多款，同埋係埋到成個山仔咁大鍱，都好吸引呢~

我勁鐘意食海鮮..所以一入長洲一定要試下依間既海鮮啦,,叫左個蟹,瀨尿蝦,鱔,菜,飯,汽水..2個人食埋單都係百幾蚊...出面就咁食隻蟹都唔似依個價啦....勁勁勁好味+抵....如果入長洲一定要試下...

$88 紅燒乳鴿+ 蒜茸粉絲蒸元貝+ 蝦醬炒通菜唔要紅燒乳鴿, +$12 改左鴛鴦骨(京都骨+椒鹽骨)加多兩碗白飯另外送兩支汽水蒜茸粉絲蒸元貝非常有蒜香味, 食落去亦算新鮮.蝦醬炒通菜好爽, 索索聲食到, 又係好大碟.京都骨甜酸適中, 另外椒鹽骨就好入味.

長洲食海鮮, 千萬不要有期望.另我都有去食過, 是$130三味菜, 並不是$50一位.是我比錢所以我好清楚.

入到長洲...梗係要試下呢度既海鮮啦...見open rice得呢間冇喊臉...於是就選呢間...叫左個套餐....可以選3個海鮮...選左xo醬炒聖子...炒蟹..瀨尿蝦...雖然d野唔大碟...不過都幾好食ah...加上個日唔係好熱..坐係出面食....有另一番風味...d人話去西貢食海鮮好食...有機會都要試下...