臺北棧 (港威商場)

营业中

休息中

今日試新餐廳，呢間係開係海港城既台式餐廳，裝修好有遊戲-夢幻西餐廳既feel😂係舒服既，但始終餐廳無窗，有少少侷促。主食-招牌牛肉麵，揀左手工刀削麵，份量偏少，上枱時碗旁有舊辣牛油俾客人撈埋食，但唔夠辣。牛肉唔錯，淋身。但我最欣賞係配菜-蟲草花，炸都好香口，好好食。小食-肉鬆皮蛋蛋餅，唔係我想像中既蛋餅，蛋皮較厚，似薄鐺。但好足料。甜品-手工鳳梨酥蛋撻，好好食，中間有煙韌嘅麻糬，微酸開胃既鳳梨蓉，配埋曲奇皮蛋撻，非常match! 唯一美中不足係唔夠熱。台式野黎講算係貴，性價比唔高。

今日畀同事拉咗嚟試呢間台式餐廳。打開餐牌見到有法國鵝肝牛舌芯湯麵就立刻叫咗。😝鵝肝真係有嗰種入口即溶嘅感覺，但配埋呢個湯汁就略鹹咗少少。牛舌心夠厚，柔軟爽滑。🤫同事個花膠魯肉飯都唔差。台灣出名魯肉飯，魯肉部分做得好，撈飯好開胃。個花膠都唔係求其，睇得出有心思，因為佢都夠曬入味，又夠滑。😆聽聞牛汁滷蘭花干都係比較難做嘅小食。今次一試都有驚喜，估唔到普通嘅豆腐乾，都可以做到咁好味。佢嘅味道唔係死鹹咁簡單，而係鹹中有點鮮香。😮最後試埋擔擔手工餃。佢有六隻都幾大隻，餃子皮偏厚，餡料夠實。特別之處係，上面有啲醬再配上花生碎，係比較少見，幾有特色🙉估唔到呢間餐廳啲嘢食都咁好味😋 下次帶埋屋企人😘

經過見到粉紅色reception，稍停一停望望，見到入面裝修都幾吸引，就決定入去試試。💘食台灣嘢唔少得魯肉飯。所以就叫咗2個招牌菜。1⃣招牌菜🐷招牌魯肉飯果然係招牌。肉分量較多，汁偏向深色。食落唔算太鹹，肉粒分明，肉質肥瘦相間。💮而花膠魯肉飯就多咗花膠。不過花膠唔係就咁加上去就算，都同肉汁融入，係有醃製過嘅痕跡。2⃣小食來一個透心涼🥒胡麻涼拌苦瓜。好鍾意涼涼哋嘅汁醬伴住啲小食。如果唔鍾意苦瓜嘅苦味都可以試下呢個，因為個麻醬可以掩蓋到嗰種苦味。3⃣飲品飲埋嘢飲就真係消暑。🍍鮮鳳梨蘇打名副其實真係新鮮鳳梨，飲到個種新鮮嘅果香，同梳打配合得幾好。🐄紅豆沙牛乳真係有好香濃嘅牛乳味。唔會太甜所以唔覺得漏。加埋原粒嘅紅豆，簡直就係好好嘅享受。😋

見到網上好評如潮嘅臺北棧現身海港城，作為為食兵團當然要一試啦。🤪🍢<<麻吉燒關東煮>>清清地嘅湯配上海帶、芋絲等食材。咬落去食材都吸入湯汁，帶有清新嘅味道。有一款比較特別係黃色嘅（應該係豆腐乾），中間有一層煙煙韌韌嘅白色，幾得意。🌮<<原條鰻魚起司玉米蛋餅>>飽肚之選。蛋餅包住玉米起司已經係佳品，加上肥厚嘅原條鰻魚，滿足感大增😍😍再配上醬汁同木魚，就更加滋味啦。🧉<<胡麻涼拌苦瓜>>清爽小食之選。胡麻醬掩蓋苦瓜之苦，食落少少咸少少香，清清涼涼。仲有點點黑芝麻增添口感。🧋<<伯爵茶凍芋圓仙草>>材料非常豐富。除咗芋圓仙草，仲有綠豆、珍珠等。芋圓絕不馬虎，食到天然的芋香味；地瓜圓富番薯香；兩者口感都煙韌軟糯，嚼得起勁。仙草夠滑、珍珠不硬、綠豆淋得來保持到原粒。連同個伯爵茶底一齊食，係一個充滿口感嘅甜品。🤤🤤

一入到嚟環境好闊落，上面有幾盞大白燈裝飾。座位格調有粉紅色有藍色，望落都非常舒服。坐低就見到枱上面放好餐具、碟、水杯，幾細心。💓兩個人食，叫兩個主菜兩個小食就基本。🥢主菜試下一飯一面，就叫咗🍚招牌魯肉飯🍜沙嗲牛肉麵。魯肉肉粒分明，分量夠多，而個汁亦唔太鹹。沙爹麵個沙嗲汁就唔太辣，啱曬啲食唔到辣但又想試下惹味啲嘅人。牛肉方面亦夠大塊，咬落夠肉地, 淋身冇揸。🥢小食炎炎夏日就嗌返啲涼涼哋嘅小食。🥒呢碟麻醬涼拌秋葵就係喺幾條原條秋葵上面，倒上啡色嘅麻醬，再灑上點點白芝麻。連醬食就令原本淡而無味嘅秋葵添上味道。原條鰻魚起司玉米蛋餅又係另一推薦。🧀蛋餅包住芝士同粟米已經非常豐富。再加上淡淡鰻魚肉令口感更加提升。而且鰻魚肉都好肥厚鮮甜。整體嚟講環境闊落已經加分，加上食物唔錯，所以吃得幾開心。✨

今日得一個人食飯，行開海港城，見到呢間台北棧，記得網上好似講過呢間幾好食，就膽粗粗過去試下。估唔到台式餐廳都有法國鵝肝食，我就叫咗🌟法國鵝肝牛舌芯湯麵鵝肝都有一定水準，感覺細膩爽滑，淡淡的油脂香點點撲鼻，入口即化。🦆🌟牛舌芯就每咬一口都有油脂滲出，軟淋爽口，牛味濃郁。🐂🌟咖喱起司吉列蝦蛋餅。佢個蛋餅配合埋起司好夾，蛋皮做到唔太薄唔太厚。而個炸蝦當然係重點，佢唔會話好多粉，蝦肉係十分厚。🍤想透心涼就試埋胡麻涼拌苦瓜。賣相係一條條苦瓜伴住胡麻醬，再灑上黑芝麻。食落就清清涼涼好香胡麻味，加埋點點芝麻增添口感。😌❣️最後一杯“奶茶妹妹醉了”，齋聽個名都好吸引。佢其實係烏龍茶酒，賣相好盞鬼。一杯珍珠奶茶上面放上薄荷葉，上面仲有一支煙。飲落似普通珍珠奶茶，帶有淡淡酒香🍶真是令人心醉。🤣

網上見到呢間人氣臺北棧，見到海港城新開有分店就去試下。去到當然叫返啲特別嘢‼️😋咖喱起司吉列蝦蛋餅：聽落都夠曬特別又有芝士又有咖哩，咁咪即係辣嘅芝士🤔？但估唔到呢種味道又幾夾。一口咬落個蛋餅，包住裏面嘅炸蝦係外軟內脆嘅新鮮口感。😮✨😋話梅地瓜薯條：又一新奇事物。真係好難想像酸味嘅蕃薯條🤔 原來酸酸地配上炸好嘅蕃薯條，係一種酸中帶脆嘅味道口感，係幾清新。😋花膠魯肉飯同麻辣牛肉麵。滷肉飯汁做得幾好，肉粒分明，花膠都融入醬汁之中。麻辣麵就唔太麻辣，不過勝在牛肉夠肥厚，麵夠煙韌彈牙。👍飲品方面來一杯蘋果苦瓜汁。蘋果同苦瓜味道互相交融，可謂甜中帶苦嘅清熱佳品。小食一碟牛汁滷蘭花干入口軟韌有嚼勁，濃郁的鹹、甜、鮮、香一一在口中。🤗

網上見到呢間幾好評，於是就決定試下。一入到去成條粉紅大道，感覺十分舒服。左邊有啲粉紅卡位，右邊就係藍色系列，格調都幾舒服。叫左兩個小食，一杯野飲，一個主菜‼️<抹茶奶奶麻糬>聽個名夠哂特別🤣打卡都非常適合。佢個造型好特別，啲麻糬係平放喺碟上面然後上面就係一pack抹茶醬。咁樣有個好處就係食幾多拿幾多，點幾多醬都係自己決定。😌然後打卡系列唔少得<周董>呢杯嘢飲。其實佢係菊花茶酒😍上面一層白色下面啡色，最上配上菊花點綴。味道方面飲落有淡淡的菊花香，青新之中帶點酒味。🍶❤️❤️喜愛食蝦的我試埋個<咖喱起司吉列蝦蛋餅>炸蝦夠肉地粉唔多值得一讚👍蛋餅之中加上芝士，口感已經係非常豐富，而家再加炸蝦，層次係更加提升。🍤🍤最後講埋主菜<沙嗲牛肉麵>，湯底方面就唔太鹹不過辣度唔係太夠。牛肉都幾大塊，食落淋滑；麵就煙韌彈牙；豆腐係小小爽口。食埋個糖心蛋就滿足。😚

食呢間原因係網上見到有張粉紅色梳化椅😂💗覺得打卡實在太正。同職員要求左坐呢個位，滿心歡喜。打卡食物之一當然係1️⃣💖「鹹蛋黃芋泥球」5粒又大又圓放喺粉紅色粉上面，黃球上表面亦有粉紅粉，最上再加上小小黃色裝飾，十分美觀。🍽️味道方面，煙煙靭靭唔會太甜，所以食完都唔會好漏🍬打卡其次係2️⃣💖「胡麻涼拌苦瓜」望落滿滿白胡麻汁已感覺清涼🤗苦瓜伴住醬汁食簡直消暑，胡麻味亦都好香。一路食住苦瓜，口中仲有粒粒芝麻都增添口感。3️⃣💖「招牌魯肉飯」係台灣必食，當然不能錯過。佢嘅魯肉真係唔太咸唔太漏，肉粒分明，食落好有咬口。加埋隻糖心蛋，一飽口福🥚😚想特別啲就試埋花膠魯肉飯。花膠都唔馬虎完全能夠融入醬汁，咬落係淋滑唔會有渣。連同魯肉一齊撈飯正上加正。🍚

今日嚟到海港城，竟然畀我見到呢間台北棧😍就立刻拉住友人入去。我叫咗個沙爹牛肉麵。一開始即刻試個湯，係咸咗少少，不過辣度係幾好, 佢唔係話好辣岩晒我，啲豆腐竟然有少少彈牙嘅感覺，吸埋啲沙嗲汁就剛剛好。牛肉就係淋身夠肉地，食落夠滿足😍😍好鍾意佢有隻糖心蛋，簡直係最佳點綴。朋友叫嘅招牌魯肉飯一上菜就見到好大碗，汁都係滿滿的。因為都驚咸，朋友同我一試又覺得唔係喎！咸度係岩岩好，同肉粒配搭得好夾。🤤🤤平時試得多日本關東煮，今次試個台式嘅。湯汁方面比較清，不過本身啲料已經有味。海帶同芋絲都有淡淡清香，比較清新。🍢地瓜薯條比較少食到，於是今次就決定試下。呢個唔只係番薯條咁簡單，仲要係話梅味嘅。本身都預備咗迎接酸味嘅味覺衝擊😂不過好在又唔算太酸，同啲番薯味都幾夾。🍠又酸又咸就試過啦，又酸又苦又試過未？鳳梨苦瓜汁必然係又酸又苦嘅新嘗試。🍍一飲落佢就知特別清熱，苦中一點酸就不會太苦😂岩哂想食苦瓜但又唔想太苦嘅人啊👏🤣

我地叫左松露魯肉飯，髒髒芋泥咸蛋黃蛋餅，抹茶奶奶麻糬，凍蘋果苦瓜汁同熱冬瓜茶。先講下個魯肉飯，松露魯肉本身無咩問題，問題係係個飯到，個飯係爛既。跟住個髒髒芋泥咸蛋黃蛋餅，唔係唔好食，但係成件事係唔夾既。然後到個重點，抹茶奶奶麻糬，完完全全唔知自己食緊咩，超級唔好食。苦瓜汁無事好正常，但係冬瓜茶就得個甜字，毫無冬瓜味。成餐飯食左四百五蚊左右，以呢個質素同價錢比，係overpriced 得好犀利。仲有個環境樓底好矮，好壓迫。不過得90分鐘既用餐時間，係好夠既，因為太難食食完可以即刻走，無需留戀。可以講呢間野係不可一不可再。試新野前真係要睇睇負評先。

好想去旅行呀!!!同男友呻下，佢終於忍唔住要爆發啦😅吓?! 原來係帶我去呢間台北棧台灣料理。笑了~😆一去到，見到餐廳招牌簡潔，寫住二零一四，快十年啦🔟！飲品我地叫左｛蜂蜜苦瓜汁｝同｛鮮鳳梨蘇打｝。蜜糖同苦瓜比例非常好， 蜜甜但帶有甘香🤤。 鳳梨係新鮮菠蘿🍍，飲落好開胃， 又有少少菠蘿渣好有咬口，誠意推介👍❤️{麻辣牛肉麵｝牛肉肥美嫩口，紋理清晰，味道非常濃郁，十分滋味👍🏻。❤️{咖哩起司吉列蝦蛋餅｝吉列蝦最緊要熱辣辣🔥!沾上的咖哩加埋香濃既芝士，香脆可口😇，咬落非常有口感。👍🏻❤️｛手工鳳梨酥麻糬蛋撻｝。原本話減肥左試左一啖完全返唔到轉頭☺️。個蛋撻集香脆、新鮮、可口於一身， 加埋鳳梨同麻糬既配合，口感超正!🍴❣️值得一提係餐廳上菜速度快🏃🏼‍♀️，店員殷勤有禮，會時替客人收拾碗碟。真係好似去左台灣甘，非常推介!😚

疫情爆發以來，已經好少出街食， 難得出去食， 一定要選擇乾淨衞生可靠既餐廳☺️。Openrice 咗一下， 呢間台北棧評價好好，所以一放假就出去Happy 下啦🤤～ 餐廳裝修簡約☺️，以台式休閒風格裝修。座位尚算寬敞舒適。而且空氣流通，潔手液充足，非常放心。 🤗❤️沙嗲牛肉麵❤️牛肉大大件🐮， 肉質嬌嫩，入口即溶，味道極正，大大大滿足☺️❤️鹹蛋黃芋泥球❤️極邪惡鹹蛋黃，外層以芋泥包住，炸到香脆😋，咬落非常有口感。❤️牛汁滷蘭花干❤️牛肉汁濃厚， 蘭花干香口而且鬆化，簡直係必食😎！❤️麻醬涼拌秋葵❤️日式麻醬香濃開胃，秋葵大條新鮮，看似簡單，但煮既過程，時間⏱️必須拿捏得好好先有呢個口感， 好食！❤️花膠魯肉飯❤️花膠豐厚，爽滑彈牙🦷，魯肉非常入味，飯量充足，必食佳品！🙂總括而言，呢度既食物水準絕對唔差，好味到令人回味無窮，而且師傅非常有用心🤤，抵讚👍！

約人食飯，食物以外，最要考慮地點方便🏎️🚗。 尖沙咀絕對可以滿足晒港島人同九龍人既需求。 Openrice 咗一下， 海港城呢間台北棧就最好不過啦～😉我地6點就到左，唔洗等就可以入座👍🏻。店內唔算乾淨企理，感覺舒適😉講重點， 食物！＜鹹蛋黃芋泥球＞呢個波波有驚喜😄，內餡好足料，外皮炸得好靚， 完全唔油膩。🤩＜擔擔手工餃＞隻餃有我個拳頭咁大呀👊🏻! 大大隻又夠哂結實，餃子皮爽滑可口，非常好味🫶🏻。＜法國鵝肝牛舌芯湯麵＞牛舌沾上了鵝肝既味道非常惹味😆，肉質亦非常嫩滑，湯麵份量十足，值得推介!👍🏻我地仲叫咗＜蒜泥台灣水蓮＞呢個小食清甜但又香濃😋， 蒜泥多到不得了， 作為開胃菜非常合適。 🤤最後叫咗個＜抹茶奶奶麻糬＞作為抹茶控🍵， 呢個超級推介。 茶味香，真，濃。 麻糬軟淋淋得黎又夠煙韌， 兩個配合起黎可謂天衣無縫！😎呢餐飯性格比高，又超抵食又好味。下次會黎試其他野~!😆

同小朋友👦🏻出去食飯一定係諗岩唔岩佢食。西式通常有刀🔪危險，所以通常會選亞洲菜，口味亦比較岩佢。但又突然好好好想食鵝肝，Google 左一下， 發現左呢間台北棧，fusion 得黎又保留台灣特色， 一於我地一家人去試下！🤤🤤一坐底， 枱面擺放既餐具都乾淨， 唔係玻璃唔會跌壞，抵讚！👍👍先叫小朋友鐘意既野：《鹹蛋黃芋泥球》面頭炸得香脆鬆化，唔油膩又好味。😙《擔擔手工餃》呢個私心想食🥟，但又驚仔仔口食唔到辣， 所以叫左小小辣♨️， 夾咗一粒用水洗洗俾仔仔食， 肉餡多汁厚實，份量大到1粒佢已經食飽😅 我地兩公婆叫左呢D Share 食《法國鵝肝牛舌芯湯麵》我黎既目的絕對係食鵝肝。 鵝肝好足料，好rich 好滿足🥰， 牛舌鮮甜爽口，湯底香濃但又唔會搶咗鵝肝味， 好食！《麻醬涼拌秋葵》麻醬香濃幼滑，秋葵好新鮮夠爽口，其實不用點醬已經好好味。😄於是我俾左d小朋友試，佢一試愛上。💕呢間台北棧真心推介， 特別岩我地呢D有小朋友家庭，下次會約媽咪Group 一齊再黎👩‍👩‍👧‍👧👩‍👧