臺北棧 (港威商場)

营业中

休息中

今日去了海港城shopping，中午時分入了一間台灣菜餐廳，見裝飾得很夢幻，燈槽內發出粉紅燈光，雅座十分寬闊。員工的態度很友善。我點了-黑蒜牛肉麵轉粉絲有滷水牛肉，豆腐和蟲草花，再加了些生蒜蓉，令原本的黑蒜味更加提升。另外轉了粉絲，粉絲吸收了湯汁很入味，更可口。-招牌滷肉飯很喜歡滷肉夠juicy，還有蘿蔔拌飯，很入味-麻醬涼拌秋葵原條的秋葵加入麻醬，很爽口-手工鳳梨酥麻糬蛋撻是長型的，用了鳳梨醬焗烘，內裏是一層麻糬，配搭得很好-鳳梨苦瓜汁苦瓜汁有點甘苦，配了鳳梨汁可和了點苦味-香濃豆漿這是無糖的豆漿，非常健康

好耐之前食過中環既分店，今次行街喺尖沙咀見到呢間分店即刻想再回味一次佢哋整得好好食又特別口味嘅蛋餅！冇覺得改變到依然覺得好好食，今次係食皮蛋味嘅蛋餅，肉鬆超多！兩個人食得好飽！仲有嗌咗碟秋葵都係超多份量！開心滿足🥳

📍臺北棧🇭🇰 尖沙咀廣東道5號海港城港威商場2樓2204-6號舖都Bookmark咗呢間台灣菜一段時間～咁啱個排收到張$50 coupon 就的起心肝去😝😋 髒髒鹹蛋黃芋泥蛋餅 $88最期待就係呢個！成日都見到人地影係甜蛋餅～超級足料 好多芋泥 蛋好厚可惜覺得佢唔夠重鹹蛋黃味😋 招牌滷肉飯 $68正常！都幾好食滷肉半肥瘦 都多汁配隻溏心蛋同醃蘿蔔😋 擔擔牛肉麵 $138幾好味 唔算好辣但如果再重的花生醬味就會符合我expect嘅擔擔麵味～但舊牛肉都幾算好食！除左有一舊係咬唔開之外其餘都係淋嘅 或者係脆嘅😋 黑白配冰火湯丸刨冰 $108呢個好好食！鍾意佢配料夠多一半芝麻粉 一半黃豆粉 足夠夾埋下面啲冰食加埋大大粒嘅熱芝麻湯圓 爆曬餡 好正

之前帶媽媽和晴晴去了元朗YOHO食Check in Taipei，覺得環境都舒服，食物質素都滿意，所以今次收工就和Yan Yan 去尖沙咀分店。餐廳地方都好寬敞，光線充足，周圍都乾淨舒適。我們叫了一些前菜，小食，台式飯類，連飲品，人均消費$242左右。大阪燒海鮮蛋餅$128比塊臉還要大的大阪燒，海鮮配料多，魷魚爽口有彈性，蟹柳不停食都還有，大阪燒醬汁惹味可口，有日本風的感覺。櫻花蝦烏醋茄子$48酸酸甜甜，開胃醒神，櫻花蝦的口感和茄子有強烈對比，別有一番滋味。松露滷肉飯$88松露味好香，滷肉份量都好多，醬汁台式風格，食完好飽肚。手工鳳梨酥麻薯蛋撻$48.1個賣相精美，有點兒像超級大的鳳梨酥。外皮酥脆香口。麻薯加鳳梨的配搭，食得很滋味。鳳梨苦瓜汁$48微苦，鳳梨加苦瓜，清熱氣！香濃豆漿$32 無糖豆漿，健康！

香港人都幾鍾意食台灣料理, 尖沙咀係吃喝玩樂集中地, 想吃台灣美食也有很多選擇。這間台式餐廳位於海港城, 裝修清雅, 座位闊落舒適。招牌滷肉飯柔潤光澤嘅滷肉鋪滿飯面, 滷肉肉質肥美, 黏糯充滿膠質口感, 鹹香軟糯, 香濃滷肉汁沾滿軟滑飯粒, 香脆嘅酸蘿蔔和流心蛋, 正好平衡滷肉油膩感。櫻花蝦茄子茄子腍滑鮮甜, 夾著鋪滿碟面嘅櫻花蝦, 增添陣陣蝦香。話梅地瓜薯條地瓜條好酥脆, 蜜味香甜, 加上話梅醬汁, 起來更加美味。手工鳳梨酥麻薯蛋撻 熱辣辣金黃蛋撻賣相吸引, 餡料是雞蛋和軟綿嘅麻薯, 加上清甜蜜味嘅鳳梨蓉和香脆撻皮, 口感豐富。木瓜牛乳和芭樂牛乳味道好有特色, 充滿果香鮮味, 牛乳清淡滑溜, 口感順滑。

見到食評都唔錯所以嚟試下一到門口就見到長長嘅人龍好彩排咗大概40分鐘左右就可以入去裡面嘅環境都舒服嘢食都好快到重點係食物味道一般以呢個價錢可以有更多選擇同埋更好食

今次同朋友聚會，就約咗喺海港城呢間新食台灣菜餐廳。我哋一行四個人就嗌咗唔少菜式去試吓。我哋嗌咗兩份蛋餅一份係鹹蛋黃芋泥蛋餅，另一份就係原條鰻魚起司蛋餅。芋泥蛋餅個芋泥味好出加埋有少少鹹蛋黃點綴，食落去覺得係似甜品多啲，都好食。而原條鰻魚起司蛋餅就份量十足，成條鰻魚呈上。蛋餅個餅皮煙靭加埋起司同鰻魚好滿足。而另外我哋亦都嗌咗一碗招牌滷肉飯，滷肉肥瘦適中，夠撈成碗飯，加埋隻蛋幾惹味。飲品我自己就叫咗一杯蘋果苦瓜汁，苦瓜味好突出加埋蘋果小小嘅甜味，成個感覺就唔會偏苦幾平衡亦都好清新，啱晒清熱。甜品方面就叫咗個抹茶鮮奶麻糬麻糬質地煙靭，唯一略嫌鮮奶味唔夠足同抹茶味亦都唔太夠。整體嚟講呢度嘅價錢頗為進取，但係份量都算足夠，味道亦算唔錯，而地方亦都坐得幾舒服啱晒朋友聚會傾吓偈。

之前介紹過嘅鳳梨酥麻糬蛋撻出咗抹茶口味💚作為粉絲嘅我哋梗係第一時間去試吓🤘🏻😝.📍鳳梨酥麻糬蛋撻📍宇治抹茶鳳梨酥麻糬蛋撻之前介紹過佢嘅鳳梨酥麻糬蛋撻好好食🔥👍🏻！做緊全港獨市，第二度搵唔到😌有蛋香味超嫩滑🤘🏻，撻皮夠厚又香脆仲要夾住軟滑麻糬同酸酸甜甜嘅鳳梨肉🍍新出咗宇治抹茶味🍵，甜度比原味低啲我哋就鐘意原味多啲喇😚.📍雪Q餅包包雪Q餅即係雪花酥，相信香港人都食唔少不過我哋介紹得點會係普通嘢😎🤘🏻呢個加咗香蔥蘇打餅乾🍪，食落特別鬆化分別有抹茶蔓越莓同土鳳梨口味，都幾特別💛

Check in Taipei 一直都是其中一間我很喜愛的台灣餐廳，店員服務有禮，正如台灣人一樣熱情親切，而尖沙咀分店環境比中環更要大，坐得舒服，最適合與朋友聚會聊天。而每道菜既有台灣特色，亦會增添其他元素，令菜式精緻，味道層次豐富，絕對大推介，難怪每次到訪 都大排長龍。之前跟同事試過午市套餐，今晚就跟友人試試晚餐菜式。❤️明太子甜不辣 甜不辣作為台灣平民小食，把魚蝦肉製成漿再炸，口感煙煙靭靭，另外加上明太子作為醬汁，明太子的鹹香把炸魚肉味道提升，把平民小食層次昇華。❤️髒髒鹹蛋黃芋泥蛋餅蛋餅外皮做得又薄又煙韌，而中間芋泥軟滑香口，再配上面的鹹蛋黃碎，各種味道及口感幾為匹配，賣相討好又好味道，非常高質素。❤️招牌牛肉麵牛肉麵揀選刀削麵，麵質厚實又煙韌，咬落有口感。而湯底味道不會過鹹，帶點甜味，牛𦟌份量幾多，肉質煮得軟腍絕不鞋口，另外更有 一撮牛油在碗邊，可以與湯底混和，增添香味。❤️松露鲁肉飯滷肉飯上面的腩肉切得幼細，香口 而不油膩，調味亦不會過鹹，至於飯粒就偏濕潤，有米香。上面有黑松露，在本身已經香噴噴的滷肉上多添一份香氣，令味道昇華。❤️手工鳳梨酥麻糬蛋撻此甜品味道有驚喜，在台灣傳統鳳梨酥上

估唔到會係好評第2，其實初初都對佢有期望點了酸辣麵，好失望，過多的酸，令到湯底失色!牛肉本身係靚，好可惜係湯過酸，不夠香，更令牛肉失去卦汁的味道再點了魯肉飯，點知飯粒太軟，又濕!加上魯肉汁後，好似食bb飯咁!再來就是芋頭蛋餅，同樣地無乜味道🥲飲品算正常，劣食到極，好想知點解有咁多好評 我地都有點麻辣牛麵，朋友覺得正常可以叫Taro milk tea, 都算ok 黑糖drink都ok其次就叫了sweet potato fries , 仲有腸，都係正常

今年尖沙咀有好多好令既聖誕燈飾.係影相之前諗住係海港城食野先.好耐無食過台灣野,見到就決定入去試下!食物方面:⚪️三色鹽酥雞有三隻醬喺碟可以配鹽酥雞一齊食黑松露醬.冬陰功醬.芥茉醬三隻醬汁都好食.我最鍾意就係黑松露醬😋配搭外脆內嫩嘅鹽酥雞一流🙌🏻⚪️招牌牛肉麵碗邊有餐廳秘製嘅牛脂油.微辣加埋牛肉麵好香好好食.湯底好濃郁但唔會咸.牛肉係用咗牛腱嘅部份入口即溶.刀削麵都好吸湯好食👍🏻⚪️招牌魯肉飯魯肉肥瘦一半一半.滷得好入味.有汁唔乾送飯好味!⚪️伯爵茶凍愛玉芋圓第一次食呢個配搭.有多重口感.愛玉茶凍好滑.珍珠芋圓又彈牙.加埋綠豆.口感好豐富.整體唔會太甜好食🙌🏻⚪️芋泥牛乳係我最鍾意嘅飲品.好濃郁既芋泥無得輸!整體方面:餐廳裝修好靚.我地坐咗喺圓枱.我同BB都坐得好舒服.食物即叫即整.上菜都好快.唔錯👍🏻

因為疫情幾年沒去台灣。今日陪朋友來吃這家台灣菜，據說口味又正還有創新。鳳梨苦瓜汁很獨特的飲品，鳳梨的甜中和了苦瓜的苦，清爽而健康。宇治抹茶牛乳抹茶的香鮮與牛乳的醇厚相互融合，入口絲滑又濃郁。三色鹽酥雞很少吃到這麼大塊的鹽酥雞，外皮非常鬆脆，裡面雞肉很juicy。提供三款醬汁：松露，柚子和冬阴功湯，我最喜歡柚子，酸酸甜甜很解膩。鹹蛋黃芋泥球芋泥控絕對不能錯過，味道濃郁，但鹹蛋黃多一點就好了。蒜香三色香腸有飛鱼籽肠、原味、墨鱼三種味道，都很香，飛魚籽更有口感。招牌滷肉飯米飯蓬鬆，肉沫鮮嫩入味，這家的還帶點蒜香。手工鳳梨酥麻糬蛋撻結合了台灣的傳統製作方法，外層是酥脆的鳳梨酥，內部則是彈性的麻糬和濃稠的蛋撻。這種口感的組合非常有趣，而鳳梨的香甜和麻糬的Q彈口感相得益彰。這道點心絕對是一個必試的甜點。如果你對於傳統台灣菜有興趣，同時也想品嚐一些新穎的創意菜式，強烈推薦來Check In Taipei一試。

上星期和朋友到海港城，晚飯時間看到了這一間台式餐廳標準的台式餐廳菜單，此外還有不少是他們餐廳特製的新派菜式招牌魯肉飯，每次都台灣餐廳必點的菜式，肉燥入口香甜醬香味濃，配搭白飯一流紅豆豆乳，看到餐廳的飲品主打牛乳，特意點了這一杯，入口驚喜，紅豆香配搭牛乳入口香滑清甜招牌牛肉麵，香濃的湯底配搭特製的牛脂油，令到湯底多了油脂香，此外牛肉的份量不少，入口軟熟，麵條有質感入口香彈，是一碗高質素的牛肉麵此外更點了他們的其他小食，重點推介咖喱芝士吉列蝦蛋餅，入口充滿香濃的日式咖喱香味，配搭芝士和剛剛炸好的吉列蝦，口感充滿層次最後甜品點了他們的手工鳳梨酥蛋撻，外皮重牛油香，此外蛋撻內裏緊加添了麻糬，入口煙靭清甜，非常滿意

經過幾次係海港城的 臺北棧, 都會比佢裝修吸引, 今晚約左朋友食飯, 一於揀臺北棧。我亦係Openrice 睇到餐廳有特別好靚的卡位, 我地6點幾去到, 職員好細心咁安排卡位比我地。室內裝修精緻, 溫馨舒服, 係打卡好地方, 牆上掛滿台灣勝地圖畫, 好有親切感。臺北棧的餐牌甚吸引, 最LIKE係有埋圖片比你睇下食物的樣, 未食見到都流口水。我地ORDER以下 :肉鬆皮蛋蛋餅 $78櫻花蝦烏醋茄子 $48招牌魯肉飯 $68三杯片皮鴨胸刈包 $188手工鳳朵酥麻糬蛋撻 $48芭樂苦瓜汁 $52肉鬆皮蛋蛋餅上枱時已吸引, 蛋皮煎得不油, 入面充滿肉鬆, 皮蛋切成大大粒, 加上開胃的沙律醬, 層次感十分突出。好味又不膩櫻花蝦烏醋茄子雖然小食, 但份量絕不少。滿滿的櫻花蝦配上沾了烏醋的茄子, 一啖一口, 不但吃到淡淡的櫻花蝦, 茄子經煮過盡汲烏醋, 所以十分 JUICY, 好回味招牌魯肉飯果然係招牌菜, 整碗飯都舖上味香的魯肉, 而且是肉粒不是肉碎, 肉粒又唔鞋好有咬感, 喜歡它的醬汁鹹淡適宜, 佐飯的確一流三杯片皮鴨胸刈包好中意食刈包, 一呈上要快快食。每個刈包夠大片, 自已會夾多D鴨胸, 加

今日係港威大廈做完facial， 經過樓下海港城 見到有間 check in Taipei, 諗起之前食過佢個蛋撻鳳梨酥幾好食😚 於是就入去順便食埋lunch松露滷肉飯有驚喜🗯️ 本身擔心滷肉飯味道偏濃， 會搶去黑松露嘅味道， 但係居然出奇地夾😋😋😋 黑松露味再加滷肉嘅香味， 係相得益彰， 彼此都提升👍招牌牛肉麵呢款牛肉麵嘅湯底有藥膳味道， 都幾特別， 唔係平時食開嗰啲紅燒牛肉麵。 四大件厚切牛展， 牛展亦炆得好淋， 配上寬粉， 咬落煙韌✨咖哩起司吉列蝦蛋餅蛋餅就食得多， 咖哩味嘅蛋餅係第一次， 仲要配吉列蝦， 係日台mix and match， 感覺好似食緊變奏版嘅吉列咖哩蛋飯咁😁宇治抹茶鳳梨酥麻薯蛋撻之前食過原味蛋撻鳳梨酥已經覺得唔錯✨ 今次呢個期間限定抹茶味更加有驚喜😋😋😋 綠茶味嘅蛋撻入口好滑流🤤 綠茶味夠香濃， 中間有層煙韌嘅麻薯增添口感👍 底層係新鮮製鳳梨餡配牛油撻底， 成件事味道好夾👍👍👍 綠茶嘅甜點亦可以減低飽滯感， 真係好正😋芭樂苦瓜汁苦瓜汁可以清熱氣， 芭樂係台灣人好鍾意食嘅水果， 兩樣加起嚟一齊， 可以代表到台灣🤔 苦瓜汁本身味道帶甘， 配搭芭樂汁可以令到感覺更加清