至尊雲吞麵雞煲

营业中

休息中

聽朋友講荃灣最近開左間新任食雞煲店，用料唔錯，仲要好抵食，身為邊爐精嘅我點都要試試佢！到咗門口店員好有禮貌好有笑容出嚟招呼我哋💯我地揀左至尊惹味雞煲，可以冇限加雞，雞煲黎到已經聞到好惹味，雞件好大件，味道同岀邊食嘅雞煲唔同，唔覺有太重味精，整得好香口肉質又嫩滑😋食雞食得差唔多我地加湯打邊爐，配料都有好多野揀，用料品質一啲都唔揸流灘喎，等我介紹下幾款必食！🥢炸饅頭我地食左兩轉，一定要趁熱食，外脆內軟加埋啲煉奶冇得彈🥢肩胛肥牛片 唔係其他放題咁雪到硬哂，肉質望落係好唔錯，食落有牛味都重🥢豚肉片，冇雪藏味，烚完又唔乾，好味道🥢OPPA魚板，好少係放題見到有呢樣野揀架，叫左4串都回唔少本😝🥢韭菜餃、鮮蝦雲吞同爽口水餃店員介紹呢3款都係自家製，我特別喜歡食韭菜餃，粒粒都好大粒餡料好飽滿💯飲品除咗一般汽水之外，仲有羅漢果杞子菊花茶、咖啡、奶茶同豆漿等等我就試咗杯奶茶超有港式風味，奶香茶濃😋而羅漢果杞子菊花茶夠哂下火👍🏻我地2個人食埋單都係$376，太太太抵食啦！

舊嗰個冇咗之後呢個舖位一直都裝修緊直到幾個月前重新開返變咗任食雞煲依然係有兩層，環境光猛變晒梳化好新淨趁平日收工去食係178一位食兩個鐘其實都做好心理準備佢咁平唔會正得去邊點知認真唔錯～糧尾嗰陣可以去試吓？🤣雞煲揀咗小辣～汁唔多但唔會覺得太乾煎返有少少燶啲雞皮好正！肉唔會柴個味係正常辣唔會太鹹～所以加咗湯打邊爐係偏淡口唔會好濃特別一定要提嘅係雖然佢嘅配料唔多但佢竟然有芝士竹輪！！放題芝士竹輪啊！！肩胛牛/鵝腸/水餃都唔錯～上得快又乾淨每樣嘢少少地咁上，食完先再嗌唔洗急有兩個鐘係可以食得比較chill😝汽水任飲之外仲有啲茶餐廳嘢飲都係任飲唔鍾意飲汽水或者驚肥嘅就有多個選擇佢開到凌晨十二點不過十一點last order 冷氣超強啱晒夏天去食～我食咗兩個鐘唔夠，件衫係冇雞煲邊爐味嘅😆最後想讚吓啲姐姐服務友善又夠主動～任食打邊爐嚟講服務都好重要㗎😆

窩夫與蝦子餅之前吃過元朗的「至尊雲吞麵雞煲」不只一次，最近光顧它在荃灣開的新店。荃灣新店有兩層，窩夫與蝦子餅坐在地下的卡位。先來雞煲，可按照個人口味選辣度，窩夫與蝦子餅選了走辣，上桌便傳來芫荽的香味。拌勻一下便開動了，雞的份量不少，頗多肉，肉質不錯，不會太乾。雞煲是任食的，吃完一輪便對職員說句「加雞啊！唔該！」還是走辣的雞煲，繼續大件厚肉。任飲的飲品可選羅漢果杞子菊花茶、豆漿、咖啡、奶茶、檸茶、檸水及各式汽水，窩夫推介自家製的羅漢果杞子菊花茶，健康正氣。炸饅頭新鮮炸起熱辣辣，外脆內軟，難怪人氣那麼高。吃完雞煲便加湯打邊爐，有超過50款火鍋配料任點任食。OPPA魚板是較少見的火鍋配料，值得一試。豬膶處理得不錯。鮮牛丸比魚蛋好吃。蔬菜方面，萵筍和白蘿蔔都好吃，粟米切成薄片，方便進食。芽菜亦屬不常見的火鍋配料，口感爽脆，是蝦子餅的最愛。紅薯粉滑溜溜的，口感彈牙。

今日行經荃灣同朋友上去食雞煲，經過一間店舖店舖入邊很細，但位置尚算闊落！卜卜蜆雞煲小辣$188 （卜卜蜆+98）卜卜蜆份量適中，味道不過不失，呢個價錢算係咁，雞嘅份量好多，淨係食雞都食飽咗了🤣🤣嫩滑的雞肉和新鮮的蜆肉，店內環境舒適，非常適合聚餐。食到中間部份店員會幫你加清水，咁就可以繼續打邊爐啦，我哋叫咗魚片，魷魚，雲吞，烏冬同生菜，魚片好食，好滑，不過好多骨，魷魚脆卜卜好爽口，生菜都係鮮甜可口，雲吞入邊嘅肉好大粒，烏冬煙煙韌韌咁樣忍唔住食咗兩包🤣🤣小食方面我哋仲叫咗炸饅頭添配煉奶食好食！飲品方面就有可樂，忌廉和芬達，凍檸茶等等總括嚟講$188食到咁多嘢都算抵至尊雲吞麵雞煲 (荃灣)荃灣鱟地坊48–68祐建樓地下A號舖

荃灣呢條街好多唔同嘅餐廳！比呢間吸引咗😍門口大大隻字記住火鍋放題，雞煲無限食！即刻就揀咗呢間餐廳食晚餐。佢晚市雞煲放題，平日$178 一個人，仲免加一，唔包括收費小食同啤酒。有張紙仔有11款鍋底同埋好多配菜揀。雞煲揀咗bb辣，好惹味，雞肉好嫩滑！唔會好多碎骨，食得出師傅斬雞嘅刀功好好！雞件大小適中，非常入味！食完唔夠仲可以無限加，真係好抵玩！之後就可以加湯打邊爐。揀咗娃娃菜，生菜，肩胛肥牛片，豬肉片，豬潤，牛柏葉，蕃茄，仲有最最最最吸引嘅芝士竹輪😍😍😍真係太開心！雞煲任飲任食嚟講，呢間真係性價比最高！

📍 至尊雲吞麵雞煲｛荃灣｝至尊好多人都聽過佢嘅雞煲係任食，當然我都係因為佢平，底食同仼食，加上$200都唔使就可以食兩個鐘，火鍋嘅配料基本上都有，所以今日我就揀咗做宵夜，其實最主要都係食佢嘅雞煲，打邊爐都係其次。雞煲我揀左勁辣，係最辣的辣，辣得好過引，辣度可以自己揀，都可以揀唔辣，雞肉質地嫩滑同時有咬口，雞件本身已經輕輕炸過，鎖住左肉汁🐔 再搭配自家秘制的醬汁，辣中帶甜，層次豐富！雞煲啲醬個調味唔太濃但剛剛好！🩷必食鵝腸！每一條都吸滿雞煲的精華，入口爽脆，帶著濃郁的辣香，好似係個口至開Party🩷之後我哋就打邊爐🍲打邊爐可以額外加錢升級湯底，咁就唔使用佢雞煲嘅汁去打邊爐，另外仲會有加錢嘅小食！絕對值得一試🥢飲品都係任飲‼️咁就完成咗我一日嘅旅程，食埋個宵夜返屋企畫上。

今天去了荃灣一間主打鷄煲火鍋小店，環境寬敞，設有卡位，每人只需$178, 就可任飲任食兩小時，以其香濃入味的雞煲和多款地道港式美食聞名!值得一提係可以火煱無限次加鷄，仲有唔同辣度任均選擇，仲包埋羅漢果杞子菊花茶、豆漿、咖啡奶茶罐裝飲料任飲!食物都認真唔錯，雞煲湯底帶有微辣香氣，層次豐富，既刺激味蕾又不油膩，適合喜歡重口味的食客。雞煲內除了主角雞肉，還會加入洋蔥、芫荽等配料，增添清新香氣和平衡口感。待雞肉品嘗完畢後，利用剩餘的濃湯打邊爐，加入各種火鍋配料如丸類、蔬菜和豆腐，讓整體用餐體驗更加豐富多元，兼具雞煲與火鍋的雙重享受。

🍽️食物方面： 🐤2hrs至尊惹味雞煲放題💲178雞煲唔會一嚟就好鹹 加芫荽超香大嚿多肉 2個人淨食雞都飽咗8成叫咗生菜🥬Oppa魚板🐟蟹味菇🍄‍🟫玉子豆腐👶🏻紅薯粉🥔炸饅頭好脆😍想試埋油炸鬼浸湯食👻但食唔落lu🌼羅漢果杞子菊花茶好香好濃🍋檸水唔會太甜🫛下次試豆漿另有魚煲/大碟飯選擇💲55好抵食📷打卡方面：加雞啊唔該霓虹燈🔈環境方面： 新開乾淨多位 有2層staff nice 主動加嘢飲加雞💬其他資訊：至尊雲吞麵雞煲 📍荃灣鱟地坊48–68祐建樓地下A號舖

黎到荃灣食好西🤤發現呢到雞煲平日$178就可以任食2個鐘！打邊爐配料同雞煲湯底選擇都好多有成11款😍同朋友揀左BB辣 勁惹味對於唔太食得辣嘅都啱啱好👍🏻除左汽水之外豆漿/羅漢果/檸檬茶/奶茶都有埋自助配料最基本嘅辣椒 蒜 蔥都齊曬雞煲爆得好香而且唔算好油啖啖肉得黎都好滑嫩！食到尾都唔覺得鹹/特別口渴👍🏻中途仲可以加雞，一人份量都好多又係好多肉😋加湯打邊爐嘅湯底味道亦唔錯鮮牛肉/蟹籽包心丸/鮮蝦雲吞/紅薯粉/豬紅/娃娃菜全部都好新鮮鮮蝦雲吞好彈牙推薦👍🏻牛肉亦唔會太肥😋紅薯粉煙煙韌韌又吸湯超正最後食埋個炸饅頭🤤新鮮炸起外脆內軟

加雞啊唔該，就係佢地既口號～2條友食多左一次一人份量既加雞咋，己經好飽同埋都真係幾好味，食完仲可以打邊爐，紅薯粉係雞煲邊爐必備，佢個紅薯粉好軟好入味好Q彈，佢地飲品都係任飲，羅漢果杞子菊花茶，同埋豆漿都好飲新店開張埋單仲有9折超抵食～開心仔如果唔想食放題，佢都有得散叫雞飯，酸菜魚之類，下次過黎再試下。

好友約我去位於香港荃灣鱟地坊48-68號祐建悽地下A號舖0的《至尊雲吞麵雞煲》食晚餐，餐廳有2層，環境舒適，坐得舒服。我地點左2位至尊惹味雞煲（走辣）加配火鍋放題 $376🥢至尊惹味雞煲可揀辣的強度，我揀走辣。原來，食雞煲係可以「唔該加雞啊」的放題，雞煲好快就熱辣辣地上檯啦，雞肉爆炒得皮脆肉香，伴菜的芫茜、洋葱、蒜片，加上惹味醬汁，令人食不停口。🥢火鍋放題食完雞煲後，店員馬上換清湯來打邊爐，我地食左：娃娃菜、生菜、 鯇魚腩、oppa魚版、 鮮蝦雲吞、韭菜餃、蓮藕片、蕃茄 ，材料豐富又新鮮。🥢飲品任飲羅漢果杞子菊花茶和檸檬菜蜜都係清熱潤喉的最佳飲品。

講咗好耐話想試呢間雞煲，今次終於黎食啦。點解想試？因為聽講又平又扺食，仲要咁嘅質素，真係好少有！一入到餐廳，啲樓面哥哥姐姐好好笑容，又有禮貌，服務幾好，唔怪得咁多人食👍至尊惹味雞煲黎到呢度一定要食呢個雞煲，雞肉唔會太腍太老，滑得黎香料醬汁好足好惹味，岩晒我呢啲重口味人士！重點係…我地食完一輪，原來仲可以免費加雞任食到飽架🤣啲雞係會忍唔住一舊又一舊食晒佢，呢個任食雞煲真係好貼心，食完都仲會對佢念念不忘😂火鍋配料食完啲雞，咁都要試下火鍋嘅，睇過張menu，其實選擇算好多，味道就同出面大同小異。我對火鍋配料印象最深刻嘅，應該就係個芝士竹輪。佢成為我最喜愛火鍋配料，沒有之一，必食！炸饅頭講起至尊名物，呢個炸饅頭係世一。饅頭岩岩炸出黎，外皮香脆，熱辣辣，出面再加淋上大量煉奶，好食又邪惡到真係冇得輸。依家打緊食評都忍唔住吞咗下口水🤦🏿‍♀️一句講晒，一定要試！總括而言，呢間係一間我地會encore嘅餐廳，大家有興趣嘅都過嚟試吓，係值得一試嘅👍

一年四季都冇阻香港人打邊爐食雞煲，位於荃灣，新開咗一間雞煲放題。晚市最平可以去到178蚊，真係好抵食。餐廳裝修得好光猛，有地下同樓上。我地星期五晚去，好多人，最好預先訂位。唔想食雞煲，都可以選擇烤魚煲、蘿蔔牛腩煲、五指毛桃煲等。 食雞煲，仲可以無限續雞添😆啱曬雞煲控一上枱嘅雞煲熱辣辣，食落雞肉結實多肉，醬汁調味剛剛好，配上芫茜洋蔥，惹味十足！👍食完雞煲，可以無限添加唔同火鍋材料：店員推介左幾款，分別有肥牛、鮮牛、鵝腸同其他蔬菜。 全部都好新鮮，唔肥膩。 全部食物都沾滿了雞煲醬嘅味道，食得好滋味！😁除左放題，仲可以單點飯餐，送飲品及小食。新開業仲做緊特價，所有食物都有九折！

久不久便會想吃雞煲，這家雞煲以前在天水圍吃過，味道不錯，見到荃灣也有分店，來試試，$188/位炸饅頭除了雞煲，炸饅頭也是這裏的名物，於是我們點了兩個，炸得香脆裏面鬆軟，推介惹味至尊雞煲辣度可以自己選擇，我們點了小辣，雞件已經炒熟上桌，味道以獨門秘方配製，惹味濃郁，香氣撲鼻，雞肉嫩滑，由於雞煲也可以任吃，我們總共加了三次每次吃完，店員都會很熱心地問是否需要加雞或是轉火鍋，態度很好之後加湯轉成火鍋，超過50款配料任吃，特別一讚是肥牛，並非用大量肥油的牛肉，脂肪不多，肉味較濃，我們點了幾次都一樣高質另外推介芝士竹輪，在外面自己買特別貴，其他配料都很新鮮，性價比超高飲品任飲罐裝飲品可在雪櫃自取，其餘茶餐廳飲品，例如奶茶檸茶等，可在app下單，同樣任飲價錢不貴，每位不用$200，雞煲和火鍋配料任食，下次與朋友再來

荃灣竟然有$200內雞煲火鍋任食😱😱😱仲有得無限加雞估唔到餐廳最多人食既除左雞煲第二名就係 炸饅頭😍😍😍食物種類多到爆 好多特別野食OPPA魚板 麻辣牛丸 竹昇麵🤣🤣最開心係有豆漿任飲🫘🫘🫘雞煲惹味 好香好香 唔會太麻雞件先炸後抄 索曬d味 係乾身D既雞煲 亦唔會油都加左2次雞先落湯打邊爐🙈🙈🙈點估到有新鮮炸饅頭食係每枱人氣食品 炸得岩岩好 勁脆雖然會好飽肚 但真係，好食👍🏻👍🏻👍🏻