之前食過元朗分店，荃灣分店第一次！
今次揀咗藥膳雞煲湯底，一上枱就好香濃嘅藥材湯味
雖然藥材味濃但一啲都唔苦，雞件啖啖肉，食落嫩滑入味。雞煲煮耐少少啲汁會越滾越香，好啱配公仔麵或者烏冬。雞件唔夠食，仲可以任加！
配料選擇多樣，有肥牛、雞子、韭菜餃、蟹柳唔同嘅丸類～
蔬菜都有好多選擇，例如金菇、娃娃菜、粟米、萵筍都新鮮爽口，吸晒雞煲湯底好惹味。
飲品方面可以任叫水吧，有凍檸茶、凍奶茶、檸水等，豆漿推介！濃郁順滑，唔會太甜。
另外不得不提個小食——炸饅頭，炸到外脆內軟，配煉奶一齊食好香甜，幾乎每枱都會嗌。
每位約 $200 有找就可以任食，選擇多又高質，CP值超高，無論同朋友打邊爐或者家庭聚餐都好啱。
